بالمكان البعيد
علي: كيف ابوي يسوي كذا بعمي كيففف ماقد ضره بشي ولا زعله ليه يسوي فيه كذا لييييييه!!! كان معاه بكل خطوه يخطيها معاه بالايام السود قبل البيض كيف هانت عليه العشره معقوله رفيق الطفوله يسوي فيه كذا
" كان شعور الخذل والانهيار ينتابه "
أبو علي: يلا انا بروح مع السلامه
وقف علي بيواجهه يبي يعرف كل شي
ابو علي: عليوي! وش جايبك هنا
علي: انت اللي وش جايبك هنا
ابو علي: وجع اقصر صوتك وجاوبني وش عندك
علي: شفت السياره واستغربت انك هنا يابو عشرين
ابو علي: وش قاعد تهبد انت
علي: يصير تقول وش العشرين اللي لك ساعه تعيدها؟
ابو علي: وانت وش دخلك امش قدامي لاهفك كف
علي: يبه
ابو علي: وشعندك
علي بتوتر: انت اللي قتلت حلال عمي؟
ابو علي: وشهوو!!!!!! قص يقص لسانك وش قاعد تقول يالرخمه انا اقتل حلال اخوي
علي: اذا مو انت وشهو العشرين اللي تردده من اليوم
ابو علي: اقول اسمع لو بتعيد ذا الكلام ثاني مره مايصير لك خير
دخل عليهم ابو عدنان: اوهه ابو وافي هنا وشعندك
علي: مو عاجبك وجودي!
ابو عدنان: لا حياك الله تلعب معنا؟
علي: وش
ابو عدنان: بولينق وجبنا على الفريق الثاني انا وابوك عشرين
علي بصدمه: كفو
ابو علي بصوت جهوري: يلا حنا نستاذن فمان الله
ركبو السياره وكان صمت
علي: يبه
ابو علي: اسكت ولا عاد تكلمني
علي: افا يايبه تزعل مني
ابو علي: لاتكلمني ولاعاد تقولي يبه اجل انا ياعليوي اقتل حلال اخوي ورفيق عمري انا ياعلي توقعها مني
علي: لا والله ولا فكرت فيها بس يابوي سوء فهم والله
ابو علي: هالسوء الفهم لو ماجاء ابو عدنان مكان صدقتني اقطع ولا تكلمني والا والله لانزل
علي: يبه استهدي بالله لاتكلم كذا والله لو احد بمكاني وسمع كلامكم وهم مايعرفون من اللي مسويها بيسوي نفسي
ابو علي: بس انا ابوك
علي: طيب انا اسف وحقك علي تكفى بس لاتزعل مني
سكت ابو علي ومارد وعادت لحظه الصمت لحد وصلو بيتهم
-
بيت ابو سلطان
جود: تخيلي اليوم سجليه بالتاريخ
لينا: ليه
جود: ديم جتني
لينا: وشهو
جود: بسم الله شفيك
لينا: ديم انتي جايتها؟
ديم: اي
لينا: ماشاء الله تبارك الرحمن وصلتي جود وانا ماتقدرين
ديم: المرات الجايه ابشري
لينا: ياكم نسمعها ولا صارت
ديم: والله وعد
جود: طيب غدير شفيها ساكته ومالها خلق
ديم: غدور شفيك
غدير: انتي اسكتي لاتكلميني
ديم: افا ليه
غدير: رايحه لجود وماقلتي لي
ديم: والله صدفه كذا قلت بروح لها
جود: خلاص عاد حاسديني
ديم: يمه حسسوني ماقد جيتهم
جود: معليه هذي نتايج اللي مايطلع كثير
لينا: قصدك اللي مايغير
جود: شلون
لينا: يعني مثل تروح لغدور واجد بس حنا لا عشان كذا
جود: تستاهل
غدير: وشعليكم منها بيوتكم بعيده وبيتنا قدامها
لينا: مو كنتي زعلانه
ديم: يعني تستغلون زعلها ضدي
غدير: حتى لو اني زعلانه لاتزعلون ديوم
ديم قامت حضنتها: يااااروحي اسفه والله اسفه
غدير: اخر مره!
ديم: وعد اخر مره
جود: عطونا العلوم وش الجديد
لينا: من فيكم ناويه تتزوج بسرعه شوفو لنا صرفه نبي حفلات
غدير: والله تزوجي انتي انا مابي
ديم: منجد خلينا نستانس لزواجك
جود: ههههههههههههه
لينا: جعلكم ماتتزوجون
الكل: ليييينناااااااا
لينا: وجع وش تبون مو قلتو ماتبون تحملو
جود: فرحينا بزواجك
لينا: لا احنا صار عندنا عرس نبي برا بيتنا
التفتو لغدير كلهم
غدير: بسم الله شعندكم
جود: مافكرتو تزوجون احد من اخوانك
غدير: سلطان يقول مايبي
لينا: والباقي
غدير: يبون بعد سلطان
وجلسو يسولفون مابين ضحك وطقطق
_
العيال
عمر: يارياجيل ياخي احس ضيقه
ماجد: من شنو
عمر: من المكان ابوي وتعبان واهلي عندهم ضيوف ودي نغير شوي
نايف: وين يعني
عمر: نطلع للبر
ماجد: ناوي تذكره
سلطان: مالها داعي بقول لابوي نروح نخطب
نايف: احلف
عمر: الله واخيراً
ماجد: هههههه مبروك مقدماً
سلطان: الله يبارك بعمرك وانتم ياخبول اهجدو
ماجد: ههههههههههههه
عمر: مايضحك
نايف: بسرعه متى تبي نروح
سلطان: الحين خلني اقوله وبعدها نشوف
نايف: طيب وش تنتظر قم رح له
سلطان: لا بقوله اذا راحو اللي عند امي عشان كلهم يكونون متواجدين
ماجد: اي كذا افضل
-
ابو راكان: الا يافهد وش ناوي عليه
ابو سلطان: بخصوص وش
ابو راكان: الحلال الباقي تبيعه ولا
ابو سلطان: لا وشهو له ابيعه
ابو راكان: مدري يمكن
ابو سلطان: لا مافكرت
ابو محمد: اسمعو شرايكم نطلع للبر حنا والاهل نغير جو
ابو راكان: والله فكره زينه شقلت يابو سلطان
ابو سلطان: قدام ماعندي مشكله متى تبون
ابو محمد: بكرا والعشاء علي
ابو سلطان: تم وعساك على القو
ابو محمد: تسلم
ابو راكان: يلا إنا استاذن برقد ورانا صلاه وبقول للاهل يجهزون
ابو محمد: يلا يلا وانا بعد فمان الله
ابو سلطان: اقعدو شوي
ابو محمد: بكرا نتونس بروح انا بعد اقول لهم يجهزون حق العشاء وهذا
ابو راكان: اي نلتقي بكرا على خير
ابو سلطان: زين مع السلامه
طلع ابو محمد واتجه لبيته
وابو راكان شاف العيال جالسين بالحوش : عمر قم قل لام راكان تجي بنروح
عمر: ابشر
ماجد ناظر نايف فهمو لبعض وضحكو
سلطان: شعندكم
نايف: ولا شي
ماجد: هههه
نايف بهمس: اسكت لاتفضحنا
عمر: يقولون يلا جاايين
-
ام راكان: يلا جود يامي مشينا
جود: تسمعون يلا يابنات مع السلامه
غدير: بدري ليه الحين
جود: وين بدري شوفي الساعه كم
ديم: كم؟
جود: ١٠ ونص
لينا: هيييي وشهو ١٠ ونص وامي ماقامت
غدير: هههههههههههههه تبين تروحين
لينا: لا بس غريبه هي قالت ماتطول
ديم: يمكن عجبتها الجلسه
جود: يلا باي
الكل : باي
ام سلطان: مع السلامه وسلميني على لين
ام راكان: الله يسلمك
ام علي: يلا حتى انا بروح
ام سلطان: منو يوصلك
ام علي: كل اليوم ادق على علي مايرد
ام سلطان: تبين العيال يوصلونك
ام علي: اي شوفيهم
ام سلطان: غدير قومي شوفي واحد من اخوانك يوديهم
غدير: ابشري
راحت غدير الحوش الثاني وقفت عند الباب: في احد
سلطان: اي قم نايف شف شعندها
نايف: هلا شعندك
غدير: ام علي تبي احد منكم يوصلها
نايف: تكفين لاتقولينها
غدير: والله بسرعه شوف من
نايف: اصبري اشوف عمر
راح نايف لعمر
عمر: انت فاضي ودها مالي خلق
سلطان: قم بس
عمر: تعطيني سيارتك
سلطان: يلا
عمر: اجل عطني بشغل السياره وانت قل لهم يجون
نايف: يلا خلهم يطلعون
سمعت غدير وراحت: يلا خالتي عمر ينتظرك برا
لينا: يوهه ماكان لازم يمه
ام علي: امشي بس مافي غيرها تبين نروح فالليل مشي
لينا: خلاص كل شي راضيه فيه الا نروح مشي
ام علي: فمان الله
ام سلطان: فمان الله
لينا: باي بنات
غدير وديم: باي زورينا عاد ثاني مره
لينا: ان شاء الله
-
بيت ابو راكان
راكان: ليونتي
لين: عيونها
راكان: ياجعلني فدا عيونها
لين استحت
راكان: يافديت اللي يستحون قربي تعالي عندي
لين: مكاني هنا حلو
راكان: تراني زوجك خلي الرسميات تعالي اجلسي عندي
جلست عنده وحط عيونه بعيونها وحضنها
لين: راكان بعد تخيل يجون ياخي
راكان: زوجتي وش فيها
لين: اف منك بعد
راكان: طيب بوسيني
لين: وشهو
راكان: بسم الله عليك بوسيني من عند خدي
لين ابتسمت وباسته فزو من جود فتحت الباب وانصدمت
جود: حسبي الله عليكم ياخييي انتم ماتستحون ضاقت الاماكن عشان تصيرون قدام الباب
لين: اسكتي لايسمعون الحمدلله انتي ولا عمي وعمتي
جود: خوش انتم متعمدين بتجلطوني
راكان: افا نوقعينها تجي مني
جود: اييي اتوقع اكثر روحو من قدامي الله ياخذ عدوكم خربتو جوي انتم ورمنسيتكم
جود: ابشري يلا تصبحين على خير
-
بيت ابو سلطان
ابو سلطان: ياعيال وينكم
ام سلطان: وش عندك
ابو سلطان: وين العيال
غدير: هذاني جيت امر ولبيه ياعيوني
ابو سلطان: لبيتي حاجه يابوك وين اخوانك الباقي
غدير بصوت شبه عالي: ناااااايف عمرررررر
سلطان: اقصري صوتك الناس نايمه
غدير: شرف سلطان وين الباقي
عمر: خير وش الصراخ
نايف: شفيه
غدير: يبيكم ابوي
ابو سلطان: تعالو اجلسو
نايف: سلطان قلت له الموضوع؟
سلطان: لا
عمر: اجل شعنده
ابو سلطان: مو وقت همسكم انت وياه اسمعوني
الكل: سم طال عمرك
ابو سلطان: بكرا بنطلع للبر نغير جو ملينا من الجلسه بالديره
ام سلطان: والله انها فكره زينه ضاقت صدورنا من البيت
غدير: الله وناسه بنطلع
عمر: والله قلت لهم بس رفضو
نايف: سد حلقك
ابو سلطان: زين هذا عندكم علم باذن الله العصر نكون خالصين ونحرك
نايف: يبه سلطان عنده موضوع
سلطان: جعل بقعا تصيبك انطم لاذبحك
ابو سلطان: خير يابوي وش عندك من موضوع
سلطان: ماعندي موضوع يايبه
عمر: الا والله عنده اخلص قل
ام سلطان: ياوليدي عملنا علامك
ابو سلطان: هات اللي عندك يابوك
سلطان: والله يابوي فكرت بكلامكم واشوف اني جاهز
ابو سلطان: اي كلام!
سلطان: اخطب
ام سلطان بفرح: الحمدلله وهذي الساعه المباركه ياروح امك
غدير: وشهووووو الله ونااااسه بصير اخت المعرس
نايف: عشان تتدلع وتشوف نفسها
غدير: انت مالك دخل
سلطان: يحقك لها دامها اخت سلطان
غدير: جعلهم فداك
عمر: على كيفك جعلك فداه انتي مو حنا
غدير: اسكت انت الثاني
نايف: ومن الاول قولي عشان اسطرك
غدير لفت: يعرف نفسه
ابو سلطان: جعله مبارك ومن تبينا نخطب
سلطان: بنت ابو بسام
ابو سلطان: والله النسب الزين
ام سلطان: انشهد والبنت ونعم فيها
غدير: يمه مين هذي
ام سلطان: غزيل اللي جت لعرس راكان
غدير: ايييي سلطان محظوظ البنت ماشاء الله عليهاااا جمال
عمر: ادعااس
نايف: من طول الغيبات جاب الغنايم
عمر: شدخل
نايف: كيفي انا بقولها شدخلك انت
عمر: الله يشفيك
نايف: امين وياك
سلطان: اسكت انت وياه ياحبكم للمحارش
ابو سلطان: خلاص بعد بكرا نروح لهم
ام سلطان: وليه مو بكرا
ابو سلطان: بنروح للبر
ام سلطان: عادي نأجله يوم ثاني البر بس خطوبه وليدي ابيها بكرا
نايف: يمه وشعندك مستعجله
ام سلطان: تلومني صار لي اكثر من سنه ابي افرح فيه
عمر: ولا ماتبين تفرحين فينا افا
نايف: نسوي زعلانين
عمر: ههههههههه قدام
ام سلطان: اقول انطم انت وياه كلكم ابي افرح فيكم بس هذا اخوكم الكبير وانتم جايكم الدور
نايف: جعلني فداك
عمر: ايوالله
ابو سلطان: وشلون تبين نروح بكرا وحنا معزومين للعشاء بالبر مع ابو محمد وابو راكان
نايف: هاااه
عمر: وجعاه
نايف: عمر قسم بالله لو ماتسكت اني لاذبحك
عمر: اتحداك
نايف قام وطقه بالمخده
عمر: اح يبه شوفه عشاني اصغر منه يطقني
سلطان: ياحياتي مسكين
نايف: كلمه وحده بتجيك اقوى منها
ابو سلطان: وجع قم وقف بالزاويه انت وياه
غدير: ههههههههههههههه
نايف: يبه والله ماقلت شي هو بدا انا اسولف معاك ويتدخل
عمر: كذاب ماقلت شي هو يتحدا
ابو سلطان: بتقومون ولا انا اقوم عليكم
قامو وقفو بالزاويه
ابو سلطان: لفو وجهكم على الجدار
سلطان: ههههههههههههه عزتي لهم
غدير: احسن خلهم يهجدون
ابو سلطان: اسمعو بنروح العصر نخطب ونوجه للبر تجهزو لاتقولون ماقلت لكم
غدير: يسسسسس ونااااسه نروح البر مع البنات
ام سلطان: بالمبارك ياروح امك
سلطان بخجل: الله يبارك فيك
غدير: اوههه سليطين مستحي
عمر: يبه روجولي ذبحوني بجلس
غدير: احسن انطقو
ابو سلطان: اسكتي لاخليك تصفين معاهم
نايف: اي يبه تكفى
ابو سلطان: يلا الكل يروح لغرفته يرقد ورانا مشاوير وكشته وياويل اسمع صوت او اعرف احد منكم مارقد
نايف: يعني اتحرك
ابو سلطان: اي يلا كلكم
الكل :ابشر
