بعد اسبوع من ايام العيد وكانت اجمل ايام لنايف وغنى
ام سلطان: بالسرعه هذي مايمدينا
غدير: وشهو
نايف: تحدد زواجك ياعروسه
غدير بتوتر: هاه شنو متى ومن قال
نايف ابتسم: ماجد قال وزواجك بعد اسبوع
ام سلطان: مايمدينا كيف كذا
غنى: اي مره مايمدي
نايف: انتي حلوه لاتفكرين وش تلبسين كل شي تلبسينه يطلع عليك حلو
غنى بابتسامه خجل: مو وقته يانايف
نايف: وانا صادق
غدير: مابي مابييي
نايف: وش ماتبين على كيفك
دخل عمر: وش السالفه
نايف: غدور بتتزوج
عمر بابتسامه: اوه بنفتك من ازعاجها
نايف: اييي
غدير: بنشب لك هين
عمر: متى تروحين
غدير: وين اروح
عمر: اقصد متى زواجك
غنى: ههههههه عمر حرام عليك البنت متوتره مو وقت مزحك
عمر: امزح والله عسى الله يوفقك ويسعدك
غدير: اي اول مره يقول كلام حلو
عمر: احمدي ربك
غنى: طيب الحين وش بنسوي
ام سلطان: نشتري تجهيزات غدير اول شي وبعدين انفسنا
غنى: اي اغراض العروس اكثر ويبي لها وقت
غدير: بروح الغرفه
نايف ضحك بصوت عالي: تبين نكنسل الزواج ماعندي مشكله بس لاتتوترين
ام سلطان: ياعمري لابد منها
غنى: ايوه
نايف: يلا عقبالي
غنى بعصبيه: وشهووو!
نايف ابتسم: اقصد ولدي ولدي
غنى: اي جرب تقولها ثاني مره
نايف: وش بتسوين
غنى: جرب انت بس
نايف: لا الثانيه ولا الثالثه انتي وانتهى
غنى: وش شايفني انت
نايف: علامك
غنى: تراني مو خفيفه من كلمه اصدق
نايف: هههههه احبك
غنى ماردت
نايف: افا
غنى: وش
نايف: اقولك احبك
غنى: طيب؟
نايف: يعني كذا
غنى تلعب بشعرها: اي
ام سلطان: يمه منكم اهجدو
عمر: احس اني استحيت وانا مالي دخل
نايف يمثل الحزن بمزح: اخ وانا اخوك اقول لها احبك ولا قالت لي شي
غنى بدلع: ياعمريييي كسرتك!
نايف: اي اي
غنى بابتسامه: تستاهل
نايف: اخ بس
غنى: بروح لغدير بجلس معاها تبين شي ياخالتي
ام سلطان: لا يامي سلامتك
نايف: انا ابي شي طيب
غنى: ماسالتك انا
نايف بضحكه: هين هين
عمر: امش بس نطلع
غنى دخلت الغرفه والابتسامه شاقه وجهها
غدير: ياسلام انا متوتره وانتي تضحكين
غنى: لا غلطانه والله المفروض اتوتر معك
غدير بإبتسامه: اي المفروض كذا
غنى: عادي طيب ماجد حبيبك ورجال ونعم فيه
غدير: مو عشان ماجد بس مدري ياخي
غنى: عادي ياروحي استانسي وعيشي كل لحظه تمر بتتذكرينها وتقولين يازينها من ايام
غدير: دموووووع
غنى: لا عاد انا اقولك وانتي بتبكين
غدير: احس مابي اتزوج خلاص
غنى: يلا عاد بلا دلع وش اللي ماتبين تتزوجين من يرفض ماجد رجال يخاف الله وكفو وحلووو
غدير: محد بس الخوف
غنى: اجل احمدي ربك بس وصلي ركعتين وتعالي نسولف
غدير: ابشري
-
ام علي: ماشاء الله متى
ديم: الحين كلمته يقول بعد اسبوع
ام علي: عسى الله يتمم لهم على خير
لينا: مين تزوج
لين: ماجد حدد زواجه
لينا: الله في زواج بالديره واخيرا
ديم: هههههه اي والله بس قروشه العرس الله يعين
ام علي: تهون ان شاء الله وخذي البنات يساعدونك
لينا: انا جاهزه
لين: وانا بعد
طق بابهم بقوه
ام علي باستغراب: في احد قال بيجي اليوم
لين: لا
لينا: بقوم اشوف
ديم: قومي
لينا: منوو
ام محمد: انا ام محمد
لينا فتحت: ياهلا
ام محمد: ياهلابك يابنيتي امك موجوده
لينا: اي حياك اقلطي
ام علي: ياهلا ياهلا
ام محمد: ياهلابك زود اخبارك اخبار البنات
الكل: بخير اخبارك انتي
ام محمد: طيبه الحمدلله
ام علي: حي الله من جانا
ام محمد: الله يحيك
ديم: جايه من بيتك
ام محمد: لا والله جيت من ام جابر سلمت عليها وقلت بجيكم وعندي لكم خبر ماش
ام علي بتوتر: عسى خير!
ام محمد: نقول ان شاء الله
لين: اسلمي
ام محمد: والله ماكان ودي اقول لكن عشانك غاليه عندي ولا ارضى اخفي عليك
ام علي بخوف: تكلمي دمي نشف
ام محمد: والله جيت ام جابر ويقولون راكان بياخذ ابتهاج
لين بصدمه: ويش!!!
ام علي: ههههههههه وش هالكلام يام محمد راكان معرس
ديم: اي
لينا: وكيف يتزوج هالحيه ويخلي اختي المزيونه فكري شوي
ام محمد: انا ماقلت الكلام من راسي والناس يقولون خاطبين بالعيد بس ماعلنو عشان جدهم وبيخلونه زواج عائلي بدون قروشه
لين مصدومه وقلبها يدق: مستحيييل مستحيييل
ام علي: انتي صادقه ترا ارتفع ضغطي
لينا: يمه شكلها غلطانه
ام محمد: عاد انا قلت لكم الصدق وانتم بكيفكم تبون تصدقون زين مانتم مصدقين هالشي راجع لكم ويلا استاذن
طلعت ولين انهارت
ام علي: علامك انتي يمكن مو صحيح
لين ببكي: يمه تخيلي صدق تخيلي
ديم: مستحيل راكان يحبك
لينا: لو صدق شفتي عصا ابوي بكسره على رجوله
لين ودموعها ماوقفت: يارب مو صدق يارب
ام علي بعصبيه: جيبي عبايتي يالينا
ديم: وين ؟
ام علي: بروح لام جابر بتفاهم معاها على كيفهم يتزوج على بنتي
ديم مسكتها: وش بتقولين لهم بتقولين ليه متزوج على بنتي ياخالتي الشرهه على راكان مو عليهم هو المفروض اللي تسالينه
لينا: اي صح وهذي بنتهم بيوقفون معاها
ام علي: رفعت ضغطي الله يرفع ضغطها
لين: يمهه كلميه تاكدي تكفين
ام علي: دقي دقي عليه
لينا: هاك رد
راكان: يامرحبا بعمتي
ام علي: لا مرحبا ولا مسهلا
راكان: افا ليه
ام علي: تعال ابيك بكلام بالبيت
راكان باستغراب: عسى ماشر
ام علي: تعال وبس
راكان: فيصل فيه شي
ام علي: تعال وتعرف
سكرت بوجهه
راكان: تسكر بوجهي العجوز بعد
محمد: هههههههههه تستاهل
راكان: اقول انزل بس بروح لعمامي
محمد: شعندك
راكان: مالك دخل انزل وانت ساكت
لين بدموع: قال فيصل فيه شي بس ماسال عني
لينا: اوف دراما
ديم: يالينا مو وقتك
لينا: لو ماصارت السالفه عادي اذا سال عن فيصل لحاله بس الحين صار دراما
ديم: روحي للغرفه تكفين
لين: يمهه خايفه يطلع صحيح
لينا: تكفين متوعده فيه والله مايسلم
ديم: ههههههه اسكتي يالخبله
ام علي: حسبي الله عليهم ان كانه صحيح
دخل راكان: السلام عليكم وش صاير
ام علي: ابد والله تفضل
وقفت لين ودموعها ماوقف
راكان: فيك شي
ام علي: هو صحيح الخبر اللي وصلنا
راكان: اي خبر؟
لين بدموع قهر: بتزوج علي ياراكان!! هذي اخرتها
راكان: من قال
ام علي: اهلك
راكان قرب للين: شوفي يالين الشرع حلل اربع وانا رجال ابي زوجه عندي تخاويني نطلع ونرجع مع بعض تطبخ لي اسولف معاها نضحك مع بعض ناخذ راي بعض وانا محروم منهم
لين بصدمه: يعني صدق؟!
راكان: اي بالله
ام علي بصوت عالي: وبنتي وشهي مقصره فيه علمني!!
متحملتك انت وابوك واهلك والغربه اللي انتم فيها وتقول كذا
راكان: ماقصرت لين بس ابي احس اني متزوج مو بس اسم
لينا: يااااسلاام هذا عذر يعني!
راكان: رجاءً لينا لاتتدخلين
لين بدموع: ياحيف بس ياحيف
راكان: ليونتي ياحبيبتي انتي غاليه علي وام ولدي وزوجتي الاولى بس حاولي تفهميني شوي
لين: انا قلت لك اذا عند اهلك مستحيل اعيش معاك الا ببيت وانت وافقت والحين وش غيرك ياركان!
راكان بعصبيه: لين لاتجلطيني كلامي واضح
لينا وقفت بعصاها: تراك ببيتنا واشوفك تطول صوتك على اختي شفت هذا "تأشر على العصا" بحط حرتي فيك
راكان: اقول اسكتي انتي
لين: طلقني
ام علي بصدمه: لين..
قاطعت كلامها لين: يمه انا مابي رجال ماقدر وجودي بحياته ومجرد ماحصل فرصه يبعد ابتعد وهو يعرف لو يبي طريقه نجتمع سواها فا لو سمحت يابو فيصل طلقني
راكان بقهر: وش اللي طلقني ؟ لين انتي تعرفين اني احبك ومستحيل اطلقك
لين: اللي يحب مايبعد اللي يبيك يعرف يحافظ عليك
راكان: يالين مستعد اسوي كل شي بس اهم شي ماطلقك
لين: نكنسل فكره الزواج !
راكان: يالين
لين: اول شرط تشيل الفكرة هذي من راسك وتبني لي بيت بالديره بعيد عن اهلك
راكان: وتعيشين معاي؟
لين: اي
راكان بفرح: تم وابشري
لين: واطلع برا اذا حصل كل اللي قلت لك بوقتها يصير خير
راكان: من عيوني
-
غدير: نبي لنا اكل
غنى: من بيجيب لنا
غدير: شوفي نايف
غنى: ماقدر
غدير: شوفي بالله
غنى: روحي البقاله
غدير بشهقه: انتي صاحيه وش اللي اروح وبيت زوجي قدامنا
غنى: وش نسوي
غدير: روحي لنايف مافي غيره
غنى: بروح طيب
طلعت ونادته بصوت هادي: نايف يانايف
نايف بالدوانيه: هلا
غنى: تعال ابيك
نايف قام: ياهلا بدهر قلبي ورجعانه سمي ياعيون نايف وش بغيتي
غنى بابتسامه حب: نبي اكل
نايف: ترا مانسيت اللي بالصاله
غنى باسته من خده: والحين سامحتني
نايف: ياستار ضعت ايوه وش كنتي تقولين؟
غنى: ههههههه ياخفيف جوعانه ابي اكل
نايف: وش تبين ياروحه
غنى: اي شي تجيبه حلو
نايف: تم الحين اجيب لك
غنى: كثر لان غدير معاي
نايف: سمي
-
ام جابر: حلوه هذي
راكان: خلاص لاحد يفكر
ام راكان: وش غير رايك ؟
راكان: ماكنت ابي من البدايه
ام راكان: بالله ! من اللي قالي اخطبيها
راكان: الشيطان وسوس لي والحين فكرت وخلاص
ام ابتهاج: وبنتي على كيفك تخطبها وتغير رايك
راكان: بنتك الله يخليها لكم ونعم فيها لكن مالي نصيب معاها وان شاء الله تحصل الافضل
عبدالعزيز: خلاص عاد انتم بكيفه
راكان: والله
ام جابر: انت اسكت تدافع له انا اعرف ليه
عبدالعزيز باستغراب: ليه يعني الرجال مايبي
راكان: ولين احبها وماقصرت بشي معاي يعني بظلمها لو تزوجت
عبدالعزيز طق كتفه: ماعليك وانا خالك هذا افضل قرار سويته
راكان: والله انك كفو
ام جابر بغمزه: اي ماشاء الله عليه
عبدالعزيز ابتسم: يمه علامك كانك ماسكه علي شي
ام جابر: ولا شي
ابتهاج: والحين شنو مافهمت؟
جود: يقول الله يستر عليها يعني شنو
ابتهاج: تمزحين
جود: لا والله
ابتهاج: الحمدلله مانشرو الخطوبه
جود: اي حظك
ابتهاج: قلت يحبها اصلا انصدمت يوم قالو بيتقدم لك
جود: عادي. عادي
ابتهاج: انطمي احر ماعندي ابرد ماعندك
جود: خلاص عاد حسستيني تحبون بعض ورفضو يزوجونكم
ابتهاج: تخيلي احبه وع
جود: خفي علينا تراك وافقتي عليه لاتسوين فيها
ابتهاج: اقول وخري عني بروح لجده اطلق منك
جود: روحي
-
دخلت غنى ترقص وبيدها اكياس
غدير: الله
غنى: بس كذا
غدير: ياهلا بالحامل والمحمول
غنى: ايوههه تعالي تراني جوعانه
غدير: من جابه
غنى: حبيب القلب
غدير: عشان كذا اشوفه كثير
غنى: اي جعله يمد من زود
غدير: غزيل موجوده
غنى: لا اصلا حتى خالتي ماشوفها
غدير: وينها
غنى: مدري روحي شوفيها وناديها اذا تبي
