عمر: انا طالع توصون شي
ام سلطان: سالت نايف
عمر: لا بدق عليه الحين
دق سلطان على نايف اكثر من مره ومايرد
ام سلطان: وش صار
نايف: مايرد
ام سلطان: دق على ماجد شوفه
عمر: يلا
ماجد: عمر يدق يمكن يجي وش اقوله وانت حالتك كذا
نايف: قله جاي
ماجد: هلا عمر
عمر: وينكم فيه
ماجد: اتمشى وبعود ليه
عمر: نايف معك
ماجد: ايه
عمر: طيب تسحرون بالبيت ولا
ماجد بهمس: تسحر بالبيت؟
نايف ماله خلق وضايق: لا
ماجد: لا لا
عمر: زين يلا
ماجد: تبي شي
عمر: سلامتك
ام سلطان: خلاص ياغدير ترا بس انا وانتي وغزيل لاتكثرين
غدير: ابشري
عمر: بروح ترا
ام سلطان: براحتك يامي
طلع عمر وجلست ام سلطان عند فهد
-
دخلت ام سعود على غنى وكانت الغرفه هاديه وغنى مغطيه وجهها بالبطانيه: غنى؟
غنى تحاول ماترد عشان ماتبين انها تبكي
ام سعود استغربت الهدوء حركتها: غنى يابنتي
غنى بصوت هادي: هلا
ام سعود: فيك شي ؟ تعبانه يابنتي !
غنى تحاول تمسك دموعها عشان ماتنفجر: لا مافيني شي
ام سعود بحنيه: علامك يابنتي اجل من الفطور ماطلعتي
غنى: مالي خلق احد
ام سعود: طيب وريني وجهك
غنى تحاول تسمح دموعها بس وجهها يفضح: تكفييين خليني
ام سعود قامت سكرت الباب ورجعت: قولي لي وشقومك ليكون جود مضايقتك بشي
غنى طلعت راسها وانصدمت ام سعود كانت تعبانه وعيونها وخشمها لونهم احمر من البكي: بسم الله عليك يابنتي علامك!!
غنى انهارت بحضنها: يحبها ياخالتي تخيلي عطاني الامان ويوم تعلقت فيه تركني
ام سعود: انتي وش قاعده تهرجين ومن اللي تركك
غنى: نايف نايففف
ام سعود: شوفي يابنتي مادري وش اللي صاير فهميني
شرحت لها غنى السالفه كامله وكانت منهاره وانهارت زياده
ام سعود: وانتي صدقتي
غنى: وليه ماصدق وهي راجعه من محل الورد؟ وليه ماصدق وانا سامعه صوتها بالمكالمه لدرجه سكر بوجهي عشانها!!
ام سعود: ياغنى توقعتك اكبر من كذا
غنى: ياخي افهميني
ام سعود: اول شي نايف يحبك وماقصر معك بشي وحتى المسكين يومياً يجي يسلم على خالك بس عشان يشوفك ولا لو غيره ويسوي له مثل خالك غلط عليه مايجي بيته بس نايف عشانك كسر كل شي ياغنو ياحبيبتي
غنى: بس ليه يسوي فيني كذا
ام سعود: ماسوا هالشي الا وعنده سبب وليه انتي ماتدقين عليه وتسالينه
غنى جلست تفكر
ام سعود: انا بروح الحين اكمل السحور وانتي فكري عدل ولا تسوين شي الا اذا كنتي مرتاحه له
-
ام علي: والله طيبين ماشاء الله عليهم
ديم: للحين موجوده ام راكان
ام علي: اي وماتبي تروح بس زوجها
لينا: ماقصر خلاهم يطولون
لين: اصلا هو مو موجود
ام علي: بكيفهم
ديم: وغنى عندهم ولا راحت
ام علي: ماشفتها بس عندهم
لينا: ليه ماطلعت
ام علي: لا اشوف جود وابتهاج
لينا: اكثر ثنتين غثيثات
ديم: مره
ام علي: الله يستر عليهم
ديم: الحين كم باقي للعيد
لين: اتوقع اسبوع
لينا: يمه متى نروح نجهز
ام علي: هاليومين
ديم: لازم نخلص بسرعه ورانا قروشه
لين: اي عسى الله يعيده علينا بالصحه والعافيه
-
بعد صلاه الفجر الكل اتجه لبيته ونايف ضايق خاطره
ابو سلطان: سلامات يابوك
نايف: الله يسلمك
ابو سلطان: علامك ضايق
نايف: تعبان شوي
سلطان: ليه
نايف: مادري بروح ارتاح
دخل غرفته وماتكلم مع احد ام سلطان استغربت نايف شفيه اشرت على سلطان
سلطان: هلا
ام سلطان: نايف علامه
سلطان: يقول تعبان بيرتاح شوي
غدير: تعبان ولا مشتاق
ام سلطان دخلت عليه وكان براد وظلام و هدو الغرفه ومنسدح على سريره: نايف
فز نايف وقام: هلا
ام سلطان: بسم الله عليك يامي علامك
نايف: ضايق شوي
ام سلطان: عسى ماشر ليه
نايف بانكسار: تقول طلقني يايمه
ام سلطان بصدمه: وش!
نايف: علقتني فيها بنت الناس والحين تبيني اطلقها ليه يايمه انا وش مقصر فيه معاها ليه اللي احبه يتركني
ام سلطان بحنيه وحزن على حالته: ليه هالكلام يامي ماقصرت بشي ياعيوني وغريبه من غنى
نايف: حتى انا قلته والله صدمتني
ام سلطان: ارتاح اليوم وانا بكلمها واشوف علامها
نايف: تكفين يمه حاولي فيها
ام سلطان: ابشر ياروحي ولاتضايق خاطرك كذا
نايف: احبها والله
ام سلطان: ارقد وباذن الله بكرا مايصير الا كل خير
نايف: يارب
طلعت ام سلطان من الغرفه
غدير: علامه
ام سلطان: غنى طلبت الطلاق منه
شهقت غدير: وشهووو
ام سلطان: مادري علامها هالبنت
غدير: يالليل اكيد معبيه راسها هالحيه
ام سلطان ناظرتها: من؟
غدير: جود وفي غيرها
ام سلطان: قطع طاري والله شايله هم نايف ياروحي هو وجهه تعبان كله بسببها الله يضيقهم مثل ماضايقوه
غدير: امييين
-
بدايه يوم جديد الكل بعد صلاه التراويح
ام جابر: وينها غنى
ام سعود: بغرفتها
ام جابر: ماقالت متى تروح
جود: وين
ام جابر ماردت عليها وقامت
ابتهاج: هههههههه
دخلت غرفه غنى وكانت تمشط شعرها: متى تروحين بيت زوجك
غنى: ماراح اروح
ام جابر: وشهو!
غنى: مثل ماسمعتي ياجده مابي اروح
ام جابر: وليه ان شاء الله
غنى: بتطلق مابيه
جود سمعت وطارت من الفرحه
ام جابر: وجع يوجعك قولي امين
غنى: لييييه
ام جابر: الحين عندك الطلاق لعب بزران؟ على كيفك تطلبين الطلاق !!!
غنى: مابيه
ام جابر: وش مسوي
غنى: ماسوى شي بس مابيه
ام جابري اسمعيني زين ياغنى انتي ادرى بخالك وتعرفينه حياتك عند نايف ابرك لك
غنى بضيق: عادي
ام جابر بعصبيه: مو بكيفك الحين تجهزين اغراضك وتنقلعين انا مافيني حيل اتحمل مشاكلكم انتي وياه خلاص
غنى: جده تكفين
ضربتها كف: انقلعي لبيت زوجك ولا يكثر الحين دقي عليه بسرعه
غنى بدمووع: مااابي مابييي
دخل جابر: وش فيه؟
غنى بخوف مسحت دموعها
ام جابر: اطلع برا انت الثاني مو وقتك
جابر بصوت عالي: وش مسويه بعد !! تكلمي تراني فاضي
غنى بخوف: ولا شي
ام جابر بعصبيه: ياجابر انقلع برا لاترفعون ضغطي
دخلت جود: شفيكم على جدتي لاتتعبونها
ابتهاج: امشي جده نطلع
طلعو وجلست غنى منهاره: شلون برجع وانا قلت له طلقني شلون
دخلت ام سعود وسكرت الباب وراها: بسم الله عليك غنى حبيبتي علامك وش قالت خالتي
غنى: تقول ارجعي لنايف وانا طلبت منه الطلاق
ام سعود بصدمه: طلبتي الطلاق ! من نايف انتي صاحيه!!!
غنى: شسوي
ام سعود: كلميه الحين وخليه يجي واشرحي له الموضوع كامل
غنى: ماقدر اواجهه مقدر
ام سعود: واجهيه مافي غيرها شوفي جابر مايرحمك لاعصب وانتي تعرفينه وجدك الله يرحمه معاد فيه احد يسمع منه
غنى: يااااربيييييي شسوي بحياتي انا بموت افضل لي
ام سعود: لاتتكلمين كذا وروحي يلا دقي عليه
-
عند العيال بالدوانيه
ابو سلطان: طلقها ويجي بدالها مليون وحده
سلطان: مايصير يايبه وهو يبيها
نايف بضيق: مابي غيرهااااا افهمو
عمر: وانت ليه ماتفهم
ماجد: حرام يظلم بنات الناس وهو يحب غيرها
ابو سلطان: يارخمه خلك رجال
نايف قام وتركهم
ابو سلطان بصوت عاليي: لاتهرب من الواقع واجهه
نايف ركب سيارته وحرك طلع ماجد مالحق عليه
وقف عند باب ابو جابر وطق بيتهم بعصبيه
جابر: وجع جعل يدك الكسر
فتح الباب وكان نايف معصب: وينهااااا غنى!
جابر: لا هلا ولا مرحبا وش جابر
نايف: اتوقع كلامي واضح صح؟ زوجتي وينها
جابر بصراخ: غنى تعالي
غنى: ياليل وش يبي
ام سعود: الله يستر
طلعت جود وانصدمت من نايف
وقفت غنى استغربت
جابر: هذا هي خذها اتوقع طولت نست انها متزوجه
نايف بعصبيه: انتظرها برا
طلع وسكر الباب جابر: خذي اغراضك وروحي مع زوجك يلا
غنى: بس يا...
قاطعتها ام جابر: اغراضك اذا مو جاهزات خليها تجهزهم ام سعود وترسلهم
غنى دموعها ماقدرت عليها راحت لغرفتها وانهارت
جود: كيف كذا بتروح معاه
ابتهاج: توقعت خطتك نجحت
جود بقهر: ليه ليههههه
لبست غنى عبايتها وراحت للسياره بدون ماتودع احد
ام جابر جلست بغرفتها وعيونها تلمع: ادري اني قسيت عليك اليوم لكن والله من خوفي عليك وعشان ابي لك الراحه سويت كذا ياليتك فهمتيني ولاتاخذينها بخاطرك
ام سعود: انا فهمتك ياخالتي وغنى مع الايام بتفهم ليه سويتي كذا والله يوفقها
ام جابر تمسح دموعها: راحت؟
ام سعود: اي
