وصلو ركان ولين الديره
عند ام راكان: هلا بوليدي نورت البيت
راكان بابتسامه حب باس راس امه: منوره بوجودكم ياروحي
دخلت لين: السلام خالتي
ام راكان: يهلا بعروستنا الغاليه حرمه الغالي
لين: ياعمري والله
جود: ارحبووو واخيراً جيتو
راكان: اشتقتي ولا
جود: اف حيل اشتقت
حضنو بعض وسلم عليها
وراحت تسلم على لين
جود: جابك راكان ولا اشتقتي
لين: لاوالله جيت غصب
جود: يمهه منك تكابرين لكن بنمشيها لحد تعترفين
ضحكو ودخلو داخل يتقهوون
__________________
عند عزبه ابو سلطان
سلطان: يبه يبه
ابو سلطان: شقومك هذاني
سلطان: عندي لك فكره
ابو سلطان: ويش
سلطان: شرايك نحط كاميره فوق الشبك حق النياق
ابو سلطان: وشهي له
سلطان: نصور الطبيعه وتعرف الحين لازم تثبت الملكيه
للمكان منها نصور ومنها نخليه ذكرى
ابو سلطان: ليتك ساكت بس
سلطان: يبه انت الحين عرفت صح خلاص تراني عطيتك علم بسويها
ابو سلطان سكت يشرب الشاهي ويتأمل الابل اللي مستعد يضيع حياته بس الابل حقه مايضيع
وسلطان جلس يفكر وين يحط مكان الكاميره
___________________
عند بيت ابو علي
دخل علي البيت: ام علي وين
لينا جالسه بالحوش ترسم: داخل شوفها
علي: يمه
جت ام علي: هلا امي
علي: ترا لين وراكان بالديره وعزمتهم على العشاء الليله يقول مايقدر عشاه عند اهله اليوم وقلت له اجل بكرا وتم
لينا: الله يالدنيا لين موجوده ولا عندنا خبر
ام علي: والله صدق موجوده يامرحبابهم والله
علي: اي جو وعشاهم بكرا عندنا
ام علي: زين زين
طلع علي للعيال
ام علي: شفتي اخوك قال عندنا عشاء للمعاريس يعني خلي هالرسم اللي اشغلك وخلينا نغسل البيت
لينا: يمهه تكفين شوي بس واخلصها
ام علي: يلا بسرعه لاتطولين ورانا بعد العشاء لابوك
_____________
عند بيت ابو سلطان
جالسين ام سلطان وغدير ونايف وعمر بالحوش يتقهوون وكل واحد يسولف ويش صار له من مواقف وضحك
طق الباب وكان الكل ماله خلق لاحد
غدير: يوه من بيجينا تكفون اليوم مالي خلق احد
نايف: ايوالله حتى انا
ام علي: عيب عليكم واحد منكم يقوم يشوف من هذا الناقص مالهم خلق بعد
قام عمر اللي حتى هو مايبي بس سكت من رده فعل امه
عمر: من
علي: انا افتح
عمر: هلا يابو وافي ارحب
علي: البقى بك يابعدي شحالك ياولد مختفي اليوم
عمر: بخير نحمدالله ونشكره بس والله اليوم مالي خلق اطلع الا شحالك انت والاهل
علي: والله ابشرك بخير وترا جيت بعلمك عندنا عشاء بكرا حياكم الله ووصل لاهلك وسلم لي عليهم
عمر: اقلط اقلط وعلى القو يابعدي اعتبره وصل
علي: لا الحين والله مشغول وبعزم اهل الديره ابشر يوم ثاني
عمر: زين زين فمان الله
رجع عمر انسدح عند امه
ام سلطان: من اللي جاء
عمر: علي يقول بكرا عندنا عشاء ويسلم عليكم
ام سلطان: الله يسلمه
نايف ساج عايش بخياله وكيف حياته مع جود
غدير: عمر نايف تبون شاي او قهوه
كلهم لا
غدير: اجل بشيلهم اللي يبي يحصلهم بالمطبخ
ام سلطان: وين بتروحين
غدير: بنام شوي احس تعبانه
ام سلطان: زين يامي ارفعي المكيف ترا بارد
غدير: ابشري
عمر: يمه سلطان مع ابوي
ام سلطان: اي مايروح ابوك لحاله الا اكيد سلطان معاه
نايف: اصلا سلطان يفهم جو ابوي
عمر: حيل حتى بعض الاحيان نفس تصرفاته
نايف: اي واذا عصب اشوف ابوي قدامي مو سلطان نسخه
عمر: ايووهههه اذا عطاك ذيك النظره بعد نفس نظرات ابوي
نايف: ههههههه نظرته اذا كنا عند احد وضحكنا
عمر: اي هذي اللي اذا شفتها حتى النفس ماتنفسه
نايف بضحك: يازين ابوي زيناه
عمر: ايوالله جعل عمره طويل
نايف: امين يارب
ام سلطان: عمر صاير لك فتره وطويله بعد مارحت لخيلك غريبه
نايف: ايوالله كنت بساله بس قلت ماني مذكره خله يرتاح شوي
عمر: افا عاد الفهد هو راحتي كلها بس سيف وصيته عنده بالرياض بالاسطبل وابوي بعد رافض اجيبه
ام سلطان: اي اهم شي طيب وابوك رافض من المسافه
عمر: يمه كنت باخذه يوم العزاء بس مارحت وابوي كان متعمد ماروح عشان ماجيبه
نايف: ابوي صامل انك ماتجيبه واكيد ابوي مايرفض الا لمصلحتك
ام سلطان: اي يامي لان اشوف خاطرك ماش وعرفت الفهد مهو بموجود
ملاحظه(الفهد الخيل حق عمر)
عمر: والله اني اشتقت له ولو موجود ذالحين كان بتحصلوني عنده
نايف: ابركها من ساعه خلاك تجلس عندنا
عمر: متى يسمح لي ابوي اروح بس
عم الصمت يتأملون السماء بتفكير
____________
بيت ابو راكان
راكان: يمه بكرا عند عمي عشاء
لين: وش المناسبه
ام راكان: اكيد لكم
راكان بابتسامه: اي لنا ولا نسيتي انا معاريس
لين بخجل: شدعوه
______________
يوم جديد على اهل الديره والكل يجهز لعشاء ابو علي الليله
عند ابو سلطان
ام سلطان: غدير يمي غدير
غدير: جايه جايه
عمر: يمه كانكم بتطلعون الحين !
ام سلطان: اي بنمر ام راكان نسلم عليها ونروح
نايف: طيب من بيوديكم
ام سلطان: بنروح مع سلطان
جت غدير: يمه ترا ديم بتروح معنا
ام سلطان: يالله نطلع انتي اسبقيني شوفيها جهزت
_______________
بيت ابو ماجد
ماجد: اوف اوف ديوم وش هالزين
ديم: ياعمري يامجود انا اختك وتبيني اطلع مو حلوه
قاطع كلامه غدير اللي تطق بابهم
ماجد: تنتظرين احد
ديم: اي اكيد هذي غدير بخاويهم
ماجد: هالحين؟ مو بدري على العشاء
ديم: اي مدري بروح اشوفها
راحت ديم فتحت لغدير
ديم: يهلا والله
غدير: يهلابك ياعيوني يلا جاهزه
ديم: اي شرايك حلو او لا
غدير: ديم انتي مايحتاج تساليني ماشاء الله تهبلييين
ديم: ياحياتي عيونك اللي تهبل
غدير: يلا يلا البسي بنروح
ديم: مو بدري الحين؟
غدير: الا بس بنروح الحين لام راكان وبعدها نروح للعشاء
ديم: اها طيب خلك بالمجلس بلبس واجيك
غدير: لاتطولين
راحت ديم لغرفتها تلبس وغدير جلست تعدل نفسها بالصاله
وماجد سمع صوت ديم بغرفتها توقع غدير راحت طلع من الباب وشاف غدير اللي لابسه فستان سماوي قصير ناعم وشعرها الطويل لف بسرعه وطلع سمعت غدير صوت الباب بس تجاهلت لان كانت تناظر نفسها بالمرايه مانتبهت له
ماجد بصدمه: معقوله هذي غدير !!!
ام سلطان: ماجد امي
ماجد: هلا خالتي يامرحبا سلم عليها وباس راسها
ام سلطان: صوت للبنات بنروح
ماجد: اقلطي تو الناس بدري
آم سلطان: بنمر ام راكان اول قبل الوقت
ماجد: يلا بناديهم
فتح الباب: ديم ياديم يلا خالتي تنتظركم برا
ديم: يلا يلا جينا
طلعو البنات وماجد راح داخل بيت ابو سلطان
ركبو مع سلطان يوديهم
_________________
دوانيه ابو سلطان
عمر: ياعيال ابوي متى راح
نايف: مدري اتوقع الظهر
ماجد: لا وين العصر شايفه بالمسجد
عمر: اي مصلين العصر جميع بس ماقال انه بيروح للعزبه
نايف: يارجال بيجي للعشاء واساله تبون بس نلعب بلوت
ماجد: مو وقتك فكنا
عمر: خلونا نتمشى فالديره
نايف: خف علينا حسستني الاجواء ولا المناظر الزينه
ماجد: يارجال مافي الا سيارات تروح كاشخ ترجع كانك طالع من قبر منها
عمر بضحك: ومناظر الجدران اللي عليها كتابات
ضحكو كلهم
___________________
عند ام راكان بعد ماقلطت ام سلطان وغدير
ام راكان: جود امي جيبي القهوه والقدوع
جود: ابشري يمه جايه
وجلسو تقهوو مابين السوالف والضحك
________________
بعد المغرب الكل اتجه للعشاء عند ابو علي
