يوم جديد على اهل الديره
نايف: السلام عليكم ارجو من عائلتي الكريمه ان تستقبلني استقبال فيه من الكلام الجميل
غدير: ثاني مره لا تتكلم فصحى
نايف: ولماذا لم يعجبك ذالك
عمر: ههههههههههههه انخبل ولدنا
سلطان: يقولون زوجوه ويعقل هذا خربها
نايف: بعدك ماشفت شي هههههههههههههه
سلطان: الله يعين جود بتنجن
نايف بمزح: لاحد يجيب طاري زوجتي وحبيبتي
عمر: اوففف بعدك ماتزوجت
نايف: زوجتي المستقبليه
ام سلطان: الله يهنيكم ياروح امكم
ابو سلطان: يلا البسو ماباقي شي على العصر
نايف: ابشر
ابو سلطان: اسمع
نايف: هلا؟
ابو سلطان: قلت للشيخ يجي يملك لكم مع الخطبه افضل عشان بعدها نروح لابو بسام نملك لسلطان وزوجته
ام سلطان: سلطان يمي كلمتها؟
سلطان: لا والله قلت اذا ملكت عليها وصارت حلالي بكلمها
عمر: شجاااع كريم
غدير: ههههههههههههه يتخيل بصوت عالي
عمر: افا تسمع ياسلطان اختك شكت بكلامي
نايف: اوف اوف قويهه
غدير: يمههه منكم بعدو خلوني اتزين اول خطبه لاخواني احضرها
نايف: شفتي اني طيوب
غدير: ايي فديتك
سلطان: شدعوه مو انا اللي منزلك
غدير: انت لو تنزلني راضيه يا اجمل سند
ام سلطان: ياكثر هرجكم كثراه روحي البسي ولا ماتروحين
عمر: العب يالمذله هههههههههههههههه
غدير تمثل بمزح انها حزينه: اخخ تشوفون كيف
سلطان: ههههههههههههه
نايف: يمهه شوفي شلون يقول عنك تذلين شفتي كيف العقوق
عمر: انكتم الله لايوفقك مانتبهت
ام سلطان: اييي عيال اخر زمن يوم كنا كبركم اذا سولفت امي مانرد عليها كل شي تم وابشري
سلطان: يلا ياحبايب قلبي اسمعو قصص يوم كانو كبركم
عمر بعد التهزيئ: حسبي الله على عدوك يانايف
نايف: هههههههههه يحتاج تربيه صح يمه
ام سلطان: والله كلكم محتاجين تربيه من جديد
سلطان: اح قصف جماعي
عمر بابتسامه: سوت تحديد للكل الله يطول بعمرها
نايف انهار ضحك
غدير: ههههههههههههههههه طيب يمه انا شدخلني
ام سلطان: روحي انتي شتنتظرين لاتخليني احلف ماتروحين
غدير: يلا ابشري ابشري
-
ام راكان: جود وين لين؟
جود: مادري مو بغرفتها
ام راكان: لا
جود: مادري
ابو راكان: شفتهم الصبح بعد مارجعت من صلاه الفجر
رايحين
ام راكان: بسم الله وين بيروحون الفجر
جود: دقيقه بروح ادق عليهم
ابو راكان: شرايك بالخطبه
ام راكان: والله دامها عند نايف فالحمدلله طيبين وقلوبهم بيض ومتاكده جود بتكون سعيده عندهم
ابو راكان: بس انا قلت لها كل شي
ام راكان: كل شي؟؟؟
ابو راكان: لا مو مره بس علمتها بكم شغله
دخلت عليهم جود: يمه يقول بعد شوي جاايين
ام راكان: روحي البسي وخلي الباقي علي يا اجمل عروسه
دخل راكان ومعاه لين: السلام عليكم
ام راكان: يهلا وينكم خوفتونا عليكم
راكان: عندي لكم بشاره
ابو راكان: بشر
جود: قولو تحمست
راكان: بتقولين ياليونتي ولا انا اقول
لين: بشرهم انت
ام راكان: علامكم تهامسون قولو لنا
راكان: ابشركم لين حامل وبتصيرون جد وجده وعمه لاول واغلى حفيد للعيله
ام راكان بصدمه: صدق بصير جده
لين بابتسامه فرح: اي ياخالتي
جود من الفرحه تدورهم: مبرووووووكككك مبروكككككككك ياجمل ام وابو
راكان: الله يبارك فيك
حضنتهم ام راكان وعيونها دموع: اطلق بشاره وعسى الله يرزقكم بره ونفرح بشوفته
ابو راكان بابتسامه: مبروكك مبركك
لين وراكان باسو راسها: الله يبارك بعمرك
جود: الله بصير عمه لحبيبه قلبي
لين: وكيف قلتي انها بنت يمكن ولد
جود: اسمعو اذا بنت سموها جود
راكان: تبين نشبه ثانيه بالبيت تكفي انتي
لين: هههههههههههههه حقيقي
راكان: ان كانه ولد سميته فيصل وان كانها بنت ليلى
ام راكان: ياروحييي الله يفرحكم بجيته وجيه اخوانه
جود: الحين خل يجي اول واحد عشان يجون اخوانه
ابو راكان: متحمسه لاتلومونها
ضحكو الكل
ام راكان: روحي ارتاحي لغرفتك
راكان: تعبااانييين بنرقد للمغرب
جود: زين انتبه لـ ليونتك ترا معاها حفيدنا
لين: ينتبه لي عشان حفيدكم ولا مو عشاني
راكان حضنها من جنب: انتي منتبهلك بعيوني وحاطك بقلبي لايجيك شي قبل حفيدهم
لين ابتسمت ابتسامه فرح وحب
جود: اقول روحو غرفتكم الله يهداكم
راحو لغرفتهم
ام راكان: الله يحفظهم ويديمهم لبعض
راحت جود لغرفتها: الله ياجمال اليوم
-
ام سلطان: يلا جاهزين
ابو سلطان: من بيروح
نايف: كلنا
ابو سلطان: زين اجل كلنا بنروح بالجيب
سلطان: يلا وين غدير
ام سلطان: غديروه لو ماجيتي بنمشي
جت غدير تركض وبيدها الكعب
نايف: هههههههههه علامك
غدير: كل هذا عشان اروح معكم ياربيييي
ابو سلطان: هههههههههه يلا اركبو
السواق سلطان وابوه المعاوني وام سلطان ورا هي ونايف وعمر وغدير بالاخير
غدير: ياربي انتم حالفين تقهروني
عمر: افا ليه
غدير: اول شي تهددوني اذا ماخلصت بدري تروحون وثاني شي مركبيني ورا
نايف: ههههههههههههههههه تجين مكاني؟
غدير: لا خلاص وصلنا
ابو سلطان: وصلنا وصلنا
نزلو غدير وامها راحو للحريم والرجال راحو للدوانيه
ام راكان: يهلا يهلا نور البيت
ام سلطان: منور باهله ياوخيتي
سلمو على بعض وجلسو
-قسم الرجال
ابو سلطان: السلام عليكم
ابو راكان: ارحب يهلا
سلطان: اخبارك عمي
ابو راكان: بخير اخبارك يامعرسنا
سلطان بابتسامه: بخير نحمدالله
عمر: ادعاس يامعرسنا
ابو راكان: ههههههه عقبالك يارب
عمر: امين
ابو راكان: قلطو قلطو
دخل راكان: السلام عليكم ياهلا بعمي وعياله
ابو سلطان: يهلابك زود
قامو سلمو على بعض وجلسو
ابو سلطان: تعرف بابو راكان جيتنا وحنا جايينكم
نبي بنتك لولدنا نايف
ابو راكان: هذي الساعه المباركه ونايف ونعم فيه وخابره رجال
ابو سلطان: تسلم يعني موافقين
ابو راكان: الشور الاخير لجود ولا انا راضي بنايف
دخل الشيخ: السلام عليكم ورحمه الله وبركاته
ابو راكان مستغرب: وعليكم السلام
ابو سلطان: وعليكم السلام والرحمه الحمدلله هذا الشيخ وجاء باقي موافقه البنت ويملكون
ابو راكان: ملكه؟
ابو سلطان: ايي وحنا مستعجلين ونبي عرسهم ثنينهم
ابو راكان: بس ماتحس انك استعجلت !!
ابو سلطان: جود وبنتي مثلها مثل غدير ونايف واخوانه ولا رح يصير لها شي عندنا وعند نايف ليه افكر او استعجل؟
ابو راكان: ادري ولابها شكه بس مو بالسرعه ياخوك
ابو سلطان: انت الحين ليه خايف
نايف: ياربي تعديها على خير
عمر: وجهه مايطمن
سلطان: تعوذ من الشيطان واسكتو وانت عمور او ماسكتت بسطرك
عمر: ليه وش مسوي
سلطان بهمس: لاتوتره
عمر: خلاص
ابو راكان: انا مانيب خايف ولا شي بس يمكن البنت ماتوافق
ابو سلطان بعصبيه: وليه ان شاء الله ماتوافق
ابو راكان: مادري بس اول شي المفروض نخطب بدون ملكه الله يهداك
الشيخ: تعوذو من الشيطان علامكم هذا انا جيت اذا فيه موافقه توكلنا على الله واذا مافي عادي شفيها اذا شاركتكم الفرحه؟
ابو سلطان: العذر والسموحه منك ياشيخ
ابو راكان: اقلط نعتذر منك ماقلطناك
الشيخ: حصل خير حصل خير
ابو راكان: قم ياراكان قهوهم انا بروح اسال جود واجيكم
طلع واتجه لغرفه جود: اخبارك
جود: بخير
دخلت ام راكان: هاه وش قلتو
ابو راكان: شقلتي يابنتي موافقه ولا
جود بتوتر: موافقه
ابو راكان بصدمه: كيف موافقه فكرتي باللي قلت لك؟
جود: اي يبه وانا ماوافقت الا وانا متاكده
ام راكان بفرح: الحمدلله هذي الساعه المباركه ياروحي الله يوفقكم
ابو راكان: زين الله يوفقك ويلا انا بروح لهم
ام راكان راحت للصاله: كلللوووويششش الف الصلاه والسلام عليك ياحبيب الله محمد كلللووويشش
ام سلطان بابتسامه: هاه بشري
ام راكان: موافقين ومبروك علينا النسابه
غدير قامت حضنت ام راكان من الوناسه: مبروك مبروك
ام سلطان: جعله مبارك
غدير: بروح للجود ببارك لها
راحت غدير لغرفه جود: مبروككك ياعروسه
جود بابتسامه: الله يبارك بعمرك وعقبالك
غدير: الله بتصيرين عندي يالوناسه
جود: هههههههه ماتوقعت
غدير بغمزه: يمههه منك عساس صدفه والنصيب هاه ولا كان صار بينكم حب
جود: شدعوه من قال
غدير: واضح واضح
جود: هههههههه خلاص عاد
دخل راكان: جود
تغطت غدير
جود: هلا
راكان: تعالي وقعي
جود: على وش ؟
راكان: عقد قرأنكم انتي ونايف
جود: الحين؟
راكان: اي شفيك تعالي
طلعو وقفت جود عند الباب وراكان واقف عندها والشيخ ورا الباب يسال
الشيخ: جود بنت فيصل هل تقبلين بالزواج من نايف بن فهد
جود بتوتر وخوف: موافقه
الشيخ: جود بنت فيصل هل تقبلين بالزواج من نايف بن فهد
سكتت جود وراكان مسك يدها: لاتخافين وانا اخوك تكلمي
جود: نعم اقبل
الشيخ: للمره الاخيره ياجود بنت فيصل هل تقبلين بالزواج من نايف بن فهد
جود: اي نعم اقبل
الشيخ: تم بحمد الله عقد قران نايف بن فهد وجود بنت فيصل من الان اصبحت جود زوجه نايف
فرح نايف وحضنوه اخوانه من الفرحه
ابو سلطان: بالمبارك عليكم عقبال الفرحه الكبيره
ابو راكان: مبروك
نايف: الله يبارك بعمركم
جلسو يتقهوون ونايف طاير من الفرحه
قسم الحريم:
ام راكان: والحين صارت بنتي بنتكم جعله مبارك
ام سلطان: جود بنتنا من قبل عسى الله يهنيهم
غدير ترقص من الفرحه: يااااخيييي ونااااسه مبروكك ياروحي مبروكككك
جود: ههههههههه الله يبارك بعمرك ياقلبي اجلسي لاتتعبين من اليوم ترقصين خلاص
غدير جلست عندها: لاتلوميني صديقتي بتصير زوجه اخوي ياخي لاتلوميني
جود بابتسامه: مالومك ياروحي بس لاتتعبين
غدير: اهخخ يالوناسه
-
ابو علي: ابشرك اليوم نايف خطب جود
ام علي: بالله متى
ابو علي: الحين يقولون وملكو
لينا: كيف يعني اليوم ولا عرفنا شدعوه
ام علي: غريبه حتى لين ماقالت لي
ابو علي: يمكن صار بسرعه مايمديهم لكن الله يهنيهم
ام علي: دقي يالينا على لين
لينا: وليه!
ابو علي: لايكون بتسالينها مو لازم
ام علي: لا بتطمن عليها
علي: يمه كل مادخل عليكم الا بتدقين على لين
ام علي: وشعليكم بالعاده تدق علي اليوم مادقت
ابو علي: يمكن انشغلت
ام علي: لا امس تقول تعبانه وانتم شعليكم اذا دقيت لحول
لينا: ههههههههه بدق خلاص
علي: يلا وحطي سبيكر بنسمع
دقت لينا
لين صوتها تو صاحيه: هلا
لينا: هييي لايكون نايمه
لين: اي ليه شفيه
ام علي: ليه ماعندكم خطوبه؟
لين: خطوبه شنو اليوم مو الجمعه
علي انهار ضحك: مو منجدك شدخل الخطوبه بخطبه الجمعه
لين: مدري شنو خطوبه يمه لايكون لينا انخطبت
لينا: حسبي الله عليك جود انخطبت ياغبيه
لين قامت بصدمه: وشهو كيف انخطبت وانا عندهم ماحد جاب لي طاري
ام علي: الناس خطبو وملكو وانتي راقده
لين: يمه مو كذا بس واحد قالي رقدت العصر ترا ماصار لي ساعتين
ام علي: غريبه وليه ماقالو لك؟
لين: مدري انصدمت اصلا
لينا: حتى حنا ماقالو لنا
ابو علي: يان عندكم تكبير مواضيع ترا عادي يمكن صار كل شي بسرعه مايمديهم
لين: يمكن بقوم البس واروح لهم بشوف وبعدها بجيكم
لينا: وليه تجينا لايكون بتزعلين منهم
لين: لا شدعوه عندي لكم خبر حلو
ام علي: خير ان شاء الله
لين: اذا جيتكم بتعرفون يلا سلام بروح اتكشخ
الكل: سلام
-
بيت ابو راكان قسم الرجال
ابو سلطان: يلا مشينا
ابو راكان: فمان الله
راكان: تعشو ليه مستعجلين مو عشان صرتو نسبانا خلاص نصير رسميين
سلطان: هههههههههههه لاوالله بس بنروح
نايف: والله ياخوك بروح لماجد بعد مايعرف بقوله
عمر: وانا نعسان قوموني من الصباح
ابو سلطان: قعدو يتحلطمون قومو بس وانت قم شغل السياره
سلطان: ابشر
نايف: انا بطلع بمشي لماجد انتم روحو
عمر: ماتبي تسلم على امي
نايف: الا بس اذا جيتو البيت تراني بروح يبه
ابو سلطان: زين زين
طلع راكان يقول لهم واجهته لين: اهلين صحت الدنيا ياهلا بام ولدي وحبيبتي
لين بابتسامه: بعد لاتكلمني
راكان: شدعوه علامك
طلعت غدير استحت منها لين: هلا غدور
غدير: هلا فيك وينك من اليوم
لين: ياروحي تعبت اليوم ونمت
غدير: ماتشوفين شر ياعيني
راكان كان بالغرفه ولين عند الباب
راكان بصوت خفيف: لين قولي لها ابوك واخوانك ينتظرونكم برا
لين: غدور يقول راكان ابوك واخوانك ينتظرونكم برا
غدير باستها: يلا سلام ياعيني
لين: سلميلي على خالتي
غدير: اعتبريه وصل
راحت غدير لامها: يمه يقول ابوي يلا
ام راكان: ليه اجلسو وشعندكم بتروحون
ام سلطان: اكرمكم الله وعسى الله يهنيهم
ام راكان: تعشو
ام سلطان: لا وين بيجونا رجال اليوم وابو سلطان يبينا نسوي العشاء
ام راكان: زين اجل ماتشوفون شر
ام سلطان سلمت عليها: الشر مايجيك
غدير: اي صح لين تقول سلمي لي على خالتي
ام سلطان: الله يسلمها وينها ماجت
ام راكان: والله كانت اليوم بالمستشفى ابشرك حامل ورجعت متاخر ونامت خليتها كانت تعبانه
ام سلطان بابتسامه: مبروكك مبروك ياروحي
ام راكان: الله يبارك بعمرك وعقبال تشوفين عيال عيالك
ام سلطان: يارب
طلعت ام سلطان وغدير ركبو السياره
ابو سلطان: سنه ننتظر علامكم تاخرتو
ام سلطان: شدعوه سنه عاد ماصار لنا عشر دقايق
سلطان: وش كنتو تسوون بالعشر دقايق
ام سلطان: نبارك لهم بحمل لين
ابو سلطان: ماشاء الله
غدير: اي الله يفرحهم بجيته وعقبال سلطان
سلطان بابتسامه: امين يارب
-
نايف يطق باب بيت ماجد
ماجد: ارحب وين الناس
نايف: والله ياخوك انت اللي وينك
ماجد: ماطلعت اليوم مالي خلق
نايف: ليه سلامات
ماجد: الله يسلمك مافي شي الا انت شعندك مسفهل
نايف: بارك لي
ماجد: على ويش
نايف: خطبت حبيبه عمري
ديم كانت واقفه ورا الباب تسمع وعيونها مليانه دموع
ماجد: صدق ؟
نايف: اي ولا بعد ملكت يعني صارت زوجتي وحلالي
ماجد حضنه: مبروككك ياخوك مبروك بس مالك حق ليه ماقلت لي
نايف: قايلك امس واليوم ماقدرت ابوي لو اقول كلمه كنسل
ماجد: ههههههههههههه عقبال العرس وعلى الفرحه هذي يبي لها عشاء برا
نايف يطق صدره: ابشر بالسعد مشينا
ماجد: حي عينك يابو مجود
نايف: ههههههه حي نباك يابو نيوف
ضحك ماجد وطلعو
ديم طاحت على الارض منهاره وعيونها ماوقفت دموع: خطب حبيبه قلبه وانا الغبيه حسبالي يحبني راح وتركني انا الغبيه اللي حبيته ولا من يحب وحده يتيمه والكل يقول كذا ليه كذا تخيلت ممكن يحبني ليه تخيلت ممكن يتزوجني ليه حبيته لييييه ،
تمسح دموعها وباقي تسيل: ياربييييي هذا الحين خسرت ثالث شخص حبيته ياربيي انت تعلم مافيني يارب تجبر قلبي وانا المفروض مافكر ممكن احد يحب وحده يتيمه صادقه جود يوم قالت الكلام الكل يشوفني غلط يارب تجبرني تحملت اشياء واجد فقدت امي وانا صغيره وابوي حبيبي ماصار لكسري بعد فقده سنه والحين اللي حسيت انه ممكن يعوضني غيابهم بعد اخوي هذاني خسرته تعبت تعبت
