قال رسول الله ﷺ:
"أولى النَّاس بي يوم القيامة أكثرهم عليَّ صلاة"
- اللهم صلِّ وسلم على نبينا مُحمد..
-
صباح العيد والكل فرحان وريحه البخور والقهوه
نايف: عمر هذا عقالك
عمر: هاته اشوف
ماجد: ياعيال وين العطر حقي الجديد من ماخذه يعترف
سلطان: اخذته معي
ماجد: وانت وش جابك هنا
سلطان: خلصت
نايف: متزوج وجالس عندنا رح عايد اهلك
سلطان: الله اكبر من علم الناس يعلم نفسه
ماجد: اي بالله
نايف: عاد انت غير مو مثلي
سلطان: بنصلي العيد واسحب عليكم
عمر: عيني عينك
لبسو وخلصو ثيابهم البيض وتعطرو نايف لبس غتره حمرا والباقي ابيض
نايف: وين البخور
عمر: هذا هو تعال
دخل عليهم ابو سلطان وعيونه حب لهم وفخر: ياماشاء الله عليكم
سلطان بابتسامه: شرايك فينا
ابو سلطان بحب: والله مادري شقول لكن الله يحفظكم
باسو راسه وجلسو يتقهوون
-
ديم: علي خلصت
طلع علي لابس ثوبه وشماغه: اي
ديم بيدها البخور وبابتسامه حب: يالبييه
علي: لباااك ياروحي الا انتي وش ذا الزين ارحميني ياخت ماجد وقلب علي
ديم بابتسامه: ياروحي والله عيونك الحلوه
دخلت ام علي: اوه بسم الله عليكم تهبلون عسى الله يديمكم لبعض
سلمو عليها: اللهم امين
علي: ابوي وينه
ام علي: بالصاله بنفطر تعالو
ديم: يلا جايه
لينا: شرايكم فيني
ابو علي: كلك حلا يابوك
لينا: باقي شوي تعديلات بعد الصلاه بتشوفونها وهاه لاوصيكم بالعيديات الزينه
ام علي: تعالو افطرو راح الوقت
لين: يلا يلا
-
ام سلطان: غدير يمي حطي العيديات على الاستقبال
غنى: انا بحطهم ياخالتي
ام سلطان: تسلمين يامي
غدير: باقي الروج والفستان بعد الفطور بخلصهم
غنى: يلا نحطه الا ياخالتي غزيل تفطر معنا
ام سلطان: والله يامي مادري عنها
غدير: بنحطه ونخلي لها شوي راح الوقت صعب ننتظرها
ام سلطان: اي يلا يلا
تجمعو بالصاله وفطرو عقدو يتناقشون على زينتهم ووش افضل
دخل نايف: السلام عليكم
ام سلطان: وعليكم السلام
نايف: يلا تروحون
ام سلطان: يلا يلا
-
ام جابر: عطني الشنطه
سعود: وش فيها
ام جابر: عطني واعلمك
جابها لها
ام جابر: سكر عيونك
سعود: ليه
ام جابر: سكرهم
سكر عيونه
ام جابر طلعت سياره كبيره والعاب وخمسين ريال
سعود حضنها بفرح: الله شكراً ياجده
ام جابر بابتسامه: خذهم جعلك تكسرهم بالعافيه ياحبيب جده
دخلت ام سعود جايه من صلاه العيد: كل عام وانتي بخير ياخالتي
سلمت عليها: وانتي بخير وعساه ينعاد عليك وعلى زوجك وسعود بالعافيه ان شاء الله
ام سعود: يالله يارب وانتي معنا
دخل عبدالعزيز بابتسامه: الله الله يام جابر وش هالجمال
ام جابر: يجعل عمرك طويل يامي
باس راسها: من العايدين يامي وعساك بكل الاعياد موجوده
ام جابر: من السالمين والغانمين ياروحي
جابر بصوت عالي: كل عام وانتم بخير ياالاهل
الكل: وانت بخير ياهلا
سعود حضن ابوه: وين عيديتي يابابا
جابر: هاك ميه فداك يابابا بس لاتبعد بعيد السيارات كثيره وانتبه
جلس وسلم عليهم يتقهوون وضحك وسوالف العيد
-
دخلو عيال ابو سلطان بعد مارجعو من الصلاه وعيدو على اهل الديره
نايف: ينعاد عليك بالصحة والعافية
ام سلطان بابتسامه حب: ياهلا علينا وعليكم ياروحي وش ذا الزين بسم الله عليكم
عمر باس راسها: ياحبيبتي يامي
نايف: وش رايك فيني بالله
سلطان: انا اطلق اهجد
نايف: يمه اعترفي مو عشانه ولدك الكبير
ام سلطان: كلكم تهبلون الله يحفظكم
طلعت غدير بمزح وبدلع: والله انا اطلق منكم كلكم اعترفو
كانت لابسه فستانها البني قصير ولابسه كعب اسود وفاتحه شعرها الطويل
ابو سلطان: انشهد انك اطلق منهم
نايف: وش ذا الزين ياخت نايف
سلطان: ماشاء الله ماشاء الله اعترف انك اطلق مننا
عمر بمزح: تراها عاديه
غدير تلعب بقصتها: اي ايي هذا الغيور
عمر: امزح والله تهبلين
غدير بعد ماسلمت عليهم: احبكم يا اجمل عائله الا وين عيديتي
ابو سلطان: هذي خمس ميه فداك
حضنته غدير: عسى عمرك طويل
نايف: وهذي متين لك ياحلوه
غدير: ياعمري
سلطان: وهذي ثلاث ميه
غدير: جعلني فداكم
عمر: غدير سلفيني
غدير: هههههههه
نايف تلفت يدور غنى
ام سلطان: بالغرفه بعدها ماخلصت
نايف: من !
ام سلطان: اللي قاعد تدورها
سلطان: ادخل يارجال وعايدها
ابو سلطان: ترا مايفيد المكابر يابوك عند المحبين
عمر: انا بطلع تبون شي
الكل: سلامتك
سلطان: بروح اجيب فهود
ام سلطان: زين يامي جيبه بنشوفه
غدير: اي اي
طلع سلطان وجلسو يتقهوون بحلويات العيد ام سلطان وابو سلطان ونايف وغدير
طلعت غنى كانت لابسه فستان رصاصي مخصر فيه خطوط لمعه واكمامه طبقات وشعرها فاتحته وحاطه من تحت ويفي: كل عام وانتم بخير
نايف يناظرها وضاع بجمالها
ابو سلطان: ماشاء الله تبارك الرحمن وش هالزين يابوك
غنى بابتسامه: ياعمري والله
ام سلطان: بسم الله عليك يامي
غدير: غلبتيني
غنى بابتسامه: لا انتي اجمل
غدير: ياحبيبتي والله لكن صدق طالعه حلوه
نايف ماسك الفنجال ويتاملها
ابو سلطان: اتوقع نايف حصل شي افضل من القهوه
لفت عليه غنى وابتسمت
نايف تدارك: يلا انا بروح تبون شي
غدير: غنى تبيك
غنى: لا وين
غدير: ياحماره خذي عيديه
غنى ابتسمت تسليك وبقلبها تقول "هو خله يتكلم معاي عشان يعطيني"
نايف: غدير الحقيني
قامت غدير: هلا
نايف: خذي الخمس ميه وعطيها
غدير: شدعوه وليه ماتعطيها؟
نايف: عطيها وبس
طلع برا وتركها
دخلت غدير: خذي هذي عيديتك من حبيبك
خذتها غنى مصدومه
ابو سلطان: وهذي عيديتك مني
غنى: الله يطول بعمرك ياعمي وتسلم والله
-
نايف: يابري حالك يانايف انشهد ان العيد وجهك والفايزين عيوني
عمر: علامك
نايف: وين ماجد
عمر: مدري عنه تخاوي
نايف: وين
عمر: للعيال متجمعين بالاستراحه
نايف: لا مو وقتهم
عمر: براحتك
طلع سلطان من بيته وبحضنه فهد كان لابس ثوب وساعه وشماغ
نايف: ياااربييييي وش ذا النتفه اللي لابس ثوب
سلطان بابتسامه: هذا رجال ولد رجال
عمر: ونعم بس بالله شلون حصلتو ساعه قده
نايف بتحطيم: ماشاء الله
دخل سلطان وغزيل بعد ماباسو فهد مليون مره
عمر: ياقلبي هالنتفه
نايف: بسم الله عليه
ماجد: منهو
عمر: بسم الله من وين طلعت
ماجد: جيت من بيت ابو علي عايدتهم وديم وجيت
نايف: تبي نتمشى
ماجد: قدام
نايف: عمر تخاوي
عمر: يلا
حركو يتمشون بالديره
-
ديم: وش هالجمال يام فيصل
لين: ياعيوني والله انتي اللي طالعه حلوه
لينا: محظووووظ اخوي
ديم بابتسامه: بعد عمري انا المحظوظه فيكم
ام علي: وش هالزين الله يحفظكم
ابو علي: اوه اوه ماشاء الله عسى الله يحفظكم
الكل: امين ويديمك لنا
ابو علي: يلا هذي الفين لكل وحده خمس ميه
ديم: عسى الله يطول بعمرك ويخليك لنا
لينا حضنته: احبكككك يابوي
لين: جعلك تمد من زود والله يخليك لنا
ام علي: امين امين
ابو علي: الله يحفظكم يارب الا وين فيصل
لين: يلعب برا
ابو علي: زين بروح اشوفه
ام علي: بحفظ الرحمن
لينا: نروح لاحد ولا
ام علي: عندنا الغدا اليوم بيجوننا
ديم: اي واصلا مافيني حيل اروح
لينا: عجزتي؟
ديم: شكلي
لين: ترا الحمل يتعب بتجربينه
لينا: لا يمه ماراح احمل
ناظرو بعض ديم ولين وابتسمو
لينا: على ويش تبتسمون انتي وياها
ديم: ولا شي تعالي نتقهوى
ام علي: بروح اعايد ام جابر واجي
لينا: بخاويك
ديم بغمزه: وشعندك تخاوينهاا
لين: اي اي اعترفي
لينا: انطمي انتي وياها الناس عيد بستانس
لين: بخاويك انا بعد
ام علي: ديم تروحين
ديم: لا ياخالتي بروح انا لخالتي ام سلطان بعايدها
ام علي: زين يامي براحتك
لينا: اهم شي لاتطولون لاتنسون ترا عندنا الذبيحه
ديم: اي اكيد
ام علي: يلا البسو عباياتكم والحقوني
لين: يلا
لينا: فيصل وينه
ام علي: قدامنا عند جده بس يلا
-
غنى: خالتي بتروحين لاحد
ام سلطان: مدري والله يمكن اروح لام محمد وبعدها نروح الغدا
غنى: بروح اعايد جدتي انا تروحين معي
ام سلطان: اي صح انتي مع منو بتروحين
غنى: مدري يمكن مشي
ام سلطان بابستغراب: وكيف مشي ! نايف وين
غنى: مادري
ام سلطان: دقي عليه ياخذك وليه ساكته
غنى: يمكن مشغول
ام سلطان: اذا مافضي لزوجته لمنو يفضي حلوه هذي
غنى بضيقه: ياخالتي دقي عليه انتي
ام سلطان: ليه بينكم شي
غنى: لا
ام سلطان: صارحيني يامي
غنى تدارك دموعها: والله ...
قاطع كلامهم دخول ديم: السلام عليكم
ام سلطان: ياهلا وعليكم السلام
ديم: كل عام وانتم بخير
غنى: وانتي بخير
ام سلطان: وانتي بخير
غدير: ياهلااا وانتي بخير ياروحي شخبارك
ديم بابتسامه: بخير ياعمري
غزيل: كل عام وانتي بخير
ديم: وانتي بخير يام فهود
ام سلطان: تعالي اجلسي
جلست ديم
غنى: معك احد
ديم: لا بس انا
ام سلطان: ام علي ماجت
ديم: لا راحت هي والبنات لام جابر وقالت بتواجهك بالغداء
ام سلطان: اي اخبارك انتي والحمل عسى خفيف
ديم: والله الحمدلله خفيف
غدير: النونو بنوته ولا ولد
ديم: والله مادري الا ياغنى بشري
غنى استغربت: بشنو!
ديم: مافي نونو
غنى: لا وين
غدير: وش اللي لا وين جيبي لنا نونو نفسهم
غنى: عندكم فهد يكفي
ام سلطان: وانتي بعد
ديم: علامك ماتبين
غنى: ان شاء الله بس بدري
ديم: الله يرزقكم الذريه الصالحه
الكل: امييين
-
ماجد: ارجع البيت مليت
نايف: يلا يلا بعد بترتاح شوي قبل الغدا
عمر: انزلو نسلم على ابو محمد
نايف: يلا
ماجد: عيدت عليه بالمسجد
نايف: ماشفته انا
عمر: انزل
نايف: عيدك مبارك يابو محمد
ابو محمد: ياهلا وانت بصحه وسلامة
عمر سلم عليه: كل عام وانتم بخير ياعمي
ابو محمد: وانت بخير تعالو قلطو القهوه جاهزه
نايف: لا تسلم متقهوين بس شفناك قلنا بنعايدك
ابو محمد: الله يعيده عليكم بالخير
عمر ونايف: وياك ان شاء الله
مهره: يبه نمشي
لفتت نظر نايف
ابو محمد: يلا اجل بوصل الاهل يعايدون خوالهم
نايف: فمان الله
عمر: ياولد اثقل
ركبو السياره
عمر: يارجال وش الحل مع ذا
ماجد: وش صار بعد
عمر: تخيل طلعت بنت الرجال وقعد يتاملها
نايف: والله انها حلوه
عمر: وش شفت ترا طالعه بس عيونها وحاطه فيها مكياج
ماجد: تراك متزوج
نايف بقهر: يااااليييل حرك للبيت بس
