نايف: انا قلت لكم مابي غير جود
ابو سلطان: مو بكيفك والحين تطلقها ولا اطلع برا بيتي
ام سلطان بتوتر: استهدو الله
نايف: انا بطلع
ابو سلطان بصدمه: اعتبرها اخر مره تدخل بيتنا
غدير مسكت نايف: وقف يانايف ماتوصل تتخلا عن اهلك
نايف: اللي مايقدرني ماجلس عنده
ابو سلطان: برااا
ام سلطان تحاول تهدي ابو سلطان وتبكي: ولدك هذا علامك عليه
ابو سلطان: ولدي ماحترم قراري
طلع نايف وكان صلاه المغرب اتجه للمسجد برا الديره والضيقه اللي فيه ماتوصف: ياربي انت اعلم مابخاطري اللهم اجبر خاطري بحلمً تمنيته وابعد عني كل أذى
طلع وكله تعب وحالته حاله مايدري وين يروح اهله ومايقدر وماجد ماراح يساعده بما ان الموضوع يخص جود وقام يردد يارب تقرب لي الخير
-
ام سلطان: شلووون طاوعك قلبك تخليه يطلع
ابو سلطان: هذا هو طاوعه قلبه يطلع؟
ام سلطان وكلها دموع: الحين وين يروح ووش يسوي ماله احد
ابو سلطان: ربي معاه والله يسترعليه معاد فيه نايف هنا
غدير تبكي: يبههه اخوي مايصير
سلطان: بطلع انا تبون شي
الكل: سلامتك
ام سلطان راحت لغرفتها تدعي وابو سلطان راح للدوانيه جلست غدير بالحوش
-
سلطان راح لماجد بالدوانيه
ماجد: بشر
سلطان: راح
عمر: كذاب !!
سلطان: والله الله يستر عليه
ماجد: شلووون قدرر شلون؟
سلطان: كلنا مصدومين
ماجد: الله يعينه ووين بيروح
عمر: يااخي قلنا تحبها بس اهلك
سلطان: الله يهديه
ماجد: بيجون بكرا عمي ابو علي بيخطبون
سلطان: صدق
ماجد: ايوالله واستغربت كيف والوضع كذا
عمر: الوضع عادي والحمدلله عرفنا الشخص ونايف متاكد بيجي نبي وناسه الحين
سلطان: ماعندك احساس
عمر: لاني متاكد نايف بيجي بيخلينا وهو مايصبر!
ماجد: صادق بس احس المره صامل
عمر: يابوي لاتخرب فرحه اختك وخل اليوم يعدي على خير
-
لين وعيونها دموع: كيف تطردونه وهو الحين بحاجتي كييف
ام علي: والله نبي مصلحتك وحاولي تهتمين بنفسك وباللي ببطنك
لين: يمه تمزحين كيف بنسى زوجي وابو اللي ببطني
لينا: اقول بدون دراما بكرا بيجحدك نفس ابوه
لين ودموعها مو راضيه توقف: راكان غييير ياخي
ام علي: وراك ماتسكتين واضح فاضيه روحي غسلي المواعين بتنسينه وتشغلين نفسك والحوش بعد اكنسيه
لين: يمهه ماقلت ابي شغل ابي راكان ياخي بروح له
ابو علي بالغرفه الثاني بصوت عالي: حركات بزران مانبيها
لينا: اسكتي ابوي سمعك لاتخلينه يعصب
لين: اطلعو برا عني اتركوني لحالي
ام علي: واذا حسيتي مانفع ترا المطبخ ينتظرك
لينا بابتسامه: باااي يام وافي
طلعو بالصاله
علي: شخبارها
ام علي: زعلانه عشان رفيقها بس مع الايام تتعود ماعليه
لينا: وش صار على راكان وين راح
علي: مدري والله
ام علي: الله يعينه المسكين مايدري يحصلها من اهله ولا ابوه
لينا: ولا حنا ولين
ام علي: حاولي ثاني مره ماتلقفين
لينا: صدق هالفتره يحتاجها
علي: هذا رجال ماعليه
ام علي: الحين جود بتسوي نفسها متضايقه وامها بعد وبيخلون لين تشتغل لهم لا حبيبتي بنتي مو شغاله اذا زانت اوضاعهم تروح
لينا: راكان ماراح يقصر معاها
ام علي: ادري بس اعرفهم زين وتجهزو بكرا نروح
لين: حمااااس
-
راكان طلع من المخفر بعد ماتاكد ان القضيه صدق وكل شي ضد ابوه انهار وتعبان مايدري وين يروح لين حبيبته اللي كان يشكي لها كل شي مو عنده واهله مايدرون: يارب الهمني الصبر مالي غيرك اشكي له عن حالتي
وقف عند مطعم يتعشى ويشوف وش يسوي
-
نايف جالس بالشاص منهلك تعب وهموم ماتوصف دق على جود واخيراً ردت
جود: هلا ومرحبا
نايف حسباله تعرف: يهلا فيك ياروح نايف
جود: اخبارك وش مسوي
نايف يحاول مايبين التعب: بخير دامك بخير بس ضايق شوي
جود: ليه ياروحي
نايف: مادري
جود: وين ماجد يونسك
نايف: زعلان شوي
جود: من ويش
نايف يحاول يصنع سالفه وماحصل غير انه يقول سالفه ديم
جود تمثل الحزن: والله آسفه ماتوقعت شالته بخاطرها ياحبيبتي ياديم وانا قلت لها من باب الغيره عليك
نايف: غيره من شنو
جود: حسبالي شافتك وانا اعتذر والله من حبي لك توقعت
نايف: انا كلي لك وخليك واثقه ولا تسوين هالشي مع ديم وغيرها
جود: ابشر ياروحي
نايف: انا جاي
جود: ليه
نايف: ماعرفتي؟
جود: شنو!!
نايف قال لها عن ابوها وانصدمت
جود: كيف تتوقعها من ابوي؟
نايف: هو اعترف
جود: ياخي ليييه
نايف: ياروحي ابوك خذا جزاته وابوي تهاوش معي وقال طلقها
جود: وانت جاي تطلقني!!
نايف: لا اكيد احبك ماراح اخليك
جود: اجل
نايف: ابوي خيرني انتي او وحده ثانيه واخترتك
جود بصدمه: يعني جاي بتعيش عندنا؟
نايف بابتسامه امل: اي
جود: حياك الله عند اجدادي
نايف: تمام
-
ابتهاج: يعني
دخلت ام جود تبكي: ابوك يابنتي ابوك
جود حضنتها: اي يايمه عرفت الحين
ام راكان: حسبي الله عليهم
ابتهاج: نايف قال اعترف
ام راكان: اي قاله راكان وياروحي تعبان
جود وعيونها تدمع: الله يخارجه وان شاء الله يتنازل
جاء عبدالعزيز ياخذهم: يلا جاهزين
طلعو للسياره متجهين لاجدادهم بالعزبه
كان ليل واصوات الغنم والبل جود مو متعوده عليه
جابر: ياهلا باختي ام راكان
ام راكان: يهلا فيك ياسندي
جابر: الله يخارجه وحياكم الله
جود: لاتقولون بنعيش هنا؟
الجده: اي
جود: لا وين يمه امشي نرجع
جابر: قدامك اشغااال بترتبين مع غنى وتشتغلين
عبدالعزيز: اخلي غنى تطلع؟
جابر بهمس عشان ماحد يسمع: لا خلها تتعلم
غنى جالسه تهوجس وهي اصلا متعوده: اخ بس متى اطلع من المكان صح بشتاق له لكن بطلع
جلسو عند النار يسولفون
جود: وينها غنى
الجد: ماشفتها اليوم
جابر: انا بروح اناديها
دخل عليها كانت جالسه: وش تسوين
غنى: قاعده اهوجس تجي تهوجس معي
جابر: هههههه نفس كل مره "مهما سوا لها الا انه يحبها كانها بنته واخته بس يبين عصبي لها عشان ماتغلط"
غنى: سمعت صوت سياره من جاء
جابر: خالتك ليلى
غنى: صدق؟
جابر: اي ومعاها جود بعد
غنى بصدمه: كيف جت الدلوعه
جابر: حصلت لها تهزيء بعد
غنى: احلف وليه
جابر: تقول ماتبي تعيش هنا قلت بتعيشين وطرق وبتسوين كل شي مع غنى
غنى: غريبه ليه يعيشون هنا
جابر: ابوهم مسجون الله يفك اسره
غنى: ليه
جابر: موضوع خاص بينهم تعالي اجلسي معاهم
قامو وسلمت عليهم وجلست عند جدها
الجد: تو زانت الجلسه
غنى بطقطقه: اي حلو اعترفتو مافيكم فايده من دوني
عبدالعزيز: معترفين مبطي
غنى جلست سعود ولد جابر بحضنها: ياحلوك ياخالي
سعود: غنو الجمل الصغير يبكي
غنى بابتسامه: افا ليه
سعود: طقه الباب
غنى: اي اللي يطلع بالليل بيصير نفسه عشان كذا اقولك بالليل لاتطلع ياحبيبي
جابر: سعود اكتشفت يحب غنى اكثر مننا
الجده: الكل يحبها
الجد: هذي حبيبه جدها
جود تشمق لها
غنى: علامك جود حبيبتي كانه مو عاجبك
جود: لا حبي
سعود: هذي شفيها بس زعلانه كانها شفيق
عبدالعزيز وغنى انهارو ضحك
الجده: من هذا بعد
ام سعود: يقصد اللي بسبونج بوب
الجده: منهم هذولا
غنى: ياجدتي هذولا العاب
جود: الا وين نرقد
الجده: بالخيمه الثانيه
جود: كييف
الجد: بدون دلع خلك تصيرين نشيطه وسنعه
الجده: اي ويزين شعرك وصحتك تكسبين فيتامينات من الشمس
عبدالعزيز: تراك عايشه بالديره لاتحسسيني جايه من مدن كبار
غنى: هههههههه خفي علينا
جود: محد كلمكم
ام راكان: فيني نوم وتعباانه قومي ياجود شوفي الفرش
الجده: قومي معاها ياغنى ساعدي الخبله
غنى: سمي
طلعو جود وغنى
غنى: انتي روحي للخيمه شيلي اللي فيها وانا بجيب الفرش
راحت جود ورتبت اللي فيها وجت غنى
جود: اففف
غنى: دلع من اليوم مافيه
جود: انا مادري ليه جايه لو بكيفي ماجيت
غنى: ليه ماجلستو عند خالتي
جود: ودي بس امي واصلا وناسه عندهم اطلق منك
غنى: والله تمنيت ماجيتي بس الشكوى لله
وقف نايف وكله خوف وتوتر ويردد يارب تساعدني وتقرب الخير لي
-
ام سلطان منهاره دخلت عليها غدير: يمه حبيبتي من اليوم ما اكلتي شي مايصير تتعبين نفسك
عمر: ياروحي يايمه اكلي
ابو سلطان: علموها مايفيد الولد اللي اختار انه يروح محد جبره
ام سلطان: سلطان دق عليه يامي شوف وينه
سلطان: دقيت عليه مايرد بس نايف كبير وهو يعرف مصلحته
عمر جلس عندها وقرب الصحن يوكلها وهي تبكي وكلها خوف على نايف
جلست غدير تفهمها ويحاولون يونسونها لحد ماكلت ونامو جميع
-
ديم: وش تسوي بالحوش غريبه مانمت
ماجد: مافيني نوم
ديم: بس بالعاده هالوقت بسابع نومه
ماجد: اليوم مو راضي يجيني النوم
ديم: يعني عشان نايف؟
ماجد: وخطبتك
ديم: اذا ماتبي ومو مرتاح تقدر ترفضهم واصلا من قال اني ابي الزواج اذا انت مو مرتاح له
ماجد: مو كذا بس ارهاق تفكير وعسى الله يوفقك ياعين اخوك
ديم: اكيد
ماجد: اكيد وروحي لغرفتك ارقدي وراك فرحه بكرا
راحت ديم وقفت عند الباب: تبي اجيب لك شي قبل اروح
ماجد: لا نوم العوافي
ديم: الله يعافيك
جلس ماجد يهوجس بنايف: انا اسف يارفيقي ماوقفت معاك بس تعرفني اذا هالشي اللي تبيه يضرك ماراح اساعدك فيه وعساك تعرف الصح قبل تندم والله يوفقك وين مارحت وصراحه ودي الحين اكون معك وتفضفض لي وتسمعني قصايدك بس ياخي مقدر لان اللي انت سويته غلط وماحسبت حسابنا حتى انا رحت وتركتني واهلك اللي معاك تركتهم عشانها
قام لغرفته وتعوذ من الشيطان ورقد
-
لين دقت على راكان واخيراً رد
راكان بصوت مبحوح وكله تعب: هلا بالدنيا كلها
لين وعيونها ماوقفت دموع من سمعت صوته: هلابك زود ياروحي وشخبارك
راكان: ان كاني قلت لك طيب تراني اكذب
لين: افا ليه
راكان: مانيب طيب يالين بعد فرقاك ومن اللي حصل لي
لين: والله مو بيدي اخليك بس ابوي رافض
راكان: معذوره ياقلبي
لين: وينك فيه
راكان: جالس بمطعم برا الديره
لين: وين رايح
راكان: لاهلي
لين: الحين؟
راكان: لا الصبح ان شاء الله
لين: انتبه لك
راكان: باذن الله وانتبهي لك بعد
لين: تبي تسكر
راكان: ماودي بس براحتك
لين تدارك دموعها: مع السلامه
راكان: فمان الله يا أول من سكن بين الضلـوع العـوج
عسى دربك سفير و يا عسـى الله مـا يخلينـي
سكرت لين وانهارت كتمت نفسها عشان ماحد يسمعها
راكان تنهد وحط يده على راسه وسكر عيونه يحاول ينام
-
جابر: من اللي وقف وتالي الليل
عبدالعزيز: مدري بروح اشوف
طلع وشاف نايف: وش جايبك هنا!
جود طلعت وشافت نايف قامت تصارخ: بيذبحني بيذبحنييييي
نايف: جود علامك ومن اللي بيذبحك
طلعو كل العائله وقف جابر وهو يكره البنت تطول صوتها وفيه رجال
طقها كف: كم مره بعلمك انا صوتك لاشوفك مطولته
مسكه نايف من صدره: ومن انت عشان تمد يدك عليها
عصب جابر: ومن انت ادخل بيتنا يالخسيس
جود: اي ياخالي اضربه جاي يذبحني ناوي بشر عشان ابوه
نايف مصدوم
جابر طقه من وجهه طاح نايف بالارض وضربه ثاني مره والثالثه نايف من الصدمه سلم نفسه لهم: انا ياجود انا!
جود: اي انت
وقفه جابر وكان طرف حاجبه الايسر كدمات وخشمه دم وثوبه تراب
غنى مصدومه ليه سوت فيه كذا
جابر: انقلع ولا اشوفك هنا
نايف ركب سيارته وهو مايحس بنفسه وقف عند جبل بعيد شوي عنهم
جابر بصوت عالي: يلا الكل ينقلع لفراشه وانت ياسعود رح لامك يلااا
سحبت غنى جود
جود: ايي يدي
غنى: بفهم انتي ليه سويتي فيه كذا !!!
جود: يستاهل اكثر
غنى: ضحى بنفسه وترك كل شي سواه ابوك واخر شي تجازينه كذا؟ شخص مثل نايف حتى وهو خالي ضاربه طالع حلووو تخسرينه
جود: مايهم
غنى: ياخي ماشفتي عيونه كيييف ماشفتي جماله ماركزتي؟ حتى وهو بأسوا حالاته طالع حلو ياخي يوم مسك الشماغ ويوم ركب السياره يجننن ليه كذا انتي غبيه
جود: ماتهمني المظاهر
غنى: بس حتى افعاله تشهد له انه كفو ورجال وصراحه انتي الخسرانه
جود: اطلعي برا لو سمحتي واللي جاه بسيط قدام اللي سووه لابوي
غنى: الشرهه على اللي ينصحك ولا انتي ماتستاهلين
طلعت غنى واجهت خالها: انتي مارقدتي
غنى: جيت بسالك ارقد بالخيمه ولا ارجع
جابر: بالخيمه
غنى: يعني صامل
جابر: اي يلا
شافته غنى دخل وراحت للخيمه وقفت عند الباب شافت ضوء عند الجبل: من هذا ليكون نايف
الفضول ذبحها وكان لازم تروح اشوف بس خايفه من خالها
نايف وقف عند الجبل وكان مايقدر يتحرك ما اكل شي من اليوم وفوق هذا ضرب وصدمات وخذلان تعب وقف السياره
غنى: اروح ولا
بعد تفكير قررت تروح واخذت معاها ماي وادويه طبيعيه
مشت وكانت المسافه بعيده وقفت تتاكد هي سياره نايف ولا وطلعت نفسها
شافته حالته ماتطمن والدم
نايف: شعندك انتي ماخفتي من خالك بعد
غنى: هاك الاكل وجهك رايح فيها
نايف: احسن خلني اموت وش ابي بالحياه كذا
غنى: لاحول ولا قوة الا بالله مايصلح هالكلام شفني عايشه عيشه ماتناها لعدوي والحمدلله صابره تدري ليه؟
نايف: اركبي السياره برد عليك وبعدها قولي ليه
ركبت بالجهه الثانيه: تمام بقولك ليه بس اكل الخبز هذا وماي ماقدرت اجيب شي حار
نايف: عادي قولي ليه
غنى: لان عندي امل بربي وبيعوضني بالافضل
نايف: كان عندي امل بس راح
غنى: خل املك بالله الاوادم ماوراها خير ولاتنسى الصبر مفتاح الفرح نايف: ياخي انتي كيف كذا
غنى: لاني تعودت وعندي امل كبير بالله ولا من يصبر على عيشتي وفوق هذا لو يصير شي حطو اللوم فيني وطقوني
نايف: اشكرك على اللي جبتي ليه واشكرك على المواساه والحين روحي لايعرف خالك
غنى: ماراح يعرف
نايف: ليه؟
غنى: معاقبني انام بخيمه بعيده عنهم متخيل
نايف: ماتخافين
غنى: تعودت اقولك والحمدلله ماخاف والله معي
نايف: الله يرزقك بالراحه اللي تتمنينها وصراحه محظوظين انك عندهم
غنى: اميين ويلا سلام ماهو من طبعي اتكلم مع رجال غريب بالعاده اسطرهم بس شفتك انظلمت وساعدتك
نايف: يعطيك العافيه
غنى: باي واحمد ربك لان جود تركتك اعتبر اذى وبعد عنك
نايف بتنهيده: الله يعوضني
غنى: باذن الله بتحصل العوض اللي يرضيك بس لاتقرب للمكان لان دام جود فيه اعتبره غثيث ماقصد اني بكرهك فيها بس صراحه غثيثه شسوي حاول ماتجينا والله يسعدك بخطواتك الجايه
نايف: اعتبرها طرده من ورا التريلات؟
غنى: شدعوه اعتبرها نصيحه
نايف بابتسامه: زين فمان الله
