غدير: جيناكم
ديم: وش صار من اللي فازت
لينا: طبعا صاحبه الاول دايم لينا
غدير: ياحبك لشوفه النفس بس
لين: يحق لها دامها فازت عليكم
ديم: واو الخوات يدافعون لبعض
لينا: لا حبيبتي مو دفاع هذا الواقع اذا ماتدرين
ديم: ههههههههههههههههه كفو ليونه
غدير: وين جود
لينا: كفوك الطيب ، مدري عنها قالت بلحقكم بس مدري
لين: ليه ماجت معاكم
دخلت جود: اف منكم
غدير: ليه؟
لينا: علامك
جود: تخلوني بروحي ماقدرت امشي زين
غدير: اقول انكتمي ترا قلتي روحو
جود: وانتم ليه ماغصبتوني اروح
لينا: والله بوقتها لو قلنا كلمه كليتينا عشان كذا تستاهلين
غدير: صادقه
جود: امحق خويات
ام علي: يلا يابنات شيلو الاغراض وان كان لكم شي شوفوه لاننساه
غدير: مو بدري
ام سلطان: وش بدري الساعه ١١ وحنا مامشينا يلا يابناتي
مو زين نتاخر
ام راكان: شوفو الجوالات لاتضيع بالتراب ماراح نحصله بسرعه
لين: انتم قومو انا تعبانه
لينا: سلامات حبي تراك تو متزوجه مامداك تصيرين عجوز قومي معنا
ام راكان: يمهه منكم خلوها انتم تكفون
قامو يرتبون غدير لاحظت ديم ساكته مو نفس حماسها قبل ساعه: شفيك؟
ديم تناظر وراها: تكلميني؟
غدير: لا اكلم الجني اللي وراك
ديم: بسم الله اسكتي مو وقتك ترانا فالبر
غدير: ادري وفي غيرك اكلمه
ديم: مافيني شي
غدير: متاكده
ديم: يوهه خلاص امشي نشيل العزبه
جود: انا رجلي مجروحه مقدر اقوم
ام راكان: شقومك
جود: جرح بسيط يمه لاتخافين
ام راكان: دامه بسيط قومي ساعدي البنات
غدير: هههههههههههههههه قومي ياروحي مافي مهرب
لينا: كفوووو ياخالتي يلا قومي لاسحبك بشوشتك
جود: ياخييي شتبوننن ماباقي شي
ام سلطان: باقي بس الماي
ديم: خلاص انا بشيله بس خذي الفرشه اللي عندك
جود: زين
شالته وكان ثقييل تحاول تسحبه: اهخخ ظهري تكسر انا ليتني ماتكلمت اففف ياربييي
غدير: ديييم حطيه بالجيب الثاني.
ديم: اي واحد؟
غدير: اللي ورا حق علي
ديم: يارب تمزحين
غدير: للاسف
ديم: ياربييييييي بعيد وش اسوي
غدير: يلا سيو كملي محد قالك تدخلين لو مخليتها تشيله
ديم: شسوي رحمتها عشان رجلها
غدير: اجل تحملي
راحت ديم تسحبه وهي منهاره من التعب وبنفس اللحظه متضايقه من جود جلس تبكي: ياربيييي شسويت انا عشان اتضايق بنص اليوم اللي كنت متحمسه له
نايف: من
ديم تمسح دموعها: انا ديم
نايف: علامك جالسه وش تسوين هنا
ديم: تعبت منه تعبتتت ثقيل
نايف: وانتي ليه تشيلينه لحالك
ديم: ماكنت عارفه انه ثقيل
نايف: انتي صاحيه هذا ثقيل عليك ليه ماصوتتو لاحد مننا ديم: قلت لك ماكنت اعرف انه ثقيل
نايف: بعدي بشيله
قامت ديم تساعده
نايف: لاتشيلين ثقيل عليك افهمي
ديم: حتى انت ترا ثقيل عليك
نايف بابتسامه: انا رجال انتي روحي اذا تبين تساعدني افتحي باب الجيب
ديم ضحكت: اوهه معليش نعتذر ياقوي
نايف: اسرعي
ديم: وش صار على القوه صبر نختبرها
نايف: لو ماستعجلتي وفتحي الباب والله لاخليه واخليك تشيلينه لحالك
ديم: يمه منك طيب بروح
نايف: غصب
ديم: خلاص مزحنا معك شوي لاتفلها
نايف: هههههههههههههههه
ابو سلطان: يلا يلا مشينا
شالو الاغراض والكل اتجه لسيارته لين وجود وامها وابوها ركبو مع راكان وابو علي معه اهله وابو وام سلطان وعمر راحو مع سلطان وديم وغدير راحو مع ماجد ونايف
نايف: الله بدون زحمه
غدير: جاتني فوبيا من سواقتك
ديم: منجد والناس ليل
ماجد: اقول اسكتو وتأملو القمرا
نايف: ليل وقمر؟
ماجد ابتسم: ومسرى مع رفيق توده
نايف: يالبييييه اطلق مسرى
غدير بهمس: فاهمين لبعض
ديم: مرره الله لايفرقهم
تحركو كلهم بطريق واحد وكان الكل ساكت غدير مستغربه من هدوء ديم : ديوم علامك ساكته مو من عادتك كنتي ماتسكتين صاير لك شي انتي ؟
ديم بتنهيده: لا ياعيني بس تعبانه شوي وفيني نوم بعد
غدير: ياخي مو طبيعي من اليوم ملاحظتك متضايقه ومو نفس ديم اللي متحمسه بالبدايه!
ديم منهاره: ياخي مافيني شي خلاص
غدير: تخفين عني شي ؟ ترا بزعل لو اعرف من احد غيرك
ديم: ياروحي مافيني شي لاتخافين
وصلو البيت وكانو تعبانين وفيهم نوم مايوصف
ماجد يفتح باب بيتهم: يلا فمان الله نشوفكم بكرا على خير
نايف: تعال ارقد عندنا ياولد
ماجد: ديم بترقدين عندهم!
ديم: لا ابي بالبيت
ماجد: برقد بالبيت يابو ماجد
نايف ابتسم: طيب يابو نايف
ماجد: هههههههههههههه يلا دز
نايف: هين هين الوعد بكرا
ابو سلطان: دخل الاغراض وانت ساكت
نايف: علامك علي يابوي
ابو سلطان: فاضي للهرج امش قدامي
دخلو ورتبو وبعدها طفو اللمبات
غدير: فيني نوم لاحد يقومني الا اذا انا قمت من نفسي تسمعون
عمر: حتى انا
ابو سلطان: انتم ارقدو وبكرا يصير خير
الكل راح لغرفته يرقدون
-
بيت ابو راكان
ابو راكان: رتبتو الاغراض
ام راكان: اي الحمدلله وياربي بالتعب
جود: تكسر ظهري منهم كل شوي اروح وارجع
ابو راكان: زين اسمعوني
راكان: فيه شي مهم !
ابو راكان: واذا مافيه بتروح وتقطع كلامي!!
راكان: لا يابوي شدعوه بس اسال
ابو راكان: زوجتك وينها ماساعدتهم
راكان: الا بس راحت الحين للغرفه تبي اناديها؟
ابو راكان: لا مب لازم الموضوع اللي بقوله جهزو اغراضكم بننقل
ام راكان: وشهوو! ننقل شلون يعني
ابو راكان: بننقل لبيت راكان
جود: ليه طيب
ابو راكان: الطريق بعيد وماهي زينه نخلي ولدنا يجي حنا نجيه وافضل من الديره بعد
ام راكان: يعني تبينا نترك الديره وبيتنا؟؟
ابو راكان: اي خلاص المفروض تفرحين للموضوع ياليلى
بتروحين عند ولدك وحيدك
ام راكان: ماعليش يافيصل بس الديره كل عمري عايشه فيها والحمدلله دوام راكان اسبوع يداوم واسبوعين عندنا مافيها خوف
راكان اللي الوضع عنده عادي: حياكم الله والبيت بيتكم خلصتو بروح
ابو راكان: توكل وانتي ياليلى اتوقع كلامي واضح جهزو من بكرا
جود متضايقه: يبه راكان دوامه مطول باقي اكثر من عشر ايام
ابو راكان: وبالعشر ايام هذي نكون فيها ناقلين كل شي ومرتبين وضعنا
ام راكان: راكان بيجي بليانا عشان اهل لين الديره يافيصل ماقدر اتركها بعد التعلق هذا
ابو راكان: اقول عجبكم الموضوع او لا خلاص قلت لكم كلمتي وتجهزو رايحين رايحين ويلا الكل لغرفته ينام ورانا اشغال
راحت جود لغرفتها وفيها حزن مايوصف: يعني بترك الديره اللي عشت فيها كل عمري! يعني بترك مدرستي وصحباتي اهخخ ياربييي ماقدر وغير هذا بترك الديره اللي تجمعني بنايف واهله ببكيييي ابوي كيف يقررر كذا، نامت وعيونها دموع
لين: اهلاً وينك تاخرت
راكان انسدح: تعالي نامي على كتفي واقولك
قربت وحطت راسها على يده وحضنها: ايوه وين كنت
راكان: كنت عند ابوي وقال يبي اهلي ينقلون عندنا
لين فرحت: صدق يعني بيجون عندي اخيراً اذا رحت للدوام بيكون في احد يونسني
راكان: اي بس امي وجود ماعجبهم ومايبون يتركون الديره
لين: صدق اذا نقلو بنفقد اشياء واجد
راكان: عشان كذا ماودي بس ماقدر اقول شي بيزعل ويحسبني اصرفه وتعرفين ابوي لاشخصنها
لين: ماعليه الله يعين بس متى يبي يشيلون
راكان: حسب كلامه من بكرا
لين: اما عاد مسرع تو جينا واشتقت لاهلي مابي نروح
راكان: بنشوف بكرا خلينا ننام ويصير خير
لين: زين
راكان: بسم الله
-
بين ابو علي
ام علي: لينا يامي دقي على اختك بتطمن عليها البارح كانها تعبانه
لينا: مافيها شي بس دلع اول مافي الحين عليها مسؤليه
ام علي: دقي بدون كثره كلام
لينا: شدعوه يمه هذاني ادق ماترد
علي: يمه يمكن راقدين في احد يدق هالوقت بكرا باذن الله دقي
ام علي: نامو انتم وقصرو اصواتكم ابوكم راقد لايعصب
لينا: ابشري اصلا انا بروح انام تصبحون على خير
الكل : وانتي بخير
علي: حتى انا يعني نامي يام علي وانتي مرتاحه
-
بيت ابو ماجد
ديم تشوف صور اهلها منهاره وحالتها حاله: ليه تروحون وتخلونيي ليه خليتوني بين الناس لو شافوني قالو ماعندها اهل ويضحكون علي عشاني يتيمه ليه يايمه تروحين عني وانا توني صغيره تدرين كنت اروح للجيران عشان يمشطون شعري للمدرسه وتدري يابوي اني امشي انا واخوي للمدرسه وتعرفون المسافه بعيده كنت لو اغلط يقولون عني مالي والي وهو غلط صغار تكفوننن معدت اتحمل بدونكم💔
دخل ماجد وشافها جلس وحضنها: تكفيين ياعيون اخوك لاتوجعين قلبي عليك يكفي الكسر اللي فيني بعد فقدانهم تكفين ياخت ماجد تكفين
ديم وهي تبكي وتشاهق: معدت اتحمل فراقهم ياماجد تعبت تعبببت من البعد ومن كلام الناس
ماجد تلطم عشان مايبين حزنه ويحاول يقوي نفسه عشانها بس دموع عيونه فضحته: خلاص ياروحي حتى انا اشتقت لهم وتعبت من فراقهم بس هذا قضاء الله وانا لله وانا اليه راجعون وكلنا ماشين بالدرب وراحو للي افضل منا الحمدلله
ديم: ماقدر ياماجد مقدر
ماجد: خلاص ياعيون اخوك قومي وتوضي وصلي ركعتين ونامي لاتضيقين خاطرك ضيقتك من ضيقتي يلا
قامت ديم تمسح دموعها عشانه وراحت توضى
ماجد راح للصاله وجاب فراشه بينام بالصاله عشان يسمع ديم اذا احتاجته
ديم تصلي ودعت كل شي بخاطرها وبعد مارتاحت راحت نامت
-
يوم جديد على اهل الديره
ابو راكان يصيح بالصاله: يلا قوموووووو
ام راكان: يالله صباح خير انت علامك تصارخ
ابو راكان: قومو وراكم تجهيز اخلصو علينا
جود: يبه تكفى غير رايك
ابو راكان: اقول قومي بس وجهزي ترا لو نسيتو شي معاد فيه رجعه البيت بينباع
ام راكان بصدمه: وشهوووو كيف ينباع بيتنا على كيفك تبيعه
ابو راكان: انباع وخلصنا والبيت مهوب لنا اطلعو منه قبل يطلعنا راعيه
جود وعيونها دموع: يبه كيف طاوعك قلبك تبيعه وانت تعرف متعلقين فيه وحيل يبه كيف تبينا نودع ذكريات بيتنا الحلوه يبه تكفى قول تمزح
ابو راكان: هذا كلامي الاخير ومابي كلام زياده
دخل راكان: بسم الله علامكم
ابو راكان: ابد والله اقول جهزو يتبكبكون عندي
طلع ابو راكان
جود: تخيل باع بيتنا
راكان بصدمه؛ كيففف باعه تمزحين
ام راكان منهاره: هذا الحاصل ياوليدي
راكان بعصبيه راح لابوه: يبه انت كيف تبيعه بدون استشاره لنا باي حق تبيع بيتنا وحنا فيه؟
ابو راكان: اقول اعقب ولا تطول صوتك علي وانقلع لهم يجهزون الاغراض بسرعه
راكان طلع معصب: قبل اروح تذكر بتندم صدقني
ابو راكان: اقول انقلع بس
ام راكان: هاه بشر ياوليدي
راكان: جهزو
طلع برا البيت ولين سمعت كل شي بس ماقدرت تنزل وهم بالحاله
راحت جود لغرفتها تفكر وكيف تقول لنايف والصغار مو موجودين : لازم اقوله يخطبني قبل نسافر لازم بس شلون
بعد تفكير طويل جاتها خطه
-
ديم بصوت عال: صباح الخير يا اجمل عائله
ام سلطان: يهلا صباح النور والسرور
ابو سلطان: صحت الدنيا ارحبي يابوك تعالي افطري معنا
غدير باست راسهم؛ العيال وين غريبه ماصحيتوهم
نايف: ابشروبي هذاني جيت
ابو سلطان: ارحب يهلا صح نومك
ام سلطان: صح نومك
نايف: صح ابدانكم وتبقون الله خبز وسمن وحركات احس اشتقت لهم
سلطان دخل عليهم: تصدق حتى انا
ام سلطان: ههههههههههههه يهلا فيكم يوم صحيتو عمور ماقام
عمر: لا توني
ابو سلطان: ههههههههه نشيطين اليوم عساها دوم
عمر: اخ جوعاااان وريحه الخبز واصله الغرفه اشتقت له وانا امس ماكله
سلطان: البر جوعنا صدق
نايف: مرهههه
جلسو يفطرون وسوالف
-
ماجد: اخبارك اليوم
ديم: بخير اسفه ضايقتك بس امس مادري شفيني
ماجد: ماعليه تعالي نفطر بالحوش
ديم: يلا بجيب الشاهي واجي
فرش الفرشه وجلسو يفطرون
ماجد: الحمدلله عاد انا بطلع بخلص كم شغله
ديم: موفق
ماجد: بتروحين لاحد؟
ديم: لا مانيب طالعه اليوم
ماجد: حتى لبيت عمي ابو سلطان
ديم: ماراح اطلع لأي مكان بجلس بالبيت
ماجد: زين اذا احتجتي شي علميني انا بروح
ديم: انتبهلك
قامت ديم تغسل المواعين وترتب البيت سمعت صوت الباب يطق: مين؟
جود: هذا انا افتحي لي
ديم استغربت شعندها جايه فتحت لها دخلت جود الصاله وجلست
ديم مصدومه كيف كذا ولا كان صار شي امس
جود: اسمعي انا ماني مطوله بعطيك ورقه عطيها نايف
ديم: نعم؟ وليه ان شاء الله اعطيه
جود: عطيه وبس
ديم: والورقه حق ويش
جود: مالك دخل عطيه وخلاص بدون كثره هرج
ديم: اسمعيني زين صح اعرف نايف بس مو لدرجه اموت عليه مره واعطيه ورقه من بنت
جود: انتي امس راكبه معاه خفي علينا
ديم: ركبت بسيارته لان اخوي معي مو لحالي ارسل بنات الناس يعطونه رسايل
جود: شتقصدين بكلامك
ديم: واضح كلامي واسفه ماتوقعت بيوم من الايام بقوله لكن اطلعي برا البيت ولا عاد اشوفك جايتني
جود: تطرديني؟
ديم: اي توكلي
جود: الشرهه مو عليك الشرهه علي انا جيتك باحترام
ديم: برا
طلعت جود ومتوتره وش بتسوي وكيف بتوصل: خلني اروح للبقاله يمكن تحصله فيها واتجهت لها
-
نايف: الحمدلله ويسلم يدينك يالغاليه
عمر: ايوالله تسلم يدينك
ام سلطان: جعله عافيه عليكم
ابو سلطان: سلطان وش رايك نحدد الملكه بعد بكرا
سلطان: ماعندي مشكله اللي تشوفونه مناسب
غدير: اي يبه تكفى بنتونس
ام سلطان: حلو بس نبي تجهيزات ملابس وغيرها
نايف: انا الحين بطلع واذا قررتو متى علموني
عمر: وين بتروح
نايف: بفر بالديره
ابو سلطان: لاتاخذ السياره بروح عليها
نايف: زين اصلا بتمشى انا
غدير: خلونا منه كملو متى تبون تملكون لمعرسنا
طلع نايف تركهم يسولفون بحماس للملكه
دق جواله: هلا بابو نايف وينك
ماجد: بالكوفي اللي ورانا تجي
نايف: يلا جايك
وصل عنده وسلم عليه
ماجد: وش حالك بشر مافي سوالف جديده
نايف: ابد والله قاعدين يخططون للملكه
ماجد: بالله متى ناوين
دخلت عليهم جود بصوت شبه عالي: نايففف
نايف مصدوم: وجع قصري صوتك
جود: نايف ابيك بموضوع الحق
نايف: علامك
جود: تعال برا
طلعو وقفو بزاويه محد يشوفهم
نايف: تكلمي
جود: نايف اخطبني
نايف: وش
جود: اخطبني؟
نايف: كيف اخطبك واخوي بعده ماملك تمزحين
جود: نايف بننقل خلاص ومعاد نجي اخطبني عشان نملك نهايه الاسبوع واقدر اكلمك براحتي تكفى
نايف بصدمه: طيب كيف بتنقلون وليه
جود: نايف تكفى هذا مو موضوعنا المهم اخطبني واعرف كل شي
نايف: تمام
جود: متى؟
نايف: مادري ياخي مادري صدمتيني
جود: نايف لاني ببعد وانا ماقدر على بعدك تكفى اخطبني
نايف: خلاص بحاول بس انتي لاعاد اشوفك
جود: كيف يعني
نايف: تجيني بمكان عام وتطولين صوتك احرجتيني قدام الرجال
جود: هذا اللي هامك اقولك بنروح افهم خلاص معاد فيها جيه اخطبني
نايف: بكرا!
جود: وشفيه بكرا
نايف: بجي اخطبك
جود بتوتر وبنفس اللحظه فرحت: صدقق؟؟ بتخطبني
نايف: اي
حضنته ومصدوم منها بعدها عنه: خلاص ياجود الله يهداك روحي لبيتكم ولاتعيدينها
جود: باي وتراني انتظرك
نايف ك: خير خير
جود: اوعدني بكرا تجي
نايف: ان شاء الله
جود: قول وعد
نايف: وعد
