راحت لين للمجلس
لين: كيف يصير خطبه وملكه وانا اخر من يدري والمشكله انا بالبيت
ام راكان: ياروحي جيتو متاخر ولا حبيت اقومك وانتي تو نايمه
لين: مايصير ياخي مو حلوه بحقي
ام راكان: ماجاء احد بس ام سلطان وغدير
لين: حصل خير بس وينها جود
ام راكان: بغرفتها
لين: تمام خالتي بروح ابارك لها وبعدها بروح لاهلي ابشرهم
ام راكان: زين براحتك
راحت لين لغرفه جود: ماشاء الله صارت خطبه وانا مادري
جود: يهلا بام حفيدنا والله ياروحي كنت بقول بس امي رفضت عشان توك رقدتي
لين بابتسامه: مبروك ياعيني
جود: الله يبارك بعمرك وعقبال حفيدنا
لين: هههههههه امين ويلا عاد جيت ابارك لك وبروح لاهلي تبين شي
جود: لا بس انتبهي لك تراك حامل
لين: هههههههه ابشري
طلعت لين وراكان جالس بالسياره ينتظرها
لين: شعندك!!
راكان: اركبي اوصلك
لين: هاه!
راكان: شقومك اركبي
لين: هذا البيت قدام عيوني وش اللي اركب انت صاحي
راكان: انتي حامل وخايف يجيك شي اركبي وانتي ساكته
لين: ياليل خلنا نمشي
راكان: اقول اركبي
ركبت لين وسكتو
-
ام علي: لينا ماقالت اختك وشعندها
لينا: لا
ام علي: احلفي
لينا: والله لو اعرف تعرفيني ماسكت
ام علي: ماقالت متى بتجي
لينا: مادري يمه ومابي ادق عليها
دخلت عليهم لين: السلام عليكم
ام علي بابتسامه: هلا ومرحبا وعليكم السلام
سلمو عليهم راكان ولين وطلع راكان: يلا عمتي استاذن
لين: اسمع تراني برقد عندهم
راكان: زين انتبهي لك
ام علي: تقهوى
راكان: والله تو متقهوي
ام علي: اي صح مبروك خطبه جود
راكان: الله يبارك فيك وعقبال علي
ام علي: يارب
راكان: الا وين عمي بسلم عليه
ام علي: والله طلع مدري وين
راكان: زين اجل سلميني عليه
ام علي: الله يسلمك
طلع راكان وجلسو يناظرون بعض
ام علي مستغربه: علامك
لينا: في شي بتقولينه ولا كيف
لين: والله مدري شلون ابدا
ام علي بشهقه: لايكون تطلقتي؟
لينا: هييييه ليه وش صاير
لين: يمه منكم بسم الله علينا
ام علي: اجل تكلمي علامك
لين بابتسامه: ابشركم انا حامل
لينا: وشهووو ماسمعت شتقولين حامل حامل ؟؟!
ام علي: لين يامي صادقه
لين: اي وقريب بتصيرون اجداد يايمه هههههه
ام علي ولين قامو حضنوها وفرحانين
دخل علي: وش فيكم
لينا بصوت عالي مليان فرح: بتصير خاااااال بتصير خاال
علي فرح: مبروك ياعيون اخوك
لين: الله يبارك فيكم يارب وعقبال نشوف عيالك
علي: امين يارب الا وين راكان
ام علي: طلع تو
علي: زين انا يخليكم تكملون سوالف مع السلامه
ام علي: فمان الله يامي
-
ام سلطان: تعالي غدير وجيبي الشاهي معك
سلطان: نروح بكرا؟
ابو سلطان: ان شاء الله او اللي بعده
عمر: ياخي عطونا كلمه ليه ماتاكدون لنا
ابو سلطان: وشعندك
عمر بتردد: بخاويكم وبروح للخيل
ابو سلطان: اها عشان كذا
سلطان: كلن على همه سرا
ام سلطان: خلونا نروح بكرا افضل
غدير: وين
ام سلطان: لملكه اخوك
غدير: بنروح بكرا وبشتري فستان واللي بعده نروح لهم
سلطان: على كيفك
غدير: عاد ابي لي فستان جديد الحين يجون بنات خالاتها كاشخين وماعرفهم وانا اخت المعرس ماتبوني اكشخ
ابو سلطان: زين اجل نروح بكرا
غدير باسته: احبك ياجمل ابو بالدنيا
-
ماجد: تبي نروح البر
نايف: الحين؟
ماجد: الليله قمرا نروح لمكاننا اللي نحبه
نايف ابتسم: قدام
ماجد: قم جب الشاص وانا بروح للبقاله اشتري اغراض للعزبه
نايف: يلا
طلعو وجهزو كل شي وحركو للجبل اللي يحبون مكانه
ماجد: يالله من زمان عنه
نايف: تعال شوف جمال القمر
ماجد: الله
نايف: يلا نشب النار ونسوي الشاهي عليها
ماجد: ماجد ويجي اطلق وش بعدها
نايف: اطلق هواجيس
ماجد: ههههههههههههه
جلسو جلسه ضحك وذكريات الماضي بهدوء المكان وضوء القمر
نايف بتنهيده:
يقول .. الا يا قمر يوم أكتمل نورك الوهاج
تذكرت محبوبي و أنا أدور السجه.
ماجد بابتسامه: الله
نايف: وش يقول ماجد
ماجد: ههههههههههههه مايقول شي
نايف: كمل
ماجد:
يقول شاعرها "جالس تحت نور القمر . . والجو هادي
والقمر وده يفضفض لي . . وانا منيب يمه
نايف: الله بس ليه مانت يمه
ماجد بتنهيده: خلها على الله وانا اخوك
نايف: علامك تخفي عني
ماجد: لاوالله بس ديم شايل همها
نايف: فيها شي
ماجد: لا ان شاء الله بس قبل يومين كانت تبكي ومنهاره تشوف صور اهلي
نايف: الله يرحمهم والبنات ياخي صعب عليهم يتحملون وصعب علينا نفهمهم
ماجد: بس ماكانت كذا
نايف: كيف
ماجد: مو طبيعي تبكي لهذي الدرجه في شي مضايقها
نايف: ماسالتها ؟
ماجد: لو اسالها بتقعد تنهار عشان كذا اقول خلها على الله
نايف: ماغير الله
جلسو ساجين يتاملون القمر
-
يوم جديد والكل مروق البيت ازعاج مايوصف اللي يقول وين ملابسي واللي يقول وين عقالي وابو سلطان مستقعد لهم عند الباب ويردد يلا تاخرنا
غدير: يااااربيييي نايف مادري وين العود حقك لا تزعجني انشغلت منك
نايف يمشي وراها: متاكد ماحد ياخذه غيرك طلعيه
سلطان: يارجال شفه بالدرج حقك
نايف: ماااحصلته ياخي غديروه لو اشوفه عندك ياويلك
غدير: ماراح تحصله
ام سلطان: خلاص ياوليدي ماكن عندك غيره
غدير: منجد
نايف: انا جاهز حتى شماغي ومكوي يلا
عمر: انا اللي كاويه لاتجحدها
نايف: اشكرك
طلع سلطان لابس البشت يجربه عليه: وشرايكم
ام سلطان بابتسامه وعيونها تلمع: بسم عليك يامي من فرحتي لك لفرحتي بعيالك يارب
عمر: امين امين
ابو سلطان: عاش ولدي الله يهنيك
غدير: يلا خلونا نمشي بشتري فستان
نايف: ليه اليوم الملكه؟
ابو سلطان: اي يقولون تعالو
ام سلطان: يلا خلصتو
نايف: ترا انا بروح بالشاص
عمر: بروح معك
ابو سلطان: زين بس لاتحرك الا معنا
نايف: تم
غدير: يالله احس كانا ليله عيد
عمر: منجد كنت بقولها
طلع نايف حصل ماجد برا: ارحب
ماجد: تبقى وين رايحين
نايف: لعقد قران سليطين
ماجد: بالله
نايف: والله تخاوي؟
ماجد: لا يمكن اروح لخوالي فتره
نايف: ليه
ماجد: عشان ديم تونس بما انكم بتروحون
نايف: زين انتبهلك
ماجد: مع السلامه
طلعو وسلمو على ماجد وركب سلطان وابوه وامه معاه وعمر ركب مع نايف طلعت غدير شافت ماجد كان لابس ثوب اسود وماسك بيده السبحه: يالله الحمدلله شفت شي يروقني اليوم
ماجد: استودعتكم الله لاتطولون علينا
ابو سلطان: تعال معنا ياولدي
متحدي لا ياعمي مقدر من الاشغال
سلطان: موفق
ركبت غدير ولو على كيفها تاخذه غصب
ام سلطان: يلا حركو يامي
-
ابو راكان: يلا يلا قبل الليل
ام راكان: تكفى حاول تغير قرارك
ابو راكان: خلاص كلامي واضح ولو بغيره غيرته امس ولا اللي قبله
جود: انا خلصت
ابو راكان: يلا اجل توكلنا على الله
لين: دقيقه بس ياعمي بروح اودع اهلي
جود: تمام وانا باخذ شغله نسيتها بالغرفه
طلعت جود ادق على نايف
نايف شاف الرقم فز قلبه
عمر: علامك
نايف: اسكت اسكت لاتطلع صوت
جود: الو!
نايف: هلا بدهر قلبي ورجعانه
جود: اوهه عرفتني
نايف: القلب يفز من صوت وليف قلبي ليا مني سمعته
جود بابتسامه: ياروحي اسمع ترا بنمشي خلاص
نايف: اما ؟ ماقدر اشوفك لو دقيقه
جود: الحين!
نايف: اي
جود: مدري
عمر بهمس: انت صاحي ترجعنا بنص الطريق؟
نايف: انت اسكت ، شوفي بالله
جود: انت وينك فيه
نايف: بعيد شوي
جود: وين يعني
نايف: رايحين لاهل زوجه سلطان
جود: بالله اجل مايمدي تجي الحين طالعين
نايف: وين بتروحون
جود: لبيت خالتي هالفتره لحد مانرتب وضعنا ببيت راكان
نايف: وين بيت خالتك
جود: بالديره الـ .....
نايف: نفس الديره اللي انا بروح لها
جود: اي اصلا ابو بسام يقرب لنا
عمر: ياغبي ناسي انهم جاايين لعرس راكان
نايف بهمس عشان ماتسمع جود: اي صح اسكت لاتسمع
جود: وينك
نايف: زين اجل يمدي اشوفك الليله
ابو راكان: ياجود اخلصي علينا
جود: يلا بسكر باي
نايف: مع السلامه
عمر: وش صاير
نايف: يسلام بيجون بنفس الديره
دق ابو سلطان: وينكم فيه قربنا ندخل الديره
عمر: هذا حنا يابوي قريبين
ابو سلطان: يلا بنوقف لكم لحد تجون بنوصل عندهم
غدير: يبه وش اللي بتوصل عندهم بعدني مالبست
ام سلطان: كيف تبينا ننزل عليهم وماتجهزنا
ابو سلطان: يعني مطولين
ام سلطان: اي نروح لهم المغرب
نايف: شقالو
عمر: مدري قاعدين يتناقشون وسحب علي
نايف: هههههههه
ابو سلطان: اجل حنا بنروح للسوق وانتم شوفو لنا شقه قريبه للحاره
عمر: زين بقول لنايف
ابو سلطان: حرك اجل للسوق ولاتطولون علينا
ام سلطان: بعدهم ماصلو العصر باذن الله بعد العصر بساعه جاهزين
غدير: كيف كيف
ام سلطان: انتي اسكتي
وصلو السوق وغدير نزلت هي وامها وابو سلطان وسلطان جلسو بالسياره
ام سلطان: شوفي هذا تعالي
غدير: يمه ابي لون اسود
ام سلطان: الحين شوفي المحل هذا يمكن يعجبك فيه شي
دخلو وحصلت غدير الفستان اللي صنع لاجلها كان اسود مخصر فيه لمعه باللون الذهبي ودانتيل من اليدين
غدير: يمهههه شوفي شوفي يمووتت
ام سلطان: شوفي يدينه طالعين ماش
غدير: يمه بلبسه عند حريم ترا وحلو يناسب
ام سلطان: يلا اجل حاسبي اهم شي نخلص
غدير: باقي بس الكعب والاكسسوارات
ام سلطان: اي لون تبين
غدير: ذهبي
ام سلطان: انا بجلس بالكرسي شوفي لك وتعالي
شرت كل شي ناقصها وجت: يلا
ام سلطان: كم الحساب
صاحب المحل: ٨٥٠
ام سلطان: انتي وش شاريه بكل ذا
غدير: يمه تشوفين بالبيت لاتحرجيني قدامه
ام سلطان عطته الفلوس وراحو للسياره
ابو سلطان: عساس فستان وجايين
ام سلطان: وهذا الحاصل
ابو سلطان: ساعه ونص على فستان
غدير : اختياره صعب
سلطان: يلا اهم شي شريتي انا متاكد اي شي تلبسينه يطلع حلو
غدير: ياعمري ياسليطين
ام سلطان: يالله حركو بصلي العصر بعد
وصلو الشقه وكان جالسين فيها نايف وعمر
ابو سلطان: حلو اول مره تسنعون شي بدون ماتخربونه
نايف: هههههههههههه يبه خلاص كبرنا
عمر: اي صرنا قد المسؤليه
سلطان: حلوه
نايف بغمزه: الشقه ولا الديره ولا اللي بالديره
سلطان: الله ينكبك
غدير: بروح اتكشخ واجيكم
ام سلطان: وانا بعد ويلا لاتطولين
جلس سلطان ونايف وعمر وابوهم بالصاله
ابو سلطان: كلمت الشيخ
سلطان: اي ويقول على خير
نايف: يبه عادي اروح اتمشى شوي
ابو سلطان: لا
عمر: من قال عادي واضح انه بيطول
ابو سلطان: ايي حركات هذي ماتمشي
نايف: بس بسلم على العيال
ابو سلطان: بعد العشاء نقول
-
بيت ابو علي
ابو علي: ام علي تعالي راكان وجود بيسلمون عليك قبل يمشون
ام علي: يلا جيت
جلسو بالحوش ام علي وابو علي وعلي ولين وراكان
ابو علي: ليه ماجلتو النقل لحد يجي وقت دوامك
راكان: والله قلت كذا بس ابوي يقول عنده شغله
لين: وبعد عشان الاغراض والترتيب صعبه وراكان يداوم
ام علي: ماتشوفون شر واستودعتكم الله
قامت لين توادع لينا
لينا: ياحسافه الحين رحتو عني كلكم
لين: لاتضايقيني تكفين
لينا: مع السلامه
وطلعو ركبو السياره وحركو
علي: الديره فاضيه
ابو علي: ابو سلطان واهله مهم هنا والحين ابو راكان
ام علي: يروحون ويرجعون بالسلامه
لينا: يوههه احس فيني بكيه
علي: معليه هذي الدينا وانا اخوك
ام علي: راحو لدواماتهم واشغالهم الحمدلله مو شي ثاني وانا امك
لينا: ادري بس احس طفش
ابو علي: تبون نطلع للبر
علي: قدام ونقول لماجد يروح معنا
لينا: حلو بتروح معنا ديم الحمدلله
-
بيت ابو بسام
ابو بسام: ارحب يهلا
ابو سلطان: يهلا بك زود بالنسيب
عمر: نايف تسمع
نايف: الله النسيب هههههه
سلطان: تدرون وش نادم عليه الحين
نايف: نفس الموال اني جبتكم معنا صح اصلا بنجي غصب
عمر: ههههههههه مايفيد رح سلم على عمك
سلطان: السلام عمي
ابو بسام: يهلا بمعرسنا
سلطان: يهلا فيك ياعمي
نايف: يالبى فديت اللي يستحون انا
عمر: اول مره اشوفه مستحي
سلطان: تكفون اسكتو تراني على اعصابي
الشيخ: وين العروسه نادوها
ابو بسام: ابشر
طلع ينادي غزيل جت لابسه فستان رصاصي ناعم وشعرها تحت كتفها
ابو بسام: بسم الله على بنتي وش هالجمال يابوك استودعتك الله
ام بسام وعيونها تدمع: تهبل بنتي عسى الله يهنيها
غزيل: يمه استحيت ولا شوف عيونك تدمع ولا ترا بكنسل مابي الزواج
ابو بسام: ههههههههه تعالي يابوك وقفي عند الباب
راحو وجلست غدير عند امها و الصاله مليانه خوال غزيل وعمامها
غدير: يمهه ماشاء الله وش هالملاك هذي
ام سلطان: ايوالله تهبل ماشاء الله
غدير: محظوظ سلطان الله يوفقهم
ام عمر: ماشاء الله هذي بنتك يام سلطان
ام سلطان: اي هذي غدير
كانت غدير لابسه الفستان اللي شرته واكسسوارات ذهبيه ناعمه وحطت شعرها اللي يوصل تحت ظهرها من تحت ويفي
ام عمر: الله يحفظها لك ويخليها
-
الشيخ: غزيل بنتي موجوده
غزيل بتوتر وصوتها فيه رجفه: ايي
نايف: وقلبوس
سلطان: نايف اكتم شوي
الشيخ: هل تقبلين الزواج من سلطان بن فهد
غزيل كلها خوف: اي نعم موافقه
وكررها اكثر وكانو موافقين والحمدلله تم عقد قرآنهم
ابو بسام: مبروك عليكم والحين بنتي صارت حلالك ولاوصيك عليها
سلطان: الله يبارك بعمرك ياعمي
-
قسم الحريم شغلو صوت زفه واصوات الحريم
غدير: الله وناسه
ام سلطان: جعله مبارك
ورقص بنات خالاتها وضحك
غدير: ليت ديم معي احس مستحيه منهم
ام سلطان: مو هذا اللي تبينه
غدير: مستحيه
ام بسام: يلا بيدخل المعرس يقصون الكيكه ويلبسون الخواتم
دخل سلطان وكان متوتر وقف قدام غزيل وكان عيونه حب ومصدوم من جمالها نزلت راسها غزيل استحت
المصوره: لبسو بعض الخواتم بصوركم
لبسو بعض وقصو الكيك
غزيل: مبروك علينا
سلطان: مبروك لي يوم صرتي حلالي
ابتسمت غزيل سكتو
غزيل: شفيك تناظر فيني كذا مو حلو شكلي
سلطان: لاوالله اشاهد صنعة الله في جمالك
غزيل ابتسمت: يكفيني توتر معرف ارد
ام سلطان باركت لهم وطلع سلطان وقعدو يرقصون
نايف: ها بشر
سلطان: ياعذاااابيييي
نايف: حلوه
عمر: شوف وجهه متحطم
سلطان: ياساتر اللهم اني استودعتها الله
نايف: اوف عجبتك
دخل قاطع كلامهم بسام: تعالو ياريجيل
نايف: انا بروح اخلص شغله عمر تعال ابيك
سلطان: لاتطول
نايف: اشوف بس انت قل لابوي اصنع لي عذر
سلطان: زين بس ياويلك تطول توهقني
نايف: ابشر
عمر: وين تبينا نروح
نايف: امش واعلمك بالسياره
ركبو السياره وحركو وقفت بمكان قريب لصحراء
عمر: شعندك
نايف: اصبر بدق على الحب
عمر: مو منجدك ماخذني بس عشان تدق
نايف: لا يارجال بس بقابلها وابيك تساعدني
عمر: اساعدك على ويش ؟ تراها حلالك طق باب بيتهم وقل لهم ابيها شوي
نايف: عند خوالها اسكت ردت
جود: يهلا
نايف: ياحي هالصوت اللي احبه
جود: حي نباك
نايف: وينك
جود: عندك خالتي
نايف: عندك احد؟
جود: خالتي والبنات ليه!
نايف: بشوفك
جود: الحين؟
نايف: اي
جود: بس ابوي مو موجود ولا راكان اكيد عيال خالتي ماراح يسمحون لك
نايف: عشان كذا ابي اشوفك ومحد يعرف
جود: كيف ؟
نايف: ورا البيت
جود: بس ماعرف يمكن البيت اللي وراهم فيه احد
نايف: انا اطمر واجيك ببيت خالتك بس من ورا باللفه
جود: زين بحاول اشوف فرصه
نايف: علميني اول وين بيتهم عشان اشوف طريقه اجيك
وصفت له المكان وعرف: اي هذا هو يلا شوفي ودقي علي
عمر: يارجال والله لو شافوك بيذبحونك
نايف: ماعليه عطني العطر بتعطر
تعطر ونزل: اسمع بروح انا وانت تمشى بالسياره لحد ادق عليك
عمر: يارجال والله يذبحونك انتظر لحد يجي ابوها ويسمح لك
نايف: مافيني صبر يلا تحرك لاحد يشوفك
تحرك عمر ونايف راح ورا البيت يشوف طريقه دقت جود: تعال انا ورا
نايف: يلا جاي
كان حاط عمامه غطى وجهه ولابس ثوب رصاصي طمر من عند الجدار وشاف جود
جود: انزل بسرعه
نايف: نزل وقرب لها
جود كانت خايف ويدينها ترجف
نايف: علامك
جود: مدري خايفه
نايف حط يدينه على خصرها وحضنها: لاتخافين انتي بوجهي وان قالو شي تذكري انك حلالي
جود قربت له: ليه ماصبرت لحد مايجي ابوي
نايف: ماقول الا
"يا مرحبا بلي لفاني و أنا .. اتحراه
يا مرحبا يا غاية القلب و احب عرباني"
جود بابتسامه: نايف خايفه
نايف غارق بجمالها وحاضنها بقوه: انتي بحضني تخافين من ويش
جود: ياخي ظلام وابوي مايعرف احس غلط
نايف: اذا صرتي مو حلالي بوقتها غلط
جود: ناييييف خايفه ياخي
نايف:
يخوفك درب الشقى لا تخافين
لا صرت ماني بموجود خافي
جود: انا خايفه وميته خوف وانت تقولي قصايد
نايف انهار ضحك: شسوي خايفه من ويش يابنت الناس
جود بابتسامه: ياخي مدري
نايف: تبين تروحين؟
جود: لا بس خايفه عليك
سمعو صوت جاي لجهتهم
جود مسكت نايف وكلها خوف: نااايف تسمع!!!
