علي: يمه ترا الليله عندنا عشاء
ابو علي: وش المناسبه ؟
علي: نايف ابشرك رجع
ابو علي بفرح: انت صادق !
علي: والله ومتغير مره
ابو علي: الحمدلله ياهلابه يوم جاء
ام علي: قره عيونهم بشوفته
لينا: الحين فرحانين اهله
ام علي: وتلومينهم اذا حنا فرحنا شلون اهله
لين: يوههه كميه مشاعر
ديم: الحمدلله
علي: اكثر واحد فرحان ماجد
ديم: ياحبيبي ياماجد الحين فرحته ماتوسع المكان
علي: اييي حيل فرحان لدرجه هو اللي يمشي معاه
لين: هذي الرفاقه الصح
ديم: الله يديمهم لبعض
الكل: اللهم امين
-
ام سلطان: ليه الله يهداك
ابو سلطان: خليه يتعلم مو متى ماراح ورجع نستقبله على كيفه
غدير: ماله داعي ياخي يكفي جاء
ابو سلطان: مالكم دخل وخلاص سكرو الموضوع
عمر: خلاص اسكتو
سلطان: يلا ياغزيل مشينا
غزيل: يلا جايه
ام سلطان: تو الناس
غزيل: والله ياخالتي عندي اشغال بخلصهم
غدير: خلي فهود عندنا
سلطان: لا ابيه
غزيل بابتسامه: تفاهمي مع اخوك
سلطان: يلا مع السلامة
غدير: سلطاااان لاتاخذه
سلطان: لا ولدي ومشتاق له كل اليوم عندكم
-
نايف: وقف عند البقاله
ماجد: وش تبي اجيب لك
نايف: انا بنزل
نزل نايف وشرا اكلهم اللي يحبونه ورجع السياره: وين صاحب البقاله القديم
ماجد: يوهه من زمان سافر
نايف: الله يوفقه
ماجد: امين والله انه كفو فقدناه هذا عليه ملاحظات
نايف: ملاحظات مثل ويش
ماجد: مايستحي على وجهه ومايعرف غض البصر
نايف: اخو العيال صدق وليه ساكتين له
ماجد: يارجال ابو وجهين اذا شاف مع الحرمه رجال سكت ولا يرفع عينه بس اذا صارت لحالها خسيس ويبي له تربيه
نايف: هين الوعد قدام
ماجد: حاولت اصيده بس ذكي
نايف: انت شلون عرفت
ماجد: ديم وكثير قالو
نايف بغمزه: كثييرر اجل قل غدير يارجال تراها خطيبتك
ماجد: ههههههه عاد افهم
نايف: دامه كذا والله مايسلم مني ماعليك
ماجد: تدري اليوم كم التاريخ
نايف: لاوالله ليه كم
ماجد: ١٤ من الشهر
نايف واخيراً فهم: اهااا يعني ليله قمرا
ماجد: نسج ؟
نايف: مايبي لها سؤال جهز العزبه نروح على الشاص
ماجد: قدااام
-
ابو جابر بصوت عالي: يام جابر
غنى: هلا جدي سلامات صاير شي
جابر: وانتي ماعندك غير تفائلين بالشر؟
غنى: بسم الله وين التفائل هذا سؤال
ابو جابر: بس انت وياها كانكم بزران وين جدتك
غنى: تصلي المغرب
ابو جابر: علميها ان الليله عند ابو علي عشاء
دخل عبدالعزيز: الله بس وش المناسبه
ابو جابر: لجيه نايف ولد ابو سلطان
فز قلب غنى: وشهووو
جابر: ماشاء الله متى
ابو جابر: اليوم جاء
غنى بفرح: اخباره
جابر: شدخلك؟
غنى استوعبت: ياخي بس سؤال علامك علي
ابو جابر: طيب ماعليه خلاف روحو البسو
غنى راحت لغرفتها ترقص من الفرح: ياااهلا ومرحبا نورت الدار والديره وقلبي بعد
الجده ام جابر: منهو
غنى خافت وتوترت: هلا جدتي
عبدالعزيز: نايف ولد ابو سلطان
ام جابر: اي الحمدلله وعسى بيت ابو علي عامر
غنى ارتاحت ان جدتها مو يمها وماسمعت
ام جابر: ياغنى روحي للخياط وطلعي ثوبك اللي تو فصلته لك
غنى: حلو كنت محتاره وش اللبس
ام جابر: اي وطلعي ثوب ام سعود
غنى: زين
ام جابر: مريني اذا طلعتي اعطيك الفلوس
غنى ترتب نفسها: ابشري بس بلبس عبايتي ونقابي
طلعت الجده وراحت لغرفتها لحقتها غنى
ام جابر: اعوذ بالله مسرع خلصتي
غنى وهي ودها ترقص جدتها معاها من فرحتها بس ماتقدر: اخ ياجده لو تدرين شكثر فرحانه
ام جابر: عشان ويش
غنى: بنطلع من البيت
ام جابر: روحي بس وطلعي ثيابكم ولاتطولين لو طولتي بعلم خالك
غنى: زين يلا
-
طلعو من صلاه المغرب والكل يهني ابو سلطان بجيه نايف ويسلمون عليه
ابو محمد: الواضح ان نايف حبيب الكل لهذي الدرجه كل اللي بالديره فرحو
ابو علي: نايف ومن مثله
نايف: يابعد راسي ياعمي
ابو سلطان: كل طيّب له مع العالم قُبول
يقبله ربّي وخلق الله تقبله
نايف بابتسامه: جعلني فداك
ماجد: حركااات
نايف: تراني مصدوم
ابو علي: يلا قلطو عندنا
اتجهو لبيت ابو علي معدا ماجد ونايف
ماجد: بتروح الحين
نايف: اي بس بناخذ العزبه وكل شي عشان من يخلص نسري
ماجد: يلا امش
حركو لبيتهم
نايف فجأة: وقف وقف
ماجد: علامك!
نايف: هذي من
غنى كانت واقفه عند الخياط
ماجد: مادري وانت وشعليك ببنات الناس
نايف: هذي غنى صح
لفت غنى وطاحت عينها بعينه
ماجد حرك بسرعه: الله ينكبك
نايف: والله هي صح ؟
ماجد: يارجال لاتوهقني عند غدير
نايف اللي قلبه للحين بالمكان: ارجع
ماجد مصدوم: وين ارجع !!
نايف: هذي خالها جابر مانسى هذاك اليوم وكيف ساعدتني
ماجد اللي عرفها: تقصد حفيده ابو جابر ؟
نايف: اييييي
ماجد بابتسامه وبنفس اللحظه مصدوم: بسالك وتجاوبني بكل صراحه
نايف: لبيه
ماجد: انت وش بلاك بالبيت هذا
نايف: بيت من
ماجد بتردد: بيت ابو راكان
نايف: وش دخل هذا الحين
ماجد: هم ساكنين فيه
نايف: اسالك بالله!
ماجد: اي والله سكنو بعد مارحت بشهرين
نايف: ياويل حالي
ماجد بابتسامه: اظن البلا بالبيت
نايف: هههههههه شكله
-
ام سلطان: بتروحين ياغدير
غدير: لا
عمر مصدوم: كيف مستحيل دقيقه عيدي وش قلتي
غدير: والله مالي خلق اروح صراحه
ام سلطان: مو بكيفك امشي
غدير: يمه والله مالي خلق
ام سلطان: فرحانين برجعه اخوك وماتبين تروحين
غدير: تعبانه
ام سلطان: بتشوفين البنات ويروح التعب يلا تزيني
عمر: ترا انتظركم برا لاتطولون
ام سلطان: نص ساعه وجاايين
غدير: كيف نص ساعه انا يبي لي ساعه
ام سلطان: اقول استعجلي بس
غدير: يلا بروح
-
الخياط: ايوه اختي وش تبغين
غنى ساجه مصدومه شافت نايف: واخيراً بعد سنه ايوالله بعد سنه شفتك
الخياط مستغرب مع مين تتكلم: اختي تبين شي ولا اسكت
غنى تداركت: ايوه ابي ملابس
الخياط: ملابس مين
غنى: ماما ام جابر خلصو
الخياط: ايوه
غنى: كم الحساب
الخياط: ١٨٠
غنى: اوف والله لو انه شنو
الخياط: شوفي هذا مو ناعم
غنى: اي تمام هاتهم
-
ام علي: لين تساعدني بالعشاء وديم تسوي القهوه والشاي ولينا تقهوي
لينا: لاوالله انا بسويهم وديم تقهوي
ام علي: لا ياحبيبتي ديم حامل مو زين تشيلهم
ديم تسوي نفسها تعبانه بتقهر لينا: اي وحبيبي يتعب
لينا: يمه منك
ام علي: هههه يلا عاد
لين: طبختو ؟
ام علي: اي من زمان
سمعو صوت كاسه انكسرت
لينا بصوت عالي: فصوووول جعل عدوك الكسر
لين: بسم الله على وليدي ماسوا شي
لينا: مافي غيره يكسر
جاء فيصل يصيح: ماما
لين: ليه علامك ياروح ماما
فيصل: سعود كسر الصحن
شهقت لينا: وشهووو صحننا الجديد
ام علي: يوه الله يهداك ليه حاطتهم بالحوش الحين
ديم: قلت لها بدري بس ماتفهم
طلعت لينا معصبه ورابطه الشيله على راسها ورافعه ثوبها شوي لانه طويل: اوريك يافصيل اوريك انت والخبل اللي معاك
ام علي: يابنت قصري صوتك فضحتينا
ديم بابتسامه: قهرها فيصل
لين: ولدي مسكين هي شادتها عليه
ام علي: اي بس امسكيه اشغلها وبعد ماتزينت
وقفت لينا عند باب الحوش: تعال يالخبل الثاني وراك ماتهجد انت وياه
سعود: بكيفي
لينا: وشهوو قرب وانا اعلمك كيفك
سمع عبدالعزيز: الحين الخبل انتي ولا هو
لينا وهي ورا الباب: والله انت وياه
عبدالعزيز: لاوالله انتي شوفي حالتك وتعالي
لينا أنصدمت كيف شافها: اقول استح على وجهك ولاتشوف بنات الناس وخذ الخبل معك
عبدالعزيز: ماشفتك بس عصبيتك على البزران اشك هم اكبر منك
لينا: والله دام تشوف كذا وتفكيرك كذا ماعلى سعود شرهه
سكرت الباب قوه ودخلت
انصدم عبدالعزيز وسحب سعود من اذنه: تعااال انا وش مسوي
سعود بابتسامه لقافه: كسرت صحنهم
عبدالعزيز انهار ضحك مايدري يحصلها من جرأته ولا من شقاوته: هههههههههه لاعاد تدخل بيت الناس وامك مو معك
سعود: رحت العب مع فيصل
عبدالعزيز: حتى ولو العبو برا عند الباب
سعود: ابشر
عبدالعزيز: رح لامك يلا
سعود: بجلس عند باب بيتنا
عبدالعزيز: ياويلك تروح بعيد
سعود: زين
-
وصلو الكل تجمعو عندهم
قسم الحريم
ام علي: ياهلا بام سلطان قره عينك بجيته
ام سلطان: ياهلابك ياروحي
الكل يهني ام سلطان ويسلمون
غدير جلست: ياربي متكسره
ديم: افا ليه
غدير: مادري مالي خلق
ديم: ياحيف صرتي عجوز قبل ماتتزوجين
غدير: ههههههه الله ياخذك
ديم: بسم الله علي
غدير: الله صرتي نفس سوالفهم
ديم: مين
غدير: عمامك
ديم: اوههه صرت نفس طبعهم بعد
غدير بطقطقه: اخ من غدر الاصحاب غيروك علي
ديم: شفتي شلون اخ
غدير: هههههه يافاهمني
ديم: افهمك ياحبي ماعليك
غدير: اخبارك
ديم: طيبه اخبارك انتي ونايف وش اخباره
غدير: بخير بس ابوي رفض يجي عندنا
ديم: اما وش يسوي
غدير: مدري اكيد بيقعد مع ماجد
ديم: افضل خله يونسه ياحبيبي جالس لحاله
غدير: اي الحين مستانس برجعته
ديم: اي الله يديهم لبعض
قطع كلامهم دخول غنى كانت لابسه فستان ناعم عنابي مخصر محدد من اطرافه بلون رصاصي ولابسه إكسسوارات ناعمه وفاتحه شعرها البني الناعم الطويل
ام جابر: السلام عليكم
غدير: وش قاعده اشوف انا
ديم: تكفين لايشوفها علي
غدير: انتي تزوجتي بس لو شافها ماجد
ناظرو بعض وانهارت ضحك
غدير: احنا اجمل
ديم: اي الا كسر الخواطر ههههههههه
وصلت عندهم وسلمت عليهم وكانت مستحيه
ديم: تعالي اجلسي عندنا
جلست غنى
غدير: ايوه اخبارك عاش من شافك
غنى: عاشت ايامك
ديم: ليه ماتسيرين علينا
غنى: ودي بس ماعرف احد واستحي
ديم: شدعوه عادي بتستانسين
غنى: ان شاء الله الايام الجايه
ديم: ان شاء الله
ام جابر: غنى تعالي اجلسي عندي
غنى كانت بتقوم مسكتها ديم: وين رايحه
غنى: جدتي تبيني اجلس عندها
ديم: هذي هي مافي مسافه بعيده تشوفك
غنى: تكفين بتهاوش ماني ناقصه هواش بعد
غدير: شدعوه ليه تهاوش ماطلعتي برا تراك قدامها
غنى: فهميها وفهمي خالي معاها
ديم: الله يعينك
راحت وتركتهم
ولينا تقهويهم
ديم: لينا الحين بخاطرها تكب القهوه علينا ههههه
غدير: والله لو تكبها ماراح اقوم
ديم: ههههه والله انها ماتقصر واشغلها فيصل
غدير: وش يسوي النتفه هذا بعد
ديم: يطلع برا يلعب مستحيل يجي سالم لازم يبكي
غدير: ياعمري من يطقه
ديم: ولد جابر اخو غنى شقي يلعب واذا خلص سطرهم
غدير: ههههههه
ديم: الله يستر على ولدي
غدير: يالله الخيره بيصير رجال
-
قسم الرجال
الكل جالس يسولف
عمر: ياحي الجلسه من زمان عنها
علي: ايوالله
سلطان: اخر جمعه كانت يوم كنا نطقطق على راكان
نايف: والله اني اشتقت
عمر: اخخ يوم كانت ايامنا وناسه
نايف: ايوالله جمعاتنا كاننا عائله وحده
ماجد: وين راكان مايجي
علي: علمته عاد مدري
نايف: الا كيف الزواج ياعلي
علي: اختار الشخص الصح وماتندم
عمر: ندمت ولا
علي: ماندم وزوجتي اخت ماجد
ماجد: لبى والله قلبك عسى الله يديمكم لبعض
علي: امين
عمر: متى زواجك ياماجد
ماجد: بما ان نايف رجع بخليه الشهر الجاي
نايف: عجل من زمان عن عروس الديره
سلطان: ياخي احس شخصيته عصبيه
نايف: مين
سلطان: جابر
ماجد: واضح اصلا
سلمو عليه وجلس عبدالعزيز عندهم
ماجد: حي الله عبدالعزيز
عبدالعزيز: الله يحيك عسى ماضايقتكم
نايف: لا شدعوه حياك
عبدالعزيز: سوالف خاصه ولا شي
علي: يارجال مافيه لاسوالف ولا شي قاعدين نهبد اي شي ببالنا
عبدالعزيز: اخبارك يانايف نورت ديرتك
نايف: بخير يابعدي ومنوره باهلها
خلص العشاء والكل قام
نايف: مشينا
ماجد: قدااام ناخذ احد معنا؟
نايف: لا مانبي نبعد
ماجد: يلا اسبقني وجايك
نايف: لاتطول
طلع نايف جلس بالسياره ينتظر طلع ماجد معاه حطب
نايف: حيييكك
ماجد: ازهلني بس وين تبي
نايف: نبي عند الاجبال اللي ورا البقاله الجديده
ماجد: تم
-
ام سلطان: يلا يامي مشينا
غدير تسولف مع البنات: يمه شوي
ام سلطان: وش تنتظرين راح الوقت
غدير: شوي يمه امانه بتونس مع البنات
ام سلطان: خوش والله كنتي ماتبين الجيه
لينا: صدق ليه
غدير: كان مالي خلق بس الحين زانت النفسيه معاكم
لين: شوفو غنى ياماشاء الله
لينا: دقيقه غنى وش تقرب لسلطان
لين: انطمي لاتخليني اوسوس
ديم: اتوقع بنت خالته
لينا: اوهه
لين: اصلا مايجيهم عادي
غدير: ههههه حرام عليكم اسكتو
ديم: والله انها حلوه
لينا: هذا وانا بنت عاجبتني اجل شلون
غدير: الحمدلله بيت الحب بعيد
ديم: خلاص عاد ترانا اجمل منها وكل واحد فيه شي يميزه عن غيره
لين: صح كل البنات حلوين
غنى: عادي اجلس معاكم
لينا قامت: انتي المكان كله لك
لين بهمس: تحمستي
غنى: ياحبيبتي
غدير: ايوه سولفي لنا عنك وليه خالك اللي تقولين
غنى: احمدو ربكم ماعندكم نفسه
ديم: ليه
غنى: اي غلطه يحط عصبيته فيني لدرجه يحرمني يوم كامل عن الاكل عادي
ديم: ياساتر
غنى: صح انه يحبني واحبه وغالي عندي وهذا بس صراحه عصبي مره
غدير: ليه جدتك ماتدافع لك او خوالك الثانين او جدك
غنى: جدي لو يعرف بيهاوشه عشان كذا هو اذا جاء جدي طلعني
غدير: وانتي ساكته له! ليه ماتعلمينه
غنى: بيحقد علي ويرحمني اشياء واجد وجدي تعبان ماراح يتحمل
لين: اوكي خالك بس مو بكيفه يمد يده عليك
غنى عيونها تلمع: عادي الله يعين
غدير: ياروحي الله يعوضك
ام سلطان: يلا ياغدير ماصارت
غدير: يلا مع السلامه يابنات
الكل : مع السلامه
ام جابر: يلا ياغنى مشينا
غنى: يلا بنات باي
ديم: والله جيتك اسعدتنا
غنى: حبيبتي وجودكم السعاده
لينا: باي
طلعو برا
سعود: جده جده
ام جابر: علامك
سعود: ابي البقاله
ام جابر: تروح لحالك والناس بالليل مافي
سعود: تروح معاي غنى
ام جابر: روحي معاه ولاتطولون
غنى: يعني وش بسوي عشان اطول كل ابوها البقاله وراجعين
ام جابر: يلا
راحت غنى وبيدها ماسكه علي وقفت عند الباب: ادخل اشتر اللي تبي قبل اعدل نقابي
سعود: يلا
جابر واقف بعيد وانصدم غنى وش قاعده تسوي وليه تنزل نقابها !! ظلمت الدينا بعيونه ومسك الجنبيه وحطها بجيبه
صاحب البقاله: ايش يبغى انتا
غنى استغربت وش فيه يقرب كذا: سلامات شعندك؟
صاحب البقاله مسك يدها بإبتسامه شر
غنى عصبت وبنفس اللحظه خافت الناس ليل وهذا شفيه بعدت يدها عنه مسكت عصا المكناسه وطقته من راسه وتصارخ: ياسعود بسرعه الحقني
سعود: بشتري عصير تعالي
غنى بصوت عالي: ياسعود بسرعههه الحقنييي
وقفت بصدمه وهي تشوف خالها والحين كيف تفهمه
جابر وعيونه عمر: حسبي الله عليك وش قاعده تسوين
غنى منهاره: ياخالي حاول يتقرب لي وطقيته بالعصا
صاحب البقاله: هذي مافي كويس لازم ربي من جديد
غنى وعيونها دموع ونقابها طايح ومغطيه وجهها بالطرحه: تخسييي تتكلم بتربيتي انت وانا قد تربيه جدي لي تفهم....
قاطع كلامها كف من جابر
سعود: بابا ليه تضربها ماسوت شي انا قلت لها ابي البقاله
جابر: والله ماتطلعين سالمه والله
غنى سلمت نفسها عرفت ماراح يخليها: موتني خلاص تعبت الله ياخذني
جابر طلع الخنجر: ابشري باللي مايردك
مسكه سعود: لا يابابا لا
دخلت ام جابر معصبه ليه غنى طولت انصدمت من شكل جابر وغنى: علاااامكم انتم علامكم حتى بالشارع تضربها انت مانت صاحي علمني يارخمه علمني
جابر يسحب غنى من شعرها: الليله جهزي فرشات العزاء هذي ودعيها معاد فيه غنى
غنى تبكي: ياجده والله ماسويت شي والله
ام جابر: ياويلي على بنتي ياجابر خلها لاتفضحنا عند الناس تعال
جابر: انا بشيلها ماراح يكون في فضايح من اليوم
غنى وهي تبكي: احسن موتني وش ابي فيكم لا خال يصدق ولا عيشه زينه كله ضرب وش بخسر عاد
سحبها للبر من شعرها وبعد مسافه بعيده
راحت الجده للبيت: سعود اركض لعزوز قله يلحقه مافيني حيل اركض ياوليدي
سعود يبكي: جده بيذبح غنو ماراح يصير عندنا غنى
ام جابر طاحت على ركبها تبكي: روح يامي علم عزوز يروح له
ركض سعود: عزوز عزوز
عبدالعزيز: علامك تبكي افا
سعود: بابا بيذبح غنو
عبدالعزيز: اخو جابر
ام جابر: لاتعزوى بالخرمه روح الحق على المسكينه لايذبحها
