ام سلطان طلعت لنايف بالدوانيه وكان منسدح على المركى ومغطي وجهه بالغتره: نايف
نايف: يمه تكفين مو وقته راسي مصدع وابي ارتاح
ام سلطان: بترتاح لاحليت المشكله مو الحين
نايف جلس: وشلون بتنحل وهي اصلا انتهت
ام سلطان: وعلى كيف مين تنتهي
نايف: يمه جعل عمرك طويل مالي خلق للنقاشات الحين يكفي اللي صار داخل
ام سلطان: علامك انت على هالمسكينه
نايف: ماسويت شي انا ليه اللوم علي وهي السبب كله
ام سلطان: كل اللي صار بسبب الحيه انت ماتدري عن غنى وشكثر عانت
نايف باستغراب: من الحيه!
ام سلطان جلست عنده: جود ومن في غيرها
نايف: يالليل الليل شدخل جود بعد ليكون تحسب لاجت ترجع مشاعري القديمه لها؟
ام سلطان: لا ليته كذا
نايف: اجل
ام سلطان: والله مسويه بينكم مشكله كايده وواضح انها نجحت
نايف مصدوم: يمه تكلمي
ام سلطان: والله ياوليدي جود يوم كانت غنى عند اجدادها كانت تبين لغنى انك تحبها وللحين تبيها ومستعد تخلي غنى عشانها ومره كنت بمحل ورد وهي عندك وغنى تقول كنت تكلمها وسمعت صوت جود بالمكالمه ويوم رجعت جود للبيت كان بيدها ورده وقالت هذي من نايف
نايف تذكر اللي صار ومصدوم
ام سلطان: وغنى من بعدها تبكي وصدقتها وتقول من القهر قلت لنايف طلقني وهي تبيك بس لحظه غضب ولا كانت مجهزه اغراضها وكل شي بتروح لك بس جتها هالحيه
نايف بصدمه: وغنى كيف كذا تصدقها
ام سلطان: لاتلومها يامي لاصارت هذيك مخططه
نايف مسك راسه وبقهر: رااسييي صدع
ام سلطان: تبي اجيب لك بندول
نايف: لا بنام
ام سلطان: اي عاد حاول تحل المشكله بينكم بسرعه الناس عيد وانتم متضايقين وتبكيها من اول يوم عيد
نايف: هي اللي تكلمت ماقلت شي لها
ام سلطان بعصبيه: وانت ليه تعاين بنات خلق الله
نايف: والله لو اني ناشب لها ترا كنت اسولف مع ابوها وطلعت قدامي
ام سلطان: حتى ولو خلك نايف القديم ابرك
نايف: سمي وغيره
ام سلطان: ابد والله سلامتك وان شاء الله فهمت
نايف انسدح: ان شاء الله بالله يمه اذا طلعتي سكري الباب لاني دايخ وبنام
ام سلطان: زين
-
غدير: الحين قومي غسلي وجهك ونامي وان شاء الله الليله مايصير الا كل خير
غنى وعيونها تلمع: خايفه يطلقني
غدير: وليه يطلقك انتي صاحيه !
غنى: شفته نظراته مو نايف القديم
غدير: لا ان شاء الله الحين امي راحت تفهمه بس قومي نامي وارتاحي
قامت غنى تغسل وجهها
غزيل: يهب
غدير: اي والله حيه وماتستحي
غزيل: مره اجل بنت خالتك تسوين فيها كذا
غدير: جود انانيه اصلا
غزيل: الله ياخذ عدوها
غدير: اميين الا وين فهود
غزيل: اخذه ابوه وبروح الحين ازعجه فهد وانا تاخرت بيزعل
غدير: روحي اجل
غزيل: يلا اجل 'بصوت شبه عالي' غنى تبين شي بروح للبيت
غنى: لاحبيبتي سلامتك
غزيل: الله يسلمك يلا باي اشوفكم الليله
غدير: باذن الله
طلعت وحصلت ام سلطان جايه من الدوانيه: بتمشين
غزيل: اي ياخالتي
ام سلطان: هاه كيف غنى
غزيل: فهمناها وهدت الحين
ام سلطان: زين يامي فمان الله
غزيل: فمان الله
غدير: وش صار على نايف
ام سلطان: فهمته وان شاء الله يستوعب عاد
غدير: عندنا ذبيحه اليوم ولا
ام سلطان: والله كان فيني حيل اليوم نسويها بس من بعد مشكله هذولا صار مالي خلق بس ان شاء الله بكرا
غدير: زين ياروحي ارتاحي
ام سلطان: نامت غنى
غدير: مادري بس يمكن
ام سلطان: زين يامي وانتي نامي
غدير: ان شاء الله
-
ديم بعد مالبست بجامتها ورفعت شعرها: اف يالتعب اليوم
علي: ياروحي تسلم يدينكم والله
ديم انسدحت على يده: اهم شي اكلت زين
علي حضنها: اي وشبعت بعد
ديم بابتسامه: جعله عافيه
علي: الله يعافيك
ديم قربت له: يلا خلينا ننام
علي: يلا والله اني تعبان حدي
ديم: سكر عيونك وارتاح ياروحي
