عمر: وشهوووو وشهوووو!!!!!
نايف: يبه تكفى تمزح
ابو سلطان: ياليته مزح يابوك ياليته
سلطان: كيف كذا يابوي ٢٠ ناقه ماهي بسيطه
نايف: ومن السبب؟
ام سلطان: اكيد من العاصفه امس
سلطان: كيف عاصفه تقتل يمه مو كذا مستحيل
ابو سلطان: والله ياوليدي مادري وش اقولك لاكن كسر ظهر
عمر: طيب امشو نشوف المكان
نايف: اكيد يلا
سلطان: انتم روحو وانا بجلس عند ابوي
طلعو للحوش وسالهم ماجد شفيهم وقالو له السالفه بالسياره
ماجد: كيف كذاا ؟؟ ونحر مستحيل من العاصفه
عمر: ايوهه عشان كذا اقول بنشوف مو طبيعي والمشكله مافي حولهم اشياء حاده
نايف: والله ياخوك مادري عن شي نفسكم خلونا نوصل ونشوف
-
بيت ابو راكان
لين: جود وينك
جود: هذاني بالغرفه
دخلت لين عندها: تخيلي وش صار
جود: ماخبرتك نقاله علوم
لين: اف منك خلاص وخري بروح ماتستاهلين اللي يجيك
جود: شدعوه نمزح عليك وسعي خاطرك
لين: تخيلي وش صار عند عمي ابو سلطان
جود: وش؟
لين: البل حقهم مقتول منه ٢٠ تخيلي العدد
جود بصدمه: كيفففف؟
لين: مدري يقولون احتمال من العاصفه
جود: وانتي كيف عرفتي!
لين: كلمت امي تو جايه منهم وتقول حالتهم حاله
جود: ونايف كيفه
لين: خليتي السالفه كلها وسالتي عنه شعليك منه
جود اللي توترت: شفيك يعني هو اللي احس مقرب للبل وهذا عشان كذا سالت يمه منك
لين: اي واضح المهم مادري اللي اعرف بس هذي السالفه
جود: الله يكون بعونهم
لين: انا بطلع تبين شي
جود: سلامتك
جلست جود تفكر كيف توصل لنايف واخباره تذكرت البزران اللي دايم تشوفهم يلعبون برا وطلعت تشوف من الشباك ماحصلتهم
جود: اف ياخي كل يوم اشوفكم مزعجيني وينكم اليوم مختفين لفت شافت بزر قريب
جود: هيي ولد
عساف: هلا
جود: تعال ابيك بسرعه
عساف: شتبين
جود: تعال انت واقولك
قرب عند الشباك
جود: اسمع تعرف بيت ابو سلطان ؟
عساف: لا
جود: تكفى احتاجك
عساف: قولي اسم عيالهم يمكن اعرفهم
جود: نايف؟
عساف: ماعرفه
جود: عمر؟
عساف: اللي بيتهم قريب للمسجد!
جود: ايييوههههه
عساف: اي اعرفه وش تبين اقول
جود: عندهم ولد اسمه نايف بعطيك ورقه تعطيه
عساف: وليه
جود: وانت شدخلك
عساف: نعم! اجل ماني رايح
جود: ياليل امزح بس في امانه ابيك تسلمها له
عساف: وانا وش لي؟
جود: هذا اللي ماحسبنا حسابه شف انت اذا عطيته تعال علمني وابشر
عساف: وعد
جود: وعد
انتظر هنا الحين بجيك
عساف: تمام
-
وصلو العيال المكان وكان فوضى
نايف: ياساتر
ماجد: اخو العيال ياولد شف الدم
عمر وعيونه تدمع: يابري حالي برياه
نايف: والله مقتوله
ماجد: لاتحلف وانت مانت متاكد
نايف: والله واضح شوف شوف انت عشرين ماهي بسيطه
ماجد: والحين وش نسوي
عمر: ندق على الشرطه اكيد
ماجد: بدق انا وانتم شوفو المكان
-
بيت ابو سلطان
الكل مجتمع عنده يواسيه
ابو علي: اسمع وانا اخوك لاتضايق نفسك الحمدلله على كل حال
راكان: اي ياعمي لعلها خيره وابشر بالعوض بس لاتضايق نفسك كذا
ابو محمد: تكلم قل لنا شي مو تقعد ساكت
ابو سلطان: والله مادري وش اقول ماغير منهد حيلي
سلطان: تبي اكل اجيب لك
ابو سلطان: لا يابوك بس دق على اخوانك شف وش حصل عندهم
سلطان: ابشر
دق على ماجد
ماجد: هلا ابو فهد
سلطان: يهلابك بسالك وش صار عليكم
ماجد: داخلين الديره نقولكم اذا وصلنا
سلطان: زين انتبهو لكم
ماجد: ابشر يلا سلام
ابو سلطان: هاه بشر وش قال
سلطان: يقول قريب اذا وصلت نقولكم
دخل ابو راكان بعد غيبه اربع ايام
ابو راكان بصوت عالي: السلام عليكم
الكل مصدوم
راكان قام حضنه بفرح: هلا بالغالي هلا بالغايب
أبو راكان: يهلابك يابوك تدلني بالعزبه
سلم عليهم
ابو علي: يهلا بالنسيب شكلك نسيتنا
ابو راكان: ههه انسى الكل ولا انساكم جيت جابتني صدمتي على اخوي
ابو سلطان: يهلابك وجعلك تسلم
ابو راكان: ماقلتي لي وش سبب موتهم
ابو سلطان: والله ياخوك ماندري العيال بيجون بعد شوي نشوف
دخلو العيال وسلمو على الكل
نايف: يابوي اسمع
عمر: اقول اصبر ترا مو جاي تقوله شي يونس
ماجد: مايخلي طبعه
ابو سلطان: وش تكلم
نايف: الشرطه تقول في اثر رجول وطلع في منشار واضح انها مقتوله
ابو سلطان: داري اخ ياكسر ظهري جعل اللي قلتهم مايذوق الراحه وجعله يفقد اغلا ماعنده
ابو علي: حسبي الله جعله مايتهنى
سلطان: والله مايسلم بس خلني اعرفه
نايف: ياويله باللي يجيه
-
غدير: مقتوله طيب ماعرفو مين
ام سلطان: يقولون لا بس بيشوفون الشرطه بعد العصر
ديم: حسبي الله
غدير: الله يعينه من كثر الدعاء
ديم: تدرين وش اللي يهول اكثر
غدير: وش
ديم: ان كل الديره يحبون عمي وكلهم جو عنده مافي احد نشك فيه
غدير: اي احس مو من الديره
ديم: حتى انا
ام سلطان: اخوانك من طيب قلوبهم يسحبون الكل طيب حتى ماشكو باحد يوم سالوهم لكن حسبي الله على اللي سواها
غدير: ايوالله جعله مايتوفقه
ديم: امين امين خلينا نوحد الدعاء كلنا
غدير: ههههههههه تم
-
نايف جالس بالسياره سمع صوت عند الشباك
عساف: سلام
نايف مستغرب: هلا وعليكم السلام
عساف: هذا بيت ابو سلطان ؟
نايف: اي شبغيت
عساف: ابي واحد اسمه نايف وينه
نايف: امر!
عساف: انت نايف
نايف: اي
عساف: قل والله
نايف: والله اخلص علي وش عندك
عساف: بسم الله علامك مستعجل المهم هذي الورقه لك
نايف: لي ومن اللي معطيك
عساف: والله سلمتك الامانه ويلا سلام ماعندي شي اقوله
ورح
نايف: هي اصبر ولد
فتح الورقه وكان مكتوب فيها
"سمعت الخبر الله يعوضكم بالافضل لاتضايق نفسك ترا ضيقتك من ضيقتي صح بعيده عنك بس الروح عندك امانه لاتضايقها"احبك🤍
كانت الرساله كفيله تغيره لشخص متضايق لشخص سعيد
نايف بينه وبين نفسه: ايوالله اني يا احب الناس احبك اكثر.
ماجد: قلت مانت بصاحي بس الحين تاكدت
نايف: يالليل الليل يعني انت عندك حرام الواحد يروق
ماجد: ياولد روقني معاك
نايف: شف الورقه
ماجد: اوف اوف كلام واحبك وحركات
نايف: وتلومني
ماجد: اثقل
نايف: انزل لاهفك ذالحين بالحجر
ماجد: تسويها
نايف: تبي تجرب
ماجد: امحق خوي
نايف: تستاهل
ماجد: طيب اسمع
نايف: وش
ماجد: عمي ابو راكان وش جابه
نايف: تمزح صح
ماجد: لا والله صادق
نايف: رفيقه يحتاجه اكيد بيوقف معه
ماجد: تحس كذا بس
نايف: اي
ماجد: يعنني عمي ابو زوجتي المستقبليه
نايف: الله ياحلوهم بس
ماجد: الله يجمعكم بالحلال
وقفت الشرطه بنص حديثهم
المحقق: بيت ابو سلطان!
نايف: اي تفضل
المحقق: وين ابوك
نايف: اقلط موجود بالدوانيه
دخل المحقق والعيال
المحقق: السلام عليكم
الكل وعليكم السلام
المحقق: ابو سلطان معوض خير حابين نقولك بالمكان كان متواجد كاميره
ابو راكان: وش كاميرا من متى
ابو علي: مدري اسكت بنسمع
ابو سلطان: اي اشكرك يابوي كانك حاس
نايف: كاميرا من حاطها
سلطان: انا
عمر: حي عينك
ماجد: سبحان الله المجرم مايسلم لابد تبين الحقيقه
نايف: ماعظمك يالله
المحقق: الكاميرا كانت مكسوره والحين بنصلحها ونشوف الفلاش وباذن الله يومين ويبين
ابو سلطان: تكفى استعجل علينا
المحقق: ابشر باذن الله
انتظرو البارت الجاي 🤎
اكتبو لي من تحسون اللي مسويها هل هو من اهل الديره؟
