ام علي: كل عام وانتم بخير عسى ينعاد علينا وعليكم بالصحة والعافية
ام جابر: وانتي بخير واللهم امين
ام سعود: امين تعالو قلطو
لين: اخبارك
ام جابر: بخير نحمد الله الا وين فيصل
لين: مع ابوي
ام علي: مع جده مانشوفه الا اذا نام
لينا بهمس: واللي هد حيلي بالبيت منو؟
لين: اسكتي
ام علي: ماجاكم احد
ام جابر: الا والله الجيران يعيدون ويروحون ماطولو
لينا: غنى موجوده
ام سعود: لا يمكن شوي
ام علي: اخبارها مرتاحه
ام جابر: اي ماعليها
ام علي: دامها عند ام سلطان الحمد لله
ام سعود: ايوالله مايقصرون بشي
لينا: يهبلون
لين: اي
-
ديم: يلا ياخالتي استاذن منكم بروح اجهز قبل الذبيحه يجيبها عمي
ام سلطان: زين على القو يمي وجعلك من العايدين
غدير: بتروحين الحين
ديم: اي
ام سلطان: يلا اجل خلونا نروح لام محمد ونمر ام جابر على طريقنا
غنى: بخاويكم
غزيل: اكيد عاد هذي مايبيلها
ام سلطان: يلا البسو عباياتكم بشوف العيال برا
غدير: زين
-
نزلو من السياره
ماجد: انا بروح اساعد ابو علي وعلي تخاوون
عمر: انا بخاويك مدري عن نايف
طلعت ام سلطان: عندكم احد
نايف: لا يايمه سمي
ام سلطان: ابيك تودينا نعايد
نايف: يلا امشي
ام سلطان: انتظر البنات يجون
طلعت غزيل شايله فهد وغدير وراها
نايف: غنى وين
غدير: داخل
ماجد بابتسامه: كل عام وانتم بخير
الكل : وانت بخير
غدير استحت
نايف: ماتروح؟
ام سلطان: الا الحين تجي
طلعت غنى وابتسم نايف
ماجد: يلا اجل بروح توصون شي
الكل: سلامتك
عمر: انتظرني بجيب ماي واجي
ام سلطان: سكر البيت لاطلعت يمي
عمر: ابشري
ركبو البنات ورا وام سلطان قدام ونايف اللي يسوق
نايف: وين تبون
ام سلطان: الحين بنروح لام محمد وبعدها بنروح لام جابر
نايف: ابو محمد تو شايفه ماشين لخوالهم
ام سلطان: اجل نزلنا عند ام جابر الباقي نشوفهم بالغداء
حرك نايف
-
ام علي: يلا استاذن راح الوقت وبعدنا ماخلصنا
ام جابر: جعله ينعاد عليك بالصحه والعافيه يامي وعلى القو
ام علي: امين وانتي معنا ان شاء الله
طلعو هي والبنات
لين: فيصل ياماما تعال
فيصل: ماما شريت العاب انا وسعود
لينا: من شراء لك
فيصل: عزوز
لين بمزح: اوهه
لينا: انطمي وانت ادخل داخل تشوف السيارات كثيره لاتضيع
سعود: الديره صغيره وين يضيع
ام علي: هههههه صادق
لين: هذا من التوتر صدقيني
ام علي: توتر من ويش
لينا: والله لو ماسديتي حلقك بهبدك هنيا وتعرفيني
لين: نمزح نمزح يامي "بهمس" يضيع اجل هاه ولا عشان عزوز
لينا: يمه خلينا نمشي
ام علي: يلا هذا بيتنا ادخلو
دخلو ولين تضحك وتطقطق على لينا
ديم: جعلها دوم الضحكات بس بضحك معكم وش السالفه
لين: والله ياديوم لينا يوم جابو طاري عبدالعزيز ضاعت
لينا: مايضحك مره
ديم: حركااات
لينا: كذابه لا تصدقينها
لين: اجل من قال..
قاطعتها لينا: اي وش نسوي الحين
ديم بابتسامه: ابد والله انتظر خالتي وينها
لين: عند فيصل برا وتسال ابوي
ديم: اي تعالو اجل نكمل
-
وصلو
نايف: يعني خلاص اروح
ام سلطان: اي خلاص هذا بيت ابو علي نروح لهم مشي
نايف: زين تبون شي
الكل: لا
نزلو غدير وغزيل وام سلطان
نايف: غنى انتظري
غنى استغربت: وش تبي
نايف: وصلتك عيديتك
غنى: اي مشكور
نزلت وتركته
نايف بقهر: طيب خليني اتكلم
وقف سيارته ونزل عند ابو علي
ام سلطان: وين جدتك
سعود: داخل بالصاله
شاف غنى وحضنها
غنى: ياهلا بسعودي اخبارك
سعود: طيب وانتي
غنى: دامك طيب حتى انا
غزيل: تعالي معنى ماندل
غنى: يلا ياروحي بروح اسلم على جده
سعود: باي
ام سلطان: السلام عليكم يام جابر عيدك مبارك
ام جابر: ياهلا وعليكم السلام وانتي بصحه وسلامه
سلمو عليها وغنى باست راسها: شلونك ياجده
ام جابر: طيبه الحمدلله انتي شلونك شلون زوجك
غنى: بخير نحمد الله
ام سلطان: الا وين ام سعود
ام جابر: موجوده الحين تجي
ام سلطان: ماجو البنات
ام جابر: بيجون الليله باذن الله
غنى بصدمه: من بيجي !
ام جابر: خالتك ام راكان وام ابتهاج
غنى بينها وبين نفسها: قدنا ماتصالحنا مو وقتها تجي
ام سلطان: نستأذنك بنروح لام علي جيتك بعيد عليك
ام جابر: ياجعله ينعاد عليكم بالخير
الكل : امين
قامو طلعو دخلت ام سعود: وين وين
ام سلطان: بنروح لام علي بنسلم عليها قبل يجون الضيوف
ام سعود: اصبرو شوي تقهوو هذا الحلا جايبته لكم
ام سلطان: ياحبيبتي والله ماتقصرين والله متقهوين بس بنعايدكم
ام سعود: ياهلابكم
غنى: تجين
ام سعود: اي اكيد
غنى: زين اجل نشوفك بالغدا مع السلامه
ام سعود: مع السلامه
-
عند بيت ابو علي بعد صلاه الظهر الكل اتجه للبيت بيقلطون
ابو علي: يلا ياعيال روحو داخل جيبو الصحون
علي: ماجد وعمر تعالو
ماجد: يارجال ماني داخل عند الحريم شف غيري
راكان: خايف من الحب لاتغار وتزعل عليه
علي بابتسامه: حركااات اجل نايف تعال
نايف: هلا
علي: ابيكم تساعدوني نجيب صحن الذبيحه
نايف: يلا
بالمطبخ لين ولينا وديم وام علي وام سلطان تساعدها بالتقسيم
لين: وين علي ياخذها
ديم: انا بحط الماي قبل يجون
ام علي: لاتروحين انتي ثقيل عليك خلي لينا
لينا: هاتيه لاتشيلين الثقيل
ديم: تمام
دخلت غنى: تحتاجون مساعده ؟
ام علي: لايامي يعطيك العافيه
راحت جلست عند غدير ويسار غدير مهره
مهره: هذي حرمه اخوك؟
غدير: اي
غنى بهمس: تحشون فيني
غدير: لا تسالني عنك تقول هذي مرتكم
غنى: اي
دخلو علي وعمر ونايف
علي: تعالو هذا المطبخ
دخلو المطبخ
تغطو ديم ولين
ام علي: تعالو هذا الصحن خذوه
عمر مستحي: يارجال اخلصو
نايف: اي بسرعه
علي: تعالو تعالو
شالوه وطلعو
مهره: هذا وش اسمه؟
غدير: اي واحد
اشرت على نايف
غدير: هذا نايف
غنى بغيره: ليه تسالين!
مهره: بس اسال لان اليوم جاء سلم على ابوي ويوم طلعت ماشال عينه عني
غدير توهقت ماتدري وش تسوي: اي غلطانه ياختي
مهره: لا متاكده
غنى ماقدرت تكلم من الغيره والقهر
غدير تدارك الوضع: لا متاكده غلطانه نايف متزوج ماله بالسالفه هذي
سكتو وغنى عيونها تلمع
غدير بهمس: ليكون صدقتي
غنى بقهر: وليه ماصدق ؟
غدير: نايف يحبك
غنى بابتسامه قهر وعيونها دموع: خلاص تكفين
-
بعد ماخلص الغداء الكل توجه لبيته وتعب
ام سلطان: غزيل يامي تنامين هنا
غزيل: لا ببيتي ماجبت ملابس لفهود
ام سلطان: زين عطيني ابوسه قبل تروحين
غزيل: يلا
غدير تلفت: وين غنى؟
ام سلطان: دخلت لغرفتها ووجهها ماش
غدير: يوههه اليوم قالت مهره نايف ماشال عينه عنها وتضايقت
غزيل: اما عاد
غدير: اي والله قهرتني
ام سلطان: نايف يحبها ليه تزعل
غدير: هذا اللي حصل
دخلو العيال
عمر: في احد
ام سلطان: لا ادخلو
عمر: بروح انام تعباااان حدي
سلطان: كلنا الحين وقت غيبوبه العيد نشوفكم بالليل ان شاء الله
غزيل: بتروح للبيت ولا بترقد هنا
سلطان: لا بالبيت عطيني فهد باخذه
غزيل: يلا وانا شوي وجايه
سلطان: يلا ياحبيب بابا
ام سلطان: لا يطيح
دخل نايف الغرفه وكانت غنى لابسه بجامتها وشعرها فاتحته وعيونها دموع
نايف: علامك ؟
غنى: وتسالني عساس يهمك؟
نايف: ياغنى لو مايهمني ماكان سالت
غنى بقهر: اقول توكل بس
نايف بعصبيه: غنى تكلمي زين
غنى: وش جابك روح لابو محمد اللي ذبحت البنت بنظراتك لها
نايف مصدوم: وش قاعده تهرجين انتي
غنى: مسكيين مظلوم مايدري وش اقول ياحبيبي والله
نايف مسك يدها بعصبيه: غنى تكلميييي زين لاترفعين ضغطي
غنى: شيل يدك عني اوجعتني وبعدين واضح كلامي يانايف
نايف بعصبيه وصوت عالي: واذا ناظرت شتبين؟ مو انتي طلبتي الطلاق؟ مو انتي قلتي مابيك! مو انتي اللي خليتيني يوم كنت انتظرك ! الحين وش تبيين مني وش ياغنى انا سويت اللي تبينه اعتبريني طلقتك بس باعدك عن اللي عايشته مع خالك
غنى منهاره ودموعها ماوقفت: يااانايف اللي اعيشه الحين اصعب من اللي عشته مع خاليي ليه كذا معي
نايف: انتي اللي طلبتي كذا ياغنى
غنى: كان سوء فهم وتعدل
نايف: مانيب نفس اول من بعد ماخذلتيني يوم كنت انتظر اتصالك بكل حماس وشوق بس عشان تقولين تعال خذني واخر شي شقلتي لي؟ قلتي طلقني قهرتيني وكسرتيني سالتك وش قساك وش غيرك علي قلتي بس كذا والحين تعاتبيني على فعايلك؟
غنى ماقدرت ترد وطاحت على الارض تبكى: تكفى يانايف لا تضر الروح منت بعدوً لي
نايف وعيونه حمر وبقهر: خلاااااص ياغنى خلاص سمعتي اللي يقول ..
معاد بيني وبينك مشاريه وعتاب
شف دربك اللي جيت منه تدله
مراح تغلبني لو الحب غلاب
من حضرتك عشان قلبي تذله
كنت القريب وكلهم كانو اغراب
حتى القمر لاغاب شفتك محله
رح واعتبرني واحد اذنب وتاب
مانيب ثوب تلبسه ثمً تمله
بعد ماقال لها الابيات طلع نايف وتركها
غنى بدموع: يااااانااااايف
ام سلطان شافته باستغراب: تعال
مارد عليها وطلع
غدير دخلت على غنى وكانت منهاره وحالتها حاله: بسم الله علامك "بصوت عالي" يمهه تعالي شوفي
دخلت ام سلطان بصدمه: علامكممم!!!
غنى تبكي ماردت عليهم
ام سلطان جلست عندها: علامك وش مسوي نايف فيك لايكون طاقك؟
غنى بدموع وقهر: يالييته طاقني ولا هذي الحاله ياليته ياخالتي ياليته
ام سلطان: اجل وش صاير
غنى قالت لها كل شي
ام سلطان: حسبي الله عليك ياجود وانتي خبله تصدقين
غنى: ماكنت ادري والله وقهرتني
غدير: صراحه انتي غلطانه واستعجلتي
