يوم جديد على اهل الديره
بيت ابو سلطان
غدير: يمه الفطور جاهز تعالي
ام سلطان: روحي يابنتي خذي هالثوب عطيه غنى
غدير: الله من وين هذا يجنن
ام سلطان: كنت شاريته بعطيه وحده لكن مكتوب لغنى
غدير: يجنن يجنن
ام سلطان: جعله بالهناء عليها
غدير: انا بروح لها وانتي افطري وبنادي اخواني يجون
طلع عمر: انا صاحي ونايف عند زوجته يعني خلاص اهجدي بدون صراخ
غدير: اما عندها
عمر: ايوالله
ام سلطان: اجل طقي الباب مو تدحدرين
غدير: ههههههه ابشري
طقت الباب بشويش: الله يالدنيا والله وصرت ادق خفيف على اخواني بعد ماكنت اكسر الباب
فتحت غنى الباب: هلا
غدير: اسفه ازعجتك لكن هذا من امي هديه
غنى بابتسامه: لا زعاج ولا شي اصلا كنت بقوم واشكري خالتي جعل عمرها طويل
غدير: امين لاخلصتي تعالي افطري معنا
غنى: تمام نص ساعه واجي
غدير: يلا
طلعت غدير ودخلت غنى سكرت الباب جلست تتامل نايف وهو راقد على الكرسي وكانت ازرار ثوبه مقطوعه من الهوشه: ياعمري نايم بثوبه
قامت تغسل وكشخت كانت لابسه ثوب بني عليه رسمه ورد باللون الاسود اكمامه طويله ناعم شوي مخصر
قام نايف: اخ ياظهري متكسر
غنى: في احد ينام على كرسي
نايف يتاملها: اسالي نفسك
غنى: كان قمت
نايف: شفتك نايمه على كتفي ماحبيت اخرب عليك
غنى باسته من خده: صح النوم وقوم غير ثوبك
نايف: حالتي حاله مو بس ثوبي بالله هذا وجه واحد معرس
غنى: شوف اكون معك صريحه والله انك حلو حتى وانت راقد
نايف بطقطقه: اوهه اصلا كانو يسموني كحيلان
غنى: مدحناك بس لاتشوف نفسك
نايف ابتسم: بعدي عني بس خليني اقوم اصحصح
غنى: وانا ماسكتك!
طقها نايف بكتفه وطلع
غنى بابتسامه: اي كتفي
نايف: بسم الله عليك
-
غزيل: ياسلطان قوم يلا
سلطان: شعندك يالله صباح خير
غزيل: اليوم الغداء بنسويه عشان نايف وزوجته
سلطان: مسرع
غزيل: احسن واصلا جانا رمضان مايمدي
سلطان: سويتي فطور
غزيل: وتسالني بعد قوم الحين وشوف
سلطان: يسلم يدين ام فهد
غزيل: الله يسلمك يلا تعال ترا بالصاله
سلطان شال فهد بحضنه: يهلا صح نوم حبيب بابا
غزيل: ماخلاني ارقد
سلطان: كفو ولدي
غزيل: اقول هاك القهوه وثاني مره ماطلع فيه برا اخليه يزعجك معاي
سلطان: افا يابابا تزعجك امك ليه
غزيل: ايوه الحين تغير كلامك
سلطان: ههههههه
-
لينا: اما صارت زوجه نايف
ديم: من قالك
لين: سمعت ابوي يسولف مع امي
ديم: متى صار هذا كله
لين: البارح وعاد انتم لاتبينون انكم عرفتو
لينا: محظوظ والله نايف بس صراحه ماله داعي خالها يسوي فيها كذا
ديم: مرهه ماله داعي بس حتى هي محظوظه لانها عندهم
لينا: ايوالله
ام علي: وش قاعدين تسولفون عنه
لينا: عن غنى ونايف
لين: حسبي الله
ام علي: ماشاء الله وشعرفكم بعد
لينا: لين قالت سمعت ابوي يقولك
شهقت لين: هيييي ياكذابه
ام علي: ماشاء الله يقولون كبيرهم اعقلهم وانا اشوف كبيرهم اخبلهم
ديم: ياخالتي وش فيها ان عرفنا وبعدين ونعم فيهم
ام علي: ترا الليله بيسوون عرس عائلي رمضان باقي له يومين ولاهي زينه يسوون عرس كبير عشان كذا تجهزو نروح
لينا: الله يعني حنا ضيوف خاصين
ام علي: لا حنا من الاهل
ديم: الله يوفقهم
لينا: والحين وش البس
ام علي: والله الكبت مليان وان كان مالقيتي خذي ثوبي البسيه
لين: ههههههههههههههههه
لينا: يمه مو وقت تطقطقين علي قدامهم هذولي شماتين
ديم: يمه منك
ام علي: الغدا على مين
لين: علي
ام علي: سويه وانتي روحي رتبي البيت يلا
فيصل: ماما
ام علي: علامك
فيصل: بابا جاء
لين: صدق!!
ديم بطقطقه: بسم الله عليك يعنني مادري
لين بابتسامه: والله مادري لكن يامرحبا فيه
ام علي راحت للحوش: يهلا بابو فيصل
سلم عليها: يهلا بعمتي اخبارك
ام علي: بخير جعلك بخير تعال قلط
جلس راكان وجلس بحضنه فيصل: لايكون تو صاحيه خربت عليكم
ام علي: لا وين صاحين من زمان
فيصل: عمي وينه
ام علي: افطر وقال بيرقد لحد الظهر
لين: يابنات بتزين وحده منكم تسوي خير وتطبخ الغداء
لينا: والله زوجك واطبخي له
لين: عساس الغداء لزوجي بس
ديم: يمه منكم خلاص انا اسويه بس روحي
لين حضنتها: والله انك اطلق زوجه اخ جعل بعض الناس يفدونك
لينا: من قصدك!!
لين: يعرفون نفسهم مايحتاج
لينا: لا لا قولي من قصدك
ديم: يابنت روحي مو وقت لينا
لين: يلا
لينا: وانتي شتبين
ديم: مسكينه من زمان عنه حرام ياخي
لينا: الله اكبر عاد منزين وجهه عشان تكشخ له
ديم: هههههه انكتمي وتعالي ساعديني
لينا: والله محد قالك تلقفين سنعي نفسك الحين
ديم: تعالي بس شيلي عني الثقيل انا مقدر
لينا: لو مانتي حامل كان حرمتك
ديم: يالبى قلبك
-
جابر: وين رايح
سعود: بلعب برا
جابر: مافيه طلعه انطق
سعود: تكفى يابابا
جابر بعصبيه: ياسعود لاتزعجني
سحبه عبدالعزيز: سعودي الحين ابوك معصب روح العب داخل يلا
ام جابر: وراك معصب على البزر
ام سعود: تبين شاي ياخالتي
جابر: مايحتاج تسالين صبي وانتي ساكته
ام جابر: لايبنيتي
عبدالعزيز: انا طالع تبون شي
جابر: وين
عبدالعزيز: بتمشى بالديره
جابر: لاتطول
عبدالعزيز: ان شاء الله تبين شي يامي
ام جابر: لا يامي حافظك الله
-
طلع نايف وشعره مبلل: ياخي عظامي متفككه
غنى: ليه
نايف: مدري يمكن من الركض امس والهوشه
غنى تضايقت: انا اسفه
نايف: وانتي شدخلك
غنى: انا السبب
نايف: اقول امشي نطلع بس
غنى: كيف شكلي
نايف: وش اقول وش اخلي
غنى بابتسامه: حلوه او لا
نايف: تهبلين بسم الله عليك
غنى: الله " بسم الله عليك " فيها حنيه
ام سلطان: يانايف يلا يامي افطرو معنى قبل الغدا
نايف: يلا يلا طولنا عليهم
طلعو للحوش وكانت غنى ورا نايف
ام سلطان: يهلا يهلا صح النوم
نايف باس راسها وغنى وراه: صح بدنك ياعيني
غدير: قهوه ولا شاي
نايف: عطيني قهوه
غدير: وانتي ياعروسه
غنى بخجل وصوت هادي: قهوه
غدير: ايوه وش اخباركم
نايف: وين ابوي
ام سلطان: افطرو وطلع هو وعمر للعزبه
نايف: شعنده غريبه
ام سلطان: مادري والله بتروحون اليوم لمكان
نايف ناظر غنى: اي بنروح نشتري اغراض
ام سلطان: زين يامي
غدير: متى بتروحون
نايف: بعد شوي بروح اعبي بانزين وانتي جهزي
غدير: بدري ياخي
غنى: منجد
قام نايف واخذ المفتاح وحط الشماغ على كتفه والعقال على راسه: اقول جهزي وانتي الثانيه خلك ساكته
غدير: شدعوه
طلع وراحت غنى تجهز
غدير: تبين مساعده
غنى: لا اصلا مافي شي اسويه
دخلت غزيل ومعاها فهد
غدير: ارحبوووو يهلا
ام سلطان بابتسامه: يهلا يهلا
غزيل: يهلا فيكم اخبارك ياخالتي
ام سلطان: بخير اخبارك انتي وفهود وابوه
غزيل: بخير دامكم بخير
غدير: عسى
طلعت غنى لابسه عبايتها
غزيل: يهلا بعروستنا
غنى: يهلا فيك
-
نايف شغل السياره
ماجد: صح النوم يامعرس
نايف: ارحب صح بدنك
ماجد: شصار
نايف: تخطينا اللي امس بسرعه
ماجد: حيككك
نايف: والله لدرجه تعايشنا مع الوضع
ماجد: الحمدلله الا الحين وين رايح
نايف: بنروح السوق
ماجد: من معاك
نايف: زوجتي
ماجد: اها زين موفق اجل
طلعت غنى
نايف: تبي شي
ماجد: سلامتك
ركبت غنى وحركو
غنى: الحين وين نروح
نايف: للبر
غنى: كيف وليه البر
نايف: غبيه انتي من الصبح وانا اتكلم واخر شي تسالين
غنى: مدري بس هذا مو طريق السوق
نايف: اي بنروح الكبير
غنى: صدق
نايف: غنى اسكتي ولاتزعجيني
-
لينا راكبه فوق الجدار ورابطه ثوبها على خصرها والطرحه شادتها على راسها
ديم تناظر من الدريشه شهقت
لين: بسم الله علامك
ديم ماسكه راسها بصدمه: شوفيييي الخبله
لين: حسبالي انكب عليك شي
ديم: تكفين تعالي انصدمي معاي
لين شافت وشهقت بصوت عالي: يالخبله وش قاعده تسوين انتي
لينا رشتهم بالماي وصايحو
ام علي جتهم تركض: علامكم وش صاير
ديم: ياخالتي شوفي لينا الخبله فشلتنا
ام علي بصدمه: جعل رجولك الكسر وراك راكبه فوق الجدار انزلي فضحتينا
لينا ماهمها: والله ابوي تعبان ونبي ماي ومافي غيري كفو
ام علي بعصبيه: انزلي يابنت لاحد يشوفك تفضحينا انزلي
لينا: يمه اصبري ماباقي شي
ام علي اخذت العصا: تبين تنزلين ولا اجيك
لينا خافت: يمه خلصت اصبري ياخي ترا بعبيها ماسويت شي
ديم: الجيران لايشوفونك فشلتينا يابنت
لينا حاطه يدها على خصرها ومو ساله عن احد: والله كيفي وانا بنت ابوي اصير له ولد وبنت بأي وقت يحتاجني فيه
ام علي: لو عرف ابوك سحبك من شعرك اخلصي انزلي يابنت
شافها عبدالعزيز مصدوم وبنفس اللحظه ضحك: اقول انزلي وانا اكمل الباقي
لينا حست بصداع ودوخه نزلت بدون شعور
ديم ولين يناظرون بعض مصدومين هذي شفيها نزلت كذا بهدو
دخلت وجلست بالصاله
ام علي: علامك
لينا: شافنييييييييي
ديم: علي!
لينا: ليته علي
لين: راكان!
لينا: لو شافوني خواريفكم ماهمني لكن شافني ولد الجيران
ديم بتشميقه: اقول عن الغلط تراه اخوك ولا علمته ترا
لينا مغبونه: ترا اللي فيني مكفيني
ام علي: فضحتينا مافي انوثه
لينا: انوثه بس شكل ياحيف
لينا: ببكيييي
ام علي طقتها من يدها: ان شفتك ثاني مره تسلقين الجدار بكسر رجولك واعلم علي
لينا: يعني فوق التكسير بتعلمين علي
لين: تستاهلين
فيصل: ماما يبيك بابا
لينا: انقلعي لرجلك بس
لين بتقهرها: ياحبيبي هو
لينا: يع
لين: انطمي
ديم: تعالي ساعديني
لينا: روحي واجيك شوي
-
نايف مستغرب من هدوء غنى: سولفي
غنى: وش اقول
نايف: اللي تبين اسمعك
غنى: قاعده افكر كيف كذا
نايف: رجعنا ياليل
غنى: ياخي والله صدق كيف كذا صار بيوم وليله
نايف: الحمدلله على كل حال وخلاص وصلنا ترا وين تبين
غنى: مابي انزل بروحي
نايف: ومن قال بخليك
غنى: يلا
نايف: وين تبين
غنى: بشتري فساتين وبجايم وقمصان وعطورات واكسسوارات وكعب
نايف: وهذولي كلهم بمكان واحد
غنى: اكيد لا
نايف: اخ
غنى: تحمل ترا كل هذا بختاره لحالي
نايف: يلا استعجلي
دخلو المول يختارون وكل واحد له راي صار ساعه
نايف: هذا لنا ساعه وماخلصنا
غنى: شسوي كل ماخذ رايك تعكسني
نايف: ترا هذا ثالث فستان تاخذين رأيي فيه واذا قلت لا اخذتيه
غنى: عاجبني
نايف: اجل ليه تسالين
غنى: مدري
نايف: استعجلي بس
غنى: خلصت الفساتين والبجايم اللي هنا ماعجبوني
نايف: وين تبين تروحين
غنى: مدري بنشوف محل ثاني
نايف: يلا بنحاسب
طلعو وقفو عند قسم الحريم
غنى: خلك هنا بشتري كم شغله
نايف: بتطولين
غنى: نص ساعه
نايف: تمام انا بنتظرك هنا واذا ماحصلتيني او شي لاتحركين لحد اجي
غنى: وين بتروح
نايف: يمكن افرفر شوي
غنى: تمام
دخلت غنى وطلع نايف سال واحد من الموظفين مكان محل الذهب
الحارس: امش سيده اول لفه على يمين تحصله
نايف: يعطيك العافيه
واتجه نايف وحصلت المحل دخل: السلام عليكم
صاحب المحل: وعليكم السلام
نايف: ابي خواتم خطبه
صاحب المحل: تعالي هنا قدامك
نايف: عطني نفس المقاس من هذا "ماخذ خاتم غنى"
صاحب المحل: تبي اكتب عليه شي ولا عادي
نايف: اكيد اكتب غنى ونايف وحط التاريخ
صاحب المحل: ابشر عشر دقايق وجاهز
نايف عجبه سلسال ناعم: وهذا بكم وفي نوع ثاني منه
صاحب المحل: اي سعره ٩٠٠
نايف: هاته واستعجل بالله
صاحب المحل: ابشر
خلص وطلع من المحل اتجه لمحل ورد واخذ باقه كبيره وزينها بالسلسال والخاتم وعطر
نايف: الحين باقي بس غنى لكن وين احط هذولي عشان اسوي لها مفاجأة
صاحب الورد: في كوفي حق عوائل قدام
نايف ابتسم: صدق وين؟
صاحب الورد: قدام محل الذهب وراقي جداً
نايف: اشكرك ياخوي وهذي خمسين زياده
صاحب الورد: الله يسعدك ويوفقك يارب
اخذ نايف الورد واتفقو هو وصاحب الكوفي على المفاجأه
وطلع لغنى حصلها جالسه على الكرسي
غنى: ساعه؟
نايف: شدعوه ماطولت
غنى: لا ياشيخ
نايف: خلصتي !
غنى: لا باقي محل العطورات وابيك معاي
نايف: يلا سرينا
خلصو كل شي بعد خمس ساعات والتعب مايوصف فيهم
غنى: خلاص تكسرت
نايف: انا اللي تكسرت
غنى: لاوالله
نايف: ترا انا اللي شايل الاكياس بس انتي تشترين
غنى: حتى ولو تعبت من المشي
نايف: ياعمري بس
غنى: بصلي العصر
نايف: يلا بناخذ لنا شقه نرتاح فيها شوي
غنى: اي تكفى والله تعبت
-
ام سلطان: عمر خذو فرشات الرجال
ابو سلطان: ماجد تعال يابوك امسك معي الذبيحه
غزيل: عمتي كم دله اسوي
ام سلطان: اربع دلات قهوه واربع شاي
عمر: يبه احط بالساحه اللي قدام
ابو سلطان: ايه وركبو اللمبات
سلطان: جبت ٩٠ لمبه بس باقي السلك وينه
غزيل: بالمخزن اللي ورا
ام سلطان: انا بروح اجيبه انتي روحي ساعدي غزيل
غزيل: لا خلصت بس امسكي فهد
غدير: يااقلبي وينه
غزيل: نايم بغرفتك
ام سلطان: تزينو ترا ماباقي شي
ابو سلطان: هذا الذبيحه ترا بالقدر اطبخوها ويلا ياعيال نشوف مجلس الرجال
عمر: جهزنا الفرشات باقي اللمبات
سلطان: اي خلصت يلا نركبهم
ماجد: وين الحطب
سلطان: مافيه
ابو سلطان: كيف مافي ليه ماعلمتنا بدري
سلطان: البارح خلص
ماجد: بروح اجيب من علي
ابو سلطان: كفو ولدي
-
جابر: اسمعو ترا ابو سلطان مسوين عرس عائلي تجهزو
ام جابر بابتسامه: صدق الحمدلله متى
جابر: اليوم
ام سعود: الله يهنيهم
عبدالعزيز: اشوفهم يرتبون طلع عندهم مناسبه
ام جابر وعيونها دموع: ياربي لك الحمد صارت عند العايله هذي
ام سعود: ايوالله الله يوفقها ويسعدها
ام جابر: ضاقت عليها وفرجها الله لها باللي يسعدها
ام سعود: ماتضيق الا وتفرج
عبدالعزيز: اسكتو لايفصل عليكم
جابر: تجهزو وجب البشت حقي
عبدالعزيز: ابشر
سعود: عادي اطلع
جابر: لا
ام سعود: تعال ياماما اللبسك بنروح
سعود: وين
ام سعود: بنروح لغنى
سعود يرقص من الفرحه
ام جابر: ياحبيبي ياسعود
عبدالعزيز جالس يبتسم تذكر لينا
جابر: بسم الله مانت صاحي
عبدالعزيز تدارك الوضع: الواحد مايتذكر شي
جابر: اقول قم واخلص علينا
قام عبدالعزيز: يمه وين الكوايه
ام جابر: بغرفه غنى
-
علي: تحتاجون مساعده
ماجد: لا يعطيك العافيه خلصنا وانت تو جاي من دوامك ارتاح
علي: لا عادي والله
ماجد: ارتاح للمغرب والله خالصين
علي: اكيد
ماجد: اكيد
علي: زين سلم لي عليهم
ماجد: الله يسلمك
طلع ماجد ودخل علي
ابو علي: ليه مارحت معاهم يمكن يحتاجون وقفه
علي: قلت له يحلف خالصين
ام علي: لاصار عائلي اهون
راكان: اي يصير خفيف
لين: عرس الرجال بالساحه قدام الرايح والجاي اكيد بيجون اهل الديره
ام علي: الله يهنيهم
ديم: لينا جيبي مكياجك وتعالي عندي
لينا: لا حبيبتي كبير ومافيني حيل اشيله تعالي انتي تزيني عندي
ديم: تكفين
لينا: تعالي ولا مالي دخل الحين لو يجي علي بتطلعيني لا حبي
ديم: يمه منك خلاص
جلسو بالغرفه يتكشخون
-
بعد مارتاحو ساعه
غنى: يلا تبي نمشي
نايف: يلا بس بنتقهوى
غنى: وين
نايف: بنشوف كوفي حلو
ركبو السياره وكانت لابسه نقاب وعبايتها الجديده وعيونها الكبيره الجذابه حاطه مسكره وايلاينر خفيف
نايف: ياويل حالي
غنى مافهمت: علامك
نايف: خلصنا
غنى: اي يلا
تحركو وصلو المكان دخلو القسم حقهم
غنى: الله
نايف: كيف بس
غنى: يجنن
نايف: وش تبين
غنى: اللي تبي بصراحه ماعرف
نايف: طلبو قهوه وحلا
غنى: تبين عربيه او لا
غنى: اي اكيد ماحب غيرها
نايف: حلو جوي
تقهوو بعد ماخلصو انصدمت غنى بدخول باقه وشموع وناس تغني
غنى: شفيه
نايف مسك الباقه: شكراً
غنى مصدومه واخيراً فهمت دمعت عيونها
اخذ نايف الخاتم: عطيني يدك واقبليني أمان بعد جدك وسند بعد خوالك
غنى ودموعها اربع: نايف تكفى
نايف: ياعيون نايف وقلبه
غنى: موافقه
لبسها الخاتم وحضنها: عيونك الحلوه قلت لك ماتنزل دموع الا فرح وعد
غنى: جعلني والله مافقدك
نايف: ولا انا وهذا السلسال بلبسك الليله
غنى: الله يجنن
نايف: عليك بس ويلا الحين البسي فستانك وادخلي بيت اهلي عروسه
غنى: كيف
نايف مسكها بيدها: هذا المحل كل شي جاهز بمساعده امي وغدير والحين بس اختاري الفستان وتوكلنا على الله
غنى: بتسوي عرس؟
نايف: كل شي جاهز
غنى: تمزح
نايف: ادخلي يلا
-
بعد صلاه العشاء الكل تجمع ويسولفون
ام سلطان: ياغدير تعالي قهوي الحريم
غدير: خذي ولدك بروح اقهوي
غزيل: ياربي شسوي فيه انا مشغوله
لينا: عطيني امسكه
غزيل: يعطيك العافيه
ديم: وين غنى
غدير: شرايك
ديم: وين
غنى: راحت تجهز
ديم: اما
غنى: والله
لين: اخبارها
غدير: امس ماوقفت بكي بس اليوم الحمدلله رضت وتقبلت الواقع
لين: ونايف
غدير: فرحان اصلا
ديم: جاته مزيونه مالومه
غدير: اييي وافق على طول
ديم: الله يوفقهم يارب
غدير: امين وعقبال ولدك
لين: خليه يجي الحين
غدير: وعقبال فيصل
لين: امييين
ابو سلطان: ياسلطان دق على اخوك شف وينه تاخر
عمر: تو داق يقولون مقبلين على الديره
ماجد: صادق
عمر: والله
ماجد: ماشاء الله عليهم
علي: راكان شف فيصل لعب بالتراب
عبدالعزيز: اجلس هنا ياورع
سلطان: الحين كم باقي لرمضان
ماجد: بعد بكرا اتوقع نتسحر
عمر: اي
علي: مبروك علينا وعليكم الشهر اعاده الله علينا بالصحه والعافيه
الكل: امين
وصل نايف عند مدخل الديره دق على العيال: يلا ياعيال تعالو
سلطان: يلا يلا كل واحد يركب سيارته بنسوي مسيره
غنى: مستحيه نزلني
نايف: بتفرحين وبعدين انتي عروسه لازم
غنى: ماشوف
نايف: متحمس اشوفك بس يلا مابي نحرق
غنى ابتسمت: انت همك هناك وانا هناك
نايف: هذولا العيال وصلو
عبدالعزيز وجابر مع بعض وماجد لحاله بالشاص وعمر بالجيب وسلطان بسيارته وعلي بسيارته معاه راكان
نزل نايف سلمو عليه كلهم
نايف: حي عينكم
ماجد: مبروك يالخوي
نايف: الله يبارك بعمرك
جابر: يلا يلا مشينا راح الوقت
ركبو سيارتهم وبدو المسيره
غنى كلها دموع
نايف: عيونك الحلوات كم مره اقول لاتنزل منها دموع
غنى: ماقدر ماقدر
نايف: ليه ماتقدرين
غنى: تكفى افهمني
نايف: فرح ولا
غنى: اكيد فرح
نايف: اجل جعلها دوم
وصلو والكل استقبلهم
غدير: هييييي جو المعاريس تغطو تغطو
غزيل: وين فهد لايضيع
لينا: هذا هو معاي
غزيل: عطيني اسفه اشغلتك
لينا: لا عادي متعوده من فيصل
ام سلطان: غدير جهزتي غرفتهم
غدير: اييي خلصنا
دخل نايف وغنى ماسكه يده كان لابس ثوب ابيض وبشت اسود وغتره بيضاء وساعه وغنى لابسه فستان الزواج وشاده يد نايف من التوتر وكانت جميله بشكل مايوصف
ديم: ماشاء الله
ام جابر حضنت غنى تبكي: الله يهنيك ياروحي عسى السعاده ترافقك
حضنتها غنى: امين
ام سلطان: مو وقت الدموع الله يهداكم تعالي
دخلو غرفتهم وصورو كل العائله
غزيل: صورو فهود عشان اذا كبر يشوف شكله
ديم: وانتي ماهمك الا فهد
غزيل: تكفون خلو الصوره تزين
نايف: عطيني بصوره بحضني
ام سلطان بابتسامه وعيونها تلمع: عقبال تشيل عيالك ياروحي
نايف باس راسها: اميين يارب
ام جابر: الف الصلاه والسلام عليك ياحبيب الله محمد
الكل: كلولولييشششش
واصوات الرمي والزفه يوم حلو للعائله والكل
