بالسياره بعيد عند الديره واقفين جنب الطريق وهدو
نايف: يصير افهم؟
غنى وعيونها دموع: شنوو تفهم
نايف: ليه تبين تتركيني
غنى ناظرته: لاني مابيك
نايف مصدوم: كذا ؟ بدون اي اسباب
غنى: اي
نايف حرك السياره وجهو للديره وقف عند بيتهم: انزلي
غنى: بيت عمامي؟
نايف بعصبيه: ياغنى انزلي
غنى: مابي انزل ودني بيت اهلي
نايف: لاتنسين ان خالك صرفك حتى اغراضك ماعطوك ولا ارضى عليك ياغنى انزلي بهدو الله يهداك
سكتت غنى ونزلت جلس نايف وتنهد: ماقول الا
ليه ياوليفي تبي الجفاء وانت تدري
لو تطلب العينين قدمتها لرضاك
ماجد طق الدريشه: ياولد
نايف ساج
ماجد: نااايف
نايف: هاه
ماجد: علامك وين رحت
نايف: اركب اركب اعلمك
ركب ماجد بجهه المعاوني: ايوه اسلم
نايف: جبت غنى وتخيل للحين صامله
ماجد: على وش
نايف: الطلاق
ماجد: صادق
نايف: اي والله
ماجد: اجل ليه جت
نايف: اهلها
ماجد: والحين وش بتسوي
نايف: بخليها يعني وش اسوي
ماجد: اللي تشوفه بس يقول شاعرها:
لاتبالغ بالمحبه وتصدمك الظروف
ولاتعمق بالمشاعر وخلك واقعي
نايف: اخ ياماجد
-
دخلت غنى وكانت ام سلطان جالسه وعندها فهد وغدير جايه من المطبخ معاها القهوه
غنى بابتسامه: السلام عليكم
ام سلطان: يهلا يهلا وعليكم السلام
غدير: ارحبيييي نور البيت
غنى سلمت عليهم: ياحبيبتي
ام سلطان: تعالي اجلسي طمنينا عنك وشلونك وشلون جدتك
جلست غنى: بخير الحمدلله انتم اخباركم وش مسوين وين غزيل
ام سلطان: ابشرك بخير والله غزيل راحت ترتب بيتها وتجي
غدير: اشتقت لك مابغيتي
غنى بضيقه: بنشب لك الحين
ام سلطان: فيك شي يامي
غنى: لا ياخالتي بس بروح للغرفه برتبها
غدير: تبين اساعدك؟
غنى: لا ياعيني
قامت لغرفتها
غدير بهمس: مو قال تبي الطلاق ؟
ام سلطان: اي بس يمكن غيرت رايها وبعدين ليه تطلب الطلاق ونايف ماقصر معها بشي
غدير: اي اللي استغربت
ام سلطان: الله يديمهم لبعض
-
ام جابر: خلصتي
ام سعود: اي بس من يوصلهم
ام جابر: بشوف عبدالعزيز
جود: راحت له الحين وش نسوي
ابتهاج: خلاص تقبلي الواقع نايف يحبها
جود: انطمي
ام راكان: جود يامي جهزي اغراضك بنمشي بكرا
جود: لاااااا
ام جابر: وش اللي لا بعد
جود: مابي نروح
ام راكان: ابوك بيجي وبعدين راح الوقت متى نجهز للعيد
ام جابر: بعد مطوله اقول يكفي جالسه خلاص روحو لبيتكم وخذو ام ابتهاج معكم
انهارت ابتهاج ضحك: هههههههه ياجده تبين تصرفينا
ام سعود: هههههههههه
ام ابتهاج: يمه الله يهداك قولي تبين الفكه مننا بس مو كذا تقولينها بوجهنا
ام جابر: مافاد التسليك خلاص روحو ماباقي للعيد شي وبتجون بعد
ام راكان: ههههههههه اتوقع قفلت معاها خلاص
ام سعود: عسانا بالايام الجايه نتجمع لفرح ان شاء الله والله يرحم عمي
الكل: امييين
-
ام علي: بالله بيمشون
لين: اي الحين كلمني راكان يقول عمي بيجي بكرا ياخذهم
لينا: وراكان يروح
لين: اي اكيد
ديم: بتروحين يعني
لين: اي هاليومين ونجي
ام علي: انتبهي لك عاد واصبري يامي على كلام عمك تراه كبير
لين: ان شاء الله
ديم: بنشتاق لك
لين: ياعمري وانا بعد
لينا: لا والله ماراح نشتاق بنرتاح من ازعاج فصول
لين: ياويلك من الله ولدي مايقول شي
لينا: اي انتي اللي ولدها يكسر كل شي وتقول ولدي مايسوي شي
ديم: ههههههههههه حرام عليك
لين بطقطقه: اتمنى ولدي يتخطى لان عنده خاله نفسك
لينا: والله ولدك محظوظ لان عنده خاله نفسي اجل من يلاعب ولد اخته ويقوم له الصبح يوكله
ام علي: والله ليون ماتقصر حتى لو سولفت تحبه اصلا
ديم: اكيد هذي بس لابد من المزح
لين: بقوم اجهز الاغراض وترا فيصل برا لايبعد ولا يضربونه
لينا: سعود له اسبوعين ماطلع والباقي مايضربون
ديم: اي ماشوفه مختفي
ام علي: ابوه ناحيه لايطلع
ديم: افضل شي سواه بس ياعمري صح ملقوف بس لو يطلع شوي يتونس
ام علي: افضل له عنده كل شي من الالعاب مو لازم يطلع
لينا: احسن
دخل ابو علي: مطول سحوركم
ديم: لا بس شوي وين علي
ابو علي: جاي
-
مرت الايام بتجهيزات العيد وقروشته بس كانت ثقيله على غنى ونايف من رجعت وهو ماتكلم معاها حرف واحد وكان ينام عند ماجد والكل ملاحظ عليهم بس ساكتين واخيراً ليله العيد :
غدير: اففف تعبت من الحوش ياعمر ساعدني
سمعتها ماجد: قم ساعدها
عمر: يلا جاي وانت صوت لنايف
طلعت غنى: ياخالتي الحين كم قهوه تبين نسوي
ام سلطان: يابنيتي سوي ثنتين بالطقم الجديد
غزيل: الذهبي
غنى: تمام بجهزهم
غدير: بتسوين الحين!
غنى: لا وين بس بجهز الطقم
غدير: اي اقول استغربت
دخلو نايف وعمر
غدير: ايوه تعالو ساعدوني تعبت من الحوش وكبره
نايف: يلا انا جهه الرجال وعمر الوسط وانتي هنا
ناظر غنى واقفه عند الباب وتجاهلها
غنى تضايقت من تصرفاته ودخلت
عمر: لاتمزحوووون بشي ترا بكرا العيد مو وقت الطيحات والكسر
غدير: اي لو سمحتو
نايف ابتسم: تم
ام سلطان: ياويلكم تلعبون
غنى: تناظرهم من الشباك وكانو يلعبون: قلنا معصب مني بس مو ماتتكلم معاي يانايف
دخلت غزيل: كم الساعه
غنى: اتوقع وحده ونص
غزيل: اما عاد راح الوقت وانا ماخلصت
غنى: وش باقي لك
غزيل: بكوي ملابس فهود
غنى: يمديك بس استعجلي
-
ديم: شرايك اللبس الاحمر ولا الاسود؟
علي حضنها: انتي لو تلبسين اي شي يطلع عليك حلو
ديم بابتسامه: ياحبيبي والله
ابو علي بصوت عالي: ياعلييي
علي: هلا
ابو علي: تعال يابوك
علي باس ديم من خدها: يلا ياعيوني بروح تبين شي
ديم: لا ياروحي سلامتك
طلع علي وجلست ديم ترتب الغرفه
لينا: يمه رتبت المجلس والصاله المطبخ على لين
لين: لا حبيبتي انا قلت الحوش
لينا تكتفت: على كيفك اقول بس روحي رتبي المطبخ
ام علي: اخلصو علينا ولا انا اقوم اسويه
لين: والحوش على مين
ام علي: نظيف انا شفته بس خلصو المطبخ وجيبي فيصل انومه مو زين له السهر
لينا: وينه
لين: بالغرفه يلعب
ام علي: زين اجل برقد معاه للفجر وانتم لاسمع لكم صوت
لين: زين يمه نوم العوافي
ام علي: الله يعافيكم وعاد حاولو ترقدون
لينا: سمي
-
ام جابر: بيجون البنات؟
ام سعود: مادري والله
ام جابر: مادقو على احد منكم
عبدالعزيز: الا راكان يقول يجون الصبح ان شاء الله
ام جابر: زين
جابر: وين سعود
ام سعود: طلع يلعب برا
جابر: بروح اجيب ثوبه من الخياط ابيه يروح معاي يشوفه مقاسه
ام جابر: ياوليدي وانت ماطلعته الا اليوم
عبدالعزيز: قلت له طلعه امس عشان تشوف اذا يبي تعديل ماسمع كلامي
جابر: حافظ مقاس سعودي من حبي له مايحتاج بس ابيه يتمشى معاي
ام سعود بإبتسامه: عشان كذا ماتكلمت لاني عارفه
ام جابر: دامها كذا اجل خلينا ساكتين
ضحك جابر: يلا انا طالع تبون شي
الكل: سلامتك
-
خلصو من الحوش وجلسو بتعب
غدير: اخ ياظهريي
عمر: اذا انتي بس ظهرك انا كلي
نايف: وانا بعد
ابو سلطان بابتسامه: ماشاء الله تتحدون
نايف: يبه انت يوم بنيت بيتنا ليه ماكبرت البيت وصغرت الحوش
عمر: اي والله
ام سلطان: يازينه كذا وش نبي بالحوش الصغير
ابو سلطان: غلطانين ولا المفروض ننتظركم تكبرون وبعدين نبنيه
ضحكو كلهم وغنى تناظرهم من بعيد
سلطان: بكرا الغدا عندنا؟
ابو سلطان: لا عند ابو علي حنا باذن الله العشاء
ام سلطان: نبيه غداء افضل
ابو سلطان: نشوف اذا مافي عند احد عشاء سوينا واذا فيه خليناه غداء
نايف: تم
عمر: بروح ارقد
غدير: كم الساعه ؟
سلطان: ثلاث
نايف: اما عاد
سلطان: والله
نايف: بروح اجل اتروش وارتاح لي شوي قبل الصبح
ام سلطان: زين يامي ارتاح
قام نايف وشاف غنى واقفه عند الشباك شافته وبعدت دخل: ليه واقفه هنا
غنى بتوتر ودقات قلبها تسارع وتقول بينها وبين نفسها واخيراً تكلم معي: بس كذا
دخل الغرفه وتركها
غنى: خير طيب قل شي
نايف: وش اقول
غنى: يصير تفهمني ليه وجودي والعدم واحد
نايف: تساليني !
غنى تناظر يمين ويسار : في احد غيرك ؟
نايف: ادري ان مافي احد غيري بس المفروض هالسؤال ماتسليني وانتي تعرفين اجابته ياغنى
غنى: وش اجابته لو اعرفها ماسالتك
نايف دخل الحمام وتركها
غنى بقهرر: نااايف ترا يقهر كذا
ام سلطان: بروح ارقد لحد الفجر وانتم عاد رتبو اذا في شي يبي ترتيب
ابو سلطان: القهوه خلوها جاهزه من صلاه الفجر
عمر: ابشر ولا يهمك
ابو سلطان: كفو عيالي
سلطان: المعمول اللي شريناه وين
ام سلطان: برسله لكم مع غدير
-
جود: الله بنمشي اليوم واخيراً
ام راكان: اي اللي اقولك جهزي شنطتك من الحين باذن الله الصباح نمشي
جود: وليه الصبح عاد
راكان: عمامي عندهم الغداء عشان كذا
جود: اها طيب ابوي يروح
ام راكان: ماتوقع بس بنحاول فيه
راكان: حاولت رافض
ام راكان: براحته اهم شي نروح نتونس
جود: اي بس ياخي ليته يروح
ام راكان: لو راح ماهو مخلينا نسير على احد
راكان: اي
جود: الله يصلح بينهم ملينا والله
الكل : امين
-
طلع نايف وحصل غنى ترتب الغرفه كانت لابسه بجامه وحاطه شعرها كعكه وحب ينرفزها انسدح بالسرير وشعره ماي
ناظرته غنى بطرف عين وتجاهلت
قام للجهه اللي خلصت منها وجلس بالكرسي
غنى: نايف لو مانشفت شعرك اطلع برا
نايف: تطرديني من غرفتي؟
غنى: غرفتك! وينك عنها مانمت فيها لك عشر ايام والحين عرفت غرفتك
نايف: عاد بكيفي
شافت حذيانه طبعت بالارضيه وعصبت: نايف والله لو ماطلعت بهبدك بالعصا
نايف: اخو سلطان تطقيني انتي
غنى: تبي تجرب!
نايف تجاهلها ونشف شعره
غنى: ايوه كذا
-
ديم: خلصتي
لين: اي
ديم: وين فيصل
لين: نايم عند امي
ديم: بسوي الفطور
دخلت لينا: الحين كم الساعه
ديم: بياذن الفجر
لين: بروح اكوي ثوب فيصل
ديم: وين طقم البخور الجديد
لينا: بروح اجيبه من الغرفه
ديم: يلا بسوي الفطور قبل تجين
علي: السلام عليكم
ديم بابتسامه: يامرحبا وعليكم السلام
علي: وش مسوين
ديم: بعدنا ماخلصنا
علي: اجل برتاح شوي قبل يجهز
ديم: زين
راح علي لغرفته
دخلت لين: تقول امي حطوه بالطقم الرصاصي
ديم: ناويه احطه بالذهبي
لينا: لا لا مو كامل الرصاصي حلو
ديم: تم
-
خلصت غنى من الغرفه وراحت تتروش ونايف طلع لماجد بالدوانيه
ماجد: ارحب
نايف: تبقى
ماجد: ايوه علوم جديده
نايف بتنهيده: احس طاب خاطري
ماجد: من وش
نايف: من كل شي
ماجد: ياولد اهجد
نايف: والله اني صادق معدت نفس قبل
ماجد: اقول تعوذ من الشيطان وتصالحو
نايف: والله ماقول الا
ماعاد تفرق وش تخبي لي الأيام
جاني اللي كفاني و خَاطري طاب
ماجد: اليوم عيد وتصالحو ولاعاد تقول هالكلام وانا اخوك
دخل عمر وبيده الدلال: يلا يلا خلنا نجهزهم
نايف: يلا
ماجد: الثياب وين
عمر: يقول سلطان عندك؟
ماجد: اي صح بروح اجيبهم اجل
-
غدير: غنى وش رايك احط مناكير نفس لون فستاني ولا
غنى: وش لون فستانك
غدير بمزح: بخير الحمدلله
غنى ضحكت
غدير: امزح لونه بني
غنى: حطي بني ولا اسود
غدير: الكعب حقي اسود
غنى: اي اجل اسود الا انا محتاره اللبس الرصاصي ولا الازرق
غدير: الرصاصي يجنن على جسمك "بغمزه" وعشان نيوف يروق
غنى بابتسامه وبنفس اللحظه تضايقت: يمه منك ومن سوالفك
غدير: والله اني صادقه انتي ماشاء الله تهبلييين
غنى: ياحبيبتي والله
