يوم جديد على اهل الديره
سلطان: ياغزيل عمامي بيجون
غزيل: من قال
سلطان: ذالحين دق علي بسام يقول جاايين
غزيل: يامرحبا فيهم اجل خلنا نسوي غدا خاص للمعاريس ولهم
سلطان: اي هذا اللي بيحصل
غزيل: حلو اجل بجهز اغراض الغدا وجيب اللي كتبتهم ترا حطيته فوق
سلطان: باخذ فهد لاهلي
غزيل: زين
-
غدير: صح النوم ياجنتي
ام سلطان: صح بدنك وش الريحه الحلوه وش طابخه لنا
غدير: والله تعالي شوفي عروستنا وش مسويه
ام سلطان: غنى!
غنى: يهلا ياعمتي صح نومكم
ام سلطان: صح بدنك يامي ويسلم يدينك
غنى: ياروحي الله يسلمك
ام سلطان: وين نايف
غنى: راقد
ابو سلطان: السلام عليكم
الكل: وعليكم السلام
ابو سلطان: اوهه الكل صاحي بدري اليوم ماشاء الله
أبتسمت ام سلطان: تعال تقهوى
دخل سلطان: الله مروقين اليوم
ام سلطان: يهلا ومرحبا بوليدي وحفيدي
سلطان سلم عليهم: اخباركم اليوم
ابو سلطان: طيبين اخبارك انت
سلطان: بخير جعلك بخير
دخل عمر وهو يحك عيونه: تعالو بالحوش نفطر على الجو الحلو
غدير: الحين روح غسل وتعال
عمر: رايح بس اطلعو
طلع ابو سلطان يشوف الجو كان غيوم ويرش خفيف: ماشاء الله تعالو بالحوش شوفو الجو
غدير: الله بجيب الفرشات
سلطان: يلا وانا بشيل القهوه عنك
ام سلطان: لا خلها بجيبها يامي
سلطان: عطوني ترا جاهز بس اشيله انتي ارتاحي
ام سلطان: ياروحي الله يحفظك
دخلت غنى الغرفه وفتحت الشبابيك: قوم يلا
نايف غطى عيونه بالمخده: يابنت سكري بنام
غنى: لا والله ماتنام قوم بس
نايف: شتبين
غنى بابتسامه: شوف الجو يجنن وتعال افطر سويت الفطور اليوم
نايف: حركااات صرتي كبيره
غنى: وش شايفني
نايف: كنتي بنت وصرتي راعيه بيت
غنى بخجل: يلا قوم عاد
نايف قام وناظر الجو: يالبيييه بس في شي قدامي اجمل منه
غنى استغربت: مين
نايف: شدخلك
غنى: مافي احد غيري بالغرفه
نايف: ولهذي الدرجه غبيه!
غنى بابتسامه واخيرا: ياعمريي
نايف: صح النوم
غنى: والله صح نومك انت
نايف ابتسم وطلع بصوت عالي: صحت الدنيا ولا
سلطان ابتسم: ارحب يهلا
ام سلطان: صحت الدنيا وروقو اهلها
ابو سلطان: صح نوم معرسنا
نايف: ياخي ماتحمل الكلام الحلو جعلني والله فداكم
عمر: تراني صاحي قبله المفروض تقولون لي
ابو سلطان: انت يابوك من قمت تقول اطلعو برا ماغسلت وجهك حتى
عمر ضحك: ابي الجو الحلو
نايف: صح نومك ولا تزعل
عمر: صح بدنك تعال اجلس هنا
نايف حضن فهد: ودلبوس الصعينون
سلطان: شقي ومايفهم هالصغير هذا عاد
نايف: والله انه كفو
عمر: تراني بطلع
ام سلطان: كمل فطور
عمر: الحمدلله شبعت تبون شي
ابو سلطان: وين
عمر: بروح للخيل
ابو سلطان: فمان الله وانتبهلك
باس راسهم وطلع
سلطان: ترا اليوم غداكم عندنا بيجون عمامي ونبي نتونس
ام سلطان: بالله زين يامي على القو
غدير: الله يعطيكم العافيه انقذتوني
ابو سلطان: عندك الذبيحه
سلطان: اوهه جاهز كل شي يابوي
ابو سلطان: كفو ولدي
سلطان: انا بطلع الحين بكمل الاغراض توصون شي
الكل: سلامتك
غدير: لاتاخذ فهد
سلطان: مانيب ماخذه
طلع سلطان وجلسو يلعبون مع فهد
ام سلطان: وين غنى
نايف: بالغرفه
ابو سلطان: خلها تجي
غدير: يمكن حسبالها العيال موجودين
نايف: بروح اشوفها
دخل الغرفه وكانت تمشط شعرها الاسود الناعم الحرير وريحه الغرفه بخور وعود
نايف: يادافع البلا
غنى: علامك
نايف: انتي ملاك ولا شنو
غنى بابتسامه: وش تشوفني
نايف: ماقول الا جعل وقت عطاني اياك مايفنى
قرب حضنها وحط يدينه على خصرها
قربت له: وجعل ايامي المقبله كلها معاك
نايف: اميييييين
ابتسمت غنى: وش جابك
نايف: تعالي يبونك تجلسين معاهم
غنى بعدت: يلا بمشط شعري واجي
نايف: يلا بنتظرك
غنى: لاياخي
نايف: اخلصي اقول
-
لينا ترقص: تمطر تمطر
ديم: الله
لين: فيصل ماما لاتملي نفسك
شالته لينا ولعبو مع بعض
وديم تضحك على اشكالهم
لين: ولدي لايتعب
لينا: فيصل عاجبك؟
فيصل: مره
لين: صغير مايفهم جيبيه
دخل علي: ماشاء الله وش تسوون
هجدت لينا: نشوف المطر
علي: الناس الصبح اصواتكم طالعه اقصروها
ديم: شوف الجو يجنن
علي: لكن انتي اطلق منه
ديم استحت
لينا: اوهه حركااااات
ديم بابتسامه: ياقلبي والله
لين: اول مره اشوف ديم مستحيه كذا
مسك علي يدها: يافديتها
لينا: حركات ياديوم
ديم: يوه منكم خلاص
ام علي: صباح الخير صاحين بدري
لين: اوه ومروقين بعد
ام علي: سويتو الفطور
لينا: اي جاهز حنا مفطرين بس انتي وعلي باقي
علي: ادخلو عن البرد
لينا: شوي بنلعب
حضن فيصل وشاله على كتفه: وش تسوي ياحبيب خالك
فيصل بصوت طفولي: العب تحت المطر
علي: برد بتتعب
فيصل: عادي
ام علي: تعال يمي افطر لايبرد
علي نزل فيصل: يلا جاي وادخلو
ديم: بس شوي
علي: برد عليك
ديم: لا والله عادي
مسك غترته وحطها على راسها: طيب خذي هذي تغطي فيها
ديم: ابشر
-
راكان: تو داق على لين تقول تمطر عندهم
جود: ياحظهم
ام راكان: ياويلي على الديره
راكان: ايوالله يازينها
جود: اشتقت لايامنا فيها
ام راكان: كل شي اشتقت له حسبي الله على الظروف اللي فرقتنا
جود: اخ بس
ام راكان: اخبارك ولدك يامي
راكان: طيب ياقلبي هو
جود: يسولف الحين
راكان: مايسكت
ام راكان: جيبه معك نبي نشوفه
جود: ولين بعد والله طفش نبيهم يونسوننا
راكان: ودي بس عمي مو راضي شسوي
ام راكان: قلت له ولا خبرك ايام قبل
راكان: من الاولى
جود: حاول يمكن يغير رأيه
راكان: بشوف بالعيد الحين مستحيل واصلا متعلقين بفيصل مره
ام راكان: ياعمري حفيدهم الاول بعد نفسنا
جود: بس ماعاش معنا يقهر
راكان: الحمدلله عاد اهم شي طيبين
جود: لو مانقلنا من الديره على الاقل كان نشوفه دايم برا
ام راكان بعصبيه: خلاص الحمدلله على كل حال
-
ام جابر بعصبيه: ياسعود اهجد
سعود كان فوق الكبت ويطبح على السرير: عادي ياجده
ام جابر: لو مانزلت بقوم عليك بالنعال انزل
سعود: مابي
ام جابر بعصبيه: ياجابر تعال شوف سعود خرب الغرفه
جابر بالغرفه الثانيه بصوت عالي: جيته الحين بطقه
نزلت سعود وجلس ورا جدته
ام جابر: وشهوله جايني وانت رافع ضغطي
سعود متخبي وراها: جده خبيني الحين يطقني
دخل جابر: وينه وش مسوي
ام جابر: امزح معاك ابيك تجلس معانا
سعود: صباح الخير باابا
جابر: متاكد ماسويت شي
ام جابر: اي ماسوى شي تعال ساعدني بقوم بروح الصاله
سعود: انا اساعدك
ام جابر: ماشاء الله لي ساعه اقولك
سعود: اسف
طلع جابر وتركهم حضنها سعود: شكراً ياجده
ام جابر: ان عدتها ترا بعلم
سعود: ابشري
عبدالعزيز: شمسوين
ام جابر: ابد والله بروح الصاله
عبدالعزيز: في فطور
ام جابر: اي بالمطبخ جاهز يامي
عبدالعزيز: اخبار ابوي
ام جابر: ماش عسى الله يشفيه
جابر: دقيت على المستشفى يقولون حالته مستقره
ام جابر: عسى
عبدالعزيز: بتروح له اليوم
ام جابر: لا تروحون الطريق طويل ومافيها فايده روحتكم
لازياره ولا شي
جابر: بنروح له كلنا بكرا ومنها نشري اغراض رمضان
عبدالعزيز: تم
ام سعود: طيب مايتكلم
جابر بضيقه: ليته يحس فينا على الاقل
ام جابر: الله يشفيه يارب بالشهر الفضيل
الكل: اللهم امين
-
طلعت غنى وجلست عندهم
ابو سلطان: ياهلا
غنى: اخباركم
ام سلطان: طيبين يامي وينك فيه
غنى: كنت ارتب الغرفه
غدير: الاجواء تجنن
نايف: تبون نتمشى
غدير: اييييي تكفى
نايف: قدام يلا بشغل السياره واللحقوني
ام سلطان: لاتاخذين فهد
نايف: امشي معنا يمه
ام سلطان: لايامي مافيني حيل
نايف: امشو نتمشى الجو مو حق جلسه حتى ابوي
ابو سلطان: انا يابوك بجلس عند امك
غنى بهمس: خلهم يسولفون مع بعض انت ماتفهم
نايف: اوهه يعني بتجلس مع ام سلطان حركات
ام سلطان بخجل: يمه منك ومن سوالفك
غدير: يبه تبي اعطيك قصايد غزليه قبل نروح
ام سلطان: اقول جيبي الورع وروحي ولا اجلسي
غنى: ههههههه يلا امشو
غدير: ابشري كل شي الا زعلك عاد
غنى بطقطقه قربت لنايف: قلت لك الجو حلو مايبونك
نايف: اخ
غدير: بروح اجيب عبايتي
غنى تسابقين؟
نايف: الاولى اللي تجي تركب قدام
ركضو ونايف راح السياره انصدم كلهم يتسابقون على الباب: اصبرو فضحتونا
غدير: نايف انا وصلت قبلها
غنى: ياكذابه انا قبلك
غدير: هييي لاتكذبين
غنى: والله انتي سكرتي الباب بوجهي ولا انا اللي قبلك
غدير: عاد مالي دخل
نايف: يلا العبو حجره ورقه مقص
غدير: لا مو بكيفك بركب قدام ولا عشان غنى تفوز ؟
نايف: صار غش وانتي سكرتي الباب
غدير: لا قول تبي اركب ورا وغنى قدام قول
غنى: وش تبين
غدير: خلاص بركب ورا
غنى: كفو
نايف ابتسم: ياحلو الزعلانين
غدير: اي غصب
نايف: بنمر البقاله وش تبون منها
غنى: اللي تشترون عادي
غدير: جيب كل شي حلو
نايف: ابشرو
وصل نايف البقاله وغنى تذكرت اللي صار بالمكان دمعت عيونها
غدير: علامك
غنى تداركت نفسها: ولا شي
غدير: اكيد
وصل نايف وكان معاه اكياس مليانه حلويات وبطاط وعصيرات
غدير: حي عينك
غنى: وين صاحب البقاله القديم
نايف: اوهه انضرب ضرب مايوصف والحين هو بالسجن
غنى: صدق؟
نايف: والله
غدير: يستااهل اكثر وهاك الاكل اختاري اللي تبين
خذت غنى البطاط وقعدو يطقطقون طلعو برا الديره وكان الارض مطر وريحه والسماء غيوم
نايف: اخ ياجمال الارض بعد المطر
غدير: اي والله كانت فاضيه والحين لون الرمل بني والريحه تجنن
غنى: احب البر بعد المطر
نايف: وش تبون نشغل
غدير: فلاح المسردي
غنى: مو جوي بس يلا
نايف: هلا سحايبها؟
غدير: اي
شغلوها وكانو يتاملون الجو وغدير تردد ورا الشيله: هلت سحايبها من الحب هتان واستبشرت قاع الفؤاد بحياها
حطت غنى راسها على شباك السياره وقعدت تتامل
نايف: تبون ننزل؟
غنى: براحتكم
غدير: تعالو نلعب بالمطر
ونزلو والمطر قوي ولعبو سباق على الجبل وضحك
اتصل سلطان: ياولد وينك
نايف: شغبيت
سلطان: الغداء بيجهز اخلصو
نايف: يلا جاايين جايين
غدير: الغداء لكم ومتاخرين
غنى: كله منك
غدير: لاوالله
نايف يلا نحرك
وصلو نزلت غنى وغدير
غدير: بجيك بتزين عندك
غنى: حياك
دخلو ونايف اتجه لماجد
ماجد فتح الباب: ارحب
نايف: وينك مختفي
ماجد: راقد
نايف: غريبه صاير ماتطلع
ماجد: ترا انشغلت امس لاتنسى
نايف: والله انك كفو وقفتك ماهي غريبه
ماجد: كفوك الطيب الا من وين جاي اللي ملابسك مليانه
نايف: طلعنا نتمشى انا والاهل
ماجد: عشان كذا
نايف: اي
ماجد: اخبار الزواج تنصحني فيه
نايف: بقوووه
ماجد: الله يديمكم لبعض
نايف: بتروح اليوم مع ابوي
ماجد: ايه
نايف: حلو
ماجد: تخاوي
نايف: لا
ماجد: شعندك
ابتسم نايف: والله مالي خلق
ماجد: اي علينا يعنني متزوج مايروح
نايف: لا والله
ماجد: اقول امش خلنا نروح لسلطان
نايف: بروح اغير واجي
ماجد: زين انا بسبقك
نايف: يلا اشوفك عندهم
طلع نايف واتجه لبيتهم وماجد راح لبيت سلطان
غدير طلعت جاهزه: يلا جاهزين
نايف: وين غنى
غنى: هذاني جاهزه
نايف يتأملها: ياخي ترفقي فيني ترا قلبي رهيف مايتحمل
غنى بدلع: بسم الله على قلبك
غدير: اصبرو مو وقتكم خلوني اطلع
نايف: هههههه
غنى: بتروحين
غدير: اي
غنى: تمام انتظريني
نايف: لا روحي ياغدير بتجي معاي غنى
غنى: خاف تطول
نايف: لا عشر دقايق بس
طلعت غدير ونايف غير ملابسه ناظر لغنى جالسه على الكرسي: علامك
غنى: عساس عشر دقايق طولت
نايف جلس عندها: سكري
غنى: وش اسكر؟
نايف: ازرار ثوبي
غنى: وليه انت
نايف: عشان لو اتاخر اقول بسببك
غنى ضحكت: يمه منك تعال اسكرهم بسرعه
نايف: هذا البخور والعود ويلا خلصت البسي عباتك
غنى: جاهزه برا بس اطلع
نايف: يلا
طلعو واتجهو لبيت سلطان دخلت غنى قسم الحريم ونايف قسم الرجال
ام بسام: ياهلا باجمل عروس
غنى: ياهلا فيك
ام بسام: مبروك يابنتي
غنى: الله يبارك بعمرك وعقبال بسام
جلسو بعد ماسلمت عليهم
ام بسام: امين ان شاء الله اخبارك واخبار جدك ماطلع
غنى: والله مادري بس ماتوقع طلع
ام سلطان: كم صار له
غدير: اتوقع اسبوع صح
غنى: اي او ثمان ايام
غزيل: الله يعافيه يارب
الكل: امين
قسم الرجال
نايف: السلام عليكم
ابو سلطان: هذا معرسنا جاء
قام ابو بسام وبسام سلمو عليه: مبروك مبروك
نايف: الله يبارك فيكم وعقبالك يابسام
سلطان: ليه طولت
نايف: طلعنا للبر وجينا
عمر: تعال اجلس اقهويك
جلس نايف: عشت جعله على عرسك
عمر: امين امين
ابو سلطان: ماجد يابوك ترا اليوم بنروح للديره
ماجد: اي جاهز
ابو سلطان: خابر انك قد من يهقى بك
ماجد: يابعد راسي والله
نايف: هذا رفيقي ومن مثله
عمر: اقول اشرب وانت ساكت
ماجد ابتسم: علامك
عمر: لي ساعه واقف عنده
نايف: مامداني دخلت
ابو سلطان: وعمر تراك بتروح معنا وسلطان اخذ اهلك وجهزو اللي يبون
نايف: وانا وش
ماجد: الحين انا وعمي وعمر بنروح الديره عشان نجيب الذبيحه وسلطان ياخذ اهلك يجهزون اغراض رمضان وانت كل عاده تركب اللمبات
ابو سلطان: اي لازم فوانيس رمضان
عمر: الله شعور رمضان
ماجد: ايوالله احس راحه
عمر: اي خصوصاً الديره والفوانيس شغاله وصوت صلاه التراويح
سلطان: وناسه
نايف: مره
جلسو بعد ماخلصو الغدا يخططون
-
ام علي: بتروحين معنا ياديم
ديم: والله ياخالتي مافيني حيل
لين: اجلسي لاتروحين وانتي تعبانه نكفي حنا
ام علي: مستحيل نخليك بروحك بنروح كلنا
علي: تروح لينا؟
لينا: اكيد
علي: اجل مانخليك
ديم: اذا ماجد موجود بروح عنده
ابو علي: لا بيروحون للديره بخاويهم بعد
ديم: ليه
ابو علي: بيجيبون لحم بنوزع على الديره
ديم: خلاص اجل بروح معاكم اذا كذا
علي: اذا حسيتي تعبانه دقي علي
لين: لاتنزلين معنا ولا اجلسي بمكان قريب
ام علي: خلاص اجلسي بالسياره وحنا ننزل ترا كل ابوه محل او محلين
ديم: اي
علي: يلا اجل تجهزو بياذن العصر وحنا مامشينا
ام علي: اي يلا جاهزين
ديم: بروح اجيب العبايه
ام علي: لين يامي خذي ملابس احتياط لولدك تراه شقي خاف يكب على نفسه ولا يطيح
لين: اي خذيت
لينا: يلا هذا انا خلصت
ابو علي: يلا اركبو
ام علي يلا ياحبيب جده تعال نطلع
فيصل: وماما
لين: جايه ياروحي
ركبو السياره
ابو علي: نزلني عند ابو سلطان
علي: زين
-
متجمعين بالدوانيه ضحك وطقطقه
ابو سلطان: مامليتو انت وياه
نايف: علامك
ابو سلطان: راح الوقت ولا تحركتو
نايف: انا مالي دخل
دخل ابو علي: السلام عليكم
الكل: وعليكم السلام يامرحبا
ابو علي: هذا للحين ماحركتو علامكم
ابو سلطان: يلا بتحرك الحين
ماجد: بروح اشغل السياره
عمر: يلا وانا جاهز
ابو سلطان: تعال تقهوى عشان نمشي
ابو علي: متقهوي وخالص مشينا
ابو سلطان: يلا فمان الله العذر والسموحه منك بابو بسام
ابو بسام: عذرك معاك وانا اخوك واصلا بنمشي مع سلطان نتخاوى
سلم عليه ابو سلطان: مع السلامه وعسى ينعاد عليك بالصحه والعافيه
ابو بسام: اللهم امين يارب وعليكم
تحركو الكل اتجه لطريقه
نايف: سلطان بروح انا للبقاله بجيب اسلاك
سلطان: حقات عرسك جدد اخذهم
نايف: صادق
سلطان: والله بس اسال امي عنهم
نايف: تم توصي شي قبل اروح
سلطان: سلامتك
طلع نايف دق على امه
ام سلطان: هلا امي
نايف: وين اسلاك اللمبات الجديده
ام سلطان: انتظرني بجي الحين اوريك
نايف: مايحتاج انا اطلعهم
ام سلطان: بالمحزن اللي برا ولا تحوس الاغراض
نايف: ابشري
-
ابتهاج تكلم جود: تخيلي غنى تزوجت
جود بضحكه: اما عاد من تزوجها
ابتهاج: تخيلي من
جود: من اللي يتزوج وحده عايشه بالبر تحمست
ابتهاج: اصبري اشوف اسمه مكتوب نايف بن فهد
جود شهقت: من!!!!
ابتهاج: اح لايكون طليقك؟
جود بصدمه: لا لا لا مستحيل
ابتهاج: وليه مستحيل
جود: يحبني
ابتهاج: غبيه انتي؟ كيف يحبك طلقك من سنه ونص
جود: مستحيل مستحيل اعرفه
ابتهاج: تراك تركتيه يوم جاك ! للمعلوميه ضحى بنفسه عشانك وانتي خذلتيه طبيعي بيعيش حياته
جود: حتى ولو كيف بيتزوج غنى
ابتهاج: وغنى شفيها تجنن
جود: مو جوه
ابتهاج: بالعكس غنى حلوه وان كانه هو نفسه الله يوفقهم
جود: اانطمييي
ابتهاج: خير!
جود: استوعبي كيف بياخذ بنت خالتي! يعني بنت خاله حبيبته ماصدق
ابتهاج: يمكن تشابه اسماء
جود ماتبي تصدق: اي ممكن
-
دخلو البيت غنى وغدير وام سلطان: يلا انكانكم بتروحون
غنى: وين
غدير: نجهز اغراض رمضان وفستان حق رمضان
غنى: نايف يروح؟
ام سلطان: لا بيركب اللمبات
غدير بحماس: الله وناسه فوانيس رمضان
غنى: الله
ام سلطان: يلا ياسلطان اذا ركبتو علموني
سلطان: يلا نص ساعه خلكم جاهزين
طلع نايف والاسلاك كثيره شايلها مقروشته: خذي شماغي عن راسي
اخذته غنى: مليت ثوبك غبار
نايف: عادي عادي الا تروحين معاهم !
غنى: لا
نايف: ليه اذا تبين تروحين عادي اعطيك فلوس واشتري اللي تبين
غنى: لا امس جايه من السوق وشاريه كل شي وبعدين كيف اخليك وانت بتشتغل بساعدك
ابتسم نايف: وناااسه
غنى: عشان كذا بجلس
طلعت ام سلطان: يلا ماتروحين
غنى: لا ياخالتي استودعتكم الله
غدير: سلام نشوفكم الليله
الكل: سلام
طلعو سكرو الباب
غنى: والحين وش نسوي
نايف: شفتي الزاويه هذيك!
غنى: ايوه
نايف: بنبدا من عندها نركب وبعدها نعلق الفوانيس
غنى: وينهم الفوانيس
نايف: شوفي بالصاله اشكالهم تجنن
راحت غنى جابتهم: حبيييت اشكالهم
نايف: قلت لك يلا انتي تربيهم وانا بركب الاسلاك
غنى بصوت عالي: انتبه لك لايكهربك ترا الاسلاك مليانه من المطر وماعندنا احد يساعدك
سمعت صوت نايف يصيح: يمه وش صار!
حوقلو فان الحوقله يتبعها معجزه ويسر , لاحول ولا قوة الا بالله 🤍
