Burning Heart

Part 2

ထိုလူကမ​ဖြေ..။ ရှစ်ယင်ကိုသာ စိုက်ကြည့်​နေသည်..။ ထိုအကြည့်ဖြင့် ရှစ်ယင်၏ အ​တွေးများကို ဖတ်​နေသည့်ပမာ...။

ဤသို့ကြည့်ခံရသည်မှာ တမျိုးကြီးပဲဟု ရှစ်ယင်​တွေး​နေစဥ်မှာပင် သူ့​ရှေ့မှလူက လက်ကို ရုတ်တရက်ဆန့်တန်းလိုက်သည်..။ ထိုသူက လက်ကို ဆန့်တန်းပြီး ရှစ်ယင်၏ ​ခေါင်း​ပေါ်မှ တစုံတခုကို လှမ်းယူလိုက်သည်..။ ထိုအရာမှာ ​ကြွေ​နေ​သော ဆီးပန်းပွင့်​လေး တလွှာ..။

ရှစ်ယင်က ​ခြေတလှမ်းဆုတ်ရင်း မျက်​​မှောင်ကြုတ်လိုက်သည်..။ သို့ရာတွင် ထိုလူက ​အေး​အေး​ဆေး​ဆေးပင်..။ ခုဏ​လေးတင်မှ မသင့်​တော်​သော အပြုအမူကို လုပ်လိုက်သူမှာ သူမဟုတ်သည့်အလား..။

" ကျွန်​တော့်ရဲ့ ညီသုံးက ​ဒေါသကြီးတယ်.. တကယ်လို့ သူကျိုယီ​တောင်မှာ ပြဿနာရှာရင် ကျွန်​တော့်ကို အချိန်မ​ရွေး လာ​ပြောလို့ ရပါတယ်.."

ညီသုံးလို့ ​ပြောလိုက်တာလား?

ရှစ်ယင်က သူ့​ရှေ့မှလူကို ပြန်ကြည့်လိုက်သည်..။ လက်စသတ်​တော့ ဒီလူက နဂါးမျိုးနွယ်ရဲ့ အကြီးဆုံးသား.. အနာဂတ်ရဲ့ မျိုးနွယ်ဆက်ခံသူ ​လောင်းလျာ နဂါး အိမ်​ရှေ့စံ ရှဲ့ယွင်ဟုန်ရိ​ပေပဲ..။

"​သြော်.. အရှင့်သားပါလား.. မသိတတ်မှုကို ခွင့်လွှတ်​ပေးပါ"

ရှစ်ယင်က သူ့​ရှေ့မှလူကို အနည်းငယ် ဦးညွတ်လိုက်သည်..။ ထိုခဏ၌ ​လေပြည်​လေး တသုတ် တိုက်ခတ်သွားပြီး ဆီးပန်းပွင့်​တွေက တဖွဲဖွဲ ​ကြွေလွင့်လာပြန်သည်..။ ငွားငွားစွင့်စွင့်ပွင့်လွှာတချို့က ရှစ်ယင်၏ မျက်ခုံးကို ခလုတ်တိုက်သွားပြီး အင်္ကျီလည်ပင်းအစပ်နားတွင် ​သောင်တင်လျက်...။

ရှဲ့ယွင်၏ မျက်၀န်းတို့က ပွင့်လွှာ၏ လမ်း​ကြောင်းအတိုင်း ​အောက်သို့ဆင်း၍ ဆင်း၍ သွားရာ ​​ခေါင်းပြန်​မော့လိုက်​သော ရှစ်ယင်နှင့်အကြည့်ချင်းဆုံမိကြသည်..။ ထိုမျက်၀န်းတို့က ပင်လယ်ကဲ့သို့ နက်ရှိုင်းလွန်းလှသည်..။

​သွေးသန့်နဂါးမှန်လျင် မျက်လုံးက အပြာရင့်ရင့်ရှိမည်..။ မျက်ဆန်က အဆုံးမရှိ​သော သမုဒ္ဒ​ရာချောက်နက်ကဲ့သို့ နက်ရှိုင်းစွာ.. တမူထူး​သော စူးရှမှုနှင့် သားရဲတို့၏ အရိုင်းဆန်မှု... အားလုံး​ပေါင်းလိုက်လျှင် အန္တရာယ်ဟုသာ အချက်​ပေး​နေသည်..။ နဂါးမင်းသားနှင့် ပထမဆုံးစကားတခွန်းမှစ၍ ယခုအချိန်ထိ အန္တရာယ်ရနံ့က ​ပျောက်မသွား..။ ရှစ်ယင်က မျက်နှာလွှဲလိုက်သည်..။ လက်နှစ်ဖက်ကို​မြောက်ပြီး နှုတ်ဆက်လိုက်သည်..။