Burning Heart

Part 14

၀မ်ရိ​ပေါ် ​နေထိုင်​သော ဇာမဏီနန်း​​ဆောင်မှာ တညလုံး မီးထွန်းထားသည်..။ အပြင်ဘက်ရှိ​လှေကားရင်းတွင် ​စောင့်​နေ​သော အပျို​တော်တို့က တ​ယောက်မျက်နှာ တ​ယောက်ကြည့်ကြသည်..။ မင်းကြီးက အ​ဆောင်​တော်သို့ ညတွင်ခစားရန် တ​ယောက်မှ မ​ခေါ်ဖူး..။ ယခု​တော့ သူကိုယ်တိုင် လူတ​ယောက်ကို ​ခေါ်လာသည်..။

အပျို​တော်​ခေါင်း​ဆောင်က ဘုရင်ကြီး၏ လက်ထဲမှလူကို တချက်ကြည့်ရုံဖြင့် မှတ်မိသွားသည်..။ သူမက အံ့သြပုံမပြပဲ ကျန်အပျို​တော်များနှင့် အ​စေခံများကို ​ခေါင်းငုံ့၍ နှုတ်ဆိတ်​နေရန် အမိန့်​ပေးလိုက်သည်..။ ထို့​နောက် အရှင်မင်းကြီး​နောက် လိုက်သွား၍ ကူညီ​​ပေးရန် ပြင်လိုက်သည်..။ သို့​သော် ၀မ်ဘုရင်က တံခါးကို ဆွဲပိတ်လိုက်သည်..။ ကြည့်ရတာ ရာသီဥတု မ​ကောင်း..။ သူတို့အားလုံး အသံမထွက်ရဲပဲ အပြင်မှာပဲ ​စောင့်​နေကြသည်..။

ကျယ်၀န်း​သော အခန်းထဲတွင် တိတ်ဆိတ်လျက်ရှိသည်..။ ၀မ်ရိ​ပေါ်က သူ့လက်ထဲမှ လူကို ငုံ့ကြည့်လိုက်သည်..။ ရှစ်ယင်က မျက်လုံးများမှိတ်လျက် အိပ်စက်​နေပုံ ​ပေါ်သည်..။ သူ့တကိုယ်လုံး ​ချွေးများစိုရွှဲလျက်..။

"ရှစ်ယင်.."

ရှစ်ယင်က တုတ်တုတ်မျှ မလှုပ်..။ သူ့မျက်နှာက ပကတိ ငြိမ်သက်​နေသည်..။ ၀မ်ရိ​ပေါ်က သူ့ကို ဆယ်နှစ်​ကျော်ကြာ စိုးမိုးထားခဲ့​သော မျက်နှာကို ငုံ့ကြည့်သည်..။ သူ့၀ဲဘက် ရင်အုံမှ နှလုံးသားက စည်တီးသကဲ့သို့ တဒုန်းဒုန်းမြည်​နေသည်..။ ဤအခိုက်အတန့်​လေးကို အိပ်မက်လား တကယ်လား သူမ​သေချာ..။ သို့​​သော် သူ့လက်ထဲမှ ကိုယ်​လေးကို အမှန်တကယ် ဆုပ်ကိုင်ရ​တော့ သူ့ရင်​တွေ ခုန်လာသည်..။

ရှစ်ယင်....

၀မ်ရိ​ပေါ်က ဤနာမည်နှစ်လုံးကို နှလုံးသားထဲမှာ အထပ်ထပ်အခါခါ ရွတ်သည်..။ သူက ရွတ်ရင်းနှင့် သူ့လက်ထဲမှ ကိုး်​လေးကို တင်းကျပ်သွာ ​ပွေ့ဖက်သည်..။ ထို့​နောက် ခန်းမ​ဆောင် တဖက်ခြမ်းသို့ ​ပွေ့ချီသွားသည်..။

ဇာမဏီနန်း​ဆောင်အတွင်းတွင် ယခင်ဘုရင်များ တည်​ဆောက်ခဲ့​သော ​ရေပူစမ်းတစ်ခုရှိသည်..။ ၀မ်ရိ​ပေါ်က ထိုသို့ သွား​လေ့မရှိ..။ ​ရေပူစမ်းက အပြင်က​ရေနှင့် ဆက်သွယ်ထားပြီး တနှစ်ပတ်လုံး ကြည်လင်၍ ပူ​နွေး​နေ​အောင် အ​စေခံများက ​သေချာဂရုစိုက်ကြသည်..။ ​နွေရာသီမှာပင် သစ်ပင်ပန်းမာန်တို့က ​ဘေးပတ်လည်မှာ ​​ဝေ​ဝေဆာဆာ ဖူးပွင့်​​နေကြသည်..။