Burning Heart

Part 27

ကောင်းကင်ဧကရာဇ်သုံးပါးထဲက တပါးဖြစ်သူ ဖူရှီးသည် ပုကျိုး​တောင်တွင် မိသားစုနှင့်အတူ ​နေထိုင်သည်ဟု ​ပြော​လေ့ရှိကြသည်..။ ​​တောင်ကမ်းပါးယံတွင် အလွန်ခမ်းနားကြီးကျယ်​သော ယင်းယန်နန်း​တော်ကို တည်ထားခဲ့သည်..။ သို့​သော်လည်း မှတ်တမ်းများအရ ကုန်းကုန့်က ​ကောင်းကင်​ကျောက်တိုင်ကို ဖျက်ဆီးလိုက်​သော အချိန်၀ယ် ယင်းယန်နန်း​တော်လည်း ပျက်စီးသွားသည်..။ ယခုအချိန်တွင်မူ ပုကျိုး​တောင်၏ ယင်ဘက်ခြမ်းသည် တနှစ်တာလုံး ​နေမမြင်ရပဲ အနက်ရောင် မြူခိုးများ ဖုံးလွှမ်း​နေတတ်သည်..။ လူသူ​နေထိုင်သည့် လက္ခဏာ မရှိ..။

​နေ​ရောင်မရှိသည့် ​​တောအုပ်ထဲတွင် မြူခိုးများက ကျဲပါးသွားပြီး အရပ်ရှည်ရှည် ပုံရိပ်တခုက ဖြတ်​​လျှောက်လာသည်..။ သို့​သော် ခဏမျှသာ..။ အနက်​ရောင်မြူခိုးများက ​တောင်​လေနှင့်အတူ ပြန်လည် သိပ်သည်းလာပြီး ထိုပုံရိပ်ကို ဖုံးလွှမ်းသွားကာ ထပ်မမြင်ရ​တော့..။

​တောင်အ​နောက်ပိုင်း တခုလုံးက ၀င်္ကပါလို ​တောင်ကမူများ ကွင်းပြင်များနှင့် ဖုံးအုပ်​နေပြီး အလွန်တိတ်ဆိတ်ငြိမ်သက်လျက်..။ ၀င်္ကပါ၏ အနက်ရှိုင်းဆုံး​နေရာမှ ​ကျောက်နံရံ​ဘေးတွင် ကြီးမား​သော အရိပ်ကြီးတခု..။

ခမ်းနား​သော နန်း​တော်ကြီး​ရှေ့မှာ ကျိုးပဲ့​နေ​သော နံရံများနှင့် အပျက်အစီးများက အပုံလိုက်..။ အ​ဝေးမှကြည့်လျှင် ​မျှော်စင်အများစုက​တော့ အ​ကောင်းတိုင်းရှိ​သေးသည်..။ နန်း​တော်၏ အလယ်မှာက ကြီးမား​သော အ​ပေါက်ကြီးတခု..။ ထိုအ​ပေါက်ကြီးထံသို့ လူရိပ်တခုက ဖြည်းညင်းစွာ ​​လျှောက်လာ​နေသည်..။ မိစ္ဆာတ​ကောင်ကို ယဇ်ပူ​ဇော်​တော့မလို ထိုလူ၏ ပခုံး​ပေါ်တွင် အဖြူ​ရောင်အရိပ်ကလေးတခုကို ထမ်းလာသည်..။

နန်း​တော်၏ အထက်မှ သစ်သားဆိုင်းဘုတ်က ယိုယွင်းပျက်စီး​နေသည်မှာ အ​တော်ကြာပြီ..။ သို့​သော်လည်း ​သေချာကြည့်လျှင် "ယင်းယန်နန်း​တော်" ဟူသည့် စာလုံးများကို ဖတ်၍ ရနိုင်​သေးသည်..။

***

ယင်းယန်နန်း​တော်...

လွန်ခဲ့သည့် နှစ်သန်း​ပေါင်းဆယ်ချီက ဖူရှီးက အကာအကွယ်အစီအရင် လုပ်မထား​ခဲ့..။ သို့​သော်လည်း နှစ်ကာလရှည်ကြာသည့်ဆိုင် အတွင်းပိုင်းက အ​ကောင်းနီးပါး ကျန်​သေးသည်..။