Burning Heart

Part 7

ထျန်းချိနိုင်ငံ...

ထျန်းချိမှာ ကျွန်းများနှင့် ဖွဲ့စည်းထား​သော နိုင်ငံဖြစ်ပြီး အကြီးဆုံးကျွန်းမှာ လင်ကျိုးဟု ​ခေါ်သည်..။ လင်ကျိုးက ထျန်းချိ၏ မြို့​တော်လဲဖြစ် စီးပွား​ရေးအချက်အချာမြို့လဲ ဖြစ်သည်..။

ယခုက လူ့​လောကတွင် ​နွေရာသီ..။ လင်ကျိုး၏ သုံးဘက်သုံးတန်ကို ပင်လယ်က ၀ိုင်းရံထားပြီး ကျန်တဖက်မှာ ကုန်းတွင်းပိုင်းနှင့် ဆက်သပ်​နေသည်..။ ရာသီဥတုကပူသည်..။ လမ်းမကြီးနှင့် လမ်းသွယ်များတွင် ​ရွှေ​ရောင်၊ အနီ​ရောင်ရှိ​သော အ​ဆောက်အဦးလှလှများ ပြည့်နှက်​နေသည်..။ တိုင်းသူပြည်​သားများက ​ပေါ့ပါး​သော ​နွေ၀တ်စုံများကို ၀တ်ဆင်ကြသည်..။ ၀တ်စုံများမှာ ​နောက်ဆုံး​ပေါ် အ​ရောင်ဒီဇိုင်းနှင့်..။

ဒါက ပိုင်​ယောင့်အတွက် ပထမဆုံးအကြိမ် ​သေမျိုး​လောကသို့ သွားရောက်ရမည့် အခွင့်အ​ရေး..။ ယခင်က ​သေမျိုး​လောကအ​ကြောင်းကို စာအုပ်များနှင့် အခြားနတ်ဘုရားများ ​ပြောပြသည်ကိုသာ ဖတ်ဖူးကြားဖူးသည်..။ ထို့​ကြောင့် သူ၏သခင် ရှစ်ယင် လူ့​လောကသို့ ဆင်းသက်ရမည်ဆိုသည်နှင့် ပိုင်​ယောင်က ဖူး​ယောင်​နေ​သောမျက်နှာ.. ညိုမည်း​နေ​သော နှာ​ခေါင်းနှင့် လိုက်ပါရ​စေ​ကြောင်းခွင့်​တောင်းသည်..။

ရှစ်ယင်လည်း မတတ်နိုင်..။ သမား​တော်ကိုသာ ဆက်​သောက်ရမည့်​ဆေးများ ညွှန်ကြားခိုင်းပြီး ​ခေါ်လာခဲ့ရ​တော့သည်..။

ဒီ​နေ့က ရှစ်ယင် ထျန်းချနိုင်ငံ​ရောက်တာ တတိယ​မြောက်​နေ့..။ ဒီနိုင်ငံက သယံဇာတကြွယ်၀ပြီး လူ​နေမှုအဆင့်အတန်း မြင့်မားသည်..။ ကံကြမ္မာ စာအုပ်အရ ၀မ်ရိပေါ်က ဒီဘ၀မှာ မင်း​ကောင်းမင်းမြတ်တပါး ဖြစ်လာရမည်ဖြစ်သည်..။

ဒီဘ၀မှာ သူက လျိုမိဘုရား​ခေါင်ကြီး၏ အကြီးဆုံးသား..။ ငယ်ငယ်ကတည်းက ဥာဏ်ပညာထက်မြက်ပြီး တည်ငြိမ်​အေး​ဆေးသည်..။ ၁၃နှစ်အရွယ်မှာ အိမ်​ရှေ့စံဖြစ်ပြီး ၂၂နှစ်မှာ ဘုရင်ဖြစ်သည်..။ တိုင်းသူပြည်သားတိုင်းက သူ့ကို ​လေးစားချစ်ခင်ကြသည်..။

ပိုင်​ယောင်က စစ်နတ်ဘုရား၏ ကံကြမ္မာ စာအုပ်ကို ​ချောင်းကြည့်ရင်း စုတ်သပ်သည်..။ " ​ကောင်းကင်မင်းကြီးကလည်း မျက်နှာလိုက်လိုက်တာ.. တခြားနတ်ဘုရား နတ်ဘုရားမ​တွေ ​ကောင်းကင်ဘုံစမ်းသပ်ချက် ခံယူမယ်ဆို ဒုက္ခမျိုးစုံ ​ရောက်ကြတယ်.. မ​အောင်မြင်ခင်ထိ မတရားမှု အမျိုးမျိုး ခံစားရတယ်.. စစ်နတ်ဘုရားကျ ​အေး​​ဆေးပဲ.. လူ့ပြည်ကို အပန်း​ဖြေခရီးထွက်တာနဲ့​တောင် တူ​သေး"