Burning Heart

Part 22

နဂါး​တောင်ကြားက ရှီးဟိုင်နှင့်နီးတော့ ​လေထုထဲမှာ ပင်လယ်​ရေ​ငွေ့ရနံ့ ပါ​နေသည်..။ ​ကောင်းကင်​ဘုံမှ သစ်ပင်ပန်းမာန်တို့၏ ရနံ့မျိုး​နှင့်မတူ.. ။ သူက ကမ္ဘာ​မြေပြင်နှင့် ပိုနီးစပ်သည့် ရနံ့မျိုး..။

မိုးလေးတဖြိုက်ရွာပြီးကာစ ဖြစ်သဖြင့် ​လေထုက စိုထိုင်း​နေဆဲ..။ တကယ်​တော့ ထျန်းချိနိုင်ငံမှ ​နွေရာသီမှာ ရှစ်ယင်အတွက် သိပ်မကြာ​သေး​သော်လည်း တွက်ကြည့်လျှင် နှစ်​ပေါင်းများစွာ လွန်ခဲ့ပြီ..။ နှစ်​ပေါင်းကြာမြင့်လွန်းလို့ ​သေမျိုးသက်တမ်းကို​တောင် လွန်​မြောက်ပြီး ၀မ်ရိ​ပေါ်ပင် စစ်နတ်ဘုရား ပြန်ဖြစ်လာပြီ..။ ရှစ်ယင်က ​ရှေ့မတိုးပဲ သူအတန်ကြာရပ်​နေ​သော ထီး​အောက်မှာပင် ဆက်ရပ်​နေမိသည်..။

၀မ်ရိ​ပေါ်က သူ့ဆီ​လျှောက်လာပြီး အကြည့်တို့က သူ့မျက်ခုံးကြားမှ အနီ​ရောင်အမှတ်ဆီ ကျ​ရောက်သွားသည်..။ သူ့အမူအ​ရာက မ​ပြောင်းလဲ ခပ်တည်တည်ပင် ဖြစ်​သော်လည်း သူက ရှစ်ယင်ကို ​မေးမြန်းလာသည်..။

"နဂါးမျိုးနွယ်ရဲ့ တတိယမင်းသားက မင်းကို အနိုင်ကျင့်​သေးလား"

ရှစ်ယင်က ရုတ်တရက် ဘာ​ပြောရမှန်းမသိ..။ ၀မ်ရိ​ပေါ်က သူ့ကို ဤသို့​မေးလိမ့်မည်ဟု မထင်..။

"ကျွန်​တော်နဲ့ နဂါးမင်းသားနဲ့ ဘာမှမဆိုင်ပါဘူး"

"ကိုယ် သိပါတယ်"

၀မ်ရိ​ပေါ်က ​ခေတ္တတိတ်သွားပြီး​တော့မှ ​ဆက်​ပြောသည်...။

"​ကောင်းကင်မင်းကြီးက ကိုယ့်ကို နဂါးနန်း​တော်ဆီ အ​ရေး​ပေါ်ဆင့်​ခေါ်လိုက်တာ.. ဘာ​တွေဖြစ်သွားလဲဆိုတာ ကိုယ်သိပြီးပါပြီ.. မင်းသားသုံးက မင်းကို ထိခိုက်​အောင် လုပ်သွားတယ်မလား"

သူ့​လေသံကို နား​ထောင်ရသည်မှာ တကယ်သိချင်၍ ​မေး​နေသည်နှင့်မတူ..။ ရှစ်ယင်က တိုက်ရိုက်ပြန်မ​ဖြေ​သော်လည်း သူက ဓါးကိုကိုင်ရင်း မျက်နှာကို ​မော့လိုက်သည်..။ သူ့မျက်လုံးများထဲတွင် အရိပ်တချို့ ဖြတ်​ပြေးသွားသည်..။

အားလုံးအဆင်​ပြေသွားမှာပါ.. ကိုယ်ရှိတယ်ဟု ​ပြော​နေသယောင်..။