Burning Heart

Part 13 🔞🔞

Warning : Explicit sexual content, non-con, asshole gong
ပိုင်လီက အဆိုး​လေးမို့ အ​ပြောကြမ်းပါတယ်.. ဖတ်ရတာ အဆင်မ​ပြေရင် ​ကျော်သွား​ပေးပါ​နော် 🥹

***

ပန်းချီကားကို မြင်သည်နှင့် ရှစ်ယင်တ​ယောက် ၀မ်ရိ​ပေါ်၏ နှလုံးသားထဲမှ အစိုင်အခဲကို နားလည်သွားသည်..။

အဲ့ဒါ သူပဲ...

ဒါ​ပေမယ့်.. ဘာလို့လဲ...

မနာလိုမှုနှင့် ​ရမ္မက်တို့ဖြင့် ​လောင်မြိုက်​​နေ​သော ပိုင်လီက ရှစ်ယင် ထူးဆန်း​နေသည်ကို သတိထားမိသွားသည်..။ သူက ရှစ်ယင်​ကြည့်​နေ​သော ​နေရာသို့ လိုက်ကြည့်ပြီး နှာ​ခေါင်းရှုံ့လိုက်သည်..။

"ရှစ်ယင်.. မင်းက ​တော်​တော် အစွမ်းထက်တာပဲ"

ပိုင်လီက ​ပြောရင်း ရှစ်ယင်၏ မျက်နှာကို ဖျစ်ညှစ်ပြီး ပန်းချီကားဆီမှ ဆွဲလှည့်လိုက်သည်..။ အ​မှောင်ထဲတွင် သူတို့နှစ်​ယောက် မျက်လုံးချင်း ဆုံမိကြသည်..။ ရှစ်ယင်၏ မျက်လုံးများထဲမှ ရွံရှာမှုက ပိုင်လီ့နှလုံးသားကို ဓါးနှင့်ထိုးလိုက်သလို..။

ပုံမှန်ဆိုလျှင် ပိုင်လီက ရှစ်ယင်မုန်းမှာကို မ​ကြောက်ဆုံး..။ သူ့ကို မုန်း​လေ​လေ.. ကစားပွဲက စိတ်၀င်စားစရာ ​ကောင်း​လေ​လေ..။

သို့​သော် ယခုခဏ၌ ပိုင်လီ့မျက်နှာပျက်သွားပြီး ရှစ်ယင်​မေး​​စေ့ကို ဆွဲညှစ်ထား​သော လက်တို့က ပို၍ အားပါလာသည်..။

"မင်းက အဲ့ဒီ နံ​စော်​နေတဲ့ ဘုရင်စုတ်ကို ကြိုက်တာလား"

ရှစ်ယင်မှာ နာ၍ မျက်​မှောင်ပင် ကြုတ်​နေပြီ..။ သူက အံကြိတ်လျက် ​ပြောသည်..။ "ထွက်သွား.."

ပိုင်လီ့ လည်ပင်းမှ ​​သွေး​ကြောများပင် ​ထောင်လျက်..။

"ရှစ်ယင်ရာ.. မင်းဘာလို့ အဲ့​လောက် ​စျေး​ပေါရတာလဲ.. မင်းက ​ယောကျာ်း ဘယ်နှ​ယောက်နဲ့ အိပ်ရမှ ​ကျေနပ်မှာလဲ"

​နောက်တစက္ကန့်တွင် ရှစ်ယင်က သူအား​လျော့သွားသည်ကို အခွင့်​ကောင်းယူပြီး ရုန်းထွက်လိုက်သည်..။ ပိုင်လီတ​ယောက် ပြင်းပြစွာ နာကျင်သွားသည်..။ သူ ငုံ့ကြည့်လိုက်​​တော့ ဓါး​မြှောင်တ​ချောင်းက သူ့နှလုံးသား အ​ပေါ်ဘက် နှစ်လက်မအကွာတွင် စိုက်လျက်..။