Burning Heart

Part 32

"ရှစ်ယင်!!"

ရှဲ့ယွင်က ရှစ်ယင်ရှိရာဆီသို့ ဦးတည်၍ ဆင်းလာသည်..။ ပူ​လောင်၍ ပုပ်သိုး​နေ​သော ​လေထုက သူ့ခန္ဓာကိုယ်ကို ဖြတ်တိုက်သွားသည်..။ ​​​ချောက်ထဲကို ငုံ့ကြည့်လိုက်လျှင် ငရဲပြည်မှ မြစ်တစင်း စီးဆင်း​နေသည့်အလား..။ အဖြူ​ရောင် အလင်းတချက် လျှပ်ကနဲ ပြိုးပြက်သွားပြီး သူ့​ရှေ့မှ မြူထုက လွင့်ပါးသွားသည်..။

ရှစ်ယင်က ​ချောက်ကမ်းပါး အစွန်းတွင် ​ခြေဗလာနှင့် ရပ်​နေသည်..။ သူ့၀တ်ရုံဖြူဖြူတွင် ​သွေးများ စွန်းထင်းလျက်..။ ပျိုနီပန်းပွင့်​ပေါ်မှ အနီစက်​လေးများပမာ..။ ခါးထိရှည်​သော ဆံနွယ်တို့က သူ့မျက်နှာတခြမ်းတွင် လူးလွန့်လှုပ်ခါ​နေကြသည်..။ သူတို့နှစ်​ယောက် မျက်လုံးချင်းဆုံခိုက်တွင် ရှစ်ယင်မျက်​တောင်ဖျားများက လှုပ်ရှားသွားကြသည်..။

ရှဲ့ယွင် ​ခေါ်သံကိုကြား​တော့ ရှစ်ယင်၏ ​ဆောက်တည်ရာမရဖြစ်​နေ​သော စိတ်များက ငြိမ်သွားသည်..။ ​ကောင်းကင်တွင် သူ့လုပ်​ဖော်ကိုင်ဖက် နတ်ဘုရားများနှင့် နဂါးစစ်သည်တို့နှင့် ပြည့်လျက်..။ ရှစ်ယင်က ရှာကြည့်​​သော်လည်း ၀မ်ရိ​ပေါ်ကို မ​တွေ့..။

ရှဲ့ယွင်က ​သူ့အနားကို ​ရောက်လာသည်..။ ဆူညံ​နေ​​သော အရှုပ်အ​ထွေးများကြားတွင် ရှစ်ယင်က သူ့ကို ​မေးသည်..။ "ရိ​ပေါ်​ ဘယ်မှာလဲ"

ဒီစကားကို ကြား​တော့ သူ့​ခြေလှမ်းတို့ တုံ့သွားသည်..။ ရှစ်ယင်တ​ယောက် ၀ိဥာဥ်လွင့်ပန်း၏ လွှမ်းမိုးမှု​အောက်မှ ရုန်းထွက်နိုင်လိမ့်မည်ဟု သူ​မျှော်လင့်ပြီးသား..။ သို့ရာတွင် ပထမဆုံး​မေးခွန်းက ဒါဖြစ်​နေလိမ့်မည်ဟု​တော့ မထင်မိခဲ့..။

သူ​တွေးတာမှန်သည်..။ ၀မ်ရိ​ပေါ် ​သေလို့မဖြစ်..။

သူ့အ​နေနဲ့ ၀မ်ရိ​ပေါ်ကို တကယ်ကို ရှင်းပစ်ချင်​သော်လည်း ​ရှဲ့ယွင်က ​အေး​အေး​ဆေး​ဆေးပင် ​ဖြေသည်..။ "သူ့ကို နဂါးမျိုးနွယ်ကို ပို့ထားတယ်.. သူ မ​သေနိုင်ပါဘူး.."

ရှစ်ယင်၏ စိတ်တင်းထား​သော ခန္ဓာကိုယ်က ​​ပြေ​လျော့သွားကာ သက်ပြင်းချလိုက်နိုင်သည်..။ သူ့တကိုယ်လုံး ယိုင်ကနဲ ဖြစ်သွား၍ ရှဲ့ယွင်က လက်ကို ဆွဲကာ ဖမ်းထိန်းလိုက်သည်..။ သူက ရှဲ့ယွင် အနားမှာရှိလျှင် အနည်းငယ် လုံခြုံသည်ဟု ခံစားရ၍လားမသိ.. ကူကယ်ရာမဲ့သည့် သနားစရာ့ဟန် ​ပေါ်လာသည်..။ "ရှဲ့ယွင်.. ​ကောင်းကင် ​ကျောက်တိုင် ကျိုးသွားပြီ"