Warning : NSFW, Explicit content
Happy Birthday ရိပေါ်.. ကားနဲ့ ဓါးနဲ့ ရောနေလို့ မွေးနေ့ကြီး ဓါးမတင်ချင်တာနဲ့ ကားတဖြတ်ပဲ တင်လိုက်ပါတယ်..။ အင်နိုးစန့်လေးတွေ နောက်တပိုင်းမှ ဖတ်လို့ရတယ်.. plot မပါဘူး 🥹
***
လိုချင်နေပြီ...
ရှစ်ယင်က အဓိပ္ပါယ်ကို တန်းသဘောပေါက်သဖြင့် ချက်ချင်းရုန်းသည်..။ သို့ရာတွင် ရှဲ့ယွင်က သူ့စောင်ကို လက်တဖက်ဖြင့် ဖိထားသဖြင့် သူရုန်းလေလေ.. စောင်နဲ့ပိုတင်းတင်းကျပ်ကျပ် ပတ်မိလေလေ..။ ရှစ်ယင်၏ မျက်လုံးတို့က နီမြန်းလာသည်..။ သူတို့ အကြည့်ချင်းဆုံမိသော အခါ ရှဲ့ယွင်၏ မျက်လုံးတို့က ပြင်းပြသော ဆန္ဒနှင့် ကျီစယ်ရိပ်ပါးပါး သမ်းလျက်..။ ရှစ်ယင်မှာ ရှက်ကလည်းရှက် ဒေါသကလည်းထွက်လာပြီး ဘာဆက်လုပ်ရမှန်း မသိ..။
ဒီလူကို ပိုင်လီ့အား ဆောင့်ကန်သလိုမျိုးလည်း ကန်၍မရ..။
သူ စိတ်တိုနေသဖြင့် သူ့နှာသီးဖျားလေးက ရဲလာသည်..။ မခြောက်သေးသော ဆံနွယ်ခွေခွေတို့က နောက်မှာ ပြန့်ကျဲလျက်..။ သူ့ပုံစံက ခါတိုင်းလို အိန္ဒြေသိက္ခာကြီးသော နတ်ဘုရားနှင့်မတူပဲ စိတ်ကောက်နေသော အိမ်သူသက်ထား အလှလေးလို..။
အစဥ်အမြဲ အေးစက်နေခဲ့သော ရှဲ့ယွင်၏ နှလုံးသားမှာ နူးညံ့သွားသည်..။ သူက ခေါင်းငုံ့၍ ရှစ်ယင်နဖူးကို နမ်းသည်..။ ရှစ်ယင်က ရှောင်သော်လည်း ရှောင်စရာ နေရာမရှိ..။ သူက စောင်ကို ဆွဲယူ၍ မျက်နှာတခြမ်းကို အုပ်ထားသည်မှာ ပိုးတုံးလုံးလေးလို..။ ရှစ်ယင်က စောင်အောက်မှာ ကွေးကွေးလေး ပုန်းနေရင်း မျက်လုံး၀ိုင်းကြီးများကိုသာ ဖော်ကာ ချောင်းကြည့်နေသည်..။
ရှစ်ယင်က ပလုံးပထွေးပြောသည်..။
"အရှင်က.. အရှင်က ကျွန်တော့်ကို အတင်းလုပ်မှာလား"
"နတ်ဘုရားတွေလည်း လိုအင်ဆန္ဒရှိလို့ ရပါတယ် .. ရှောင်ယင်က ဘာလို့ ရှက်စရာလို့ ထင်နေသေးတာလဲ"
ရှစ်ယင်က မျက်တောင်ကလေး ပုတ်ခတ်ပုတ်ခတ်..။ သူ မျက်လုံးလှန်ကာ ချောင်းကြည့်နေပုံမှာ ဖြူစင်အပြစ်ကင်းပြီး ဆွဲဆောင်မှု ရှိလွန်းလှသဖြင့် ရှဲ့ယွင်၏ မျက်လုံးတို့က မှောင်မိုက်လာသည်..။
KAMU SEDANG MEMBACA
Burning Heart
Fiksi Penggemarကျိုယီတောင်သခင် ရှစ်ယင်နှင့် နဂါးညီနောင်နန်းလုပွဲ.. စစ်နတ်ဘုရားက ဘယ်သူဖြစ်မလဲ.. Warning ကြမ်းပါတယ်နော်.. မကြိုက်ရင် ပြဿနာ မရှာပဲ လှည့်ပြန်ပေးကြပါ.. Warning : Promiscuity, Non consensual, Threesome ( Extra part လန်ယင် ), Bisexual ( Extra part လန...
