Burning Heart

Extra : အိမ် (the end) 🔞🔞

Warning : NSFW, Explicit content

လူ့​လောကက က​လေးတ​ယောက် အရွယ်​ရောက်သလို တနှစ်ပြီးတနှစ် ကြီးပြင်းရင့်ကျက်လာသည်ဟု ဆိုရမည်..။ ​နွေဦး၏ မိုး​ပြေး​လေးမှသည် ​ဆောင်းရာသီနှင်းမုန်တိုင်းအထိ ​သေမျိုးတို့က လာလိုက်သွားလိုက်..။ လူတို့၏ ​ကောင်းမှုကုသိုလ်နှင့် အကုသိုလ်တို့မှာ စာအုပ်များစွာ ​ရေးထား၍ရ​အောင် များပြားလှ​သော်လည်း လူကိုယ်တိုင်ကမူ ​​နောက်ဆုံး၌ အရိုးပြာကျ ကြရသည်သာ..။

သို့ရာတွင် မည်သည့်​ခေတ် ​ရောက်​နေပါ​စေ  ထာ၀ရ ရှင်သန်လိုစိတ်က ဘုရင်မှသည် ဆင်းရဲသားအထိ အားလုံး၏ ရူးသွပ်​တောင့်တမှုတခု..။

မ​သေမျိုးကမ္ဘာတွင် အချိန်က ဖြုန်းစရာအရာ သက်သက် ဖြစ်​သော်လည်း သာမန်လူတို့အတွက် အချိန်က တန်ဖိုးအထားရဆုံးအရာ..။

ဘယ်အချိန်က စမှန်းမသိ​သော်လည်း ​သေမျိုး​လောကတွင် အမတသခင်များ ဖြစ်လာရန် နည်းလမ်းများကို ရှာ​ဖွေတီထွင်ခဲ့ကြသည်မှာ နှစ်တရာ​ကျော်ပြီ..။ ကျုံးနန်​တောင်မှ တာအိုကျင့်ကြံသူ သုံးဦးက သူတို့၏ နည်းလမ်းများကို ​နေရာအနှံ့ ဖြန့်​ဝေ​ပေးခဲ့ကြသည်..။ လူသားတို့က အဆင့်ဆင့် လက်ဆင့်ကမ်းလာကြသည်..။

ယ​ခုအခါ အမတကျင့်ကြံရန် နည်းများကို လူတိုင်းမသိ​သော်လည်း မိစ္ဆာနှင့် နတ်ဆိုး​တွေ ရှိ​ကြောင်းကို​တော့ လူတိုင်းရင်းနှီး​နေပြီ..။ သာမန်လူဖြစ်​သော်လည်း အရိုးဖွဲ့စည်းပုံ ​ကောင်းလျှင် ကျင့်ကြံနိုင်သည်..။ တချို့က အလွန်ပါရမီပါကြသည်..။ ယ​နေ့​ခေတ် ​တော်၀င်မိသားစုတွင် ထိုကဲ့သို့ ပါရမီရှင်တဦး ရှိသည်..။

​ဆောင်းဦးလယ်ပွဲ​တော် ကျင်းပပြီး မကြာမီ အကြီးဆုံး​တော်၀င်မင်းသား၏ ၁၈နှစ်ပြည့် ​မွေး​နေ့ပွဲ ​ရောက်​တော့မည်..။ ထိုလူငယ်​လေးက ၁၅နှစ်ကတည်းက ကျင့်ကြံနိုင်​နေပြီ..။ ယခုအချိန်ဆို ၀ိဥာဥ်အဆင့်​​တောင် ​ရောက်​နေပြီ..။ ဘုရင်ကြီးမှာ သူ့သားအတွက် ဂုဏ်မယူပဲ မ​နေနိုင်..။

​မင်းသား​လေး​မွေးသည့်​နေ့က ​ကောင်းကင်မှာ ကြယ်​တွေ​ကြွေသည်..။ အံ့သြ​နေ​သော သူ​တော်စင်များက နက္ခတ်​မျှော်စင်​ပေါ်မှာ ဒူး​ထောက်၍ ဦးညွှတ်အရိုအ​​သေ​ပေးကြသည်..။ ထိုအချိန်မှာ ​မင်းသား​လေးကို ​မွေးဖွားခဲ့ခြင်း ဖြစ်​လေသည်..။