الجزء الثامن
وقف عند باب الجامعة: اطلعي أنا برع
فطامي بخوف: عندي كلاس ماقدر الحين.. اتريا عقب
محمد: والتبن انتي والكلاس.. اطلعي بسرعة
فطامي دورت عذر ثاني: محمد بليز لا.. والله أخاااف اتخيل يعرف ابوي بيذبحني
محمد يصرخ: بتطلعين والا شو؟؟؟؟ ان ماطلعتي والله لاييج بيتكم اسحبج
فطامي برعب: خلاااص ياية بسم الله
محمد: بسرعة أنا عند الباب
فطامي يلست تتعدل قبل لا تطلع.. الريال معصب على غير العادة.. ماتدري شو اللي مستوي بس محمد ما يعصب بدون سبب
فكرت تبالغ بكشختها يمكن يشوفها ويدوخ بجمالها ويهدى؟ قالت في خاطرها "اوكي فكرة حلوة"
بالغت بالمسكرا والبلاشر على خدودها.. حطت روج أحمر وطلعت
فتحت الباب: هلا والله وغلا
محمد يطالعها: هذا منظر تطلعيبه جدام الناس؟
فطامي بتوتر: توني كشخت في الحمام عشانك
محمد: لا والله؟؟ وماشي سكيورتيّة عند الباب؟
فطامي: كلهن حريم!
محمد لف عنها وبدا يسوق
فطامي تحاول تلطف الجو
قالت بدلع: تجنن حتى وأنت معصب
محمد ما صد عليها: تستخفين دمج
فطامي تتجاهله وبابتسامة حلوة قالت: وين مودني؟؟؟
محمد: جلعة ابليس
كشرت: أعوذ بالله.. لا صدق حبيبي.. دامنا شاردين شاردين عاد ودني مكان حلو ويسوى
محمد: أنتي تتحريني ياي العب وياج؟
فطامي مدت بوزها: يالله عاد حبيبي شو بلاك؟ منو مزعل الحلو؟
محمد وقف في براحة فاضية
ورد السيت لآخر شي ولف عليها بتركيز: أنتي شو مسوية؟
فطامي عقدت حواجبها: شو مسوية؟
محمد: خبريني شو قايلة للناس
فطامي تفكر: ولاشي.. عادي
محمد: العادي مالج إنج تقولين كسرت راسه وخليته ياخذلي سلفية زود على مهري؟
فطامي تشهق: أنا جي قلت؟
محمد: عيل الخبر كيف وصل عند أهلي؟
فطامي توترت: امممم انا ما قلت جي.. يعني.. اممم ماكنت ادري انك ماتبا حد يعرف
محمد: ليش لازم بعد كل كلمة اقولها احلفج انها خصوصيات ومب لازم الناس تعرفها!!
فطامي: انا ماقلت حق حد.. الا خواتي
محمد: متأكدة؟
فطامي: يعني قلت للقراب.. اففف شسوي يعني في حرمة يالسة وتنغزني ان مهرج شوي ومهرج شوية ومستبخلين عليكم اضطريت اقوللها
أنت تقرأ
سلالة من لهب
Science Fictionلم تعلم شما أن مغامرتها هذه المرة ستوقعها بيد سلالة من لهب سلالة عربية أصيلة من نسل عمليق بن لاوذ.. آخر ما تبقى من العرب البائدة ستخطف قلب شيخهم وتعود.. لتكمل سلسلة الأحداث في بلادها شخصيات متعددة وقصص كثيرة ما بين كوميديا ساخرة، حب جامح، وحرب لا ت...
