အပိုင်း၆
"အခွင့်ကြုံတုန်းလေး ကျမတို့ရုပ်ရှင်သွားကြည့်ကြမလား?"မီလိက ဒီကမ္ဘာအကြောင်း ပိုပြီးနားလည်ချင်နေမိကာ အဲ့လိုဖြစ်ဖို့အတွက်ဆို ရုပ်ရှင်တွေကအကောင်းဆုံးပင်။
ရှီးပိုင်ချန်း လက်မြှောက်ကာ အချိန်တစ်ချက်ကြည့်လိုက်ပြီးနောက် ရေမွှေးပုလင်းကိုအင်္ကျီအိပ်ကပ်ထဲထည့်လိုက်သည် "သွားမယ်"
မီလိ-"ဟေ့ သွားမယ်ဆိုလဲသွားလေ ဘာလို့ကျမကိုအိတ်ကပ်ထဲထည့်နေတာလဲ?ကျမ နေရောင်ခံချင်သေးတယ်!ကျမရဲ့တောက်ပမှုလေးကိုတခြားသူတွေမြင်အောင်ပြရအုံးမယ်!"
ရှီးပိုင်ချန်း သူမကိုလျစ်လျူရှုကာ လမ်းရဲ့တစ်ဖက်အဆုံးမှာရှိတဲ့ရုပ်ရှင်ရုံဆီသွားလိုက်သည်။ရုပ်ရှင်ရုံရောက်တော့မှသာ ရေမွှေးပုလင်းကိုထုတ်ကာမေးလိုက်သည် "ဘာကားကြည့်ချင်လဲ?"
မီလိရဲ့အကြည့်တွေကရုပ်ရှင်ပိုစတာတွေဆီရောက်သွားကာ လတ်တလောနာမည်ကြီးနေပုံပေါ်တဲ့ဇာတ်ကားတစ်ကားကိုရွေးလိုက်သည် "အပြိုင်ကမ္ဘာ!"
ရှီးပိုင်ချန်း သူ့ရဲ့မန်ဘာကတ်ကိုထုတ်ပြီး ကောင်တာကလက်မှတ်ရောင်းတဲ့သူကို ပြောလိုက်သည်"မိစ္ဆာလေးကားအတွက် လက်မှတ်တစ်စောင်ပေးပါ"
မီလိ-"!!!"
ရှီးပိုင်ချန်း-"ပရော်ဖက်ရှင်နယ်ဆန်တာလေးကြည့်ရအောင် အပြိုင်ကမ္ဘာကမင်းအတွက်မသင့်တော်ဘူး"
မီလိ-"..."ငါးပူတင်းတစ်ကောင်လိုမျိုး ပါးဖောင်းမိသွားသည်။
လက်မှတ်ကိုယူပြီးနောက် ရှီးပိုင်ချန်း ပေါက်ပေါက်တစ်ဘူးနဲ့သောက်စရာပါဝယ်လိုက်ကာ ကလေး,လူကြီးတစ်စုနဲ့အတူရောကာ ရုံထဲကိုတဖြည်းဖြည်းဝင်သွားခဲ့သည်။
ဒီနေ့က ပိတ်ရက်ဖြစ်တာကြောင့် ရုပ်ရှင်ရုံကပုံမှန်ထက်လူစည်နေသည်။ရှီးပိုင်ချန်းရဲ့ခုံကအလယ်မှာရှိကာ သူဝင်ထိုင်လိုက်စဥ်မှာတော့အနီးမှာရှိတဲ့သူတွေမှာ လူသေးသေးလေးတွေဖြစ်သွားသလိုပင်။
မီလိ-"မိစ္ဆာလေးက ဘာကြီးလဲ?ရှင့်လိုအရွယ်ရောက်နေတဲ့လူကြီးက ကလေးတွေကြည့်တဲ့ကာတွန်းကားကြည့်သေးတယ်ပေါ့?"
YOU ARE READING
အိပ်ပျော်စဥ်တိုင်းမှာ ငါ့ခန္ဓာကိုယ်ကပုံသဏ္ဍာန်အမျိုးမျိုးပြောင်းသွားတော့တာပါပဲ!
Romanceကားအက်ဆီးဒန့်စ်ဖြစ်ပြီးနောက် မီလိတစ်ယောက် အရာဝတ္ထုအသွင်ပြောင်းလဲနိုင်တဲ့စွမ်းရည်တစ်ခုရရှိလာခဲ့သည်။တစ်ခါတစ်လေ ထိုလူရဲ့တံခါးကအချက်ပေးခေါင်းလောင်း, တစ်ခါတစ်လေတော့နံရံပေါ်ကမီးအိမ်, တစ်ခါတစ်လေကျပြန်တော့လဲ စီးကရက်တစ်လိပ် ဒါမှမဟုတ် နက်ခ်တိုင်, အတွင်းခံဘောင...
