جيتيني مثل الشروق الي محى عتم الليالي

Part 16

التكمله
الدور الارضي |
الجده ساره : هلا بالبنات هلا والله
ساره وهي تحضن جدتها : اهههخ يا جده وحشتيني
الجده ساره : اجلسي بس
نوف : مافي عشا ؟
مريم : وانتي ماهمك الا بطتنس
نوف : والله جوع ياخي
مريم : فارس بيجي بالطريق دقو عليه يوديكم تتعشون
الجوهره : اماااا بدق عليها
فارس : شتبين
الجوهره : سلم طيب يا نفسيه
فارس : جوجو اخلصي
الجوهره : عادي تودينا انا والبنات ماك ؟؟
فارس : كم انتو؟
الجوهره : وش الي كم حنا انا ونوف وساره بس
فارس : طيب جاي تجهزو
الجوهره : تمام
*سكرت منه*
الجوهره : يلا قومو البسو جاي
نوف : الحمدالله منقذذذ
"بعد عشر دقايق "
الجوهره : يلا بنات برا
فارس : وين قلتو تبون ؟
نوف : ماك نبي
فارس : ابوك يالجو الخايس الله لا يبلانا
الجوهره : ودنا وانت ساكت ترا ميتين جوع
عم الصمت بالسياره والكل كان ساكت وكسر فارس الصمت وقال : الجوهره علامتس تهوجسين ؟
الجوهره بصدمه : انا ؟
فارس رفع حاجبه : ايوه انتي
ابتسمت الجوهره : والله انت الي وضعك مو عاجبني تهوجس وبس
فارس ضحك : ايييه يالجوهره ابي اتزوج
نوف مانكرت ان جتها ضيقه وقالت بحزن : دقيقه من يبي يتزوج ؟
فارس : انا ليه ؟
نوف بضيق : لا ولا شي
توسعت عيون الجوهره : انت تبي تتزوج !!
فارس بصدمه : شفيكم علي ايوه بتزوج
الجوهره : وميت تعيست الحظ ذي ؟
فارس بعصبيه : اعقبي بس والله ياحظها فيني انا جميل وهي اجمل
نوف بداخلها ( لا كذا كثير يعني يعرفها وجميله بعد !)
الجوهره لفت عليهم : يلا شتبون اخلصو ؟
_____________________________________
مجلس الرجال |
هتان : ياولد الحين انا احس ماشفت بنات عمتي
عبدالرحمن بحده : وحق ايش تشوفهم ؟
هتان : يحمار اقصد مايجون يسهرون مع البنات
عبدالرحمن : والله شف ترا عندهم حياه مع عمانهم
هتان : الوضع كذا اجل ؟
عبدالرحمن عدل جلسته : مافي جدول؟
هتان لف عليه وقال : بدق على ساره
فز عبدالرحمن : هاه وش تسوي
هتان : جدول وحركات
*ردت ساره*
ساره : هاه يا هتان وش تبي
هتان : تراني حاط سبيكر
ساره بصدمه : من معك ؟
هتان : دحومي
عبدالرحمن : يع يا رجال وش دحومي
ساره : انتم فاضين على فكره
هتان : اي والله ندور جدول ، الا وينكم صوت سياره ؟
ساره : رايحين نجيب اكل مع فارس
هتان : طيب دزي
*انتهت المكالمه*
_____________________________________
نرجع للبنات وفارس
نوف لفت للساره وقالت : وش يبي هتان ؟
ساره : ماعنده سالفه شكله طفشان مع عبدالرحمن
الجوهره : شرايكم بعد الاكل نروح عند لطيفه ؟
فارس : مسكينه البنت كل شوي جدولتو عليها
نوف لفتها الدخان الي بجيب فارس وقالت : انت تدخن ؟
فارس بحده : ايه علامتس
نوف بقرف : وع يامريض تراه مضر
فارس بعصبيه : انا ابيه يضرني بكيفي ؟
الجوهره : ووجعاه انزلي وصلنا
نوف : وقسم نفسيه ذا
الجوهره : معليتس منه
ساره كانت تمشي وسرحانه بجوالها سرعان ماصدمت بشي وطاح جوالها بالارض
عبدالرحمن بخوف : بسم الله عليتس صار لك شي
ساره بعدم استيعاب : لا لا مافيني شي
نزل عبدالرحمن واخذ جوال وساره من الارض ومده لها وقال : امسكي واسف ماكان قصدي
ساره بربكه : لا شدعوه عادي تصير ( لعنبوه من طووول ووسامه اههخ يا ساره طحتي على وجهتس ومحد سمى عليتس )
عبدالرحمن بحده : خلاص ادخلي طيب
نوف لفت على ساره الي كان وجهها محمر : علامتس انتي ؟
ساره : وشو خير
نوف : ان كنتي مريضه الله يشفيتس
ساره بعدت نوف عنها : انقلعي عن وجهي
الجوهره : لعنبوتس انتي وهي اخلصو علي
بداو ياكلون وسوالف تروح وسوالف تجي وضحك
نوف : الحمدالله بس
الجوهره : يلا خلونا نروح للطوف
لبسو عباياتهم واتجهو لبيت بدر الي كان قدام بيتهم بس خطوه وحده
لطيفه فتحت الباب : بناااااتتت
نوف حضنتها : عررروستتتنننا
لطيفه بادلتها الحضن : تعالو داخل
بغرفة لطيفه الي كانت حوسه وكانت لطيفه تجهز لعرسها الي كان بعد اسبوع
نوف : ياليل حوسة عرايس
لطيفه : شفتي كيف
الجوهره : يا لطيفه بتجي الاختبارات النهائية وانتي مع عبدالله ويذاكر لتس وتكون فرحة التخرج معه
لطيفه بفرحه : عاد متحمسه اشوف عبدالله يشرح احسن يجذب
نوف : تراه دافور ويعرف يشرح بس يخفيها علينا والكل قافطه
لطيفه بحب : وحشني
ساره : وقسم لا اجيبه لعندك
توسعت عيون لطيفه : صاحيه انتي ؟
ساره كانت حاطه جوالها باذنها : اهلين عبووودي
عبدالله : هلا والله بقلبي ودقاته سوير
ساره : اسمع اسمع وينك ؟
عبدالله : بغرفتي ليه علامتس ؟
ساره عدلت جلستها : حلو حلو تعال بيت عمي بدر
عبدالله : ايوه وليش ؟
ساره : حبيبة القلب لطيفه تبي تشوفك تعال بنهربك
عبدالله بضحك : حلوه ذي بنهربك ؟؟
ساره بحده : اقول تعال ولا يكثر
عبدالله : ابشري يا قلبي ودقاته انتي
قام عبدالله ولبس حذيانه ( الله يكرمكم) ونزل على السريع تحت
لطيفه بربكه : الله ياخذتس يا سوير
ساره بحده : هاذي جزاتي جايبته لتس
لطيفه قامت عند التسريحه : ياويل حالي شكلي يفشل
نوف : احلفي عاد لطيفه
لطيفه كانت لابسه تيشرت واسع مع بنطلون اسود وشعرها كان مرفوع وكانت تشلع القلب حرفيا
ساره وهي تطل من الشباك : عبودددي برررا
فزت لطيفه وقالت : احلفييي
ساره : يلا انزلي انزلي
لطيفه نزلت وهي الفرحه واضحه عليها وفتحت الباب
عبدالله حضنها وقال : ارحبي يا بعد اهلي كلهم
بادلته لطيفه الحضن : اههخ ياعبدالله وحشتني مع اني شايفتك الظهر بالسياره
عبدالله رجع لورا وباس خدها : وحشتيني
لطيفه بخجل : عبببدالله شفيك مو قادر تمسك نفسك !
عبدالله بحده : شسوي يعني اشتقت لك
لطيفه كانت تتامل عبدالله من فوق لتحت وتتامل تفاصيل جسمه كيف هو ضخم وطويل والكل يهابه
عبدالله بضحك: شفيك حبيبتي خلصتي تأمل؟
توسعت عيون لطيفه وقالت : هاه لا ولا شي
طبع عبدالله بوسه على خد لطيفه وقال : استودعتك الله
لطيفه : مع السلامه
سكرت الباب وعلى طول توجهت للغرفه والتمو عليها البنات
نوف : امانه وش صار
لطيفه بخجل : شتبون خصوصيييات ياخي
كلهم بصوت واحد : عششششناااا
لطيفه : بدال الحركات ذي تعالو رتبو معي
ساره : حنا نستأذن يماما امي دقت علي وسفلت فيني
لطيفه : طيب دزو خلاص
_____________________________________
دخلو البنات البيت وكان مقابلهم فارس الي حاط الدخان بفمه وكان يكلم بجواله
نوف : وذا مغير يدخن
الجوهره : يا شيخه اتركيه بس
رمى فارس الدخان الي بفمه وتوجه للبنات وقال بحده : وين كنتو انتي وياها
الجوهره : كنا عند لطيفه
فارس بحده : ادخلو بس

________________________
شقة صالح |
رمت نوف نقابها على السرير وانسدحت على طول
ساره : بدلي طيب يا مهبوله
نوف بنعاس : مابي مابي ابي انام بس
ساره جلست على السرير وقالت : الحين تتوقعين فارس مين بيتزوج ؟
فزت نوف وجلست عدل وقالت : والله مدري ذا من يحب ماتوقعت ذا بو قلب بارد يحب
ساره : حبيبتي البنت الي يحبها جايبه راسه تلقينها
نوف بغيضه : وبعدين وش يحبها ومدري وشو يمكن يستهبل ؟
ساره : وانتي شدخلتس فيه خليه يحب ويتزوج
نوف قامت تمشي للدولاب : اصلا اخر همي
ساره : الله يشفيتس بس
_____________________________________

انتهى البارت طبعا ومعليكم من اللهجه مرات تقلب 😭😭
شرايكم بالرومنسيات والبوسات بين لطيفه وعبدالله ؟ ، تسريب سريع البارت الجاي عرسهم 🤭🤭
حسابي تيك 7ilox8u