— ____________________________ طبعا الجو بالفصل كان متكهرب والكل متوتر اخذت نوف جوالات البنات وخبتهم بشنطتها وجلست انتظر فارس وهي على اعصابها لكن انفتح الباب وطاحت قلوبهم في بطونهم لكن طلعت طالبه معها ورقه وتقول : وين نوف المطيري ؟ رفعت يدها نوف وقالت : انا ! ابتسمت البنت وقالت : يلا استئذان ابتسمت نوف وخذت شنطتها وعبايتها ونزلت تحت ولبست العبايه وظبطت نقابها وحطت شنطتها على ظهرها وطلعت برا وتوجهت لسيارة فارس وفتحت الباب وقالت : والله اني احبك جيت بدري قلوب قلوب لك لف عليها فارس وقال : انتي مهبوله ؟ نزلت نوف شنطتها من حضنها وقالت : وشو شسويت ؟ توسعت عيون فارس وقال : كذا ذا وشسويت ! زفرت نوف وقالت : شدعوه عليك كلها جوال تنهد فارس وحرك السياره وقال : يلا بمشيها حركات مراهقين ! شمقت نوف وقالت : ياربي طولو شوي على مايوصلون الشركه بسبب الزحمه وكسرت نوف الصمت وقالت : عندكم اكل بالشركه ؟ ضحك فارس وقال : جوعانه ؟ هزت راسها نوف ومسكت بطنها وجلست تناظره وقالت : مره !! ابتسم فارس وقال : خلاص باقي دقيقتين ونوصل بعد مرور دقيقتين تقريبا وصلو الشركه ونزل فارس ونزلت معه نوف وركب العامل سيارة فارس عشان يوقفها اما نوف كانت مصدومه من كبر الشركه واول مره تشوف شركة جدها لف عليها فارس وقال : ندخل ؟ نوف : هاه ؟ اي يلا ابتسم فارس ومشى وخلفه نوف الي كانت تناظر كل انحاء الشركه لين ماوصلو للمصعد وكان مزدحم شوي دخل فارس بعدها نوف لكن ماكانت مرتاحه وتقريبا كانت محشوره لمحها فارس كانت واقفه بجانب واحد وسحبها اتجاهه وهمس لها : واقفه عنده طبيعي ابتسمت نوف وصغرت عيونها من النقاب وطنشها فارس ووصلو للدور المطلوب الي فيه مكتب فارس ضلت نوف تلحق فارس لين ماوقف وكان بالنسبه لها طويل وجسمه عريض فا ما كانت تشوف مين يكلم بالظبط ميلت راسها وجت عينها بعين وحده كانت لابسه عبايه ملونه وشعرها طالع من ورا وقدام وكانت بكامل اناقتها وقفت بجانب فارس وعقدت الرّيم حواجبها وقالت : عندك بنت ؟ ضحك فارس ولف على نوف وقال : هاذي زوجتي نوف اما نوف كانت تناظر الرّيم من فوق لتحت ومتعجبه بمنظرها الي كان بكامل زينتها في مكان مر مناسب تقريبا ابتسمت الرّيم بخبث وقالت : حياك تفضل ! ابتسم فارس ولف على نوف وحاوط كتوفها ودخل معها ودخلت وراهم الرّيم اما نوف بدت تتامل مكتب فارس لين ما لمحت كنبه وتوجهت لها وحطت شنطتها وفكت نقابها وحجابها وانتثر شعرها على كتوفها اما الرّيم انذهلت من جمال نوف الي كان يفتن بشكل جذاب طنشتها وتوجهت لطاولة فارس وقالت : فارس تشرب شي ؟ رفع راسه فارس وقال : اختاري لي وش اشرب ؟ توسعت عيون نوف وهي جالسه على الكنب بعد مافصخت عبايتها ابتسمت الرّيم وقالت : تشرب قهوه ساده ؟ ابتسم فارس وقال : خلاص جيبيها لي مدت الرّيم يدها وصافحت فارس وقالت : شفت كيف اعرفك ؟ ضحك فارس وقال : مارح انصدم الصراحه خلاص صرتي تعرفيني اكتفت نوف بالنظرات والصمت فقط لا غير لكن لف عليها فارس وقال : نوف شتبين تشربين ؟ نوف بحده : سم سم الهاري ! فارس بحده : اوهووو يا تقلب المزاج ! ضحكت الرّيم وقالت : مراهقه وش متوقع منها ؟ تنهد فارس وقال : جيبي لها نفسي خلاص ابتسمت الرّيم وقالت : اجيب لكم الفطور ؟ فارس : انتي فطرتي ؟ انحنت الرّيم وميلت راسها وبانت تفاصيل جسمها وقالت : ايش عيد ؟ بلع فارس ريقه ولف على نوف الي كانت تناظرهم بحده ابتسم لها ونزل راسه على اوراقه وقال : انتي فطرتي ؟ وقفت الرّيم وقفه مستقيمه وقالت : لا مابعد ابتسم فارس وقال : تعالي افطري معنا انا ونوف اجل عقدت نوف حواجبها وتافافت وطلعت جوالها وحطت رجل على رجل وبدت تتصفح الجوال لعلى وعسى تلهى عنهم الرّيم : ابشر طلعت الرّيم من المكتب وقفلت الباب ورمت نوف جوالها وتوجهت للطاوله وضربتها بقوه اما فارس بدون يرفع راسه قال : هلا يا امي ؟ زفرت نوف وقالت : ارفع راسك وطالعني زين ! عقد فارس حواجبه وترك الاوراق الي بيده ورفع راسه وقال : شفيك انتي الحين ؟ غمضت نوف عيونها تمنع الغضب عنها وقالت : شذا الحركات انت والرّيم خير ؟ ضحك فارس وقال : اي حركات ؟ تخصرت نوف وقالت : تصافحها يد بيد وتضحك معها واختاري لي مشروبي وتعرفيني زين وتضحك معها وشفت حركاتها وانحنائاتها لك ! احترم وجودي على الاقل ! تنهد فارس وقال : طيب انا محترم وجودك يا امي ؟ نوف بحده : يالله يا فارس وكانه عادي عنك !!!! ضحك فارس وقال : تغارين ! حمرّت خدود نوف وقالت : اصلا شدخل ؟ توسعت عيون فارس وقال : احلفي عاد ! طنشته نوف وقالت : انقلع بس توجهت للكنبه وجلست تلعب باطراف شعرها لين دخلت الرّيم بيدها صينية الاكل وحطتها على الطاوله وقالت بدلع : فارس يلا قوووم ! بلع فارس ريقه لان عارف بتصير مشكله وبدون مايرفع عيونه قال : دقيقه بس ! ابتسمت الرّيم وجلست بالكنب الي بجانب نوف ولفت عليها وقال : اي مسار ؟ لفت عليها نوف وطيرت عيونها وقالت : اتوقع ان مالك دخل ولا ؟ توسعت عيون الرّيم وطنشت نوف وقالت : فارس حرام عليك الفطور برّد ! ابتسم فارس وترك الاوراق الي بيده وقام يفطر معهم ________________________________ بعد المدرسه الكل دايخ وتعبان ويومهم كان حوسه ونروح لشقة صالح تحديدا غرفة ساره الي كانت جالسه على السرير بيدها كتاب الفيزياء لكن ماكانت مركزه بالدرس ابدا كانت تلعب باطراف شعرها وتهوجس لكن انفتح مقبض الباب ورفعت راسها وشافت العنود داخله عليها وتقول : سااااررره الللحقي بدت العنود تدور وترقص بكل انحاء الغرفه اما ساره كانت معقده حواجبها وقالت : وش جاك انتي ؟ تنهدت العنود وجلست على طرف السرير وقالت : عمي جاي من الديره ! بوّزت ساره وطيرت عيونها وقالت : تستعبطين ؟ شسوي له ! زفرت العنود وغمضت عيونها وفركتها وقالت : يا غبيه يعني عمي جاي مشعل بعد جاي ! توسعت عيون ساره وقالت : اماااانه احلفي من قال لك ؟ ابتسمت العنود وبدت تلعب باطراف شعرها وقالت : امي قالت لي ! سكرت ساره كتابها ورجعت ظهرها على ورا وقالت : متى بيجون ؟ عدلت العنود جلستها وقالت : اتوقع بكره بكره غمزت ساره وقالت : والله وتحبين يا عنوده ! حمرّت خدود العنود وقالت : عيب شذا الحركات درعمت عليهم الجوهره وجلست على السرير بدون اي كلمه ولفت عليها العنود وقالت : انتي شفيك بعد ؟ ناظرت الجوهره العنود بحده وقالت : جتني الدوره ضحكت ساره وقالت : انا اشوف النفسيه قااافله طيرت الجوهره عيونها وقالت : ابي كندر رفعت ساره حواجبها وقالت : من وين نجيب لك ؟ العنود : كلمي عبدالرحمن! توسعت عيون ساره وقالت : لا لا كلمي هتااان ! تجمدت الجوهره وقالت : لا لا الا هتان ! ساره بحده : الا الا هتان ! صرخت الجوهره وقالت : يحماره لا ! اخذت ساره جوال الجوهره من يدها وحطته بوجهها وفتح ودخلت على محادثتها هي وهتان وكتبت ابي كندر بليز ورمت الجوال على الجوهره وقالت : شوفي وش كتبت ! اخذت الجوهره الجوال وشافت وش كتبت ساره وتوسعت عيونها وقالت : ساااارررره ! ضحكت العنود واخذت الجوال من يد الجوهره وقالت : اشوف وش كاتبه ؟ ناظرت العنود الجوال وحطت يدها شفايفها وقالت : هتان شاف الرساله بنات ! فزت الجوهره واخذت الجوال من العنود وقالت : وجع وجع وجع ! سكرت جوالها وحطت يدها على ووجهها وقالت : ليييش سوير ! ماهي ثواني الا ووصل اشعار لجوال الجوهره فزو البنات بسبب الاشعار وقالت ساره : افتحي افتحي ! توسعت عيون الجوهره وخذت جوالها وفتحت الرساله وكان رد هتان : من عيوني ابشري بي خذت ساره الجوال من يد الجوهره وردت على رسالة هتان بقلوب لونها احمر وسكرت الجوال ولفت على الجوهره الي كان وضعها مزري جدا جالسه تتالم بعد نص ساعه من السوالف بغرفة ساره دق الباب وقامت ساره تفتح الباب وكان هتان الي دق الباب هتان : وين الجوهره ؟ غمزت ساره وقالت : وش الي ورا يدك ؟ ابتسم هتان وقال : مالك دخل خلي الجوهره تجي ! دخلت ساره راسها وقالت : الجوهره هتان يبيك بردت اطراف اصابعها وتنهدت وعدلت شعرها وتوجهت لهتان اما ساره غدرت فيها ودفتها وسكرت الباب عليها اما الجوهره توسعت عيونها من تسكر الباب وعرفت انها حركات ساره مد هتان يده وقال : سمي توسعت عيون الجوهره مع ابتسامه بانت غمازاتها فيها من شافت بوكيه كله كندر وقالت : هتان من جدك ! ضحك هتان وقال : تحسبين اني بجيب لك واحد بس ؟ ضحكت الجوهره وبدون تحس بنفسها حاوطت رقبة هتان وحضنته وقالت : شكررررراااا مررررره تجمد هتان من حس بيدها الصغيره تحاوط رقبته لكن حست على نفسها الجوهره وبعدت منه وقالت : يلا باي ! لفت ظهرها عشان تدخل الغرفه لكن استوقفها صوت هتان الي توسعت عيونه وقال : دقيقه الجوهره وراك شي ! _________________________________ نكمل بعدين حبايبي ❤️ طبعا عارفه اني سحبت عليكم كم يوم ترا مارح اكذب عليكم ماعندي ظروف ولا شي ولا اختبارات لكن شغف الكتابه منحدددررر مره مره مره وإن شاءالله يرجع الشغف ويكون اقوى شغف 🙏🏽
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
