جيتيني مثل الشروق الي محى عتم الليالي

Part 38

—
___________________________
توسعت عيون نوف واخذت المخده الي جانبها ورمتها على فارس
مريم : وشو الي ازوجك علامها نوف ؟
فارس : امي نوف ماتعرف تسوي كبسه
مريم : اعلمها تسوي حق ايش تتزوج عليها !
ضحك فارس وقال : امزح معك مابي تزوجيني بس علميها تكفين
مريم : ابشر
سكر فارس من المكالمه ولف على نوف الي للحين مو مستوعبه وقال : شفيك؟
نوف بحده : تستعبط انت ؟
ضحك فارس وقال : وشو ؟
تجمعت الدموع بعيون نوف وقالت : لا مايضحك !
كانت تكه وتنزل منها دمعه لكن قامت على طول وتوجهت لغرفتهم وقفلت الباب ولحقها فارس ومسك مقبض الباب بيدخل لكن مافتح وعرق انها مقفلته وقال : نوف افتحي
ماجاه رد وقال : افتحي !
نوف بحده : انقلع مارح افتح !
فارس بحده : اجل انقلعي بروح اجيب لي اكل وانتي لا
توسعت عيون نوف من سمعت طاري الاكل بس بينت انها مو مهتمه وقالت : انقلع
_____________________________
المغرب
بيت عبدالله و لطيفه |
تنهد عبدالله وناظر ساعته وقال بصوت عالي : يلا يا لطيييفه !
اما عند لطيفه بالدور الثاني سكرت عيونها من سمعته ينادي باسمها وعرفت انها تاخرت ولبست عبايتها وكعبها وخذت شنطتها ونزلت وعرف عبدالله انها نزلت من صوت كعبها انها نزلت وسكر عيونه وقال : لاحول ولاقوة الابالله
وصلت لطيفه وقالت : يلا نمشي ؟
ابتسم عبدالله وقال : اول شي فصخي الكعب ذا !
عقدت لطيفه حواجبها وقالت : ليه ؟
عبدالله : حامل وكعب ؟ مايصير حبيبتي
لطيفه : الله يهديك عبدالله توني بالشهر الثاني
عبدالله بحده : ف ص خ ي ه !
تنهدت لطيفه وفصخت الكعب ولبست لها شي ثاني وتوجهت للسياره وانطلقو الى بيت الجد
____________________________
بيت الجد عبدالله |
نزلو ساره والجوهره مع بعض للصاله وكان الكل موجود بس ناقصهم لطيفه ونوف
جلسو ساره والجوهره مع لين وليان
ليان بحده : وانتو شعندكم متاخرين ؟
ابتسمت ساره وقالت : نتكشخ لعيونك
ليان بقرف : وع
لفت لين على ليان وقالت : حرام عليك شوفي الوجيه الزين متكشخه عشانك !
لين هزت شعره من مشاعر ليان الي قالت : وانتي صادقه والله
شهقت الجوهره وقالت : لين ماصدق هزيتي شعره من مشاعرها !
غمزت لين وقالت : معليك حبيبتي
ساره بحده : الله يعين الي بيتزوج ليان دايم تصارخ ومعصبه وماتحب الرومنسيات!
كشرت ليان وقالت : ساره وراه ماتنطمين ؟
قبل ترد ساره قاطعهم صوت ضحك نوف ولطيفه
شهقت نوف وقالت : تسولفون بدونا !
فزو البنات يحضنون لطيفه ونوف
ساره : متى جيتو يبوي !
ضحكت لطيفه وقالت : وين جينا وسلمنا على الباقي وانتو تسولفون علمونا !
ضحكت الجوهره وقالت : تعالو اجلسو بس
ابتسمت نوف وقالت : جوعانه تكفون
فزت ساره وقالت : وش سويتي غداء
نوف : ماسويت
شهقت الجوهره وقالت : اخوي اخوي !
نوف بحده : لا تخافين حبيبتي اكل من المطعم
توسعت عيون ساره وقالت : وانتي !
تنهدت نوف وقالت لهم السالفه من الالف الى الياء
توسعت عيون لين وقالت : حتى لو يمزح وشو زوجيني !
نوف بحده : ولا كان يضحك !
الجوهره رفعت صبعها وبدت تهدد وقالت : والله لا اعلمك يا فريّس !
عدلت جلستها نوف وقالت : امدد الزعل ولا ؟
فزت ليان وقالت : ايه مدديه مدديه
بوّزت لين وقالت : حرررام توكم عرررسان !
تنهدت نوف وقالت : هاذي المشكله بعد
ليان : ياشيخه اذا راضاك ارضي وبس
نوف : تم
_______________________________
عند الرجال |
همس سلمان لعبدالرحمن : شفيه خويك هتان يهوجس ؟
ضحك عبدالرحمن وقال : مدري عنه خلني اشوفه
قام عبدالرحمن من مكانه وجلس بجانب هتان ودق كتفه وقال : ورع !
هتان بعدم استيعاب : هاه ؟ شفيك
ابتسم عبدالرحمن وقال : بمين تهوووجس ؟
تنهد هتان وقال : بوحده خذت عقلي وقلبي وكل شي
توسعت عيون عبدالرحمن وقال : ول ول مين ذي !!
ابتسم هتان وقال : اختك !
شهق عبدالرحمن وقال : الله ياخذك وش اختي !
هتان بحده : اختك يحمار اختك الجوهره انا احبها ابيها
بلع عبدالرحمن ريقه وقال : ياولد صدعتني دقيقه
قام هتان وقال : انقلع بس
توجهه هتان لابوه صالح وجلس بجانبه وهمس له وقال : يبا قول حق عمي محمد يلا !
ابتسم صالح وقال : ذكرتني ياوليدي
هتان : يلا يلا
تنحنح صالح وقال : ياجماعه صلو على النبي اول شي !
الكل بصوت واحد : عليه الصلاة والسلام !
صالح بصوت عالي : انا حاب اطلب يد الجوهره بنت اخوي محمد لولدي هتان !
ابتسم محمد وقال : وهاذي الساعه المباركه نتشرف بهتان ولد اخوي ومن بنلاقي غيره ؟
حاول هتان يخفي ابتسامته وقال : الله يخليك ياعمي
ابتسم الجد عبدالله وقال : الله يتمم لكم على خير يا احفادي
تنحنح محمد وقال : عاد بناخذ شور بنتي الجوهره اول شي
ابتسم صالح وقال : خذو راحتكم ابد !
ابتسم فارس وقال : والله مو هين هتانوه ذا !
هتان بثقه : حبيبتي انا هتان اكيد مو هين !
توسعت عيون عبدالرحمن وقال : بنصير نسايب هتان !
توسعت عيون هتان وقال : ارررحبببب
حضنو بعض هتان وعبدالرحمن وهم يقولون : حي الله النسيييب
ضحك عبدالله وقال : والله انتو مجانين !
عبدالرحمن : بحده حدك على النسيب عاد !
ابتسم فارس وقال : شفيكم فالينها طيب يمكن الجوهره ترفضه ؟
رفع هتان حاجبه وقال : اتحداها ترفض وسيم زيي ؟
فارس بقرف : يع عليك
_____________________________
نرجع عند الحريم الي كانو توهم مخلصين العشاء وجلسو يشربون شاهي ويسولفون اما البنات كانو فوق بشقة صالح
نوف : احس ابي ارجع عزابيه
ميلت لطيفه راسها وقالت بحزن : حتى انااا !
حركت ساره شعرها على ورا وقالت : هاذا الي يتزوج بدري !
حاوطت الجوهره اكتاف ساره وقالت : شوفونا انا وساره مرتاحين
ولين حاوطت اكتاف ليان وقالت : وانا واختي مرتاحين !
كشرت نوف وقالت : يارب وحده منكم تتزوج يارب
ليان بحده : فال الله ولا فالك وجعاه !
تخصرت نوف وقالت : وليه ياحبيبتي ماتبين تتزوجين ؟
توترت ليان وقالت : لان مابي !
غمزت الجوهره وقالت : وراها بلى ليان احس
ضحكت لطيفه وقالت : من شافت سعد اخوي وهي متغيره !
شهقت لين وقالت : ليكون حبيتيه !
توسعت عيون ليان وقالت : لا لا وين !!
قاطعهم اتصال من جوال لطيفه وقالت : اكيد عبدالله
عبدالله : يلا لطوفتي انا برا
ابتسمت لطيفه وقالت : ثواني وجايتك !
سكرت لطيفه وقالت : عبدالله يقول يلا !
قامو البنات يودعونها وطلعت لطيفه من الشقه وقابلت قدامها نوال وقالت : وين لين وليان ؟
ابتسمت لطيفه وقالت : داخل !
نوال : ناديهم حبيبتي !
دخلت لطيفه وقالت : لين وليان امكم برا بتمشون
فزو لين وليان وتوجهو المهم ونزلو كلهم وبس باقي ساره والجوهره ونوف
الجوهره بحده : وانتي متى تذلفين ؟
توسعت عيون نوف وقالت : طرده !
ساره : اي
قاطعهم اتصال فارس وقالت ساره : لا والله امزح مو طرده
قامت نوف وخذت جوالها وقالت : انقلعو بس
طلعت نوف من الشقه اما الجوهره قالت : معليش بنام !
ابتسمت ساره وقالت : يلا حتى انا
قامت الجوهره وتوجهت لشقتهم ودخلت غرفتها وفصخت فستانها ولبست بجامتها ومسحت مكياجها وربطت شعرها ذيل حصان وسوت روتين المساء وخذت ايبادها مع القلم وتوجهت للسرير وبدت ترسم لكن دخل عليها ابوها ورفعت راسها تشوف مين وابتسمت اول ماشافت ابوها وقالت : ياااهلااا
ابتسم محمد وتقدم للجوهره وجلس على طرف السرير وقال : شخبارك يا بنتي ؟
ابتسمت الجوهره وقالت : والله بخير الحمدلله
ابتسم محمد وقال : دوم ان شاءالله
عقدت الجوهره حواجبها وقالت : ايوه شفيك يبا ؟
ابتسم محمد وقال : والله يا بنتي جاك النصيب وخطبك واحد
توسعت عيون الجوهره وبدت تتعلثم بالكلام وقالت : مميـ..ـن ؟
مسك محمد يدها وقال : هتان ولد عمك صالح !
حاولت الجوهره تخفي ابتسامتها وحمرَت خدودها وقالت : هاه ؟
لاحظ محمد ان الجوهره خجلت وقال : فديت البنات الي يستحون
ابتسمت الجوهره بدون اي رد وقال محمد : عاد انتي صلي استخاره وفكري وخذي راحتك بس لا تفلينها عندك يومين بس
ابتسمت الجوهره عكس الفرحه الي داخلها وقالت : ابشر
ابتسم محمد وقال : يالله تصبحين على خير !
قام محمد من السرير وطلع من الغرفه وتنهدت الجوهره وحطت يدها على قلبها وابتسمت وقامت على طول تنط على السرير والفرحه مسيطره عليها وكيف كانت مبسوطه !
__________________________________
نكمل بعدين حبايبي ❤️
ارتحتو ؟ مارح يتزوج فارس 😭!
موتوني ضحك بالانستا على فارس ان منجده يقول كذا 😭!

‼️ضروري تجون انستا ‼️