احبك كثر ماسالت دموع ومانسى ناسي - ________________________ عند البنات | نوف : خلاص فكرت لفت الجوهره عليها وقالت : وشو ؟ ضحكت نوف ضحكه شريره وقالت : اول يوم مدرسه بخليه يستأذن لي ويوديني معه الشركه ليان : الله مطوله بعد ثلاث اسابيع نوف حطت يدها على راسها وقالت : يمه عرسي قرب مش قادره لطيفه : بتشوفين الويل يا حبيبتي ضحكت لين وقالت : ماتخيل نوف تتزوج احسها للحين بزر نوف بحده : انتي البزره ! ساره : شف من يتكلم عاد ! قامت نوف وقالت : اف بروح عند فارس ساره : ايوه انقلعي لحبيب القلب طنشتها نوف وطلعت برا وكان الهواء يطير شعرها وبنفس الوقت طاحت عيونها على فارس كان واقف برا يدخن توجهت له ووقفت جنبه بدون اي كلمه عقد حواجبه ولف عليها وقال : شفيك يا امي ؟ لفت عليه نوف وابتسمت وقالت : اشتقت لك ابتسم فارس ونزل راسه تحت نوف : تستحي ؟ رفع فارس راسه وقال : تحسبيني نفسك ؟ نوف مسكت يد فارس وقالت : يا كثر الجلسات برا ليش واقف تعال نجلس نسولف جلست نوف وجلس فارس بجنبها نوف : اسمعني زين فارس : اسمعس حبيبتي نوف : فكرت وش ابي ابتسم فارس وقال : ايوه وشو ؟ نوف عدلت جلستها وقالت : اول يوم مدرسه تستاذن لي وتوديني معك الشركه حاول فارس يخفي ضحكته وقال : ايوه ليه؟ نوف بحده : وشو ليه ابي اجي معك واشوفك تشتغل واشوف موظفينكم ؟ ضحك فارس وقال : موظفينكم ؟ في موظفاتكم بعد انواع واشكال رفعت نوف حاجبها وقالت : عندكم حريم ؟ فارس : شرايك يعني ! تخصرت نوف وقالت : وانت شدخلك فيهم ؟ ضحك فارس وقال : وش دخلني فيهم انا الحين ؟ نوف طالعته بنص عين وقالت : عندك سكرتيره ؟ حاول فارس يخفي ضحكته على سوالف نوف لانها غيرانه وقال : عندي واسمها الريم نوف بحده : اجل انقلع للريم هاه ؟ لا اوصيك عطته ظهرها ومشت فارس بصوت عالي : تعالي نووووف لفت عليه نوف واشرت بيدها لا ضحك فارس وقام من مكانه وتوجهه الغرفه عشان ينام اما نوف يعرف كيف يتعامل معها دخلت نوف على البنات وكان واضح عليها معصبه الجوهره : شفيك انتي ؟ جلست نوف بدون اي رد ساره بخبث : يا حرام زعلها فوفو اكيد نوف بقرف : يع يا مريضه الجوهره توجهت لنوف وقالت : معليك منها شفيك معصبه ؟ نوف بحده : فارس عنده سكرتيره اسمها الريم ! ضحكت الجوهره : حسبت عندك سالفه لفت نوف عليها وقالت : وذي ماهي سالفه !!!! الجوهره : الريم ذي الكل يعرفها ابوي وامي وعبدالرحمن وكان فارس يرتاح لها وللحين ومره واثق فيها حست نوف بصدمه بعد كلام الجوهره وقالت : يتحمل الي يجيه غمزت لين وقالت : والله وبدينا نغار يا نوف نوف : تكفين كلي زق مسكت جوالها تفر فيه وطنشتهم
____________________ بالصاله | مريم : يعني انتي شرايك مرام : وانا وش دخلني هم الي يحددون الجده ساره بعصبيه : وليه هم انا بقول لعبدالله يخلي العرس بعد اسبوعين مرام : لا ياعمتي مايصير لازم نقول لهم اول الجده ساره : نفس ماسوينا حق عبدالله ولطيفه نسوي حق نوف وفارس مريم : طيب يا عمه هم محددين بعد شهر مزنه : ماتفهمين انتي ؟ امي قالت بعد اسبوعين يعني بعد اسبوعين مريم بحده : مزنه ! احترمي نفسك مثل ماحترمك تحترمين نفسك ! طنشتها مزنه وقالت : خلهم يستعجلون على العيال بس منال : وليه يستعجلون وهم توهم شباب مزنه : اي شباب فارس بيصك الثلاثين وماخذ وحده توها بزر الجده ساره ماتحملت وقالت : بس انتي ماتسكتين ؟؟؟ قص يقص لسانك دخل عليهم الجد عبدالله وقالت الجده ساره : انا اقول خل العرس بعد اسبوعين وصل الله وبارك الجد عبدالله : ابشري يا ام صالح تجمع الكل بالصاله وكانت نوف حاسه ان فيه شي قلبها ناقزها وقال الجد عبدالله بصوت عالي : عرس حفيدي فارس وحفيدتي نوف بعد اسبوعين ان شاء الله ومابي اي اعتراض توسعت عيون نوف وقامت وقالت : ايوه ؟ ورايي انا قلتو لي ! الجد عبدالله : وليه نقول لك ؟ نوف بحده : لا يا جدي الزواج زواجي انا وانا الي احدد مو انتم ! وقف الجد عبدالله بعصاته وقال : تراددين !!!! نوف بحده : لا مارادد بس مو كل شي تسوونه بكيفكم ولا تسالونا قام فارس يهدي نوف ويقول لها تجلس قبل تصير سالفه قامت نوف وسحبت فارس معها للاسطبل وتركت يده وقالت : ابفهم انت كيف راضي كيف راضي ! فارس بحده : انا ماني راضي ! بس ذا الشي غصبا عنا نوف بنفس نبرة صوت فارس : لا يا حبيبي غصبا عليك انت اما انا لا ! مو كل شي على كيفهم ترا غمض فارس عيونه يمنع الغضب عنه وقال : يا امي تعرفين جدي كلمته وحده نوف : بس مو علي انا ! فارس ماقدر يمسك نفسه وصرخ بوجهه نوف وقال : انتي ماتفهمين !!! ماتفهمين ولا شلون ؟ قالو لك بعد اسبوعين انا ماقدر اسوي شي ولا انتي تقدرين تسوين شي ! ويلا انقلعي صيحي عن وجهي عطاها ظهره ومشى بدون ينتظر منها اي شي تجمعت الدموع بعيونها وحست الدنيا ضاقت عليها وصدمات ورا بعض وكيف ان فارس ماكان همه اذا بكت ولا لا جلست باقرب جلسه قدامها برا وبدت تبكي جت ساره وقالت : وينك انتي ! ماردت نوف وانهارت زياده حست فيها ساره وحضنتها تهديها : نوف من جدك تبكين ! ترا عادي مره مايحتاج تبكين انتييي ! نوف ببكاء : فارس صرخ بوجهي وعرسي قدموه بدون ياخذون رايي وش تبين اسوي ! ظغوطات في ظغوطات ساره بدت تمسح على شعر نوف بعدها جو البنات كلهم عند نوف وحضنت لطيفه نوف وقالت : عادي ترا نفسي انا مره تضايقت يوم محد قال لي بس بعدين اكتشفت انها مافرقت عادي ! ليان : نوف تصير تصير عادي قومي نجلس نسولف قامت نوف ومسحت دموعها وجلسو بالارض وبدو يسولفون ساره : اقول لين شخبار مشاعرك لسلمان ؟ شهقت لطيفه وقالت : سلمان اخوي !!! توهقت ساره وتمنت انها ماتكلمت وقالت لين : شسمه ايه توسعت عيون لطيفه وقالت : مافهمت مافهمت قولو لي ليان : لين تحب سلمان حطت لطيفه يدها على راسها وقالت : اوكيه الكل يحب بس لين لين ! عقدت لين حواجبها وقالت : حرام علي وحلال عليكم ؟ غمزت لطيفه وقالت : بضبطك معه ابتسمت لين وحمرت خدودها نوف : ازيدك من الشعر بيت الجوهره تحب هتان اخوي شهقت لطيفه وقالت : لا كذا كثييير شفيكم انتو موسم العشاق بدا ؟ لين : ليان وساره وراهم بلى صدقوني ليان بحده : اعوذ بالله منس ترا مو غصب نحب زيكم غمزت نوف وقالت : علينا علينا ليان : يا شيخه انطمي بس درعمت عليهم عمتهم نوال معها شاهي وقالت : جبت لكم شاهي يا بنات خذوه ليان : احبتس يما ضحكت نوال وقالت : انا بعد خذو البنات الشاهي وقالت نوال : يلا كملو سوالف انا بروح ساره : الله شاهي نوف : الصدق الصدق اشتهيت ماتشا لطيفه : خذ لك عاد _______________________ عند العيال | فارس : المشكله نوف عنيده عنيده لازم الي براسها يمشي عبدالله : الصراحه الله يعينك عليها والله فارس : انا من الحين متورط لف هتان عليه وقال : اعقبببب اختي متورط فيها ! مسك فارس علبة المويه وقال : سد حلقك لا ارميها بوجهك _ نرجع للبنات الجوهره : امانه ليان تكفين قومي تكفين ليان : ياخي شفيكم انتم ! مابي لطيفه مسكت ذراع ليام وقالت : الا الا تبين وليان : وليه ادخل عليهم ! نوف : بس فعاليه قولي لهم يجون ليان : قومي انتي يبوي لين : تكفين قومي قامت ليان وقالت : خلاص بقوم وجع ! قامت ليان وتوجهت للمجلس وهي تدندن وكان الهواء يلعب بشعرها وحطت يدها على مقبض الباب بتفتحه لكن فتح الباب من نفسه وطلع واحد يقول : الله يرزقكم حياه شهقت ليان ورجعت على ورا ولف سعد وجت عينه بعين ليان وجلس يطالعها من فوق لتحت ____________________ نكمل بعدين حبايبي ❤️❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
