جيتيني مثل الشروق الي محى عتم الليالي

Part 23

_
نرجع للعيال الي كان نصهم يسولف ونصهم يلعب سوني الا فارس الي كان جالس يهوجس بنوف ويفكر اذا هي زعلانه ولا لا وماتحمل وطلع من المجلس متوجه لمدخل الصاله وقال : نووووف تعالي !!
البنات كانو مندمجين بالفلم بعد الاكل وكانو ليان والجوهره نايمين قاطعهم صوت فارس الي ينادي باسم نوف
فزت نوف وقالت : يمه يمه يمه
لطيفه عدلت شعر نوف وقالت لها : روحي روحي بسرعه
فزت نوف ركض وهي تعدل شكلها وشافت فارس قالت : نعم ؟
فارس كان هيمان بشكل نوف وشعرها الاسود المفرود وملامحها المريحه للعين وكان مو عارف كيف يبدا كان احس انه بيتعلثم بس بدال يبرر لها قال : ارفقي بي يانوف وش ذا الززززين ؟؟
نوف جلست تبتسم لين وضحت غمازاتها وقالت : بس ليه توك تشوفي فصخت الفستان !؟
فارس بذوبان : جميله بكل حالاتس بفستان ببجامه اي شي
وقام فارس يلعب بشعر نوف بصمت وكانت نوف متجمده لين ماحست براس فارس عند رقبتها وكان يستنشق شعرها لين وصل لرقبتها وبعدت نوف وقالت بتوتر : الحين انتي ليه مناديني
ضحك فارس على خوف نوف وقال : علامتس خفتي مني شدعوه زوجتس انا ؟
نوف بحده : لا وين ماخفت ؟
بدا يقرب منها فارس وهي ترجع على وراء وقالت : عاد يعني شفيك متحمس فارس ؟
فارس : انا ؟
نوف بضحكه تسليكيه : ايه يعني بعدين ان شاء الله سو الي تبيه
فارس بتنهيده طويله : اعلن استسلامي انا مشششتتتتاق مو قادر استحمل شهر
وحط راسه على كتف نوف الي كان جسمها قشعر يوم فارس حط راسه على كتفها ولا بعد من استسلامه وجلست تدخل يدها بشعره وتقول : عادي كلها شهر وانا وياك ببيت واحد واكلنا وشربنا واحد ونومتنا واحد وقعدتنا واحد الييين ماتطفش مني
رفع فارس راسله وطبع بوسه على خد نوف الي ارتخى جمسها وقال : انا معاد اصبر اسبوع تبيني اصبر شهر ؟
نوف كانت مو مستوعبه البوسه للحين وقالت : شدعوه عليك خلاص كلها شهر انت لا تفكر فيها بتشوف الشهر يعدي بسرعه
فارس : الزبده انتي مو زعلانه
نوف : من وش
فارس : الي قاله عبدالله ؟
نوف تذكرت وتخصرت وقالت : ايييه صح وش قصدك انت ندمان علي يعني ؟!!
ضحك فارس بقل حيّله وقال : لا والله كذاب انا ماقلت شي هو الي قال ويوم قالت لطيفه وشو الرجال داخ ورماها علي
نوف وهي تناظر عيونه وتمسك خدوده تقول : ياااعمري عليك مسسكيننن انت
فارس : وانتي الله يهديتس زعلتي على طول
رفعت نوف رجولها وطبعت بوسه على فك فارس وقالت : خلاص اسفه بالغلط
فارس بعدم استيعاب :هاه ؟
نوف مسكت خدوده مره ثانيه وجلست تحرك راسه يمين يسار وقالت بصوتها الطفولي : اووويلي على الخفيف انا يلا انقلع عاد
ضحك فارس ورمى حق نوف بوسه على الطاير وابتسمت نوف وراحت عند البنات وجلست طبيعي وقالت لطيفه : شعندك تاخرتي
نوف جلست تحك راسها وقالت : اما تاخرت ؟
لطيفه بخبث : علينا الحركات ذي يا نوف علينا !!
ضحكت نوف وقامو البنات ينامون ودخلت لطيفه الغرفه بعد يوم طويل وكانت دايخه بس تجاهلت وجود عبدالله الي جالس على السرير يشتغل على اللابتوب والمفاجاه كان لابس نظاره جلست لطيفه على السرير ولفت لعبدالله وشهقت بقوه وفز عبدالله يقول : بسم الله عليتس شفيتس ؟!!!!
لطيفه بصدمه : من متى تلبس نظاره !
ضحك عبدالله وقال : البس نظاره بس مو دايم
انسدحت لطيفه بتنام بس قاطعها صوت عبدالله وقال : على كيفك بتنامين ماشبعت منك ؟
لفت لطيفه وقالت : والله نعسانه خلاص بنام
مسك عبدالله خصرها وسحبها لين عندي وقال : لا لا مافيه نوم
لطيفه وهي تحاول تفك نفسها من عبدالله : عبدالله خلاص مو وقتك الحين
فكها عبدالله وقال : يعني زوجه على الفاضي ؟ الواحد مايتهنى ؟
لطيفه جلست وقالت : احلف يعني ماخذني تسليه عشان تبوس فيني وتحضني !!
عبدالله انصدم من كلامها وقال بكل عصبيه : شتقولين انتي شذا الكلام لطيفه !
لطيفه رفعت حاجبها وقالت بكل خبث : ليه مو عاجبك واضح ذا الصدق ؟؟
عبدالله حاول يسيطر على عصبيته ورفع صبعه على لطيفه وقال : وقسم بالله لو اسمعس تقولين الكلام ذا مره ثانيه والله تشوفين شي مايعجبس والله
لطيفه تخصرت وقالت : وش بتسوي بتضربني ؟
مسك عبدالله لطيفه من رقبتها وقرب عند اذنها وقال : ماني رجال اذا ضربتس
بعد لطيفه عن عبدالله وقرف وغطت وجهها بالبطانيه وانسدحت بتنام بس الواقع كانت تبكي بصمت مع شهقات مكتومه وكان عبدالله عارف انها تبكي بس مو بيده يسوي لها شي الان
الكل كان تعبان ونايم بعد يوووم طووويل وممتع
______________________________
اليوم الثاني |
بيت الجد عبدالله -
الجد عبدالله : وين الدنيا وين الناس ؟
تنهدت الجده ساره وقالت : والله كلن على همه سره وشايف حياته
الجد عبدالله : صادقه الكل شايف حياته الحين
قاطع دخولهم خالد وزوجته هنوف وسلم خالد على امه وابوه وهنوف نفس الشي وجلسو وقال خالد : شخباركم يما ويبا ؟
الجد عبدالله : بخير الحمدالله انت شلونك يا ولدي وين غاطس ؟
خالد : والله شوفت عينك واشر على هنوف وقال جالس اداري هنوف تعرف حامل
الجده ساره : الله يهون عليتس يا بنتي
هنوف : امين يا عمه
الجده ساره : وراه ماتنزلين اداريس انا ؟
هنوف : لا والله مابي اتعبك معي
جتهم ساره ركض وقالت : ماما جوعانه (ساره بنت خالد)
الجده ساره : عاني الغدا على الفرن حطي لها بصحن تاكل
قامت هنوف وقالت : بشري
—————————-
بيت عبدالله |
كانو البنات يجهزون للكشته بحكم انهم بيروحون البر
لطيفه وقفت ومسكت ظهرها وقالت : تعبت خلاص مقدر
شهقت ليان وقالت : حاااامل !!
لفت نوف وقالت : حااامل لطيفه !
توسعت عيون لطيفه وقالت : لا لا كذابه ذي بس قلت ظهري يعورني
ساره شالت سلة الدلال وقالت : مو ناوين تجون؟
نوف وهي تظبط نقابها : يلا يلا
توجهو البنات للسيارات وكانت سيارة عبدالله لطيفه وساره ولين وسيارة فارس نوف والجوهره وليان اما السياره الثالثه هتان وعبدالرحمن وسعد وسلمان بعدها توجهو للبر
_
سيارة فارس |
الجوهره : فارس وقف البقاله تكفى
فارس لف عليها وقال : حق ويش ؟
الجوهره : بنشتري شبسات ومشروبات وكذا
فارس وقف عند البقاله وقال : يلا اخلصو
نزلو البنات نوف والجوهره وليان يشترون شبسات ومشروبات
نوف : يمه شوفي ذا يناظر
الجوهره بعصبيه : يا محور الكون انتي ؟
نوف بحده : خل يقول لك شي الحين وتفاقعي
ليان بحده : وجع اخلصو يلا
وقفو عند المحاسبه يحاسبون وطلعت على طول للسياره
فارس : سنه ؟
الجوهره بحلطمه : والله مو منا من زوجتك الي خايفه من واحد يخزنا
لف فارس عليها وقال : مافهمت ؟
الجوهره : واحد جالس يناظرنا وشكله مايطمن وذي خايفه
فارس بحده : ليتني نازل معكم بس
بعدها عم الصمت بالسياره
________________
عند الباقي الي وصلو للبر وجلسو يظبطون الجلسه ويشبون حطب وكانت في سياره بالنص تفصل بين البنات والعيال
ساره : افرشي عدل لطيفه !
لطيفه بحده : هاه وش تبين يعني !!
جلسو ساره ولطيفه يتهاوشون ولين كانت ترتب الاكل بزاويه ومتجاهله هواش لطيفه وساره وفجاه درعمو عليهم نوف وليان والجوهره
الجوهره جلست على طول وقالت : اخيييرا بررر كشته
نوف فصخت عبايتها وجلست عند النار وكانت ترتجف : برد بررررد
ساره : تعالو اجلسو يلااا
جلسو البنات وسوالف تروح سوالف تجي
لطيفه : ماني متحمسه للمدرسه وعبدالله معي
نوف عدلت جلستها وقالت : وي ليه ؟
لطيفه تنهدت وقالت : والله مدري
الجوهره مسكت جوالها وقالت : نوف شكلك حلوو تعالي اصورك مع نار وشعرك المتنثر
نوف عدلت شعرها وقالت : يلا يلا
صورتها الجوهره ومسكت الجوال تتامل وقالت : تجننن الصوررره وجت بترسلها لنوف بس مانتبهت ورسلت لفارس وقفلت جوالها تكمل سوالف
_
قسم العيال |
فارس كان يدخن وجالس مع العيال وجاه اشعار وخذ جواله يفتحه ودخل سناب يفتح السنابه وفتحها وشاف نوف الي كان شعرها منتثر وجالسه قدام النار تدفي يدينها وكان شكلها يطير العقل حفظ الصوره بالشات وكتب : يا زينها زيناه زوجتي ❤️‍🔥 وسكر جواله على طول وكان يحاول يخفي ابتسامته
سعد غمز وقال بصوت عالي : شكل فارس شايف له شوفه بالجوال ولا ؟
ضحك هتان وقال : شكل نوف مرسله صورتها
فارس زفر الدخان من فمه وقال : شتبون مني انتو ؟
سعد بخبث : لا متاكد نوف نوف راسله صورتها
ضحك فارس وقال : انقلع بس
عبدالله : القهوه خلصت
سلمان قام وقال بجيب من عندهم وتوجهه لقسم البنات وقال بصوت عالي : نبي قهوه
فز قلب لين اول ماسمعت صوت سلمان وابتسمت لا شعوري
غمزت لها نوف وقالت : قومي قومي عطيه
قامت لين وهي تخفي ابتسامتها وخذت دلة القهوه معها وغطت شعرها بالشال بشكل عشوائي وقالت : خذها
لف سلمان وشاف ذيك العيون الواسعه والحواجب الكثيفه والشعر البني المنتثر على كتوفها وقال : مشكوره ( تو ماردت روحي بس )
رجع للعيال ومعه الدله وعطاها عبدالله وجلس بجانب عبدالرحمن وجلس يهوجس ب لين الي اخذت عقله بجمالها
_
نرجع لقسم البنات |
جلست لين وقلبها يدق وكانت متوتره ومبسوطه وكل شي مشاعر ملخبطه بالنسبه لها
الجوهره : ودي نقوم نجدول هنا
شهقت لطيفه وقالت : تستعبطون يخوف المكان ؟
نوف : الي يبي يجي يجي
قامت نوف وقالت : الجوهره قومي يلا نجدول
مسكت الجوهره يد نوف عشان يروحون
لطيفه : يا بنات لا تبعدون امانه
نوف : معليك معليك
طبعا البنات راحو بدون عبايات كانت كل وحده حاطه شال على راسها وراحو يتمشون
الجوهره : والله المكان يخوف يعني بس جدول
نوف : تعالي نروح هناك