جيتيني مثل الشروق الي محى عتم الليالي

Part 24

جيتني مثل الجنون ويوم فارقتك عقلت -
___________________
فزو البنات من صرخت لين وقالت نوف : شفيك ؟
لين كانت ساكته وتتالم بصمممت تااام
نوف بحده : شفيك !!!
لين نزلت دموعها واشرت على رجلها الي كانت منتفخه ولونها احمر
صرخت نوف وقالت : ياويلي يا بنات لدغتها عقرربه !
فزو البنات كلهم دائره حول لين الي كانت تبكي وتتالم وراحت نوف تنادي عبدالرحمن بحكم انه بصير دكتور واكيد فاهم
نوف : عبدالرحمن قم تكفى
لف عليها عبدالرحمن وقال : وش تبون بعد ماخلصتو اغراضكم ؟
نوف نزلت دموعها وقالت : لين لين لدغتها عقربه
فز عبدالرحمن اول ماسمع لدغه وقال : درب درب
توجهه للين وقال : اسمعي يمكن تكون العقربه سامه بس لا تخافين
لين ببكاء : يييعورر طيب
عبدالرحمن حمل لين بيده وتوجهه للسياره وفزو العيال اول ماشافو عبدالرحمن شايل بحضنه وحده
استغرب فارس وقال : شسالفه مين ذي ؟
تنهد عبدالرحمن وقال : ذي لين لدغتها عقوبه ويمكن تكون سامه فا بنروح المستشفى
فارس : خلاص اجل بنلحقكم
الكل ركب السياره وتوجهو للمستشفى ونزل عبدالرحمن يجيب عربيه وينزل لين تحت انظار ساره الي الغيره حارقتها بدون سبب
لين كانت تبكي بصمت ومو مهتمه الي قلبه معها وخايف عليها الي هو سلمان لف عبدالرحمن وقال امسك دفها وانا بنادي الدكتور ركض عبدالرحمن للدكتور وقال : تكفى بنت عمتي لدغتها عقربه
الدكتور : يلا الغرفه دخلوها
سلمان وصل للغرفه ودخل لين وجلست على السرير وحطو لها مغدي وجا الدكتور يفحص رجلها وقال : حمدالله كل شي كويس العقربه مو سامه بس انتفخت رجلها شوي الحين بنحط لها مرهم ونلف رجلها
تنهد عبدالرحمن وقال : الحمدالله ، ماتشوفين شر
لين الي كانت دايخه قالت بكل تعب : شر مايجيك
طلع عبدالرحمن من الغرفه وتوجهه للبنات وقال لهم : ترا لين بخير والعقربه ماهي سامه الحين بيحطون مرهم بس ويلقون رجلها ونرجع البيت
عبدالله : الحمدالله ماتشوف شر
لف على لطيفه وقال : يلا ؟
لطيفه نزلت راسها وقالت : بشوف لين اول
عبدالله ناظر ساعته وقال : بسرعه !
دخلت لطيفه للين وعلى طول حضنتها وقالت : والله خفنا عليك
لين : يا عمري انتو تعبتكم معي
لطيفه رجعت على ورا وقالت : اقول بس عن ذا الكلام وانا بروح
لين : تمام
طلعت لطيفه من الغرفه وراحت مع عبدالله اما البنات كانو مع ليان الي كانت تبكي
نوف : بنت خلاص مافيها شي ترا !
ليان ببكاء : والله لو يصير لها شي اموت انا !
ساره : طيب هي الحين مافيها شي !
مسكت نوف ليان وقالت لها : قومي روحي الحمام غسلي وجهك وانا بجيب لك مويه حركت راسها ليان بمعنى طيب
قامت للحمام وفكت نقابها وبدت تغسل وجهها وحست انها ارتاحت ولبست نقابها وطلعت من الباب الا وارتطمت بواحد .. ماهي ثواني الا رفعت راسها وقالت : شتبي انت بحمام الحريم ؟
سعد مد لها يده وكانت فيها مويه وقال : جبت لك مويه
ليان تاكدت انها تعرف ذا الصوت مو صوت واحد غريب ناظرته زين بعدها تاكدت انه سعد ومدت يدها واخذت المويه وقالت : شكرا
سعد : عفوا ، يلا امشي نرجع لهم
توجهو مع بعض وشافو لين جالسه على الكرسي المتحرك وكانو ينتظرون بس ليان وسعد
فارس : يلا خلونا نرجع البيت
الجوهره بهمس لليان : بترجعون معنا ولا تروحون بيتكم ؟
ليان : بنجي معكم لان امي وابوي راحو الديره
الجوهره مسكت ليان وتوجهو للسياره وحركو وماهي دقايق ووصلو البيت وسلمان وسعد نزلو بيتهم فارس وعبدالرحمن راحو شقتهم وهتان راح شقته اما البنات دام هم مع بعض كالعاده راحو غرفتهم بالدور الرابع واول مادخلو انسدحت نوف وهي ميته تعب وقالت : ابي انااااام
ساره وهي ترتب اغراضها : نامي احد ماسكك ؟
فصخت نوف عبايتها وبدلت وراحت تنسدح على طول اما لين الي كانت جالسه على جوالها وتشرب المضاد عشان تنام
نامو البنات كلهم وكانو تعبانين