— ___________________________ عقدت الجوهره حواجبها ولفت وتوسعت عيونها من شافت بقعه لونها احمر على سروالها حمرّ وجه الجوهره وتلاشت ابتسامتها ونزلت راسها وقالت : بعدين اقول لك ! استغرب هتان ومشى اما الجوهره دخلت الغرفه وهي متجمده وجلست على السرير بدون اي كلمه وحطت بوكيه الكندر جنبها بدون كلمه اخذت العنود البوكيه وقالت : ييييجننننن جايب لك كل الانووواع من قدك لاحظت ساره ان الجوهره فيها شي وقالت : شفيك انتي ؟ لفت الجوهره على ساره وكانت الدموع متجمعه بعيونها وماقدرت تمسكهم اكثر ونزلت دموعها وغطت وجهها اما ساره شقهت وقالت : شفيك يا حماره ! هتان قال لك شي !! هزت راسها الجوهره بمعنى لا لفت العنود وقالت : شنو شنو ! تنهدت ساره وقالت : الجوهره تبكي توسعت عيون العنود وقالت : وي ليه ليه ! بعدت يدينها عن وجهها وقالت : هتان شاف بقعه دم بسروالي! زفرت ساره وقالت : والله انك حقيره على بالي في شي غمضت العنود عيونها تمنع الغضب عنها وقالت : ترا ماردك بتقولين له ابي فوط يحماره ! مدت الجوهره يدها وقرصت العنود على فخذها وقالت : العنود خلاص اسكتييي ! اخذت الجوهره البوكيه وطلعت من الغرفه على طول اما ساره والعنود نزلو تحت للصاله ____________________________ بيت نوال | تحديدا غرفة لين وليان كانت لين جالسه بالارض والكتب والدفاتر حولها والنظاره على راسها وكانت محيوسه مره لكن قاطع افكارها اتصال من رقم غريب مدت جوالها وعقدت حواجبها من شافت الرقم وحطت الجوال باذنها وقالت : الو ! ابتسم سلمان اول ماسمع صوتها وقال : يا هلا بالصوت العذب ! توسعت عيون لين وغطت فمها وهمست : سلمان ! ضحك سلمان وقال : حلو عرفتيني ! احتدت ملامح لين وقالت : من وين جايب رقمي ! سلمان : مايهم ، وحشتيني توسعت عيون لين وفز قلبها وقالت : لو سمحت امسح رقمي من عندك ابتسم سلمان وقال : ماردك بتصيرين زوجتي ليه امسحه ! انصدمت لين وداست على قلبها وقالت : انت ليه مره واقف اني بصير زوجتك ؟ ضحك سلمان باستهزاء وقال : نشوف بعدين ؟ غمضت لين عيونها تمنع الغضب عنها وقالت : لو سمحت احذف رقمي من عندك وانسى انك كملتني ! فاهم ؟ تنهد سلمان وقال : رقمك ومارح احذفه وانسى اني كلمتك مارح انسى ! توسعت عيون لين وقالت : اجل انقلع يلا سكرت لين المكالمه ورمت جوالها على الارض وقالت : ياربي مو طبيعي ذا مريض ! دخلت ليان الغرفه وقالت : امي راحت بيت صديقتها وتركت لنا بشاميل تبين تاكلين ولا لا ؟ رفعت راسها لين وكان وجهها اصفر وقالت : هاه ؟ ايوه ابي استغربت ليان من وجه لين الشاحب لكن قالت يمكن بسبب انها ماكلت وطنشت الموضوع ____________________________ بعد العشاء بيت عبدالله و لطيفه | خلصت لطيفه مذاكره ورتبت جدولها وسكرت شنطتها واخذت شباصه ورفعت شعرها ونزلت تحت للدور الاول لفت انتباهه عبدالله الي كان منسدح على الكنبه وبيده الريموت وكان مو حول التلفزيون ابدا كانه داخل دوامة هواجيس عقدت لطيفه حواجبها وتوجهت لعبدالله وتربعت قدامه وقالت : وش تهوجس فيه ؟ ابتسم عبدالله من اقبلت عليه لطيفه وبدون اي مقدمات طبع بوسه سريعه على شفايفها وقال : حاطه روج بطعم الفراوله ؟ توسعت عيون لطيفه وحطت يدها على شفايفها وقالت : علامك انت ؟ مو طبيعي تربع عبدالله مثل لطيفه وقال : تدرين وش اهوجس به ؟ تحمست لطيفه وقالت : وشو وشو ! ضحك عبدالله على حماسها وقال : اهوجس باسم بنتنا او ولدنا ! ضحكت لطيفه وقال : اهبد الاسامي يلا ! ابتسم عبدالله وبدا يحك دقنه وقال : اذا بنت نسميها الدانه واذا ولد هتان هزت راسها لطيفه وحطت يدها تحت دقنها وقالت : ماعندي مانع فتح عبدالله حضنه وقال : تعالي لا يكثر ابتسمت لطيفه وتوجهت لحضن عبدالله الي حضنها بكل مافيه وبدا يستنشق ريحة شعرها لين ما دفن وجهه في رقبتها وطبع بوسه جمدت اطراف اصابع لطيفه ________________________________ نرجع لبيت الجد عبدالله تحديدا الدور الاول وكان المتواجد فيه العنود والجده ساره ومريم والجوهره وساره كانو مريم والجده ساره مقضينها سوالف اما الثلاثي المرح مقضينها ضحك بدون سبب لين ما رّن الجرس وتنهدت العنود وقالت : انا بقوم افتح ! قبل تطلع برا اخذت شيلتها من الطاوله الي بالمدخل وحطتها على راسها بشكل عشوائي وتوجهت للباب : وقالت مين ؟ مطلق بصراخ : انا عمتس مطلق ! توسعت عيون العنود لان كان ببالها انهم جايين بكره وعلى طول فزت تفتح الباب ورجعت شوي ورا وتقدم مطلق وخلفه زوجته وخلفها مشعل و ريتال ابتسمت العنود اول مادخلو كلهم ورا بعض وتقدمت تبوس راس عمها وقالت : تو مانورتو الرياض ابتسم مطلق وقال : تو مانورت الرياض بوجودك يوم جيتي ! ابتسمت العنود وتوجهت لزوجة عمها فاطمة وسلمت عليها بعدها استقبلها حضن ريتال وقالت : وحشششتيييني العنووود ! بادلتها العنود الحضن وقالت : انااا اكثرررر يا حماره ! بعدت العنود عن ريتال ورفعت راسها لمشعل وتسارعت نبضات قلبها وقالت : هلا مشعل شخبارك ؟ مشعل بكل برود الارض وبدون اي ردة فعل : بخير عقدت العنود حواجبها وطنشته ودخلت عمها ومشعل للمجلس واخذت ريتال وامها داخل وبدو يرحبون فيهم _______ تعريف بسيط عن عائلة مطلق | مطلق اخو الجد عبدالله اصغر من اخوه عبدالله لكن كان بينهم فرق السماء عن الارض مطلق انسان فكره متحجّر وللحين متعلق بالماضي اما اخوه صدق انه نفسه متعلق بالماضي والعادات والتقاليد لكن مو بكل الامور كان متفهم عمره : 68 زوجته فاطمة انسانه فرفوشه وتحب السوالف وجمعات الاهل وكلمة طيبه قليله بحقها جدا عمرها : 60 ولدهم البكر والولد الوحيد مشعل هاذا الانسان حاله حال نفسه الزم ماعليه اهله وشغله مع اهله شخصيه غير عن شخصيته بالشغل شخصيته بالشغل صااارم وعصبي وكانه يتحول الى شخص ثاني وقت الشغل وماقد حب احد بحياتها او بالاخص مايعرف شي اسمه حب ولا وده يجرب شي اسمه حب ولا يؤمن بالحب ومحاولات امه عشان تزوجه كلها تفشل عمره : 28 اخر العنقود والبنت الوحيده ريتال شخصيتها لطّيفه جدا جدا جدا وانسانه خجوووله وهاااديه لكن تجيها حالات تقول هاذي مو ريتال الخجوله ! تتحول الى انسانه جريئه تماماًاا اقرب شخص لها اخوها مشعل عمرها : 25 ________ نكمل - تاخر الوقت وكان وقت نوم الجميع بعد يوم حلو بالنسبه لهم اعطت الجده ساره العنود بطانيه وفراش ومخده وقالت : خذيه وحطيه بالمجلس حق مشعل ! توسعت عيون العنود وقالت : انا ! الجده ساره بحده : اقول لا اشوفتس مقابلتني روحي حطيه ! تنهدت العنود واخذت الفراش والبطانية والمخده ونزلت الشيله على كتفها وقالت : اصلا هو راح يجيب طلبات ريتال مو موجود ! توجهت للمجلس وهي تدندن وحطت الفراش وفوقه البطانيه بعدها المخده وبدت تلف راسها يمين وشمال تدور معطر الفرش عشان تعطر فرشه جاهله انظاره لها تاففت العنود وقالت : بروح اشوف داخل لفت ظهرها لكن الي جمدها بمكانها لمن جت عينها بعين مشعل الي كان مو عارف يشيل عيونه عنها بحكم اول مره يدقق في بنت زي كذا اما العنود لفت ظهرها وحطت الشيله على راسها وقالت : معليش كنت اجهز لك الفراش عشان تنام ابتسم مشعل وبدا يحك شعره وقال : لا عادي بس انا رجعت اخذ محفظتي تسارعت نبضات العنود ولفت وتوجهت لباب المجلس وقالت : شوي بس ! رجع مشعل على ورا اما العنود ركضت داخلها وقلبها في بطنها _______________________________ بيت فارس ونوف | كان وقت نومهم لكن نوف كانت جالسه على السرير تلعب باطراف شعرها وتناظر بجوالها فديوهات اطفال رضّع وكانت الابتسامه شاقه وجهها ! سكر فارس لابتوبه اول ماخلص من تعبئة البرائد الالكترونيه وارسلها حط الابتوب على الطاوله الي بجانبه ولف على نوف وابتسم من وضحت غمازاتها وهي تضحك وجت عينه على جوالها وضحك من شاف الاطفال الرضّع وقال : تبين نجيب اطفال انا مستعد الحين توسعت عيون نوف : وقالت لا انسى انسى لين اتخرج مارح اصير زي لطيفه هبله ! عقد فارس حواجبه وقال : طيب انا ابي ! حمرّت خدود نوف وقالت : مو وقته السوالف ذي يا فارس فارس بحده : الا وقته ! ماتلاحظين انك مانعتني ؟ توسعت عيون نوف ولفت لفارس وحطت عينها بعينه وقالت : هي هي عاد ترا تو لنا اربع ايام متزوجين مو كل يوم بنسويها ! ضحك فارس وقال : طيب ابي سكرت نوف عيونها تمنع الغضب عنها وقالت : ان شاءالله اذا تخرجت ابتسم فارس بخبث وحط يده على خصرها وشدها عليه وسحبها لحضنه وحط انفه على انفها وقال : اصبر وش وراي ؟ ______________________________ نكمل بعدين حبايبي ❤️ المفروض اني انزل لكم بارت الجمعه لكن شنووو صاررر ؟ خرب جوالي يوم الجمعه وانا مابعد اكمل البارت وكنت طول الوقت متضايقه وابكي على جوالي 🥲🥲
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
