— __________________________________ اليوم الثاني | فتحت ساره عيونها وكشّرت من كثر الرسايل الي بجوالها مدت يدها تاخذ الجوال وناضرت الساعه كانت 4:10 توسعت عيونها من الاشعارات الي من قروبهم هي والبنات ماكان لها خلق ابدا انها تشوف السالفه كلها فـ اكتفت انها تكتب : شسالفه ؟ بعدها سكرت جوالها وقامت من السرير تلبس السليبر حقها رفعت راسها من دخلت عليها الجوهره وشهقت : توك صاحيه ؟ رجعت ساره شعرها على ورا وقالت : ايه شسالفتكم بالقروب تخصرت الجوهره وقالت بحده : كالعاده يعني كالعاده جدي قدم عرسنا انا وهتان وبنروح نشتري اغراضي ! زفرت ساره وقالت : لحول ولا قوة الا بالله الجوهره بحده : خلصيني عشان عبدالرحمن ينتظرنا تحت هزت راسها ساره بمعنى طيب وبعدها دخلت الحمام ( الله يكرمكم ) وفرشت اسنانها وغسلت وجهها بغسول يومي وطلعت من الحمام تمشي لغرفتها وفتحت الدولاب وطلعت لها تيشرت ابيض واسع مع جينز وحطتهم على السرير وتوجهت للتسريحه تمشط شعرها وترفعه ذيل حصان وحطت مرطب على وجهها مع مرطب شفايف وبدلت ملابسها ولبست عبايتها وحطت شيلتها على كتوفها واخذت شنطتها المعلقه ورا الباب وخذت جوالها وطلعت من الغرفه واستغربت ان الشقة فاضيه وراحت المطبخ وطلعت له مق وتوجهت للثلاجه تطلع ثلج وتحطه داخل بعدها جابت الريتا تصبه داخل وسكرت المق وطلعت من الشقه ونزلت للدور الارضي وشافت البنات كلهم تحت وتوسعت عيونها وقالت : يمه انتو وش جابكم ؟ كشّرت نوف وقالت : يع بنروح بسيارة عمي الي مافيها مكيف عشان تكفينا ! ليان بحده : ابوك يالقرف ! دخلت الجوهره جوالها بالشنطه وقالت : يلا دحوم برا طلعو البنات وحده وحده ورا بعض تقريبا توسعت عيون الجوهره واحتدت ملامحها وتوجهت للمقعد الامامي وبدت تضرب النافذه عشان يفتح فتح النافذه وعقد حواجبه : خير ؟ الجوهره بحده : شتبي انت ! انقلع بيتكم ضحك فارس وقال : بجي معكم تخصرت الجوهره ولفت على نوف وقالت : انتي ! امسكي زوجك لا اهبده الحين !! توسعت عيون نوف وقالت : اما فارس هنا ضرب عبدالرحمن الدركسون بقوه وصرخ بصوت عالي : يا سبايك انتي وياها اركبو ! عم الصمت بين البنات وركبو بصمت اما فارس كتم ضحكته لانو واضح عبدالرحمن زفتت معه منهم بعد عدة دقائق وصلو المول ونزلو من السياره داخلين داخل المول تنهدت لين وقالت : ياعزتي للطيفه بس كان ودها تجي معنا ! ساره بحده : كله من عبود الحمار مسوي يخاف عليها ليان بحده : خلونا من ذا الحين ! اموت واعرف جدي ليه قرب الزواج ؟ بيموت مثلا ! توسعت عيون الجوهره وقالت : فال الله ولا فالك لفت العنود وعقدت حواجبها باستغراب لعدم وجود فارس وعبدالرحمن وقالت : وين فارس ودحوم ؟ الجوهره : اتوقع انهم راحو كوفي ينتظرونا اشرت العنود على المحل وقالت : شوفو هاذا الي ندوره ! توسعت عيون الجوهره وقالت : اااي والله ! دخلو البنات المحل وهم منبهرين من جمال الفساتين انرسمت الابتسامه على شفايفها وعيونها صارت زي كذا ~ 🥹 ~ وقالت : يييجنووون يا بنات ! العنود بحده : يلا عاد وقت الجد خلنا نختار لك بداو البنات يساعدون الجوهره باختيار فستان احلامها واستغرقو تقريبا نص ساعه طاحت عين الجوهره على فستان قماشه واقف وضيق من فوق لتحت مع اكمام فضفاضه وطرحه مرصعه باللؤلؤ وقالت : بس لقيته ! تحمست لين وقالت : وينه !! اشرت الجوهره بصعبعها على الفستان وكشّرت العنود وقالت : وع يالجوهره كانه فستان عادي ماهو منفوش ولا شي ! طلبت الجوهره من العامله انها توديه غرفة القياسات وقالت : والله حلو ! مو لازم شي نافش الطرحه تكفي ! تكتفت نوف وقالت : هو حلو يعني بس عيبه الوحيد انه مو نافش كانه فستان عادي ولا هو انيق الجوهره بحده : اهم شي انا عاجبني ! .... العنود تعالي معي داخل تركت العنود شنطتها ودخلت غرفة القياسات مع الجوهره وفكت العنود نقابها اما الجوهره فكت عبايتها مع نقابها وشيلتها وبدت تفصخ ملابسها والعنود تساعدها بلبس الفستان والطرحه ... بعد ماخلصو ابتسمت العنود وقالت : الله وش هالزين ! ماتنكر ان الدموع تجمعت بعيونها وبدت تطالع شكلها بالمرايه وكيف ان الايام مرت بسرعه والحين هي بتتزوج يعني مشاعر متلخبطه ماتدري وش تقول بالظبط ماقدرت تمسك نفسها وجلست على الكرسي وغطت وجهها بكفوف يدها وبدت تبكي فزت العنود تحضنها وتقول : ياروح روحي انتي ! ليه تبكين ؟؟ الجوهره ببكاء : مدري يالعنود مدري ابتسمت العنود وقالت : حاسه فيك يابعدي انتي ابتسمت الجوهره وبدت العنود تمسح دموعها وقالت : ها عجبك ؟ ابتسمت الجوهره برضى على شكلها بالفستان وقالت : ايه اخذت العنود نقابها وقالت : اجل انا بطلع انتظرك ابتسم الجوهره وفصخت الفستان وبدت تلبس ملابسها بعدها العبايه وشيلتها والنقاب وطلعت وبحضنها الفستان وقالت : خلاص باخذه يبنات ! راحت العنود خلف الجوهره يحاسبون على الفستان اما نوف طلعت جوالها تتصل على فارس وحطته باذنها فارس : امانه قولي خلصتو ! ضحكت العنود وقالت : ايوه خلصنا فارس : خلاص نتقابل عند نفس البوابه نوف : تمام سكرت نوف ولفت على ليان الي عيونها تطلع شرار وقالت : على كيفك انتي خلصنا ! نوف : بسم الله وشو ! ليان بحده : يا حماره باقي كعب وباقي مدري وشو ضربت نوف كتف ليان وقالت : انتي الحماره ! طلبتهم ذول من اول ! طلعو من المحل وتقابلو مع فارس وعبدالرحمن بنفس البوابه ومشو كلهم للسياره وتقريبا بنص الطريق قال عبدالرحمن : عمتي العنود تجين معنا ولا اوديك بيتك؟ شمقت العنود وتكتفت وقالت : مارح ارد عليك ! توسعت عيونه وقال : سلامات شسويت !؟ ضحكت الجوهره وقالت : يا احمق قلت عمتي ! تنهد عبدالرحمن وقال : العنود تجين معنا ولا اوديك بيتك ؟؟؟ ابتسمت العنود وقالت : لا بروح بيتنا نيوفي ينتظرني توسعت عيون نوف وهمست للين وقالت : على بالي بتقول للركوني توسعت عيون لين وحطت يدها على فمها تكتم الضحكه ونوف برضو نفس الشي عقدت حواجبها ساره وقالت : انتو مجانين ولا ايش ؟ ناظرو بعض لين ونوف وضحكو بصوت عالي شوي كشّرت ليان وقالت : يهب على ضحكتس يا نوف فقعتي اذني وصل عبدالرحمن الى بيت راكان وقال : وصلنا يالعنود ابتسمت العنود وقالت : يلا بااااي بنات ! فارس بحده : وحنا وشو من المغضوبي عليهم؟ ضحكت العنود وقالت : لا محشوم فروسي ابتسم فارس وقال : يلا استودعتك الله نزلت العنود وتوجهت للباب وطلعت المفتاح تفتح الباب ودخلت وسكرت الباب خلفها ودخلت من عند المطبخ وفصخت جزمتها وحست بجسم صغير عند رجولها ونزلت راسها وابتسمت وشالته لحضنها وقالت : هلا هلا نيوفي حبيبي !! بوّز نايف وقال : تاخرتي ! انا وبابا ننتظرك ! بلعت ريقها من قال اسم ~ بابا ~ وقالت : حتى بابا ينتظرني ؟ ابتسم نايف وقال : ايوه اخذت نفس ومشت للصاله ولفت انتباهه راكان جالس على احدى الكنبات ولابس تيشرت اسود مع شورت رمادي وبحضنه صحن فشار وابتسم من جت العنود بحضنها نايف وقال : تاخرتي ! انا ونايف ننتظرك نبي نشوف فلم مع بعض ! ابتسمت العنود ونزلت الشيله من شعرها وقالت : خلاص بروح ابدل وارجع لكم نزلت نايف من حضنها وصعدت للدور الثاني ودخلت غرفتها وقفلت الباب معها وفصخت عبايتها وفتحت الدولاب تطلع لها بجامه حرير لونها اسود طويلة الاكمام بعدها توجهت للحمام وحطت ربطها على شعرها عشان وهي تغسل الميكب مايجي على شعرها .. غسلت الميكب ونشفت وجهها وحطت تونر بعدها مرطب للوجه بعدها مرطب شفايف على شفايفها وبعدت الربطه من شعرها وفكته وبدت تمشطه ورفعته على فوق وطلعت من الحمام تلبس شرابات لونها ابيض بعدها سليبر واخذت جوالها ونزلت تحت لفو عليها راكان ونايف بباتسامه شاقه وجيهم جلست العنود بجانب نايف حيث يكون هو بالنص وعلى اليمين العنود واليسار راكان لفت العنود على راكان ولف عليها وتشابكت عيونهم مع بعض وصدت عنه على طول بدا الفلم تقريبا وبنص الفلم اخذ نايف يد العنود ويد راكان وشبكهم ببعض توسعت عيون العنود وحمّرت خدودها اما راكان كان كاتم ضحكته اشر نايف باصبعه الصغير وقال : خليكم زي هذول ! رفعت العنود راسها وشافت بالتلفزيون اب وام متشابكه يدهم على بعض نزلت انظارها ليدهم المشكبوكه مع بعض وماحست الا وهو يشد على يدها ____________________________ بيت نوال | تحديدا غرفة لين وليان سكرت لين اللابتوب بعد سوت مشروعها ومدت يدها تاخذ ربطه تربط شعرها اخذت جوالها من سمعت صوت اشعار من الواتساب ودخلت على المحادثه وكان محتوى الرساله - رقم مجهول ~ أهلاً لين ! في هديه مخصوصه لك انتي واذا حابه تستلمينها ارسلي لنا اللوكيشن ! سكرت لين عيونها تحاول تستوعب محتوى الرساله وفتحت عيونها وبدت تقرا الرساله اكثر من مره رسلت اللوكيشن وقفلت جوالها وبدت تفكر بالهديه ومن مين اصلا ؟ وماخطر ببالها ولا احد كانت متوتره وعلى اعصابها رّن جوالها وفزت ترد على الرقم وقالت : الو ؟ المندوب : السلام عليكم لين : وعليكم السلام ! المندوب : انا مندوب الهديه برا ! لين : تمام سكرت جوالها وطلعت من الغرفه تتاكد هل من وجود احد ثاني ونزلت من الدرج متوجهه للحوش لين وصلت لباب الشارع وفتحته .. تقدم المندوب وحط بالارض بوكس لونه اسود ساده بدون اي شي ابتسمت لين وقالت : الله يعطيك العافيه ! سكرت الباب واخذت البوكس وصعدت فوق على طول عشان محد يقفطها وصلت لغرفتهم وجلست على سريرها واخذت لها نفس عميق وفتحت البوكس وكان بداخله هودي لونه اسود وكانت ريحته تاخذ العقل اخذته تستنق الريحه وكانت الريحه مئلوفه بالنسبه لها والشكل برضو مو غريب عليها لفت انتباهه رساله بالبوكر اخذتها تقراها وكان محتواها - إن شاءالله تعجبس الهديه وحاب اقول ان لمن توصلك الهديه يكون انا وصلت الجنوب بأذن الا وبجلس هناك بالكثير اسبوع ونص واسبوع بدونك كانه سنه بدونك يا ليني ❤️! " خليه يحضنتس بدالي " من سلمان . شهقت وعلى طول سكرت فمها من طلعت ليان من الحمام عقدت حواجبها ليان وبعدت المنشفه من شعرها وقالت : وش ذا شفيك ؟ قالت لين بصوت مهزوز : هديه من سلمان توسعت عيون ليان وفزت الى سرير لين وسحبت الرساله من يدها وبدأت تقراها وشهقت وقالت : امانه ذي من سلمان ! اشرت لين بصبعها للهودي وقالت : وذا حقه غمزت ليان وقالت : اوووه لين بديت تحب بديت تغااار كشّرت لين وقالت : قومي قومي بس عني ! قامت ليان من سرير لين واما لين اخذت الهودي وعلقته بين ملابسها واخذت الرساله وحطتها بالبوكس وحطتهم برضو بالدولاب ______________________________ اليوم الثاني | تحديدا بالمدرسه بعد الحصه الرايعه - لفت لطيفه على لين الي كانت غارقه في بحر هواجيسها وقالت : لين غريبه لابسه هودي ؟ لفت لين وقالت بعدم استيعاب : هاه ؟ ابتسمت لطيفه وقالت : اقول لك غريبه لابسه هودي اليوم ابتسمت لين وقالت : لا يعني تعرفين اول ايام الدو.. قاطعتها ليان وقالت : ليه الكذب حياتي قولي الهودي حق حبيب القلب سوسو ! توسعت عيون لين وماعرفت وش تسوي ساعتها اما لطيفه شهقت وقالت : امانه ! حق سلمان اخوي ضحكت ليان وقالت : ايه !!! شفتي الحبايب ! غطت ابن وجهها وقالت خلاص ! غمزت نوف وقالت : من ورانا اجل تجمعو حولها البنات وبداو يستفزونها ____________________________ نكمل بعدين حبايبي ❤️ طبعا اكيد مالي وجهه اتكلم بس امس يوم جيت انزل فصل علي الواتباد ومدري شفيه مانزل !
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
