جيتيني مثل الشروق الي محى عتم الليالي

Part 36

—
_________________________________
قاعة الحريم |
جا وقت العشاء وتعشو المعازيم واخيرا راحو وبداو يربتون اغراضهم عشان يرجعون البيت بعد يوم حلو وطويل
جلست الجوهره وقالت : بس بس تعبت !
لطيفه بتعب : مقدر خلاص
ساره بحده : لطيفه يا حماره من قال لك اشتغلي معنا ؟
لطيفه بتعب : عادي عادي
دق باب القاعه وقامت الجوهره تشوف مين بس كان معطيها ظهره
لف هتان على الجوهره لكن انصدم من كشخة الجوهره وكيف انها كانت جميله جدا !
تنهدت الجوهره وقالت : شفيك هتان ؟
تنحنح هتان وقال : خلي ساره تجي بكلمها
هزت راسها الجوهره وراحت تنادي ساره
لفت ساره وقالت : مين عند الباب ؟
الجوهره : هتان يبيك
قامت ساره وتوجهت بالبوابه وقالت : نعم ؟
ابتسم هتان وقال : شذااا الزززين
ابتسمت ساره وجلست تدور عشان يشوفها هتان
ضحك هتان وقال : يلا بنمشي ترا بتجون معي
ساره : تمام
دخلت ساره وقالت للبنات يتجهزون ولبسو عبايتهم وخذو اغراضهم وطلعو من القاعه كلهم وتوجهو للبيت
_____________________________
بالسياره عند لطيفه وعبدالله
عبدالله بحده : وانتي لازم تتعبين نفسك ؟
لطيفه : احلف عاد ؟ تراني مو متعمده على فكره
تنهد عبدالله وقال : الله يهديتس بس
توسعت عيون لطيفه ولفت على عبدالله وقالت : مو منجدك بس عشان اشتغلت شوي ؟
عبدالله : والمفروض وشو ؟
سكتت لطيفه وقال عبدالله : جاوبي ؟
شمقت لطيفه وقالت : ماشتغل!
ضحك عبدالله وقال : كذا زين
______________
وصلو بيت الجد اخيرا وكلهم راحو غرفهم وكلهم تعبانين راحت ساره دورهم وفصخت فستانها وخذت لها شاور ولبست بجامه وتوجهت للتسريحه ومشطت شعرها وجلست على السرير وناظرت سرير نوف وتنهدت وخذت جوالها اشوف الصور وشافت صورها هي ونوف وتجمعت الدموع بعيونها صدق انهم دايم يتهاوشون واحيانا ضد بعض بس رغم كل شي هم خوات ويحبون بعض
نزلت دموع ساره وبدت تبكي وتشاهق بصوت عالي
مرّ هتان من غرفتها وسمع صوت الشهقات الي عورت قلبه وفتح الباب وتوجهه لساره وحضنها وقال : سويّر عادي عادي بجي اليوم وانتي تتزوجين بعد مارح تقعدين لحالك
ساره ببكاء : ابـ..ـبي نـ..ـوف
ضحك هتان وقال : نوف عند فارس بتجي بكره يا بنت شدعوه !
زاد بكاء ساره وقالت : لا مابـ..ـي ابيـ..ـها !
ابتسم هتان وقال : قومي مسحي دموعك انتي ونامي عند الجوهره شرايك !
قامت ساره للحمام وغسلت وجهها بعد البكاء وطلعت من الغرفه وخذت شال وحطته عليها وخذت جوالها وطلعت من الشقه وتوجهت للدور الي تحت دورهم وتوها بتحط يدها على المقبض الا انفتح الباب وطلع بوجهها عبدالرحمن توسعت عيونه من شاف عيون ساره حمراء وخشمها احمر وعيونها مدمعه
رجع على ورا وقال : ادخلي
ابتسمت ساره ودخلت داخل وتوجهت للغرفة الجوهره وفتحت الباب وشافت الجوهره على تسريحتها تمشط شعرها
لفت ظهرها الجوهره تشوف مين الي دخل
ابتسمت الجوهره وقالت : سويّررر
ابتسمت ساره وجلست على سرير الجوهره ونزلت راسها وبدت تبكي مره ثانيه
توسعت عيون الجوهره وقامت من التسريحه وراحت للسرير وجلست بجانب ساره وقالت : ساره تبكين !!
ساره ببكاء : ابـ...
ماقدرت ساره تكمل وبدت تبكي زياده
الجوهره بحده : وشو قولي شفيك !!
ساره ببكاء : ااا...ـبي نوووف
تنهدت الجوهره وحضنت ساره وقالت : نوف الحين تزوجت وبتعيش حياتها من جد وجديد وماردك بتتزوجين مارح تجلسين عانس !
اقتنعت ساره بكلام الجوهره ومسحت دموعها وابتسمت
ابتسمت الجوهره وقالت : ايوه ابتسمي لو درت نوف انك بكيتي بتزل اكيد !
انسدحت الجوهره على السرير وخلت مكان لساره وقالت : تعالي يلا
ابتسمت ساره وانسدحت بجانب الجوهره ونامو ..
______________________________
اليوم الثاني بالفندق |
فتحت نوف عيونها ولفت راسها يمين وشافت فارس كان نايم بجانبها وبدت تناظر فيه وتفكر كيف صار زوجها وكيف هو حبّها وكيف صار كل ذا
فتح فارس عيونه وقال : خلصتي تأمل ؟
صرخت نوف وقالت : وجع يا فارس !
ضحك فارس وقال : اقول قومي لا نتأخر على الغداء مثل عبدالله ولطيفه
ابتسمت نوف وقامت للحمام وسوت روتينها المعتاد وفصخت ملابسها الي كانت لابستهم ولبست روب الفندق وطلعت من الحمام وتوجهت للشنطه تطلع فستانها الاصفر كان طويل وفيه فتحه وعلقته على الدولاب وجلست بالارض قدام المرايا وطلعت شنطة المكيب والسراميك والفير وبدت تسوي شعرها اما فارس طلع من الحمام والمنشفه على خصره وشعرها مبلول
لفت نوف ظهرها وشافت فارس وهو طالع من الحمام توسعت عيونها ونزلت راسها بالارض
ضحك فارس وقال : شفيك ؟
ابتسمت نوف وقالت : مافيني شي ؟
كملت نوف تظبط شعرها اما فارس ينشف شعره
حطت نوف يدها على بطنها وقالت : بطني يعورني
توسعت عيون فارس وقال : تونا بادين امس !
انصدمت نوف من كلامه وقالت : خييير ! بطني يعورني جوعانه يالوصخ !
ضحك فارس وقال : وصخ مره وحده !
نوف بحده : ايه !
لبس فارس ثوبه وتوجهه للمرايا يسكر الازرار ولف على الدولاب ولفت انتباهه فستان نوف الي معلقته عقد حواجبه وقال : بتلبسين ذا ؟
لفت نوف وهي تدمج الفونديشن بالبيوتي بلندر وقالت : ايه بلبسه !
ابتسم فارس وقال : اذا خليتك عاد !
شمقت نوف وقالت : اتحداك طيب ؟
تقدم فارس لها وجلس على ركبته وقرب منها وقال : تتحدين ؟
ابتسمت نوف ابتسامة الوهقه وقالت : انتظر شوي واخلص
ضحك فارس وقام يلبس شماغه وقال : خوافه !
رفعت نوف حاجبها وقالت : على كيفك انت
فارس : ايه
خلصت نوف مكياج وخذت فستانها وتوجهت للحمام تلبس
فارس : شفيك عادي البسي هنا !
توسعت عيون نوف وقالت : فاااارس !!
ضحك فارس وقال : هالمره بعديها يلا
شمقت نوف وسكرت الباب ولبست فستانها وتوجهت المرايا وفكت الفافات الي بشعرها وعدلته بيدها وطلعت من الحمام وتوجهت على طول تاخذ عطرها وكعبها وتوجهت للسرير عشان تلبس كعبها وتتعطر لكن تجاهلت انظار فارس الي كان للحين مو مستوعب ان نوف بتكون معه كل باقي عمره ابتسم فارس وتقدم لها وحنى ظهره وطبع بوسه سريعه على شفتها
توسعت عيون نوف وقالت : شفيك انت ؟
ابتسم فارس وقال : يلا البسي عبايتك
نوف بخبث : خلني اطلع كذا بدون عباية
رفع فارس حاجبه وقال : والله لا ادفنك محلك
ضحكت نوف وقالت : الله الله شدعوه عليك !
قامت نوف تلبس عباتها وخذت شنطتها وشبكت يدها بيد فارس وطلعو من الفندق
__________________________________
بيت الجد عبدالله تحديدا الدور الارضي |
الجده ساره بحده : يا ساره قلت لك حطي الدلال هنا !
تنهدت ساره وقالت : يا جده كثيررر مايكفي
الجده ساره : الا الا يكفي
ساره بحده : والله مايكفي !
تنهدت الجده ساره وجلست على الكنب وجلست تتالم من الآم رجولها
تنهدت ساره وجاها تأنيب ضمير وجلست بجانب جدتها وقالت : يا جده والله مو قصدي اصرخ عليك تكفين سامحيني
ابتسمت الجده ساره وقالت : لا يابنتي انا مازعلت بس رجولي تعورني
نزلت ساره وجلست قدام جدتها بالارض وبدت تمسجهم لها وقالت : خليني امسجها لك
ابتسمت الجده ساره وقالت : يارب اشوفك عرّوس
ابتسمت ساره وقالت : امين
دخلت الجوهره وهي تدندن وبيدها البخور تبخر شعرها
الجده ساره بحده : الناس يستغفرون ويسبحون وانتي تغنين
ابتسمت الجوهره وقالت : استغفرالله
الجده ساره : خلاص قومي يا ساره كملي شغلك
ابتسمت ساره وقامت من الارض وخذت البخور من الجوهره وقالت : شعرك حلو واحس حسد وغيره
ابتسمت الجوهره وقالت : ايييو غيوره
ساره بقرف : يع دزي بس !
قاطع هواشهم صوت لطيفه تقول : شفيكم انتو تتهاوشون ؟
ابتسمو البنت وهجمو على الجوهره يحضنونها
لطيفه : شوي شوي كتمتوووني !
بعدو البنات عن لطيفه ومسكت الجوهره بطن لطيفه وقالت : كان بطنك كبر ؟
ناظرت لطيفه بطنها وقالت : صدق ؟
الجوهره : صدقين بعد كبرررر
لطيفه بحزن : يالله جسمي بيروح !
ساره : تكفى عاد الله والجسم !
دفت لطيفه ساره من قدامها وقالت : انقعلي بس بفصخ عبايتي
فصخت لطيفه عبايتها وطلعت جوالها من شنطتها وقالت : ريحة بخور ابي !
الجوهره : تعالي خذي
خذت لطيفه البخور وبدت تتبخر
لكن قاطعهم صوت نوف بصراخ تقول : بنااااتتتتتتتتتت !!!
توسعت عيون ساره ولفت وشافت نوف تركض باتجاهم وفزت تحضنها ونزلت دموعها وقالت : نووووف وحشتيني
بادلتها نوف الحضن وحست بدموع ساره على خدها وقالت : سويّر تبكين !
بعدت ساره من نوف وبدت تمسح دموعها وقالت : شسوي يعني !
جو لين وليان اخيرا وسلمو وجلسو مع البنات
ليان بحده : نوف صار شي مني مناك ؟
توسعت عيون نوف وحمرّت خدودها وقالت بهمس : ايه
شهقت لطيفه وقالت : احلفي !!!
تذكرت نوف لما غدرو فيها لطيفه وساره وقالت بحده : اااي صح سوووويتوووها وحطيتو الملابس انتي وساره !
ابتسمت لطيفه وقالت : وش لبستي تكفين اي واحد ؟
نوف : الي لونه ابيض
ابتسمت ساره وقالت : نتنتظر البيبي بالطريق
نوف بحده : لا ياحبيبتي شايفتني لطيفه ؟ لين اتخرج من المدرسه ويصير خير !
شهقت الجوهره وقالت : ياويلي بتحرمين اخوي !
ضحكت لين وقالت : انتي شايله هم اخوك اكثر من همك
عقدت نوف حواجبها وقالت : ايوه بحرمه حبيبتي امس خليته يفلها عن خاطره
انصدمو البنات من جرأة نوف وكتمو ضحكتهم
لفت لين على نوف وقالت : كانك فليتيها نوف ؟
نوف بدت تعض اظافرها وقالت : تحسين ؟
ابتسمت لين وقالت : ايوه مره !
الجده ساره : ليان تعالي خذي البزر وعطيه حلويات من المخزن
قامت ليان وهمست : ليش انا بذات !
توجهت ليان للبزر وانحنت له وقالت : وش اسمك ؟
حط حمد يده على وجهه وقال : حمد !
ابتسمت ليان وقالت : تستحي ؟
هز راسه حمد وقال : ايه
ليان : طيب كم عمره
حط حمد اصابعه الخمس بوجهه ليان وقالت : خمسه !
حمد بدا يلعب بشعر ليان وقال : انتي وش اسمك ؟
ليان : اسمي ليان !
حمد حط يده على خد ليان وقال : انتي كم عمرك ؟
ابتسمت ليان ومسكت يده وقالت : عمري 18
شهق حمد وقال : كبيره !
ضحكت ليان وقالت : ايوه كبيره !
رفعت ليان ظهرها وشالت حمد معها وتوجهو للمطبخ وفتحت المخزن وقالت : يلا وش تبي ؟
اشّر حمد على البطاطس وقالت ليان : بطاطس ؟
حمد صفق وقال : ايه ايه
________________
عند الرجال |
سعد بدا يصب قهوه لفارس وقال : ول ماتصب شكلها خلصت
عقد فارس حاجبه وقال : وش حادك روح المطبخ خل يسوون وحده ثانيه
سعد : انا اروح ؟
فارس : ايوه انت
تقدم عبدالرحمن وقال : عطني انا ادخلها
ابتسم سعد وقال : خلاص انا بوديها
عبدالرحمن بحده : ياولد جيبها
حط سعد الدله ورا ظهره وقال : خلاص يا انا برجعها شفيك !
تنهد عبدالرحمن وقال : يلا انقلع
طلع سعد من المجلس وتوجهه لباب المطبخ الخلفي ودخل لكن سمع صوت طفل لكن مايعرف من وين
ليان : شنو تبي بعد تشوكلت ؟
حمد : ايه ايه
مدت ليان يدها تاخذ الشكولاته اما حمد لف راسه وشاف سعد وقال حق ليان : نزليني نزليني بسرعه !!!
استغربت ليان وقالت : طيب طيب
نزلته ليان من حضنها وقالت : شفيك ؟
اشّر حمد على سعد وقال : شوفي سعد سعد !
فز حمد ركض حق سعد وحضنه وقال : سسسععععد
حس سعد بشي يحضن رجوله ونزل راسه وقال : حمد !
اخذ سعد حمد لحضنه وقال : وحشتني حمودي !
ابتسم حمد واشّر على ليان الي متجمده وقال : شوف صديقتي الجديده !
ابتسم سعد ورفع راسه وشاف ليان قدامه ولف على حمد وقال : هاذي !
ابتسم حمد وقال : نزلني نزلني !
نزل سعد حمد وفز حمد ركض لليان وقال لها : شيليني شيلني !
اخذت ليان حمد لحضنها وقالت بتوتر : حمد شرايك ندخل داخل ؟
ابتسم سعد من شاف ليان وحمد وحنيت ليان على حمد
حمد بحزن : ليه خلينا نجلس مع سعد ؟
توسعت عيون ليان وقالت : لااا مايصير انا اتغطى من سعد وهو شافني بالغلط !
شهق حمد وقال : تتغطين منه !
همست ليان وقالت : ايوه !
لف حمد على سعد وقال بحده : سعد لف ظهرك عيب !!!
ضحك سعد وقال : ابشر
لف سعد ظهره وقال : خليهم يسوون قهوه بالدله !
ليان : تمام
طلعت ليان وبحضنها حمد وقالت : اسمع حمد
حمد : وشو ؟
ليان بهمس : الي صار قبل شوي سر بينا طيب !
سوا حمد بيده كذا 👍🏽 وقال : اوكيه
________________________________
نكمل بعدين حبايبي ❤️
بارت اليوم 1671 كلمه 😵‍💫😵‍💫

تعالو انستا ‼️