— __________________________ تنهدت الجوهره ونزلت راسها وحزنت مره على حال العنود زاد بكاء العنود والبنات حولها وقاطعوهم دخول نوف الي كان واضح البكاء على وجهها توجهت ركض للعنود تحضنها باقوى ماعندها وتهديها لكن دخلت الجده ساره وقالت بصوت مهزوز : العنود قومي المركز يبونك توسعت عيون العنود وقالت : انا شسويت عشان ياخذوني !! نزلت راسها الجده ساره وطلعت من الغرفه بدون اي كلمه تصدر منها قامت العنود من السرير واخذت عبايتها تلبسها ولفت شيلتها ولبست نقابها وطلعت من الغرفه وقفلت الباب بقوه وصادفت بطريقها لطيفه وقالت لها : لطيفه بيودوني المركز يا لطيفه ! نزلت دموع لطيفه وقالت : مابيصير الا كل خير يالعنود صدقيني هزت راسها العنود وطلعت برا وكان المنظر مرعب بيتهم محاصر بالشرطة مع اسعاف جا صالح للعنود وقال : اسمعيني العنود الحين بنروح وبيحققون معك شويات هزت راسها العنود ومشت خلف صالح وتوجهو للسياره وكان قدامهم شرطه وخلفهم شرطه بعد عدة دقايق وصلو المركز ونزل صالح من السياره وخلفه العنود تبكي بصمت وتلعب باظافرها دخلو المركز وجلس صالح على الكرسي ومقابله غرفه وقال للعنود : ادخلي توسعت عيون العنود وقالت : لحالي ! تنهد صالح وقال : ايوه ادخلي زفرت العنود وزاد توترها وحطت يدها على مقبض الباب وفتحته وهي منزله راسها على الارض اما راكان نزل الاوراق الي بيده ورفع راسه وقال : تفضلي اجلسي جلست العنود وهي منزله عيونها على اظافرها تلعب فيهم ناظر الاوراق الي على الطاوله قدامها وقال : العنود عبدالله ؟ تنهدت العنود وقالت : ايه رفع راكان حاجبه وقال : تعرفين انتي وش مسويه ؟ عقدت العنود حواجبها وقالت : دافعت عن نفسي ابتسم راكان وقال : تدرين ان ولد عمك هاذا الي فقعتي راسه دخل بغيبوبه ؟ نزلت دموع العنود وقالت : بس هو حاول يعتدي علي ! تنهد راكان وقال : بس مافي دليل لو تجيبين دليل كل شي بيكون واضح ومشعل بينحكم عليه صدقيني توسعت عيون العنود وقالت : بـ...ـس تنهد راكان واخذ الاوراق الي على الطاوله وحطها بملف وقام من الكرسي وتوسعت عيون العنود من وقف وبان طوله المبالغ فيه فتح الدولاب وحط الملف وقال : تراني مصدقك بس هاذا القانون ! تنهدت العنود وقامت من الكرسي وتوجهت للباب وطلعت من الغرفه وجلست بجانب صالح ولف عليها وقال : شصار ؟ نزلت دموع العنود وقالت : يقول لازم دليل ! تنهد صالح وقال : قومي قومي مشى صالح وخلفه العنود وتوجهو للسياره وصلو البيت ونزلت العنود ومشت لغرفتها بدون تكلم احد ودخلت الغرفه وكانو البنات للحين موجودين بغرفتها قطت العنود نقابها وجلست على السرير تبكي وتجمعو حولها البنات يهدونها لطيفه : شفيك العنود شصار !!! زاد بكائها وقالت : يبغون دليل يا لطيفه ! غطت وجهها نوف وقالت : ياربي بعد تعالت شهقات ريتال وقالت : والله ولا واحد بالميه توقعت يسويها مشعل ! فزت لين تحضن ريتال وتهديها توسعت عيون ساره وقالت : بنات بنات الكميرات الي بيت جيرانا الي ورا تصور حوشنا الخلفي ! توسعت عيون الجوهره من تذكرت البيت وقالت : صح صح ! قامت ساره وحطت جلال على راسها وطلعت ركض للمجلس وجلست جنب جدها وقالت : جدي تكفى تكفى ! عقد حواجبه الجد عبدالله وقال : علامك انتي ! نزلت دموع ساره وقالت : كميرات البيت الي ورانا تصور الحوش الخلفي حقنا ! توسعت عيون هتان وعبدالرحمن وناظرو بعض وفزو ركض طالعين من المجلس الى بيت الجيران ودق هتان الباب وفتح له ابو صقر وفزو يبوسون راسه وقال هتان : يا عم نبي نشوف كميرات بيتكم الخلفيه العصر عقد ابو صقر حواجبه وقال : عسى ماشر ؟ حك عبدالرحمن دقنه وقال : والله صارت مشكله بالحوش الخلفي ابتسم ابو صقر وطلع جواله من جيبه ودخل على تطبيق الكميرات ومد الجوال وقال : شنو هاذا تسجيل اليوم كله اخذ عبدالرحمن الجوال وقرب منه هتان يناظر معه وبدو يعيدون التسجيل لين جت لقطه ومشعل يسحب العنود للحوش الخلفي وتوسعت عيونهم من بدا يلمس اطراف شعرها لين وصل لخصرها وسجل عبدالرحمن الفديو ودخل الواتساب وكتب رقمه وارسل المقطع له وفز ركض مع هتان للبيت ودخلو المجلس وقال هتان بصوت عالي : لقينا الدليللل !! فز الجد عبدالله يمسك عصاته يبي يقوم لعبدالرحمن لكن عبدالرحمن بنفسه جاه وجلس على ركبته قدام الجد عبدالله ومد له الفديو توسعت عيون الجد عبدالله من شاف الفديو ومد يده مطلق ياخذ الجوال ونزلت دمعته من شاف ولده بغى يعتدي على بنت عمه قام عبدالرحمن على رجوله واخذ الجوال ودخل داخل ونادا باعلى صوت : عمتي العنوددد! توسعت عيون البنات كلهم ومسحت العنود دموعها وطلعت من الغرفه وشافت بوجهها عبدالرحمن وقال بصوت مهزوز : شفيك ؟ مد الجوال لها وقال :الدليل شوفي ! ابتسمت العنود واخذت الجوال منه وبدت تناظر الفيديو وعيونها تدمع اخذ عبدالرحمن الجوال منها وقال : البسي عبايتك يلا بنروح المركز دخلت العنود الغرفه وقالت : لقينا دليل !فرحو البنات معها كلهم واخذت العنود عبايتها وطلعت ركض مع عبدالرحمن وهتان وركبو السياره وحركو سريع للمركز نزل هتان وخلفه عبدالرحمن يركض والعنود الي البكاء معمي عيونها وكانت اخر وحده اخذ العنود الجوال من عبدالرحمن اول مادخلو دقت الباب مرتين وهي على اعصابها زفر راكان الدخان من فمه وقال : تفضل ! دخلت العنود وتوجهت لطاولته وحطت الجوال وقالت : شغل الفديو بسرعه ! عقد حواجبه راكان واخذ الجوال وشغل المقطع لكن الملامح الوجه مغبشه اما الباقي كل شي باين توسعت عيونه وبدا يعيد المقطع مره ومرتين وثلاثه لين تاكد جد وسكر الجوال وحطه على الطاوله وتوجهه للباب وطلع من الغرفه وهو معصب ومو شايف احد قدامه توجهه للعساكر وقال لهم : عطوني ملف مشعل بن مطلق قام احد العساكر وطلع الملف ومده لراكان اخذ راكان الملف وبدا يقلب بالاوراق ورفع راسه وقال : شفتو المخنز ذا ؟! متهم بجريمة التحرش وهو الحين بالمستشفى منفلق راسه ! ابيكم تحطونه تحت المراقبه واذا صحى بحدد مدة السجن سامعين ؟ هزو راسهم كلهم واخذ راكان الملف معه وتوجهه لمكتبه وكانت العنود للحين موجوده داخل جالسه على الكرسي تبكي تقطع قلب راكان عليها وقال : لا تبكين عندي لك بشاره ! رفعت العنود راسها وبدت تمسح عيونها وقالت : تكفى بشرني فز قلب راكان من قالت " تكفى " ابتسم راكان وقال : هو الحين منوم بالمستشفى واول مايصحى بنحكم عليه سجن واقل اقل مده 7 سنوات بالقليل وخبري اهلك واهله الله يعينهم ابتسمت العنود وبدت تمسح دموعها وقالت : شكرا ماتقصر ! طلعت من الغرفه وقابلت عبدالرحمن وهتان وقالت لهم كل شي من الالف الين الياء وابتسم عبدالرحمن وقال بدخل عنده باخذ رقم امه عشان جدتي تعزمهم الولد مايقصر توجهه عبدالرحمن الى مكتب راكان ودق الباب ودخل وقال : السلام عليكم رد راكان السلام وقال : حياك ابتسم عبدالرحمن وقال : لا والله انت ماقصرت معنا والي اخذ رقم امك عشان تكلمها جدتي وتشكرها ابتسم راكان وقال : ابشر به طلع جواله ومده لعبدالرحمن وسجل الرقم وقال : يلا توصي شي ؟ راكان : لا حبيبي سلامتك ابتسم عبدالرحمن وطلع من المكتب وتوجهو للسياره وحركو وبعد تقريبا ربع ساعه وصلو البيت ودخلت العنود داخل وكان كل الي بالصاله على اعصابه ويبكون فكت العنود نقابها وقالت : خلاص ابشركم عطيناهم دليل والمخنز ذا بيسجنونه اول مايطلع من المستشفى تلاشى حزنهم وحمدو ربهم انه بيتعاقب على فعلته ببنتهم تقدمت ساره تحضن العنود وقالت : يلا مابغييينا بادلتها العنود الحضن وعقدت حواجبها وقالت : وين خالتي فاطمه وريتال تنهدت الجده ساره وقالت : ابوك طرد عمك وزوجته وريتال توسعت عيون العنود لكن ماردت باي كلمه تطمنو وارتاح قلبهم وراحو يرتاحون كل واحد بشقته اما البنات كلهم راحو غرفة العنود ودقوها سوالف مع العنود الي كانت تهوجس ومو معهم ابدا ابدا رن جوال نوف وخذت جوالها وحطت باذنها وقالت : الو ؟ حك فارس جبهته وقال : يلا ؟ تنهدت نوف وقالت : اي يوم احنا ؟ عقد فارس حواجبه وقال : الاثنين ليش ابتسم وقالت : بغيب بكره والاربعاء والخميس توسعت عيون فارس وقال : اخو الجوهره ! نوف بحده : اقول حبي لا تنافخ كلنا بنغيب بوّز فارس وقال : يعني هاه اطول هنا ؟ رفعت نوف حاجبها وقالت : شدخلك فيني انت ؟ انا بنام هنا ! سكر فارس عيونه وقال : لحول لله يا نوف نوف بحده : خير خير ! كلها ثلاث ايام ترا مو سنوات زفر فارس وقال : طيب طيب سكرت جوالها وبدت تكمل سوالف نروح للجوهره الي لاحظت سكوت العنود وقالت بصوت عالي : شكلها تفكر باللواء يا بناااات امسكوها ! توسعت عيون العنود وقالت : عيييب يا حماره عيييب !!! غمزت الجوهره وقالت : علينا علينا حبي قولي طحتي بغرام اللواء ! اكتفت العنود بالسكوت والنظرات الحاده ابتسمت ساره وقالت : بكره اكشخي عند امه ! توسعت عيون العنود وقالت : يمه بكره اهله بيجون غمزت لطيفه وقالت : شفيك خايفه طيب تنرفزت العنود وقالت بحده : اقول قومو طلعو برا نامو خلصوني فتحت الجوهره عيونها وبدت تطالع العنود بنظرات بريئه وقالت : نبي ننام عندك كشرت العنود وقالت : انا اقول لك دزي برا خلصيني !!! طلعو البنات برا غرفة العنود وراحو الدور الرابع الي فيه غرفتهم الي كلهم ينامون فيها ______________________________ اليوم ثاني | بعد المغرب البيت كان كله حوسه تجهيزات وغيره يعني رن الجرس وفزت ساره تفتح الباب لام راكان وكان معها طفل صغير ابتسمت ساره وبانت غمازاتها من شافت الطفل هاذا طبعت بوسه على راس ام راكان وقالت : حياك سمي ابتسم ام راكان ودخلت وجو كلهم وعرفتهم الجده ساره لام راكان ابتسمت الجده ساره وقالت : الا الحليوه ذا مين ؟ ابتسمت ام راكان وناظرت بالطفل وقالت : هاذا حفيدي عقدت الجده ساره حواجبها وقالت : وين امه اجل ؟ تلاشت ابتسامة ام راكان وقالت : والله تبين الصدق امه بنت حرام طلعت وحده ماتخاف ربها وتطلع مع شباب وكشفها راكان وطلقها حزنت الجده ساره عليهم وقالت : والوليد ذا ؟ تنهدت ام راكان وقالت : طول وقته يمكن عندي ولا مع مساعدته ابتسمت الجده ساره وقالت : العنود تعالي خذيه ! ابتسمت العنود وقامت متوجهه للطفل ونزلت بنفس مستواه وقالت : اهلييين حبيبي ايش اسمك ؟ ابتسم وقال : نايف ! اندهشت العنود وقالت : الله اسمك حلووو !!! عقد حواجبه وبدا يلعب باطراف شعرها وقال : انتي اسمك العنود صح ؟ ابتسمت العنود لين وضحت غمازتها وقالت : ايوه بوّز نايف وقال : ابي اطلع برا ! اشرت على عيونها وقالت : من عيوني ! رجعت ظهرها على ورا وشالته وحاوطت رجوله الصغيره خصرها ومسكت ظهره تسنده عليها توجهت للحوش وبدت تدور وبحضنها نايف وتسولف معه وتعطي لين قالت : وشو اسم بابا ؟ حط صبعه على خده وبدا يفكر وقال : اممم راكان ! توسعت عيون العنود وقالت : راكان ! عقد نايف حواجبه وقال : ايوه راكان ! تلاشت ابتسامتها وقالت : اهاااا بدا نايف يضحك بدون سبب عقدت العنود حواجبها وقالت : شفيك ؟ اشر نايف قدام وقال : شوفي بابا ! لفت العنود وتوسعت عيونها من جت عينها بعين راكان الي كان واقف قدامها ومتجمد بمكانه نزلت نايف من حضنها ولفت ظهرها وشافت باب المخزن بوجهها وحطت رجلها وركضت داخل واما راكان صد على طول جالس يفتح ويغمض عيونه يبي يعرف هاذا حلم ولا شسالفه لكن حس بشي صغير يحاوط رجوله نزل راسه وشاف نايف يقول : بابااا العنود خاف منك! اما راكان للحين مصدوم من الي شافه ولا رد على نايف ركض نايف بخطواته الصغيره للمخزن وبدا يضرب الباب ويقول : عنودي تعالي ! بابا مو وحش ليه خفتي منه ! عنووودي ! تكتف نايف وبوّز وجلس على الارض وقال : اوف يا عنودي ! حس راكان على نفسه وتقدم لنايف وشاله وقال : معليه هي خايفه مني لانها اول مره تشوفني ! مارد عليه نايف دليل على زعله ابتسم راكان يتذكر شكلها هي وشعرها الي كان ويفي من الاطراف ولابسه فستان اسود ضيق على الجسم وتحديدا الخصر مع اكسسوارت تحلي الشكل وروج احمر طير عقل راكان __________________________ نكمل بعدين حبايبي مالي خلق اناقشكم عن هوشة الجوهره ونوف لان ندمتوني اكتب هالبارت !!!!!!!!!!!!!!!!!!!!!!!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
