جيتيني مثل الشروق الي محى عتم الليالي

Part 30

—
________________________
فارس : عبدالرحمن قم انت وهتان صبو قهوه !
عقد حواجبه هتان وقال : احلف عاد ؟ قم انت
فارس بحده : اصغر عيالك انا !
هتان : اقول بيني وبينك كم سنه لا تقعد تهايط
عبدالله : هتان اذا قمت تصب بسمي ولدي على اسمك
توسعت عيون هتان وقال : احلف !
ضحك عبدالله وقال : والله بس قم
قام هتان وتوجهه للدلال عشان يصب قهوه
ناصر بهمس : هاذا ولد جده هتان ؟
ضحك احمد وقال : وذاك اخوه الي عند فارس
ناصر : يلا خذ لك ذول تزوجو وحنا ولا وحده تطل بوجهنا
تنهد احمد وقال : عن نفسي انا مابي
بالزاويه الثانيه بالمجلس عند فارس وتركي
فارس : وين الغيبه ماعاد تجي بالرياض !
ابتسم تركي : والله ماعاد اطلع من البيت بس جالس اذاكر بالع الكتاب بلع
فارس : يالله الله يوفقك ان شاءالله
ابتسم تركي وقام متوجهه للحمام ( الله يكرمكم )
_____________________________
عند البنات برا
ساره : ابي اصور عند المرايا هناك
الجوهره : لا يحماره هناك حق الرجال والله يجيك واحد
قامت ساره وقالت : يا شيخه عادي
توجهت ساره للمرايه وبدت تاخذ وضعيات عشان تصور
اما تركي توجهه للحمام بس قبل يدخل لمح انعكاس بنت بالمرايه تصور وقف مكانه وبدا يتاملها من فوق لتحت كان هيمان فيها بحكم اول مره يشوف وحده بالغلط ماقدر يصد عنها لكن قاطعه صوت عبدالرحمن يقول : تركي علامك !
لف تركي وقال : هاه ؟ شفيك !
عبدالرحمن رفع راسه وشاف ساره قدامه وقال : ياولد ماتستحي انت تطالع بالبنت !
خذ عبدالرحمن شماغه وتوجهه للساره لفت ساره وعقدت حواجبها وقالت : شفيك !
مد عبدالرحمن شماغه وقال : حطيه على راسك واطلعي بسرعه
توترت ساره وخذت الشماغ وحطته فوق راسها وطلعت بسرعه اما عبدالرحمن توجهه لتركي ومسك معصمه وبدا يشد وقرب من اذنه وقال : وقسم بالله يا تركي ان شفتك تناظر محارمنا وحركات تتامل نفس قبل شوي والله ماخليك عايش على الدنيا وذي المره بعديها سامع !
توتر تركي وسحب يده وتوجهه للمجلس اما عبدالرحمن بيوم وليله حس انه تغير عشان موقف بسيط
اما عند ساره راحت ركض للبنات وشافتها الجوهره وقالت : شوفو عليها شماغ اكيد احد شافها
ساره : مدري من شافني عبدالرحمن عطاني شماغه وقال روحي داخل
تلثمت ساره بالشماغ وسوت حبتين وقالت : انفداش عطيني سنابش
ضحكت الجوهره وخذت جوالها وصورت ساره وهي مسويه حبتين وكتبت : اموت بالداشرين انا
فصخت ساره الشماغ وحطته جنبها
عبدالرحمن بصوت عالي : سااااره جيبي شماغي
فزت ساره لعبدالرحمن واعطته شماغه وقالت : شكرا
لف عبدالرحمن ظهره ومشى وطنشها
ماتنكر ساره ان اوجعها الشعور ذا بس عشان تخفف لنفسها قالت عادي رجعت للبنات وجلست معهم طبيعي
___
نرجع الصاله عند حريم الديره
مها : قومي بشاير نروح معها
قامو بشاير ومها برا
وعد : قومي نروح برا اريج !
اريج خذت جوالها وقالت : يلا تعالي
طلعو برا وجلسو مع البنات وسوالف تروح وسوالف تجي وارتاحو البنات لوعد واريج اما بشاير ومها كانو يدرون انهم حقيرين بس معطينهم على جوهم
نروح للمطبخ عند فارس الي كان جايب صحون العشاء وكان صوته عالي شوي اما مها ميزت صوته وعرفته ولفت على بشاير وهمست لها : اسمعي فارس بالمطبخ شكلي عدل ؟
ابتسمت بشاير وقالت : بتروحين له ؟
رفعت مها حاجبها وقالت : شرايك حبيبتي ؟ اكيد بروح له اشتقت له
توجهت مها للمطبخ وفارس كان عند الباب الثاني الخلفي يجيب الصحون اما مها وقفت سوت نفسها تجهز الحلا خذ فارس الصحن ولف يدخل لكن لمح مها واقفه وكيف كانت لابسه فستان ابيض ضيق وقصير وشعرها كان منتثر ويفي
تجمد فارس مكانه من شاف مها وماينكر انه عجبته لكن صد وقال : الي بالمطبخ تطلع !
مها ركضت من المطبخ والابتسامه شاقه وجهها توجهت لبشاير وقالت : شافني شافني !!
بشاير : وانتي كذا مبسوطه ؟
مها : مره مبسوطه !!
قاطع سواليفهم نوف تقول : يلا حياكم العشاء !
قامو كلهم من برا ودخلو داخل لاجل يتعشون
جلست نوف وخذت ملعقه وبدت تاكل
همست بشاير لمها وقالت : اما ياكلون ب ملعقه ؟
ضحكت مها وقالت : حبيبتي بنت جّده مدلعه وش متوقعه منها ؟
ضحكت بشاير
مها : تدرين ان بجده كانت تكشف ؟ بس يوم رجعو الرياض ابوهم خلاهم يلبسون نقاب
بشاير : الرياض وجده وش يفرق عاد ؟
مها : جالسه بالديره وتسولفين ؟
_
بعد العشاء بدو الحريم يروحون
نوف فصخت كعبها ومسكته بيدها وقالت : بروح البس بجامتي ماني قادره خلاص
قامت الجوهره وربطت شعرها وقالت : بجي معك
بطريقهم وهم متوجهين للغرفه طلعت لطيفه من الغرفه وهي لابسه بجامه
نوف : يهب ذي لبست
ضحكت لطيفه وقالت : ماقدرت خلاص !
__________________________
عند العيال |
هتان : اخيرا شيبان الديره طسو
ضحك عبدالله وقال : ماشفت شي
هتان : ولا ابي اشوف
لف عبدالله على فارس الي كان يهوجس وقال : فارس !
لف فارس عليه وقال : سم ؟
سعد : شعندك تهوجس انت
فارس : شفيكم مافيني شي
عبدالله : معليك منه شفيك ؟
تنهد فارس وقال : بقول لك بس لا تاخذ عني فكره وتقول اختي واختي !
عبدالله : انطق اخلص
فارس : كنت بالمطبخ ادخل الصحون حق الحريم ولفيت وشفت وحده لابسه ضيق وقصير وشعرها طويل وحلوه
عبدالله بحده : وقسم ان صادتك نوف ماتخليك عايش لحد الحين
فارس بحده : مو انا هاذا الي خايف منه نوف تدري وتزعل
عبدالله : وانت غبي ليش ماصديت !
فارس بحده : البنت ياخي حلوه عجبتني ماقدرت اصد ! جالس اهوجس فيها
عبدالله بحده : اقول تعوذ من الشيطان وانساها تراك خاطب وعرسك بعد اسبوعين لا تخرب على نفسك !
تنهد فارس وتعوذ من الشيطان وقام متوجهه للغرفه عشان ينام
قامو العيال كلهم عشان ينامون
___________________
عند البنات بالحوش |
لطيفه كانت منسدحه فوق رجول ليان وليان تلعب بشعرها
اما ساره حاطه راسها على كتف نوف ولين ماسكه ذراع الجوهره وحاطه وجهها عليها
نوف : الحين ليه ليه ديره ؟
ليان : يلا خذ لك
ساره : اختي حبيبتي شرايك تنطمين !
نوف : ما علينا بس ارتحت حق وعد تجنن
ابتسمت لطيفه وقالت : ايييه عسوله
الجوهره : هي كذا عسوله هاذا طبعها
نوف : لين قومي جيبي الحلى من الصاله
قامت لين وقالت : تمام بجيبه
دخلت لين داخل وتوجهت للصاله وبدت تدّور بالطاوله الحلى المناسب جاهله العيون الي كانت تراقبها
خذت الحلى ولفت بتطلع لكن ارتطمت بجسم قاسي
لين مسكت جبهتها وقالت : اهخ يا راسي
رفعت راسها لين وجت عينها بعين سلمان
سلمان : انتي بكل مكان تطلعين لي !
لين بحده : انت الي بكل مكان تطلع لي فوق ذا ماتصد حمار انت !
سلمان : طيب مثلا لو خطبتك بتوافقين !
توسعت عيون لين وقالت : صاحي انت ؟
سلمان : صاحي ابشرك
لفت لين وشافت جلال وحطته عليها وقالت : دام ما بتصد انا الي بستر نفسي
سلمان بخبث : ماردك بتصيرين زوجتي واشوفك
لين بصدمه : لا انت مو طبيعي !
ضحك سلمان وقال : تذكري كلامي وقوليه لعيالنا
خذت لين الحلى وطنشته وطلعت برا وهي متوتره من كلام سلمان لها كان صوت سلمان يتردد باذنها
نوف : طولتي يا ورعه !
توترت لين وقالت : هاه ؟ جالسه اختار لكم الحلى الافضل
ساره : اقول بس حطيه خلنا ناكل
حطت لين الحلى على الطاوله وبدو ياخذون
نوف حطت يدها على وجهها وقالت : عرسي بعد اسبوعين مقدر
ضحكت لطيفه وقالت : والله لا تندمين يا نوف !
نوف بحده : لطيفه مو وقتك وقسم
لطيفه : اذا عبدالله قاسي شلون فارس !
نوف : من متى عبدالله اخوي قاسي !
ابتسمت ليان وقالت : قصدها بذاك الشي حبيبتي
غطت وجهها نوف وقالت : وانا هاذا الي خايفه منه ياربي
ضحكت لين وقالت : اول مره نوف تخاف !
ساره لفت على نوف وقالت : اسمعي انتي تراك بتعرسين اتركي حركات المبزره عنك !
نوف بتقليد : اتركي حركات المبزره عنك ! يا شيخه انقلعي عنيييي
لطيفه : تعالي اعطيك جلسة توعيه
نوف : انطقي بسرعه بسرعه لان بديت استوعب
عدلت لطيفه جلستها وقالت : اسمعي حبيبتي بداية زواجك خلك رومنسيه
نوف بقرف : يع يع ماتخيل انا كذا
لطيفه : ياغبييييه لازم كذا
نوف : قصدك اغرائات ؟
ضحكت لطيفه وقالت : وصلتي خييير
نوف : خليها علي برقص له بعد
ضربت الجوهره كتف نوف وقالت : تبين تخبلين اخوي انتي !
نوف : هو بروحه مخبل اخوتس
ساره بحزن : يحزن بنرجع الريااااض بكره
نوف : ليييه ذكرتيني !
ليان قامت وقالت : شرايكم ننام لان بكره بنصحى على صراخ وطريق طويل
نوف : يلا يلا
دخلو البنات وحده ورا وحده وتوجهو لغرفتهم ونامو
________________________________
نكمل بعدين حبايبي ❤️

تعالو انستا حبايبي 🥹🥹🥹🥹