— __________________________ دخلت ليان مع حمد للصاله ونزلته من حضنها وقالت يلا اجلس عند ماما ابتسم حمد وراح عند امه اما ليان جلست عند البنات ولفت للطيفه وقالت : حمد يقرب لكم ؟ لطيفه : ايه قرب لنا عقدت ليان حواجبها وقالت : وش يقرب لكم ؟ لطيفه : ولد خالتي ويحب سعد مرررررره ابتسمت ليان لا شعوريا من سمعت اسم سعد اخيرا جا وقت الغداء الجده ساره : سمو حياكم الله قامو الحريم يجلسون عشان يتغدون بعد ساعتين فضى بيت الجد عبدالله وكانو البنات جالسين بمجلس الحريم الا جا اتصال لنوف وخذت جوالها وردت على المكالمه فارس : يلا اطلعي نوف : لا دقيقه تونا حتى المغرب ماجا ! فارس : والله فيني النوم ابي اريح نوف : خلاص انت روح نام بعدين تعال فارس : لا ابيك تنامين معي نوف بحده : اقول عاد مافيني النوم مو غصب! فارس : خلاص اجل انا بروح الفندق واذا جيت باخذ اغراضك ونروح البيت الجديد نوف : الله بيت جديد !!! سكر فارس من نوف وزفرت نوف براحه وقالت : اقنعته يخليني ! ساره بحده : على كيفه ذا تروحين معه ! نوف : الاخ يبي ينام ولازم انام معه غصب الجوهره : اذلفي نامي معه انسدحت نوف على رجول الجوهره وقالت : لاااا ابيكم انتم الجوهره بحده : الله يشغلك بنفسك وزوجك شهقت لين وقالت : الاحد مدرسه ! فزت نوف وقالت : الله لا يوفقتس ساره : بكره وشو ؟ لطيفه : بكره الجمعه عدلت ليان جلستها وتنهدت وقالت : بقول لكم شي ! توسعت عيون لين وقالت : ليييياااان !! ليان بحده : انكتمي خليني اتكلم نوف : يلا يلا ابتسمت ليان وقالت : مو صح انا وحمد رحنا المطبخ عشان اجيب له الي قالت جدتي ؟ ناظرت الجوهره ليان بنص عين وقالت : ايه ؟ حمرّت خدود ليان وقالت : سعد شافني هناك شهقت لطيفه وقالت : شافك كذا اخوي !!! غطت ليان وجهها وقالت : ايه لطيفه : ياويل حالي اخوي راح راح توسعت عيون ليان وقالت : شدعوه عاد ! غمزت نوف وقالت : شكل العرس الجاي عرسك شهقت ليان وقالت : فال الله ولا فاااالك يا نويّف ! الجوهره : طيب طفش بدت ساره تلعب بشعرها وقالت : صدق والله طفش ! نوف : خلوني افكر اصبرو ! قاطعهم صوت جوال نوف يتصل وقالت : ياليل فارس ! فارس : تراني مارحت نوف : طيب روح ؟ فارس : تعالي معي بنام نوف : تستعبط على راسي انت ؟ فارس : لا بس تعودت عليك نوف : احلف !!! فارس بنعاس : تكفين نوف تعالي معي تنهدت نوف وقالت : طيب انتظرني سكرت نوف وقالت ساره : شفيك ؟ قامت نوف تلبس عبايتها وقالت : فارس مُصر اني اجي معه ساره بحده : الله لا يوفقك يا فارس ضحكت نوف وودعت البنات وقالت : شدعوه بشوفكم بكره ! طلعت نوف وتوجهت للسيارة وفتحت الباب وركبت ابتسم فارس اول ماجت عينه عليها وقال : يا مرررحبااا نوف بحده : انقلع بس توسعت عيون فارس وقال : اح ليه ليه يا امي بوّزت نوف وقالت : ابي اجلس معهم وانت تقول تعالي معي ! ابتسم فارس وقال : مقدر بدونك نوف بحده : تسوقها انت صار لك 27 سنه بدوني توك امس اول يوم معي ضحك فارس وقال : بكره بتشوفينهم شدعوه ! طنشته نوف وبدت تطالع الطريق لوقت طويل وقاطع هواجيسها صوت فارس : يلا انزلي نجيب اغراضنا ونروح بيتنا لفت عليه نوف وقالت : هاه ؟ ضحك فارس وقال : انزلي يلا نزلو نوف وفارس للفندق وراحو غرفتهم ياخذون ملابسهم ونزلو للاستقبال وعطوهم مفتاح الغرفه وتوجهو للسياره عشان يروحون بيتهم الجديد ورجعت نوف تهوجس بالطريق مره ثانيه لين ماتغير عليها الطريق ودخلو حي وعرفت ان بيتهم قريب عدلت جلستها وشبكت يدها ببعض وتحمست ولاحظ عليها فارس الحماس وقال : الله الله كل ذا حماس !! ابتسمت نوف وقالت : ايييييه وقف فارس عند بيت كبير شوي من ثلاث ادوار وكان افخم بيت بالحي توسعت عيون نوف ونزلت من السياره وقالت : تكفى قول مو ذا بيتنا ؟ ضحك فارس وحط يده على اكتاف نوف يقربها منها وقال : طيب واذا قلت لك ذا بيتنا ؟ ابتسمت نوف لكن خانتها مشاعرها وبدت تنزل دموعها لف عليها فارس وابتسم من شافها تبكي من الفرحه وخذ طرف شماغه وتقدم لها يسمح دموعها ويقول : ليه ليه الدموع يا امي ابتسمت نوف وقالت : مبسووووطه فارس : يلا انتي ادخلي وانا بجيب الشنط دخلت نوف وحبت توقف عند الباب عشان تدخل مع فارس اما فارس دخل الشناط وسحبت ذراعه نوف وقالت : يلا يلا تعاااال دخلو المدخل وكان قدامه على طول الصاله وتفاجأت نوف من الصاله كانت كبيره وكان كل شي مفروش ومرتب ابتسمت نوف وخذت جوله بالبيت دور دور ونزلت للدور الثاني لغرفتهم ورمت نفسها على السرير وقالت : ابي انننام ابتسم فارس ورمى شماغه على السرير وقال : شرايك نشوف فلم ؟ ابتسمت نوف وقالت : خلني ابدل ملابسي اول قامت نوف وفصخت عبايتها وطلعت لها بجامه على السرير عباره عن تيشرت ابيض مع شورت اسود وتوجهت للحمام تغسل مكياجها وتسوي روتين المساء بعدها مشطت شعرها ولبست بجامتها وخذت جوالها ونزلت تحت وشافت فارس كان طالب من البقاله سناكات ومشروبات وحطهم على الطاوله وكان ماسك الريموت يدور فلم ضحكت نوف وقالت : متى سويت كل ذا !؟ لف عليها فارس واول ماطاحت عينه طاحت على فخوذها وكيف كان الشورت مره قصير لكن عشان مايصير مشفوح تجاهله ولف على الساعه وقال : والله يا امي انتي تاخرتي ساعه كامله والتوصيل وصل بربع ساعه بس ابتسمت نوف وتوجهت لفارس وجلست جنبه وقالت : عادي عادي حط فارس الفلم واخذت نوف الشبس تفتحه وبدت تاكل اما فارس كان على اعصابه مايبي يطالع فخوذها الفاتحه الناعمه لكن ماحس بنفسه وقتها وحط يده على فخذها اما نوف فزت لكن ناظرت يد فارس على فخذها وتنهدت وقالت : شفيك خوفتني ! ابتسم فارس وحط راسه على كتفها وقال : اسف كملو الفلم بعدها نامو ابطالنا ____________________________ اليوم الثاني بيت الجد عبدالله تحديدا شقة صالح فتحت ساره عيونها وسكرتها بسرعه لان كانت اشعة الشمس داخله لغرفتها مدت يدها وخذت جوالها وشافت الساعه ان الوقت متاخر واكيد تغدو وخلصو تنهدت وقامت من السرير ودخلت الحمام وسوت روتينها بعدها طلعت ولبست تيشرت ابيض مع بنطلون بُني ومشطت شعرها وربطته ذيل حصان وحطت مرطب على شفايفها وتعطرت وخذت جوالها وطلعت من الشقه وكالعادة راحت للجوهره اما الجوهره كانت جالسه على السرير ولابسه سماعتها وحاطه بحضنها الايباد وجالسه ترسم فيه وابتسمت اول مادخلت ساره عليها وشالت السماعه من اذنها وقالت : صح النوووم ! ابتسمت ساره وجلست على طرف السرير وقالت : صح بدنك الجوهره : شفيك اليوم متاخره فركت ساره عيونها وقالت : والله مدري ابتسمت الجوهره وقالت : امشي ننزل تحت قامت ساره وقالت : مشتهيه قهوه سوي لي ابتسمت الجوهره وقالت : من عييييوننني وراحت الجوهره لطاولة القهوه بغرفتها وبدت تسوي القهوه لساره _________________________ نرجع لبيت فارس ونوف نروح عند نوف الي كانت صاحيه بدري وجالسه بالصاله تشرب ماتشا وبنفس الوقت تتفرج على التلفزيون اما فارس سكر جواله وقال : نوف انا جوعان لفت عليه نوف وقالت : المطلوب ؟ رفع فارس حاجبه وقال : المطلوب ابي غداء ؟! ابتسمت نوف وقالت : وش تبي ؟ تنهد فارس وقال : كبسه ابتسمت نوف وقالت بكل برود الارض : ماعرف ابتسم فارس وماحب يظلمها على طول وقال : يلا عاد بدون مزح جوعان ! نوف بحده : مامزح ماعرف اسوي كبسه او بالاخص اطبخ ! توسعت عيون فارس وقال : لا تكفين نوف طنشته نوف وكملت تشرب الماتشا حقتها فارس مسك جواله وقال : اوريك ! نوف : وش بتسوي ؟ طنشها فارس واتصل على امه وكان على اعصابه يبيها ترد مريم : الو هلا حبيبي فارس : امي زوجيني _____________________________ نكمل بعدين حبايبي ❤️ طبعا غبت عنكم يومين انا ادري مقصره يمكن بس اااسفه 💓💓
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
