جيتيني مثل الشروق الي محى عتم الليالي

Part 51

—
____________________________
حاولت لين تستجمع نفسها لكن ماقدرت وصرخت بصوت عالي : خلاااااص ! بس قامت من مكانها وطلعت برا الفصل عقدت الجوهره حواجبها وقالت : وي ؟ شفيها ذي
تنهدت لطيفه وقالت : حرام يمكن اشتاقت له وانتو جالسين تخلونها تتذكر !
قامت ساره وقالت : خلاص انا بروح لها وانتو هدوها معها تعرفون انها تبكي على اي شي !
شمقت لها نوف وقالت : مو ناويه تذلفين ؟
زفرت ساره وطلعت من الفصل متوجهه للحمام بدت تدق كل ابواب الحمام لين ماسمعت صوت شهقات لين دقت الباب اكثر من مره تنتظر اجابة لين ساره : لين افتحي الباب تكفين ! انا ساره
فتحت لين الباب ودخلت ساره الحمام وحطت راس لين على كتفها وخلتها تبكي براحتها وقالت : معليه ابكي يمكن ترتاحين شوي زادت شهقات لين بحضن ساره ارتعش جسم ساره اول ماسمعت صراخ الاستاذه : خير ! وش قلة الادب والمهزله ذي ؟
لفت ساره راسها وقالت : وشو ؟
الاستاذه بحده : وبعد تقولين وشو ؟ استحي على وجهك انتي وياها يا خسارة تربية اهلكم فيكم بس !!
توسعت عيون ساره وبعدت لين من حضنها وقالت : خير يا استاذه ترا مو مثل ماتفكرين !
الاستاذه بصراخ : اص ولا اسمع ولا كلمه على مكتب المديره انتي وياها مشبوهييين !
احتدت ملامح ساره وقالت : يع ! وش هالقرف حضنت بنت عمتي صرت مشبوهه
مسكت الاستاذه معصم ساره وبدت تشد عليه وتقول : لا يييكثررر وانقلعي مكتب المديره
ولفت على لين الي وجهها قلب احمر من البكاء وقالت : وانتي اذلفي معها خلصوني ! مشت ساره وخلفها لين والاستاذه اخر شي لين وصلو مكتب المديره وتعدتهم الاستاذه ودخلت مكتب المديره قبلهم بعدها ساره ولين
فصخت المديره نظاراتها وقالت : خير بعد شفيهم ؟
الاستاذه بخبث : والله يا طويلة العمر مشبوهين لقيتهم احضان وبوسات بالحمام !
توسعت عيون ساره واحتدت ملامحها وتوجهت للاستاذه وقالت : ايااا الكلبه ! تكذبين ! ماتحملت ساره وشدت شعر الاستاذه وقالت : وتكذبين يا بنت الكلب ! انا بنت صالح ماسوي هالحركات يا ملعونه !! قامت المديره من مكتبها تفكك بين ساره والاستاذه لفت المديره على لين وقالت : شتسوين واقفه ! تعالي معي ! فزت لين تفكك بينهم لين فكت ساره وقالت لها : انتي مجنونه ؟ ضاربه استاذه !
ساره بحده : هاذي تسمى استاذه ؟ هاذي الكلبه تتهم طالباتها بانهم مثلييـ/يـن ! فوق هاذا تكذب وهي ماشافتنا غير اني احضن بنت عمتي وهي تبكي !
تنهدت المديره وقالت : استاذه نوره اطلعي شوي بس ، وانتي يا ساره !
رجعت ساره خصلها ورا اذنها وقالت : نعم ؟
المديره بانفعال : من متى انتي كذا يا ساره ! ماكان يطلع لك صوت ابداً عشان تضربين استاذه! استاذه ياساره !
ساره بقهر : يا استاذه والله قهرتني اجل انا تشبهني بالحركات الوصخه ذي ! تخيلي بس بنت عمتي لين جلست تبكي ورحت ادورها لقيتها بالحمام وحضنتها ودرعمت علينا !
تنهدت المديره وقالت : على العموم انتي غلطتي غلطة كبيره يا ساره ! وبتاخذين تعهد واختبار الفيزياء حق استاذه نوره بتمنعين من الدخول منه !
ساره بحده : وباللعنه ! هي واختبارها
اخذت ساره ورقة التعهد وطلعت لين وراها وكان الوضع صمت تقريبا ترددت لين من انها تتكلم بس تعدت ساره ووقفت قدامها وقالت : تكفين ساره سامحيني كل ذا بسبتي انا !
توسعت عيون ساره وقالت : تستهبلين انتي ؟ مالك دخل بالموضوع ابداً يا لين لا تحاتين !
نزلت لين راسها وبدت تلعب باصابعها وقالت : بس يا ساره
تنهدت ساره وقالت : يا شيخه طز ليه زعلانه ماشفتي كيف صفقتها ؟
ضحكت لين وقالت : ايييي اول مره اشوفك كذا يا ساره ! دخلت ساره يدها بذراع لين تجرها وتقول : طولنا ترا امشي نروح للبنات ننقل لهم العلوم ! ابتسمت لين ومشت مع ساره متوجهين للفصل اول مادخلو نطت عليهم ليان وقالت : انتو وينكم! ناظرو بعض لين وساره وضحكو
ليان بحده : انا اقول وينكم وانتو تضحكون! مسكت لين ذراع ليان وقالت : امشي بس اجلسي عندنا سالفه قويه !
جلسو البنات كلهم على شكل دائره بزاوية الفصل وبداو لين وساره يشرحون للبنات السالفه
ساره : وبس والله
توسعت عيون نوف وقالت : يا حماره ! ياوليتس من امي وابوي !
ساره بحده : يا شيخه على زق اجل انا تتهمني الحيوانه !
انسدحت الجوهره على فخذ لطيفه وقالت : محظوظه مارح تختبرين فيزياء !
ضحكت ساره وقالت : فيك حسد وغيره ادري
____________________________
مر اسبوع كامل بدون احداث بدون اي شي جديد صار - قبل زواج هتان والجوهره بيوم فقط -
طلعت ساره من الحمام بحده : غسلت شعري مرتين والسدر للحين ماراح ! ضحكت نوف وقالت : روحيه اغسليه واضمن لك ذي المره بيروح تاففت ساره ودخلت تغسل شعرها من السدر للمره الثالثه دخلت مرام على البنات وانرسمت الابتسامه على شفايفها من لمحت حوستهم وتجهيزاتهم وقالت : هاه يا بنات كيفكم ؟ لفت نوف على امها وقالت : ساره السدر مايروح من شعرها
ضحكت مرام وقالت : هو مايروح بسرعه .. الا الجوهره تعالي معي ! فزت الجوهره وحطت القهوه الي بيدها على الطاوله وقامت متوجهه لمرام وقالت : سمي عمتي ! ابتسمت مرام ومسكت يد الجوهره وجرتها معها الى غرفتها اشرت مرام الجوهره انها تجلس على السرير استغربت الجوهره لكن جلست على السرير طلعت مرام من الدولاب كيسه لونها اسود ومشت للسرير تجلس بجانب الجوهره وفتحت الكيسه وطلعت ملابس حرير قصيره ومنها شورت ومنها فستان قصير ومن هالاشياء اكيد فهمتو حمرّت خدود الجوهره ولفت عليها مرام وضحكت وقالت : فهمتي قصدي صح ؟
هزت الجوهره راسها بخجل وقالت مرام : حطيهم بشنطتك يا بنتي
ابتسمت الجوهره واخذت الملابس وطلعت من الغرفه وتوجهت شقتهم تحط الملابس بشنطتها ورجعت للبنات مره ثانيه
الجوهره : راح السدر من شعرك
ابتسمت ساره وقالت : ايه راح !
توسعت عيون لين وقالت بحده : لطوووووف !!!!
تاففت لطيفه وقالت : ياخي يدي ترتجف انا شكو !
لفت العنود وقالت : انتو الحين شفيكم ؟
لين بحده : قاعده احط حق ام بطن مناكير وكل شوي حركت اصابعها واخترب المناكير !
ضحكت العنود وقالت : تكفين لين تنرحمييين
شمقت لين وكملت تحط المناكير للطيفه
____________________________
اليوم الثاني | بالصالون -
خلصت نوف من تصفيف شعرها اول وحده وتوجهت للغرفه الثانيه الي متواجده فيها الجلسات طلبت من العامله كابتشينو وجلست تنتظر مشروبها وبنفس الوقت تتامل تسريحتها رن جوالها وانرسمت الابتسامه على شفايفها وحطت الجوال باذنها وقالت : اهلييين !
ابتسم فارس وقال : هلا عيوني
نوف : شصار ؟
فارس : لا والله ماصار شي تونا طالعين من الحلاق وبنرجع البيت نتروش وكذا
ابتسمت نوف وقالت : الله يتمم الليله على خير يارب ويوفقهم ويسعدهم !!
فارس : امين يارب يلا انتبهي على نفسك واستعدي نهاية اليوم
توسعت عيونها وكانت بتتكلم لكن سكر بوجهها حطت الجوال على جنب ووصل الكابتشينو واخذت رشفه منه ودرعمت عليها لين ابتسمت نوف وقالت : يلبى التسريييحه بس
ابتسمت لين وقالت : حلو ؟
نوف : مرررره
نزلت لين راسها وقالت : تتوقعين سلمان اليوم موجود
غمزت نوف وقالت : وانا اشوفك اليوم مختبصه! طلعتي تبين حبيب القلب !
غطت لين وجهها بكفوف يدها وقالت : نوووف
نوف بانفعال : بعد تستحين !
لفت لين من نادتهم الكوافيره بصوت عالي عشان يبدون بالميكب
____________________________
نكمل بعدين حبايبي ❤️

لاتنسون تجون انستا لان بنزل فيه فساتين البنات ❤️