— _________________________ دخلت العنود مع الجوهره وبدو يزغرطون للجوهره ويباركون لها ويحضنونها وتقدمت تبوس راس جدتها وامها ابتسمت الجده ساره وقالت : الله يوفقكم ويتمم لكم ان شاءالله! ابتسمت الجوهره وقالت : امين يا جده جلست ساره مكانها وجلست تحكي للبنات توترها وهي توقع تنهدت لطيفه وقالت : يالله كيف اليوم ذا مو متوقع صار بسرررعه مو مخطط له ابدا ! نوف : اااااي مره كذا صار حوسه وعمه جديده وملكه قاطعهم اتصال من هتان لجوال ساره وخذت جوالها ترد وقالت : هاه شتبي ؟ ابتسم عبدالرحمن من سمع صوته وماينكر انه اشتاق لها وقال : انا عبدالرحمن حطت ساره يدها على فمها وقصرت صوتها وقالت : هلا عبدالرحمن ؟ تنحنح عبدالرحمن وقال : هتان يبي يسلم على الجوهره ابتسمت ساره وقالت : خلاص بندخلها مجلس الحريم وخلوه يجي عبدالرحمن : خلاص دقايق بس سكرت ساره ولفت للجوهره وقالت : هتان يبي يسلم عليتس توسعت عيون الجوهره : وقالت كذابه ! عقدت ساره حواجبها وقالت : والله يبي يشوفتس ! توترت الجوهره وقلب وجهها اصفر وجاها مغص التوتر وقالت : ووووش اسوي تكفون لاحظت العنود انقلاب وجهه الجوهره وقالت : اسمعي الجوهره ترا بس بيسلم عليك شفيك كذا ! توترت الجوهره وقالت : مدري مدري ابتسمت العنود ومسكت يدين الجوهره وقالت : الحين تنفسي معي شهيق زفير بدت الجوهره تكرر خلف العنود لين اشرت العنود لنوف تجيب مويه حق الجوهره وركضت نوف تجيب مويه اسرع ماعندها ورجعت للصاله وفتحت المويه وقدمتها للجوهره الي اخذتها وشربت منها شوي وتنهدت وقالت : احس اني بخير الحين تخصرت ساره وقالت : خلصيني الولد بيموت ! قامت الجوهره و عدلت فستانها وراحت للمجلس وكان التوتر مسيطر عليها وبدت تدور حول المجلس لين ماحست بالباب ينفتح وتجمدت بمكانها اما هتان اول مالمحها تجمدت قال بصوته الرجولي : السلام عليكم زفرت الجوهره ولفت بكامل قواها وردت بصوت خفيف : وعليكم السلام ابتسم هتان وبدا يتامل الجوهره من فوق الى تحت توترت الجوهره من سكوته ونظراته له وحبت تكسر الصمت وقالت : شكلي حلو ؟ زفر هتان وقال بكل حُب : والله تشلعين القلب تدرين ولا ماتدرين ؟ ابتسمت الجوهره وحمرّت خدودها وقالت : صدق ! مارد عليه هتان وبدا يتقدم لها اكثر لين انعدمت بينهم المسافه وقربها لحضنه وحضنها بكل مافيه ويديه على راسها ويديه الثانيه شاده على خصرها اما الجوهره توسعت عيون لكن حست بالراحه بحضنه وبادلته الحضن وحطت يدينها على ظهره لكن هتان بعد عنه وكان وده اصلا ينام بحضنها الي يسوى عن الف حضن بالنسبه له زفر وقال : يالله استودعتك الله يا نظر عيني ! ابتسمت الجوهره ونزلت راسها وقالت : مع السلامه ! طلع هتان بالمجلس والود وده خذاها معه لكن ماحب يستعجل بالامور نرجع للجوهره الي زفرت براحه وحطت يدها على صدرها وقالت : ييممهه !! طلعت من المجلس وتوجهت لمدخل الصاله لكن قابلت بوجهها البنات الي كانو واقفين ينتظرونها ليان بحده : انطقي انطقي شصار ؟ ابتسمت الجوهره وقالت : تعالو فوق نسولف راحو البنات فوق وجلسو على شكل دائره وبدت الجوهره تقولهم شصار من الالف الى الياء ضحكت نوف وقالت : مين الي امس يهايط ويقول مرتاحين مارح نتزوج ؟ حكت الجوهره جبهتها وطالعت فوق وقالت : هاه مين ؟ نوف : ايوه رقعيها الحين يحيوانه ! لفت لين على العنود الي كانت غارقه في بحر هواجيسها وقالت لها : هيه عمتي العنود ! فزت العنود ولفت على لين وقالت : شفيك ؟ ابتسمت لين وقالت : بسم الله عليك انتي الي شفيك ؟ عقدت العنود حواجبها وقالت : كاني سمعت كلمة عمتي ولا ؟ سكرت لين فمها وقالت : بالغلط ضحكت العنود وقالت : على بالي بعد لين : ايوه شعندك تهوجسين ابتسمت الجوهره وقالت : حتى انا لاحظتها تنهدت العنود وقالت : تبون اعترف لكم ؟ عدلت لطيفه جلستها وقالت : جوي الاعترفات ! ابتسمت العنود وقالت : انا احب ولد عمي مشعل توسعت عيون ساره : وقالت مشعل ماغيره راعي النياق ؟ حمرّت خدود العنود وقالت بصوت خفيف : ايه كشرت ساره وقالت بقرف : ووووع العنود بحده : هيه انتي عاد ! ساره بحده : ووووع تخيلي اخذ واحد راعي نياق ! رفعت نوف حاجبها وقالت : راعي نياق ؟ توسعت عيون ساره ولفت على نوف وقالت : نوف ماعرفيته راعي النياق ذاك الي يرسبن عنده عبدالله ؟ شهقت نوف وقالت : ايييييوه ذااااك ابتسمت ساره وقالت : ايييييه عدلت نوف جلستها وقالت : صدق انه راعي نياق وقرف لكنه وسسسييم يجننننن ! ليان بحده : ورعه اعقلي تراك متزوجه ! مثلت نوف انها داخت وحطت يدها على جبهتها وقالت : يمه يمه يجننن رفعت الجوهره جوالها بدون احد ينتبه وقالت : وشو عيدي تنهدت نوف وقالت : ياويلي ويلاه يا راعي النياق بس ليتني ماتزوجت وانتظرتك ! اخذت العنود السليبر حقها ورمته على نوف وقالت : هيييه اعقلي يا ورعه عدلت نوف جلستها وزفرت بضيق وقالت : حلو يالعنود ابتسمت الجوهره برضى عند الفديو الي صورته عن نوف وكتبت فيه اقضب زوجتك بس ، ورسلته لفارس وسكرت جوالها وكملت سوالف كان ماصار شي ___________________ عند الشباب كانو كلهم بالمجلس سوالف وضحكات ماتفارق من عندهم لف سلمان على هتان وقال : شفيك ساكت ! ابتسم هتان وقال : انا خاطب الحين صاير مؤدب كشر سلمان وقال : اقول تعال اضحك معنا خل الحركات ذي بعدين ابتسم هتان وقال : واللهي انتو تعجبوني ضحكوني يلا ضحك عبدالله وقال : والله وانا اخوك شكلك وانت توقع تقول ماخذ اوسكار ! وسع هتان عيونه وقال : يا رجال احسن من الاوسكار بعد غمز عبدالله وقال : والله وطلعت خروف يا هتان ! هتان بحده : تعقبببب ! ناظر فارس جواله من شاف اشعار بجواله وفتح جواله وعقد حواجبه من شاف الجوهره مصوره شي وضغط على الفديو وابتسم من شاف نوف بداية الفديو لكن كانت تسولف فا طول على الصوت وحطه باذنه وكانت نوف تقول : صدق انه راعي نياق وقرف لكنه وسيييم جدا ليان : ورعه اعقلي تراك متزوجه توسعت عيون فارس من شاف المقطع كله وطلع من البرنامج بدون يترك اي رد ودق على نوف نوف : الو هلا ؟ فارس بحده : يلا بنمشي استغربت نوف من صوته وحست في شي وماحبت تزيد الطين بلى وقالت : تمام ثواني البس عباتي سكر فارس بدون اي رد وقامت نوف وقالت : اهخ فارس يقول يلا كشرت ساره وقالت : ذا مايدق الا اذا حلت الجلسه تخصرت نوف وقالت : اقول بكره مدرسه قومي تجهزي انتي معها تثاوبت العنود وقالت : اقول حبايبي انا بروح انام لان مانمت زين من صراخكم وانتو تقوموني قامت العنود وطلعت من الغرفه وتوجهت تحت لغرفتها اما نوف خذت شنطتها وقالت : يلا اشوفكم بكره بالمدرسه ! ابتسمو البنات ونزلت نوف تحت وسلمت على الي موجودين تحت وطلعت برا وقابلت ابوها وفارس يضحكون مع بعض وتجمعت الدموع بعيونها وقالت بصوت عالي : ييييبااااا توسعت عيون صالح وقال : اوص اوص ماهتمت نوف وفزت تحضن ابوها الي بادلها الحضن وبدا يمسح على راسها وقال : وين الي كان نور المكان يا نوف شدت نوف على ابوها وقالت : يالله يا يبا وحشتني وقف فارس يناظرهم وكان جانب منه يحترق شوي وناظر تحت وقال : يلا نوف ؟ بعدت نوف عن ابوها وقالت : اوكيه يلا مشو فارس ونوف للسياره وركبو وحطت نوف شنطتها وقالت : شرايك نمر ناخذ ماتشا ؟ فارس بكل برود الارض : مالي خلق عقدت نوف حواجبها وقالت : من يوم وانت تكلمني منفس شفيك ؟ لف عليها فارس وقال : مافيني شي ! زفرت نوف وقالت : الا فيك ! لان مو طبيعي ؟ فارس بحده : بس عشاني قلت مالي خلق صرت منفس ؟ عجيبه والله ! رفعت نوف حاجبها وقالت : تستهبل انت ؟ فارس : طيب انتي كنتي تستهبلين يوم قلتي يلبيه يا راعي النياق لو اني ماتزوجت كان تزوجتك ؟ تجمدت نوف بمكانها وانصدمت كيف عرف لان بس كانت هي والبنات بس وقالت : وانت وشلون عرفت اني قلت كذا ؟ طير فارس عيونه وقال : الجوهره صورت احتدت ملامح نوف وقالت : والله لا اوريك يالجوهره ! داس فارس برجله على البانزين وصار يسرع وقال : مارح اعديها ! صرخت نوف من سرع فارس بالسياره وقالت : يااا مرررريض !!! هدأ فارس سرعته لين ماوصلو البيت ونزلو من السياره ودخلو البيت وتوجهت نوف للدور الثاني وفصخت عبايتها وطلعت لها بجامه مريحه ودخلت الحمام ( الله يكرمكم ) وخذت لها شاور ولبست بجامتها وحطت ماسك تحت عيونها وطلعت من الحمام وطاحت عينها على فارس الي كان منسدح بالسرير بدون تيشرت وبحضنه اللابتوب وبيده كوب شاهي ابتسمت لا ارادي وتوجهت للتسريحه ونشفت شعرها بالاستشوار بعدها سوته بالسراميك وشالت الماسك الي تحت عيونها وربطت شعرها وقالت : بسوي توست تبي ؟ رشف فارس من كوب الشاهي وهز براسه معناتها " لا " ابتسمت نوف ونزلت للمطبخ وسوت لها توست جبن وحطته بصحن وتوجهت للثلاجه وهي تدندن وتغني وطلعت لها العصير وجابت كاسه وصبت العصير وراحت فوق الغرفه وحطت الاكل على الطاوله وتوجهت للدولاب وفتحته وخذت مريولها وعلقته ولفت على فارس الي كان يضحك وهو يناظر اللابتوب وقالت : تبي اطلع ثوبك ؟ رفع فارس راسه وقال : هاه ؟ طلعيه الله يعطيك العافيه هزت راسها نوف وطلعت ثوبه وشماغه وعلقتهم بجانب مريولها ومشت للسرير وحطت الاكل بحضنها وبدت تاكل بعدها نامو __________________________________ اليوم الثاني | يوم الاحد الساعه 5:00 رن منبه نوف وفتحت عيونها ومدت يدها تقفل المنبه وقامت من السرير ودخلت الحمام وسوت روتينها الصباحي وطلعت من الحمام وقالت بصوتها الناعس : فارس يلا قوم عشان مانتاخر ! فتح فارس عيونه وقال بصوت كله نوم : طيب توجهت نوف للدولاب خذت مريولها المعلق ولبسته وتوجهت للتسريحه وجلست وشافت فارس طالع من الحمام وتوجهه يلبس ثوبه اما نوف حطت شوي بلشر على خدودها ومسكرا ومحدد على شفايفها بعدها مرطب بعدها تنت واخر شي القلوس وفكت شعرها الي انتثر على كتوفها وحطت عطر ولبست شرابات بيضاء واخذت المق ونزلت المطبخ تسوي ماتشا على السريع بنفس ذا الوقت الساعه 5:40 بيت الجد عبدالله الدور الارضي عند الجده ساره والجد عبدالله وساره والجوهره وعبدالرحمن كانو جالسين يفطرون لفت الجوهره على الجد عبدالله وقالت : جدي تبي شاهي ؟ الجد عبدالله : صبي لي الله يرضى عليتس ابتسمت الجوهره وبدت تصب للجد عبدالله الشاهي ابتسمت الجده ساره وقالت : يلا يا بناتي الله يوفقكم ان شاءالله كلها ترم واحد وتتخرجون واذا تبون الجامعه بتدخلون تنهدت الجوهره وقالت : يلا فتره وتعدي ان شاءالله كملو فطورهم وقام عبدالرحمن يغسل يده وقال : انا بنتظركم بالسياره بنفس ذا الوقت الساعه 6:00 عند لطيفه وعبدالله قامت لطيفه من الطاوله وقالت : الحمدالله قام عبدالله وراها وغسل يده وقال : يلا انا بنتظرك بالسياره ابتسمت لطيفه وقالت : تمام ! انحنى عبدالله واخذ شنطة المدرسه حقت لطيفه وحملها وراح السياره اما لطيفه لبست عبايتها وخذت مطارة المويه بيدها وطلعت لعبدالله _________________________ بالمدرسه | تحديدا الحصه الثالثه وكانت فراغ كانت لطيفه واقفه عند باب الفصل تناظر وجتها بنت تركض وقالت : انتبهو ترا في تفتيش جوالات وهم الدور الاول عند اوائل شهقت لطيفه وتوجهت للبنات وقالت : فييي تفتيش يالملاعيييين !!!! ليان بحده : انا قايله لكم ان في تفتيش اول يوم وانتو مصرين نجيب جوالاتها بدت نوف تعض اظافرها وقالت : مين قال لك وينهم ؟ جلست لطيفه لان من الخوف ماقدرت توقف وقالت : مدري في بنت قالت انتبهو في تفتيش الدور الاول ساره بدت تدور حول الفصل وقالت : ياربي وين نخبي الجولات يعني ؟؟!!! شهقت لين وقالت : الميييكب طيب !!! تنهدت نوف وقالت : الميكب حتى لو صادوه معليه مشكلته بسيطه بس الجوال يحماره !! الجوهره : دورو امكان بسرعه عشان نخبي جوالاتنا ! خذت نوف جوالها وقالت : اقول بقول حق فارس يجي يستأذن لي نسيتتتت الطلب !!! فزت الجوهره وقالت : لا لا يحماره !! حطت نوف الجوال باذنها وقالت : اقول انطمي طبعا الفصل نصه مهرب والجو متكهرب وتوتر نروح لفارس الي كان جالس بمكتبه يعبي اخر ورقه من الملف عشان يعطيها الموظف الي واقف قدام طاولة فارس لكن رن جوال فارس وتجاهله وعبى اخر ورقه واخذ الملف ومده للموظف وقال : سم اخذه الموظف وقال : الله يسلمك شكرا ابتسم فارس ومد يده باخذ جواله وعقد حواجبه من شاف نوف متصله لكن هي بالمدرسه طنش ورد على طول وقال : نوف ! نوف بحده : سنه ترد انت !!! توسعت عيون فارس وناظر ساعته وقال : وش جيب الجوال عندك؟ انخفض صوت نوف وقالت : مهربينه ! توسعت عيون فارس زياده وقال : من اول يوم يا حماره ! تنهدت نوف وقالت : فارس تكفين في تفتيش والله بنروح بداهيه ! سكر فارس عيونه وفركها وقال : كم وحده جايبه جوال ؟ بدت نوف تناظر بالبنات وقالت : انا واختك وساره ولين وليان ولطيفه وثلاث بنات من الفصل حط فارس يده فوق راسه وقال : ياراسي ! اغبياء انتو ؟ زفرت نوف وقالت : اسمعني اسمعني الي ابيه منك تسوي الطلب ! عقد حواجبه فارس وقال : اي طلب نوف بحده : فارس حق سبااااق الخيييل ! رجع مخ فارس للفلاش باك الي صار ذاك اليوم وقال : اااايه نوف : خلاص تعال استأذن لي الحين دام التفتيش توه الدور الاول ! قام فارس من مكتبه وقال : خذي جوالات البنات معك ! نوف : طيب طيب توهق فارس وقال : طيب شقول لهم انتي اي صف ! سكرت نوف عيونها تمنع الغضب عنها وقالت : ثالثه ثاني ثالثه ثاني قول بستأذن لنوف المطيري وقول اسم صفي ومارح يقولون لك طيب على طول رح يقولون ليه ؟ شتقول ؟؟؟؟ ابتسم فارس وقال : وش اقول ؟ نوف بحده : عندها موعد ! بعدها بيطلعوني! ضحك فارس وطلع من المكتب وقال : والله البلشه يلا يلا جاي انتبهو ! _________________________________ نكمل بعدين حبايبي ❤️ آسفه مررررره على السحبه وهاذا بارت طويل لعيونكم فيه 1921 كلمه 🙏🏽
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
