جيتيني مثل الشروق الي محى عتم الليالي

Part 39

—
__________________________
نروح لبيت نوف وفارس كان البيت هدوء ومافي احد بالبيت الا نوف الي كانت جالسه بغرفتهم بعد مالبست لها بجامه مريحه وربطت شعرها وجلست تتصفح بجوالها من برنامج الى برنامج لين ماطفشت وسكرت جوالها وتنهدت وحست بالوحده شوي وناظرت الساعه وكان الوقت متاخر تقريبا وفارس من نزل نوف البيت راح ولا رجع لحد الحين مسكت جوالها ودورت رقمه عشان تتصل لكن ترردت وسكرت عيونها تفكر بحل ثاني لكن سمعت صوت الباب ينفتح وفز قلبها على طول وناظرت الباب ودخل فارس بيده ورد احمر كبيررر وابتسم وتوجهه لنوف وقال : مايهون زعلك يا امي !
ابتسمت نوف وتجمعت الدموع بعيونها ونطت تحضنه بكل مافيها ويدينها حاوطت رقبته اما فارس دفن راسه برقبتها وحاوط خصرها واستنشق من ريحتها وقال : يلبى الريحه مستعد انام واصحى عليها
حمرّت خدود نوف ودفت فارس من صدره وقالت : خلاص عاد عطيتك وجه
ضحك فارس وقال : اموت انا بالتناااقض ياشيخه
خذت نوف جوالها وبدت تصور مع الورد لين ماطفشت وسكرت جوالها وحطت الورد على التسريحه واستقبلها حضن فارس بالسرير بعدها نامو ابطالنا
__________________________
اليوم الثاني |
بيت الجد عبدالله بالدور الارضي كانت ساره متكيه بالصاله مع جدتها يتقهون قهوة الظهر مع تمر سواليف الجده وحفيدتها الي مافي مثلها ابد قاطع سالفتهم الحماسيه صوت الجرس وقالت الجده ساره : عاني الجرس يرن روحي افتحي الباب !
ابتسمت ساره وقالت : بشري يا جده
قامت ساره وحطت الشيله على شعرها بشكل عشوائي وتوجهت تفتح الباب لكن صادفت بنت واقفه عند الباب ومعها شنط سفر وكانت كاشفه وملامحها شوي معروفه ؟
ساره بحده : مين انتي ؟
ابتسمت العنود وقالت : حي ذا الصوت يا ساره !
عقدت حواجبها ساره وقالت : تعرفيني !
تنهدت العنود وقالت : كيف ماعرفك وانتي بنت اخوي !
توسعت عيون ساره وقالت : دقيقه دقيقه مافهمت انتي عمتي ولا وشو تقربين لنا ولا وش موقعك من الاعراب !
ضحكت العنود وقالت : ايوه انا عمتك ! كنت مسافره عشان ادرس والحين تخرجت
ابتسمت ساره وقالت : اجل ادخلي عشان جدتي تشوفك !
دخلت ساره ولحقتها العنود وهي تتامل البيت وكيف انها اشتاقت لبيتهم الي من خمس سنين تقريبا ماشافته لين دخلت المدخل بعدها الصاله وكانت قدامها ساره وقالت : جده شوفي ذي تقول توها راجعه من السفر وانها عمتي ومدري وش تهبد !
فز قلب الجده ساره من سمعت توها راجعه من السفر وقالت : وووينها ؟؟!!!
تجمعت الدموع بعيون العنود وتوجهت ركض لامها وحضنه بكل مافيها وقالت : يما وحشتيـ..نـييي
نزلت دموع الجده ساره وقالت : تو ماقرت عينا يا بنيتي !
توسعت عيون ساره وقالت : والله طلعت عمتي صدق
نزلت الجوهره من الدرج وعقدت حواجبها من شافت جدتها مع وحده حاضنين بعض ويبكون وساره واقفه تناظرهم وتوجهت لساره وقالت : شسالفه من ذي ؟
نزلت دموع ساره وقالت : عمتي !
توسعت عيون الجوهره : اي عمه انتي وش تهبدين ؟
لفت العنود وشافت الجوهره وقالت : الجوهره كبرتي !
انصدمت الجوهره وتجمدت بمكانها وقالت : عمتـ..ـي العنود !
ابتسمت العنود وفتحت حضنها للجوهره الي فزت ركض تحضنها
اما ساره تخصرت وقالت : وشو انا طرف ثالث ولا وش وضعي من متى عندنا عمه ؟
الجوهره بحده : انتي عايشه بجده ولا تدرين عنا
ضحكت العنود ومدت يدها وقالت : تعالي ولا تزعلين !
ابتسمت ساره وقالت : والله فله عمه صغيره وكذا تعطينا جونا
ابتسمت العنود وقالت : من اليوم ورايح تحتزمون فيني !
الجوهره : ابشري !!
دخل عبدالرحمن الصاله وصد على طول من شاف وحده مايعرفها وقال : اسف معليش
ضحكت الجوهره وقالت : يا غبي ذي عمتي العنود !
توسعت عيون عبدالرحمن ولف وقال : ياااامرحبببااا بالدكتووورره
فتحت العنود حضنها وقالت : ولددددي انننت حبيبييي !!!
توجهه عبدالرحمن يحضن عمته وقال : اشتقت لك يا عمه
قاطع الفرحه والاحضان صوت هتان العالي يقول : دحوووم وييينك
ضحك عبدالرحمن وقال : بالصاله !!
توجهه هتان للصاله لكن نفس الشي لمح وحده مايعرفها وصد على طول وقال :  وي مين ذي ؟
ضحكت العنود وقالت : انا عمتك العنود يا هتان !!
لف هتان وقال : وينها مين عمتي ؟
العنود : انا عمتك !
ابتسمت الجده ساره وقالت : هاذي عمتك العنود كانت مسافره تدرس والحين رجعت لنا !
توسعت عيون هتان وقال : الله عمه صغيره !!!
ضحكت العنود وقالت : تعال تعال يا عيون عمتك انت !!
تقدم هتان وحضن العنود وقال : كم عمرك ؟
العنود : 25
كشر هتان وقال : تراك اكبر مني بسنه هاه !
العنود بحده : حركات عمتي وعمتي مابي نادوني العنود وبس
طبعا الكل فرح بجيت العنود وكانو كلهم مبسوطين وخصوصا البنات كانو مبسوطين ان عندهم عمه صغيره وماصدقو على الله وقالو لنوف ولطيفه السالفه وتحمست نوف تشوف عمتها باقرب وقت
______________________________
تعريف بسيط -
العنود اصغر ابناء الجد عبدالله واخرهم حبت تدرس خارج السعوديه طب عشان حلمها تصير دكتوره والحين بعد خمس سنوات رجعت للسعوديه من جديد مع شهادة ماجستير
عمرها : 25
العنود شخصيه مرحه وحنونه وحنيتها مثل حنية الام بالظبط لكن تحب تخاطر وتحب تضحي لاجل الاشخاص القريبين لقلبها
العنود كانت جميله ببياضها وجسمها الانثوي الي الكل يضرب المثل فيه وشعرها الي كساه اللون الاسود الداكن
وعيونها الوساع الي كان ابوها يشبهها بعيون المَها وعند خدينها غمازات كل مابتسمت بانت غمازتها ام خشمها سلة سيف وشفايفها الورديه المليانه !
____________________________
بعد الظهر الكل راح غرفته يرتاح والي راح يكمل اشغاله
اما العنود رتبت العامله اغراضها وخذت لها شاور ولبست لها ملابس مريحه وخذت لها غفوه خفيفه تريح فيها اما ساره والجوهره كانو جالسين بالصاله لحالهم لفو راسهم بوقف واحد وشافو نوف ترمي شيلتها وتقول : وين عمتي وينهااا !
حطت الجوهره صبعها على شفايفها وقالت : اص اص نايمه !
جلست نوف وجت وراها لطيفه وقالت : وينها عمتكم !
ساره بحده : ياليل نايمه نايمه قلنا
ابتسمت الجوهره وقالت : دريتو ولا ؟
عدلت جلستها نوف وقالت : وش صاير بعد ؟
حمرّت خدود الجوهره وقالت : هتان خطبني ووافقت
مسكت ساره راسها وقالت : ياوووويلي متى كل ذا !
عدلت الجوهره جلستها وقالت لهم السالفه من الالف للياء
رفعت ساره حاجبها وقالت : وانا اشوف هتان يهووجس
قاطع سوالفهم مريم بصراخ : الجوهره ! قومي يلا تجهزي ؟
عقدت الجوهره حواجبها وقالت : ليه ليه حق وشو ؟
مريم بحده : بتجلطيني انتي ! قومي البسي بس الشيخ بيجي المغرب !
توسعت عيون البنات كلهم وتفاقعو يتجهزون مع الجوهره
توترت الجوهره وقالت : قومو عمتي من النوم تساعدنا !!!
راحت ساره لغرفة عمتها ودقت الباب وقالت : عمتي العنوووود
فتحت العنود عيونها وقالت : هاه ياساره ؟
ساره من خلف الباب : نبي مساعدددتك عمتي
تنهدت العنود وقامت تفتح الباب وقالت : مارح اساعدكم !
شهقت ساره وقالت : ليييه تكفين !
العنود بحده : انا قلت ماتنادوني عمتي تنادوني العنود !
ابتسمت ساره وقالت : طيب العنود اليوم بيجي الشيخ حق ملكة الجوهره
توسعت عيون العنود وقالت : الحين !!!
ساره بحده : ااااي الحين
سكرت العنود عيونها وقالت : خلاص انتو خذو فساتينكم واغراضكم وتعالو البسو عندي !
فزت ساره للبنات وقالت : جيبو فساتينكم تقول العنود !
نوف بحده : هي انتي قولي عمتي !
ساره : يا غبيه هي تقول نادوني العنود
صعدو البنات كل وحده دورها عشان يلبسون اي شي قدامهم من فستان اما تنهدت لطيفه وقالت : بروح بيت ابوي بجيب لي فستان
هزت راسها نوف وقالت : تمام انتبهي !
نزلت لطيفه مره ثانيه وطلعت بسرعه ركض لبيتهم وراحت غرفتها وخذت لها فستان مع شوية اشياء تحتاجها ورجعت بيت الجد عبدالله لكن استوقفها عبدالله الي عقد حواجبه وقال : وين كنتي ؟
تنهدت لطيفه بحكم انها تعبت وقالت : رحت بيتنا اجيب فستان عشان ملكة الجوهره !
عبدالله بحده : لاتنسين اني موجود طيب ؟
سكرت لطيفه عيونها وقالت : مانسيت بس مامداني اقول وكلنا مستعجلين
طنشها عبدالله ودخل المجلس اما لطيفه دخلت داخل وراحت غرفة العنود ومسكت مقبض الباب وفتحته ودخلت اما العنود ابتسمت من دخلت عليها لطيفه وقالت : لطيفه !
ابتسمت لطيفه وقالت : اي لطيفه
قامت العنود من تسريحتها وحضنت لطيفه وقالت : يازينك عسل عسل
اما نوف دخلت وهي تركض وتقول : وينها وينها عمتي ؟
ابتسمت العنود من شافت نوف وكيف هي شبه ابوها نسخه منها وقالت : تصدقين تشبهين ابوك ؟
لفت نوف قدامها وجت عينها بعين العنود وابتسمت على طول وفزت تحضنها وقالت : عممممتتتتيييي
ضحكت العنود وقالت : ماصدق انتي متزوجه !!
رفعت نوف حاجبها وقالت : عمتي لو سمحتي عن الغلط
العنود بحده : يع وشو عمتي ليه رسميات !
ضحكت نوف وقالت : خلاص العنود
تخصرت الجوهره وقالت : وش هالقعده الرومنسيه الي قاعدينها ؟ اخلصو علي البسو !
فزت العنود وقالت : يلا يلا
بداو البنات يتجهزون ويلبسون كلهم مع بعض واخذو من الوقت ساعه ونص تقريبا ودخلت عليهم ليان وقالت : حشى والله لو انه عرس !
بعدت العنود المرايه عن وجهها وقالت : لين ولا ليان !
توسعت عيون ليان وقالت : عمتي العنووود وحشتييينيييي
حطت ليان رجلها وركضت باتجاه العنود وحضنتها
العنود : مين انتي الحين ؟
ليان بحده : انا ليان ليييان ؟
دخلت لين وهي تقول : بسرعه بسرعه ابي عطر ابي عطر
ابتسمت ليان وقالت : شوفي انا مع مين !
لفت لين على صوت ليان وشافتها جالسه بجانب العنود وتوسعت عيون لين وقالت : عمه العنووووووود !!!
فزت لين تحضن العنود وقالت : اشتقت لك مررره
بادلتها العنود الحضن وقالت : وااانا اكثرررر
____________________________
بمجلس الرجال كانو كل الاهل بالمجلس ودخل عليهم الشيخ
وجلس بين هتان ومحمد ومن هاذا الكلام لين وقع هتان ومحمد وبدت التباريك لهتان الي كانت الفرحه مسيطره عليه
وتقدم له عبدالرحمن وحضنه وقال : بتصير زوج اختي يا هتان !
ابتسم هتان وبادله الحضن وقال : بتصير نسسسيبي
اخذ عبدالرحمن العقد ووقف عند باب المدخل وقال : الجوهره !!!
فزت الجوهره وقالت : تكفين احد يجي معي !
قامت العنود ومسكت يد الجوهره الي كانت بارده وترجف بشكل مو طبيعي وقامو مع بعض وتوجهو لعبدالرحمن الي اول ماقبلو عليه قال : الاقيها من الاخت ولا العمه شذا الزززين !
ابتسمت الجوهره وحضنت عبدالرحمن وقالت : دحوووومم
بادلها عبدالرحمن الحضن وقال : عيوووونه
مد العقد والقلم لها وزاد توترها وخذت القلم ووقعت وطبع عبدالرحمن بوسه على راسها وقال : مبروك !
تجمعت الدموع بعيون ساره وحضنتها العنود وقالت : لا تبكين يا امي انتي !!
______________________________
نكمل بعدين حبايبي ❤️
عطوني رايكم بالشخصيه الجديده 🥲؟

حياكم انستا 🫶🏼