جيتيني مثل الشروق الي محى عتم الليالي

Part 22

اليوم الثاني |
تحديدا الساعه 4:20 العصر
صحت نوف من النوم وشافت الساعه وفزت الحمام ( الله يكرمكم ) وفرشت اسنانها وتوضت وسوت روتينها من كريمات وحركات وطلعت من الحمام تصحي ساره وهي تقول : ساره يلا قومي عشان نروح بيت عبدالله! قاطع دخولهم الجوهره وهي لابسه ومتكشخه تقول : احلفو توكم صاحين !!
نوف : ايوه توني صاحيه
ساره بنعاس : كم الساعه ؟
الجوهره رفعت يدها تشوف الساعه وقالت : اربع وخمس وثلاثين يماما
قامت ساره من السرير ودخلت الحمام ( الله يكرمكم )
نوف طلعت فستانين وقالت للجوهره : الي على اليمين ولا الي على اليسار؟
الجوهره اشرت على اليسار وقالت : هاذا حلو
نوف حطته على السرير وقالت : بسوي ميكب بعدين بلبس
طلعت ساره من الحمام وطلعت لها لبس على طول بدون اي تعب ولبسته الي كان توب لونه ازرق وبنطلون اسود وبدت تسوي المكيب المعتاد حقها
نوف قامت من التسريحه وقالت : انا خلصت بجهز شنطة ملابس بعدين بلبس جهزت نوف ملابسها بحكم انهم رح ينامون عند لطيفه ولبست لبسها الي كان عباره عن فستان خيط ولونه ازرق فاتح ولبست عبايتها وجلست تلبس كعبها وكانو ينتظرون ساره تخلص
الجوهره : اوبا فارس يدق اخلصي ساره !
ساره الي كانت تلبس عبايتها قالت بصراخ : طططيب البس عباتي !!!
طلعو البنات متوجهين لسيارة فارس وركبت نوف قدام بدون اي كلمه ولا سلام وكانو ساره والجوهره شاكين بوضعهم
وكانت السياره الثانيه فيها سعد وسلمان وهتان وعبدالرحمن
______________________
عند لطيفه الي كانت شاده حيلها بذمه وضمير وتجهز الحلا والقهوه وتبخر وتروح وتجي وكل هاذا تحت انظار عبدالله وقال : بس اجلسي تراهم مو غريبين هم ؟
لطيفه بحده : تستهبل انت حتى لو اول مره يزورن بيتي !
عبدالله وقف وقال : براحتك عاد انا بروح المجلس
لطيفه طنشته وتوها بتدق على البنات ورن الجرس وفزت ركض لهم وفتحت الباب وكانو البنات داخلين وقالت بصراخ : وحششششتووووونيييييييي
نوف توهقت وهي تقول لها : اص اص ورانا العيال
طلع عبدالله على صراخ لطيفه وصرخ على البنات كلهم انهم يدخلون داخل وسلم على الشباب وتوجهو للمجلس اما البنات دخلو الصاله وجلسو يفصحون عبايتهم وقالت نوف : شفيه ذا سوا تحديد للكل ؟
ساره : والله مو منا من صراخ لطيفه ذا
لطيفه جلست وقالت : اما عاد
نوف بضحك : صصباااح الخييير
لطيفه : شفيكم تاخرتو ؟
تخصرت الجوهره وقالت : رحنا نجيب لين وليان سنه سنه
ليان بحده : وراه ماتنطمين ؟

طبعا رح نشرح تفاصيل البنات اولهم الجوهره الي كانت لابسه جاكيت عادي وداخله توب وبنطلون اسود وشعرها الي كان ذيل الحصان ومكياجها الهادي المعتاد
_
لطيفه كانت لابسه توب وردي قصير يبين بطنها وبنطلون ابيض مع شعرها الي كان مفرود ومن الاطراف ويفي خفيف ومكياجها الي مناسب ملامح وجهها
_
ليان كانت لابسه فستان خيط اسود قصير تحت الركبه وكان ضيق مبين خصرها المنحوت وكان شعرها مفرود وستريت ومكياجها الجريئ ولون روجها الاحمر
_
لين كانت لابسه توب بيج له اكمام طويله مع تنوره لونها اسود وشعرها المفرود ورا اذنها ومكياجها طبعا طبعا الهادي والخفيف يبين ملامحها الطفوليه
—————————————————————
نرجع للبنات بعد ثلاث ساعات الي كانو جالسين ومقضينها ضحك وسوالف قاطع وناستهم ليان الي ماسكه جوالها وجالسه تقرأ بصوت عالي وكانت تقول : المدرسه بعد شهر يعني بعد زواج نوف باربع ايام
تلاشت ابتسامة نوف وقالت : حسبي الله عليك يوم خربتي فرحتتتنا
ضحكت ليان وقالت : ماردكم بتنصدمون بعدين
نطت ساره وقالت شرررايكم نسوي مقلب بالعيال ؟
نوف تفاعلت معها وقالت : ايه ايه شرررايكم
لطيفه بدت تتفاعل وقالت : ايه بالله وشو ؟
ساره : اسمعو نبي نمثل ان وحده طايحه عند الدرج ونصب عليها فيمتو وكذا
نوف بضحك : وربي جدددول !!
ليان بخبث : بس يا حلوات مين بتضحي وتمثل ؟
لين رفعت يدها وقالت : انا انا معليكم
نوف : بس كذا رح يشوفونها !
لين بثقه : يع ترا لا تخافين على زوجك مارح اسحره بجمالي
نوف بقرف : وع !
لطيفه بحماس : عندي فكررره
ليان : انطقي !
لطيفه : شرايكم نلبس عباياتنا كلنننا بعدها نسوي نفسنا ان كنا بنروح البقاله ولين طاحت
الجوهره فزت ركض تلبس عبايتها وفرو البنات معها وراحت لين عند الدرج وجتها لطيفه كبت عليها فيمتو ووزعته على لين والدرج
ساره بتوتر : اسمعو بعد لين ثلاثه انا بجلس اصيح عند لين وليان معي ولطيفه والجوهره ونوف انتم تروحون تصرخون عند العيال سمعتو
نوف : يلا يلا
ساره : 1  2 3 بدت تبكي ساره والبنات يصرخون متوجهين للعيال
نوف ببكاء مزيف : اللحقوووو لييين طاحت من الدرج
لطيفه ببكاء وطاحت على الارض : ليييين لللاااا بتموووت
فز عبدالله وقومها من الارض يهديها
لطيفه ببكاء : طاااحت على الددررج كلها دم
فزو العيال بصوت واحد : ووووشووو !!
الجوهره ببكاء : تكفى قومو خذوها على المتشفى تكفى
فزو العيال كلهم للدرج وانصدمو يوم شافو لين كانها جثه وساره وليان يبكون حولها بس شك فارس وقال : ليه لابسه عبايتها
نوف بصراخ : كناااا بنروح البقاله
فارس طار عقله من صراخ نوف وسكر فمها يقول : اص اص هدي يا امي فضحتينا !!!
فز سلمان للين الي بالنسبه له كانت جثه وكيف كان يشوف الدم بكل مكان ومايدري من وين الدم وهاذا ووين مكان الطيحه حط اذنه عند قلبها يتحسس نبضات قلبها وفزت لين تصرخ باذنه : بوووووووههههه !!!
انخرش سلمان ورجع على وراء وهو يتعوذ من الشيطان عكس لين الي كانت ميييته ضحك وضحكو معها البنات والعيال مو مستوعبين لين الحين قال هتان : طيب هي قامت والدم ذا ؟
الجوهره بضحك : مقلب مقلب فيمتو ذا
تنهد فارس وقال : والله هاذي مشكلة مواليد 2005 ( طبعا الكل يدري ان البنات اخر سنه بالثانوي وعمرهم 18 )
عبدالله مسك كتف فارس يربت عليه وقال : اتوقع بدينا نندم على خبال بنات الثانوي
لفو لطيفه ونوف بنفس الوقت وقالت نوف : نعم ماسمع ؟
لطيفه : عبدالله مسوي فيييها انت ؟
عبدالله ماينكر انه ذاب وقال : انا عن نفسي ماندمت واشر على فارس وقال ذا الي ندم
نوف لفت لفارس وقالت : وش تبريرك الان ؟
شهق فارس وقال : كذذذاب متى قلت الكلام ذا انا ؟ وقسم خراب بيوت
نوف بحده : اقول لا تكذب اخوي ندمان اجل
لفت نوف وطنشت فارس الي كان مصدوم من نوف ولف على عبدالله وفرع عبدالله اكتافه وقال : مالي دخل انا
دخلو لطيفه ونوف على البنات الي للحين ميتين ضحك للحين وقاطعتهم لطيفه تقول : لين اقول بس روحي غسلي جسمك من الفيمتو وانا بمسح الدرج واغسل عبايتك
لين بحب : ماتقصررررييين
فزت نوف تسال لطيفه عن مكان الممسحه وجاتبها نوف وجلست تمسح الفيمتو الي على الدرج وكانت تهوجس بكلام عبدالله عن فارس كيف انه ندمان ومع كل كلمه تتذكرها ينكسر قلبها
جت لطيفه حق نوف ونادت باسمها بس ماردت نوف واشرت لطيفه بوجه نوف وقالت : ايييو شفيك انتي ؟
نوف بعدم استيعاب : هاه وشو
لطيفه مسكت يد نوف وقالت : خلاص مسحتي الله يعطيك العافيه تعالي البسي بجامتك زينا عشان بنتابع موفي ونتعشا
نوف حطت راسها على كتف لطيفه وقالت : تمام يلا
________________________________
عند العيال |
كانو هتان وسعد يتنافسون على فيفا
هتان بقرف : يييع تبي تفوز انت وتشكيلتك الخايسه ذي ؟
سعد بحده : حدددوددد حبيبي فاتح بكجااات عشانهم
هتان بحماس : يبوي دز
اما عند عبدالرحمن وعبدالله وفارس وسلمان الي كانو يسولفون
سلمان : ياولد والله مشكله ذول انخرررشت
عبدالرحمن : بنات الثانوي ذول ماهم سهلين
فارس بحده : ذا خرب علي واشر على عبدالله
عبدالله بضحك : والله تنرررحم نوف صدقت على طول
سلمان : ليه شسالفه ؟
فارس : تخيل عاد يوم قالو مقلب قال عبدالله اتوقع بدينا نندم على خبال بنات الثانوي وفزو لطيفه ونوف يقولون وشووو وذا الغبي ذاب وقال عن نفسي انا ماقلت فارس الي قال ونوف صدقته
ضحك سلمان وربت على كتف فارس وقال : مبروك خراب بيتك عزيزي
فارس بحده : ياولد انقلع بس خراب بيتك انت
عبدالرحمن : وانا اخوك صج اقول مبروك خراب بيتك
تنهد فارس وقال : المشكله واضح زعلت عطتني ظهرها وراحت
عبدالله : شوي ونادها كذا برر لها
فارس : ايوه براضيها اجل ازعل علي عشان وجهك يا خراب بيوت ؟
ضحكو كلهم على فارس
_

التكمله بالبارت الجاي حبايبي حسابي تيك 7ilox8u انزل عن الروايا
-
قولو لي رايكم بالبارت في تيك وهل فيه اخطاء او ملاحظات ؟