جيتيني مثل الشروق الي محى عتم الليالي

Part 17 💍

والله وتحقق مُنايا شوفو حبيبي معايا ❤️❤️
____________________
مر اسبوع بدون احداث مهمه ولاشي وكان باقي على عرس عبدالله ولطيفه يوم

بالدور الارضي تحديدا بمجلس الرجال بدا الحديث من عند هتان : والله بتتزوج يا اخوي
عبدالله حضنه وقال : والله بتوحشني يا كلب عقبالك
هتان : اذا هي من نصيبي الله يقربها لي
عبدالله خبط هتان على ظهره : والله وتحب يا ملعون ؟
هتان بضحك : اجل بس انت ؟
قاطهم دخول فارس الي كان معصب وعروقه بارزه
عبدالله : علامك انت داخل علينا كذا ؟
فارس بعصبيه : يا رجال متهاوش مع واحد
عبدالله تنهد : حسبت سالفه كبيره انا ؟
فارس صد عنه وقام : انا بنام وانت قم نام احسن لك
عبدالله : جاي معك اصبر
عند البنات الي كلهم كانو عند لطيفه وحاطين ماسكات للبشره وجالسين يتجهزون
نوف : ماصدق بتتزوجين لطيفه ولا اخوي بعد
لطيفه : يا شيخه ولا انا مصدقه
نوف بفرح : الله يتمم لكم وتجيبون بيبي يالله قد ايش بكون مبسوطه
توسعت عيون لطيفه وقالت : مستعجله يا الغاليه انتظري عاد
ليان بحده : وهي صادقه نبي نشوف ورعانتس
لين : كم الساعه بالله عليتس
ليان بصدمه : اما الساعه 1:30 !!
لطيفه بذهول : ياويلي قومو نغسل الي بوجهنا وننخمد
نوف : يلا يلا
بعد ماغسلو كلهم تسدحو ودخلو بالنومه على طول
____________________________________
اليوم المنتظر عرس عبدالله ولطيفه 💍
دخلت ام لطيفه على البنات بصراخ: قومو انتي وهي لعنبوكم فالحين بالسهر
فزت لطيفه : كم السسساعه ؟
ام لطيفه بعصبيه : لعنبتوس الساعه 12 الظهر
توسعت عيون لطيفه وقالت : باقي ساعه على موعد الصالون قومو !!
فزت نوف من نومتها : كذابه لطيفه !
لطيفه بعصبيه : امزح معتس انا الحين ؟ ترا موب وقتس
فزو البنات بسرعه والي تصلي والي تجهز الاغراض ومنها يعني
فزت لطيفه : يبنات سعد اخوي براااا !!!
نوف : ياويلي يلا جايين
___
عند بيت الجد عبدالله |
فارس بحده : ياااا ام فااارس
فزت ام فارس لولدها بحكم ان الامهات جايبين لهم الميكب ارتست للبيت والبنات مع لطيفه بالصالون
ام فارس : شتبي انت
فارس : شوفي لي طريق بروح فوق اجيب اغراضي
ام فارس : تعال مافيه احد
توجهه فارس لغرفته واخذ ثوبه وشماغه ونزل على طول
___
بمجلس الرجال |
عبدالرحمن : هتان يا هطف قم نروح الحلاق
هتان : ياولد اصبر عبدالله بيجي معنا
قاطعهم دخول فارس وقال : عبدالله ذا وينه
سلمان : اشغلنا ذا العبدالله وينه
دخل عليهم عبدالله وقال : جيت ياخي
فارس بعصبيه : ياولد انت وينك بنروح الحلاق
عبدالله بحده : طيب جيت ماني بطاير انا !!
فارس : الله يصلحك بس

ماعلينا منهم عند البنات الحين بالصالون |
لطيفه والبنات كانو بجناح خاص وكل ثنتين بغرفة ولطيفه لحالها وترتيب الغرف كالاتي : نوف ، ساره - ليان ، لين -
لطيفه وكانت مرافقتها الجوهره
لطيفه بركبه : ياويل حالي
الجوهره : علامتس انتي صاحيه ؟
لطيفه بخوف : خايفه يمه
الجوهره : بلى استعباط بس خليها تكمل شعرتس
بدت لطيفه بشعرها وكانت وحده ثانيه تسوي اظافرها وعند الجوهره الي توها باديه بالاظافر والشعر