جيتيني مثل الشروق الي محى عتم الليالي

Part 52 💍

—
__________________________
دخلو نوف ولين للميكب ارتست وكان داخل برضو العنود وساره
نوف : يا بنات مقدر بروح اشوف الجوهره
العنود بانفعال : يووو صح الجوهره روحي شوفيها تكفين
طلعت نوف من غرفة الميكب ارتست وتوجهت لغرفة العروس ومسكت مقبض الباب وفتحته بشويش انرسمت الابتسامه على شفايفها من شافت الجوهره توها بتبدأ الميكب حقها تقدمت نوف للجوهره ومسكت يدها وقالت : جوجوووو
فتحت الجوهره عيونها وقالت : يمه نوف خاااايفه بموت
ضحكت نوف وقالت : معليه ترا تصير بس انتي روقي شوي وخلاص مافي اي شي يوتر ويخوف .. انا الحين بروح اذا تبين شي قولي لنا !
ابتسمت الجوهره وطلعت نوف عشان تكمل الميكب حقهم
" بعد ثلاث ساعات "
سكرت العنود جوالها بعد ماتطمنت على نايف بدت تتامل شكلها بالمرايه وكانت لابسه
فستان لونه احمر ضيق وعند الكتوف فيه جناح ( بقول جناح لان مدري وش اسمه بس بنزله بالانستا ) وشعرها الاسود ويفي خفيف مع اكسسورات باللون الفضي ومكياج يبرز الملامح
توجهت لغرفة التبديل تشوف البنات وكانت اول وحده خلصت ساره ابتسمت العنود وقالت : عسسسل على قلبي سويرررر !!
ابتسمت ساره وركضت تحضن العنود وقالت : لابسه احمر ماتدرين ان راكان ثور ؟
توسعت عيون العنود وقالت : بنت ! اعقلي
__
فستان ساره لونه سماوي ضيق وفيه برضو جنحان مزخرفه باللون الفضي مع اكسسورات فضيه وشعرها ويفي ومكياج مناسب لها
__
فستان ليان كالعاده لونه ازرق عاري الاكتاف ومن تحت طويل وفيه زي الورود بالنهايه وشعرها ستريت مع اكسسورات فضيه مع حجر ازرق ومكياج جريئ كالعاده
__
فستان نوف لونه ابيض مع نص اكمام فضفاضه او واسعه لونها اصفر وبرضو من عند الصدر اصفر مع اكسسورات بسيطه وتسريحة شعرها الي كان نص شعرها على جنب والنص الثاني ويفي مع مكياج هادئ
__
فستان لين لونه كحلي عاري الاكتاف وفيه ترتر من فوق ومن تحت منفوش مع اكسسورات كحليه وشعر ويفي ومكياج كالعاده هادي لملامح وجهها الطفوليه
__
فستان لطيفه لونه احمر مع نص اكمام فضفاضه او واسعه مع بطنها البارز واكسسورات باللون الذهبي وشعرها برضو ويفي ومكياج بازر الملامح
__
عروستنا شقرتنا الجوهره فستان ابيض اكيد قماش واقف مو منفوش ضيق من عند الصدر والخصر ومن تحت سيدا مع نص اكمام فضفاضه او واسعه برضو مع طرحه مرصعه باللؤلؤ وشعر ويفي ومكياج عروس متكامل
__
بعد ماخلصو البنات من الصالون توجهو لقاعة النساء يكملون التجهيزات هناك
فصخت لين عبايتها واخذت جوالها وتوجهت للحمام وقفلت عليها الباب وسندت ظهرها عليه وتنهدت تضغط على رقمه وتحط الجوال باذنها تنتظر اتصاله مرت اكثر من 15 ثانيه بدت تفقد الامل ونزلت الجوال من اذنها وكانت على وشك البكاء لكن شهقت من سمعت صوته يقول : الو ؟ الو ! حطت الجوال باذنها وقالت : الو
سلمان : لين ! انتي لين ؟
زفرت لين وقالت : ايه انا لين
سلمان : يامرررحبا بهالصوت .. جابك الله ؟
تنهدت لين وقالت بحده : سلمان اسمع !
سلمان : كلي لك اسمعك يا ليني
لين : سلمان انا وانت ندري إنك تحبني ! وكنت اكابر واقول اني ماحبك وكنت تبيني اصير حلالك وانا كنت رافضه الفكره ذي ولا انا بعد احبك يا سلمان ! والله يشهد علي ان محبتك بقلبي وكنت اكابر بذا الشي مادري ليه هو خوف اني احبك وتغدر فيني او مدري مدري انا ليش ما بادرت وقلت اني احبك برضو انا احبك يا سلمان واذا انت شلت طاب خاطرك وفقدت الامل فيني وكرهتني بعد ! الله يوفقك ويسعدك بحياتك مع غيري قالت الكلمه هاذي وعيونها تغرغر من الدموع سكرت الاتصال بدون تنتظر اي رد منه بس حبت توصل كلامها الي تبي تقوله من زمان تقريبا حطت الجوال على المغسله وبدت تناظر عيونها الغرقانه خلتها تنزل بعدها بدت تضبط المكياج بعد البكاء ناظرت جوالها الي كان فوق الخمس اتصالات من سلمان تنهدت تاخذ الجوال وتطلع من الحمام متوجهه للبنات
العنود بصراخ : نااايف ! تعال البس ثوبك !
بوّز نايف وكتف يديه وقال : بس بعدين تعطيني ايبادي !
تنهدت العنود وقالت : بعطيك والله بعطيك بس تعال ! توجهه لها وبدت تلبسه ثوبه وشماغه وتحط له عطر برضو نايف بحده : خلاص مابي ايباد ! بروح عند الرجال لاني رجال !
ابتسمت العنود وتقدمت تبوس خذه وقالت : احلى رجال والله !!
طلع نايف من الغرفه وقامت العنود تلبس كعبها وقالت : تعبني الولد ذا تعبنننني
ابتسمت نوف وقالت : الله يعينك !
_________________________
قاعة الرجال |
الجد عبدالله بحده : الضيوف بدو يجون ومحد عند الباب يستقبلهم !
سكر عبدالله عيونه يمنع الغضب عنه وقال : طيب انا وابوي بنروح نستقبلهم الحين
الجد عبدالله : وخذ عيال عمك فارس وعبدالرحمن السملق ذول
تصنع عبدالله الابتسامه وقال : ابشر
مشى عبدالله للجهه الثانيه من القاعة بحكم انها كبيره وقال : جدي رّج راسي ! روحو استقبلو الضيوف انتو وجايكم !
لف عبدالرحمن راسه وقال : دقيقه بعدل شماغ الثور ذا !
هتان بحده : انت الثور ! انا معرس احترمني شوي
عبدالرحمن بحده : يا رجال كل زق وثبت راسك ذا الغريب
هتان : لانه يوم عرسي بسكت لك
عبدالرحمن : غصبا عنك اصلا
تقدم لهم فارس وهو ماسك يد نايف وقال : ها خلصتو ؟
ابتسم عبدالرحمن برضى وقال : ايه خلصنا
فلت نايف يده من يد فارس وركض لابوه يبكي
توسعت عيون راكان وقال : اخو العيال ! شفيك
بدأ يبكي اكثر وقال بصوت عالي : ابي اروح عند العنوووووددد توسعت عيون راكان وسكر فم نايف وقال بحده : ولدد ! اص عيب
طلع جواله من جيبه وضغط على اسمها وحط الجوال باذنه ينتظر ردها
العنود : الو ؟ .. هلا راكان
ابتسم راكان بدون مايحس اول ماسمع صوتها وقال : هلا شسمه نايف يبكي يبيك بجيبه عندكم طيب
العنود : اما يبكي ؟ خلاص هاته
سكر راكان جواله ورجعه بجيبه وشال نايف وقال : يا بكايه ! وين الي يقول انا رجال مابكي
بدا نايف يمسح دموعه وقال : انا رجال!
ضحك راكان وقال : توك تبكي قبل شوي
وصل راكان قاعة النساء وانتظر العنود عند الباب لف على نايف وقال : تحب العنود ؟
ابتسم نايف وقال : اييي كثيييررر
رفع راكان حاجبه وقال : حتى انا تصدق
لف على صوتها الطفولي وهي تقول : وينه حبيبي نايف !! تنح راكان على كشختها باللون الاحمر وكانه مايشوف غيرها ابدد قربت العنود منه عشان تاخذ نايف لكنه ماقدر يمسك نفسك وحاوط خصرها يجرها لصدره ويستنشق ريحتها اما العنود تجمدت بمكانها وبدت تتسارع انفاسها وهمست بصوت خافت : راكان مو قدام نايف ! اطر انه يبعد عنها لكن ماكان وده اصلا اخذت نايف لحضنها ولفت راسها تبتسم لراكان ودخلت داخل وبطريقها للغرفه قالت : ليش بكيت
نايف بانفعال : لاني ابيك !
ابتسمت العنود وبدت تلعب بخدوده وتقول بصوتها الطفولي : وااااييي حبيبيييي
دخلت الغرفه ونزلته على الارض واعطته الايباد
" بعد ساعة ونصف " بدت القاعه تمتلي من النساء وكان بس باقي ربع ساعه على زفة الجوهره
طاولة النساء -
ليان بقرف : وع تفشل ! ماتم شي ماخمته بشنطتها تقول اول مره تشوف نعمه !
ضحكت ساره وقالت : اييي قهرتني ! خمت التوزيعات كلها المشفوحه
لطيفه بحده : انتو ماتم احد ماحشيتو فيه ؟
ليان بحده : لطيفه سدي حلقك ! ترا نتسلى مانحش
توسعت عيون لطيفه وقالت : نتسلى ! نتسلى يا ليان ! الله واكبر عليك نتسلى
تلفتت نوف يمين وشمال وقالت : ابك ذي والله لو ماتجلس ورعها اني لا اسدحها هي وولدها !
ساره بحده : كاتبين على الدعوه جنة الاطفال منازلهم مسحبين ورعانهم ليييه ؟
رفعت نوف صبعها تهدد قالت : قبل تبدأ الزفه بخمس دقايق بجلس كل الورعان !
قامت العنود من الطاوله وعدلت فستانها وقالت : بشوف الجوهره انا تعالي معي نوف
قامت نوف من الطاوله ومشت خلف العنود والانظار كلها عليهم وصلو غرفة العروس ودقت نوف الباب ودخلت واندهشت من جمال الجوهره وتقدمت تحضنها وقالت : عروووسة قلبيي جوجو
ابتسمت الجوهره وبادلت نوف الحضن وقالت : متوتره نوف !
اخذت العنود كاس ماي بجانبها وقالت : خذي المويه وخذي لك مهدئ برضو مدت يدها الجوهره تاخذ المهدئ وباليد اليمنى تشرب المويه ومدتها للعنود بعد ماشربت وقالت : باقي خمس دقااايق
قامت نوف وقالت : بروح اجلس الوراعين اصبرو
طلعت نوف من الغرفة راجعه للقاعه تمشي بكل ثقه للمسرح متوجهه للمغنيه وهمست باذنها : قولي لهم يجلسون وراعينهم عشان الزفه بعد خمس دقايق! ابتسمت المغنيه ورفعت المايك تقول : لو سمحتو كل وحده تجلس طفلها لان زفة العروس بتبدا ولا اشوف طفل واقف !
ابتسمت نوف ونزلت من المسرح متوجهه لطاولة البنات وقالت : ارتاح قلبي الحين
بدت الانوار تتسكر دليل ان الزفه بتبدأ لف الجميع للبوابه الي جت عليها الانوار وانفتحت البوابه وطلعت الجوهره منها تمشي على الحان اغنية حسين الجسمي ( ادخلي عمري ) رصت على مسكتها من قربت عند درج المسرح وتقدمت امها تساعدها وبرضو نوف صعدت على المسرح وتوجهت للكوشه ووقفت لاجل تصورها المصوره تقدمت لها امها تسلم عليها وفزت الجوهره تبوس راس امها وتحضنها وتقول : فضى عليك البيت يا يما من يتقهوى معك الحين !
ابتسمت مريم وقالت : ابوتس
ضحكت الجوهره وتقدمت تسلم على عمتها مرام الي انرسمت الابتسامه على شفايفها وقالت : يا مرحبااا ابتسمت الجوهره وصعدو البنات يسلمون عليها وجلسو معها على الكوشه يخففون التوتر عنها
ابتسمت لطيفه وقالت : وانضمت لنا الجوهره الحين !
بوّزت ساره وقالت : خيير بصير لحالي مابغى !
لفت الجوهره على ساره وقالت : سااااره لا عاد
حضنت ساره الجوهره وقالت : كذا بتخليني جوجو ؟
ضحكت الجوهره وقالت : اخسي اخليتس !
وقفت الجوهره من صعدت جدتها للمسرح وتقدمت لها الجوهره تساعدها وتسلم عليها وتحضنها : جددده بتوحشيني
عقدت حواجبها الجده ساره وقالت : ابك وشو بتوحشيني بشوفتس بكره !
ضحكت الجوهره وقالت : احه !
قامت نوف من مكانها متوجهه للجوهره وهمست باذنها : هتان ينتظرك داخل !
توسعت عيون الجوهره وقالت : تمام تمام
نزلت الجوهره من المسرح بمساعدة نوف ولحقتهم ساره برضو وصلو غرفة العروس وفتحت نوف مقبض الباب وقالت : الجوهره جت !
رفع هتان راسه وانرسمت الابتسامه على شفته من اقبلت عليه لسانه عاجز عن وصف المنظر الي قدامه طلعو نوف وساره من الغرفه ووقف هتان ومشى لها وقال : يعجز لساني عن الكلام
ابتسمت الجوهره ورفعت راسها وقالت : صدق ؟
ابتسم هتان وماحس بنفسه الا وهو يحضنها ويقول : كنت انتظر هالحضن اكثر من اي شي
ارتخت الجوهره بحضنها وبادلته الحضن لكن قاطعهم دخول المصوره بدت ترتب اغراضها من كميرات واضاءه وخرابيط يعني وتعطيهم وضعيات لاجل تصورهم
" بعد نص ساعه " دخلت نوف الغرفه بعد ماطلع هتان وبدت تجهز شنطة الجوهره الي بتاخذها الفندق تنهدت نوف تسكر الشنطه ولفت على الجوهره الي تلبس عبايتها البيضاء تقدمت لها نوف تحضنها وتقول : مع السلامه حبيبييي انتي
بادلتها الجوهره الحضن والعبره خانقتها اخذت نوف جلال وحطته عليها واخذت الشنطه ومشت خلف الجوهره لين ماوصلو للبوابه لف فارس وقال : اوووه عروستنا الجوهره ابتسمت الجوهره وقالت : يالله يا فارس
تقدم فارس يحضنها ونزلت نوف الجلال من راسها وقالت : يهب وش هالحضن الطويل
ضحكت الجوهره وقالت : يمه منك !
مسكت الجوهره يد فارس ووصلها للسياره اما نوف دخلت داخل تحط الجلال وتوجهت للقاعه الي فضت لانهم بغرفة الطعام مشت الى غرفة الطعم وخذت لها صحن تحط لها اكل وجلست مع البنات
عقدت ساره حواجبها وقالت : بس كذا انتهت القصه ؟ ضحكو البنات عليها وقالت نوف : وش ذا القصه النايمه يبوي !
بدت العنود تشيل رموشها وقالت : بس بس مقدر!
مدت نوف يدها تفصخ الكعب وقالت : اخ رجولي تجرحت
___________________________
بالفندق |
فتح هتان الباب بالكرت وقال : سمي !
ابتسمت الجوهره ودخلت الغرفه ودخل هتان الشنط ورمى البشت والشماغ على الكنبه وقال : بروح اجيب عشاء خذي راحتس يا بعدي
هزت الجوهره راسها وطلع هتان من الغرفه بدت تكتشف الفندق وفصخت فستانها ورمته على السرير وفتحت شنطتها تطلع الملابس الي من عمتها ودخلت الحمام ( الله يكرمكم ) واخذت لها شاور سريع تغسل جسمها فيه بعد الشاور حطت لوشن على جسمها وعطر جسم ولبست فستان ابيض ضيق فوق الركبه مع روب وشدت الحزام على خصرها حطت مسك على اماكن النبض توسعت عيونها من سمعت صوت الباب دليل على رجوعه سمعت صوته ينادي : الجوهره يلا العشاء !
طلعت من الحمام منزله راسها رفع راسه يشوفها وطار عقله تقدم لها يحاوط خصرها ويشدها لصدره حاوطت رقبته يدينها الصغيره شالها بحضنه وحاوطت خصره رجولها النحيله ومشى للسرير
و....🫠 الباقي عليكم
________________
نكمل بعدين حبايبي ❤️

يقولون ماجيتو انستا للحين ؟