فيني منك فيك مني غصب عنك غصب عني - _________________________ بالسياره عند فارس الي معه البنات كانت الجوهره قدام وباقي البنات ورا نوف بحده : الله يكتمك يا ساره يا معفنه ! لفت عليها ساره وقالت : خير انتي خير ! رفعت نوف حاجبها وقالت : طالعي طالعي كتمتيني ازحفي شوي ! زحفت ساره وقالت : يلا هاه تنفسي ارتاحي ! نوف حست بكتمه زياده من النقاب وفكته وخذت جوالها وجلست تفرفر فيه اما فارس كان مركز بسواقته ورفع راسه يعدل المرايه وجت على نوف الي فاكه نقابها عقد حواجبه ولف عليها وقال : مبسوطه ؟ رفعت نوف وراسها ومافهمت وش قال وقالت : هاه ؟ فارس : بشري عسى مبسوطه ؟!! نوف للحين ماستوعبت وقالت : ايوه مبسوطه عادي ؟ فارس بحده : اقول حبيبتي البسي نقابك بس ! سكرت نوف عيونها تمنع الغضب عنها وتنهدت وخذت نقابها ولبسته مره ثانيه __________ عند هتان والعيال | كان بجانب هتان سعد و وراهم عبدالرحمن وسلمان لف عبدالرحمن على سلمان الي كان غارق بالهواجيس ودق كتفه وقال : ياولد لذي الدرجه ماخذه عقلك ؟ لف سلمان وضحك وقال : اييييه غمز له عبدالرحمن وقال : معليك حتى انا احب توسعت عيون سلمان وقال : يا ولد انت انت تحب ! ضحك عبدالرحمن : وقال حالي من حالكم دق سلمان كتف عبدالرحمن وقال : طلع عاااشق اجللل لف عليهم هتان وقال : وش عندكم انتو سوالف ؟ عقد سلمان حاجبه وقال : سوالف خاصه لو سمحت هتان بقرف : وع سعد كان نايم بسااابع نووومه _ واخيرا بعد ساعتين تقريبا طريق وصلو الديره تحديدا مزرعة الجد عبدالله نزلو كلهم متوجهين داخل المزرعه نزلت نوف وكانت تحرك راسها يمين يسار وقالت : وين وين الاسطبل !! ضحكت الجوهره وهي تشيل شنطتها وقالت : يا غبيه ورا المزرعه دخلت نوف مستعجله تحط اغراضها وطلعت تركض ورا المزرعه وعبايتها طايره ونقابها طاير ضحك فارس وقال : شوي شوي لا تطيحين لفت نوف وقالت : معليك معليك راحت نوف ورا المزرعه وتفاجات باسطبل كبيير ولفت انتباها خيل بني جميييل جدا وراحت له وبدت تحط يدها على راسه وحست انه ارتاح لها بس قاطعها فارس يقول : اعجبك ؟ فزت نوف ولفت عليه وقالت : اي يجنن مره ابتسم فارس وقال : اسمها الكّحيله ابتسمت نوف وناظرت بعيون الكّحيله وقالت : عشان عيونها مكحله ؟ ابتسم فارس وقال : يازين عويناتها زيناه طنشته نوف وقالت : من مختار الاسم ؟ فارس : انا نوف : ايوه وليه ؟ ضحك فارس وقال : لان الخيل خيلي انا توسعت عيون نوف وقالت : امااانه كذاب ! ضحك فارس وقال : والله حقي والحين صار حقنا ابتسمت نوف وفكت نقابها ودخلت داخل مع البنات وكانو يرتبون اغراضهم الجوهره : شفتي الخيل ؟ ابتسمت نوف من تذكرت طاري الخيل وقالت : ايييه شفت الكّحيله عيييونها تجنننن مررره ضحكت الجوهره وقالت : والله وطحتي بغرامها شكلك تنهدت نوف وقالت : اخ يالكّحيله بس دخلت عليهم عمتهم مزنه وقالت : قومو انتي وياها الغداء قامو البنات عشان يتغدون وخلصو وجلسو يرتبون شوي بعدها الحريم راحو يتقهوون برا والبنات جالسين داخل يسولفون وقفت ليان وقالت : مزرعه ومزرعه وجالسين داخل ؟ وش حادكم !!! قامت نوف وقالت : عن نفسي بروح مع ليان ساره : بجي معكم لطيفه بتعب : مابجي انا احس بغثيان الجوهره : خلاص اجل بنجلس معك انا ولين لطيفه : تمام طلعو ساره ونوف وليان وخذو جوله بالمزرعه وتوجهو ورا المزرعه عند الاسطبل نوف : شوووفو الكّحييييله ساره : اما ذي ؟ لفت نوف على ساره وقالت بحده : وليه حبيبتي مو عاجبتك ؟ رفعت ساره اكتافها وقالت : عاديه يعني نوف حضنت الكّحيله وقالت : انتي العاديه بس ليان : نوف تعالي ندخل داخل هنا طبعا كان فيه غرفه صغيره فيها اغراض الخيل والسوالف ذا راحت نوف مع ليان اما ساره كانت تصور من الخيل تحت أنظار عبدالرحمن الي درعم وقال : ماتخافين ؟ فزت ساره وقالت : هو احبهم بس اركب ماحب ضحك عبدالرحمن وقال : يعني خوافه ؟ عقدت ساره حواجبها وقالت : لا يروح امك ماخاف ابتسم عبدالرحمن وقال : تبين تعرفين اي وحده افضّل انا ؟ ابتسمت ساره وقالت : اي واحد ؟ رفع عبدالرحمن ثوبه وحطه بفمه وتسلق السور ونط عند الخيول وراح عند خيل ابيييض مريح للعين جدا وقال : هاذي الحب جوزه ابتسمت ساره وقالت : جوزه ؟ عبدالرحمن : ايه وبغير اسمها ساره : ليييه ضحك عبدالرحمن وقال : ترا مالها اسم توني افكر الحين ساره : طيب وش بتسميها ؟ عبدالرحمن : ساره شرايك بس ؟ ابتسمت ساره وقالت : على جدتي ! عبدالرحمن : وعليتس انتي وين رحتي ؟ خجلت ساره وتوردت خدودها ولاحظها عبدالرحمن وقال : تستحين بعد ساره : شرايك بعد ؟ طلعو ليان ونوف من الغرفه وشافو عبدالرحمن راكب الخيل يسولف مع ساره ليان : عاني اختس طايحه بالحب مامداها تكمل كلامها الا وفزت نوف ركض تقول : عبدالرحمن تكفى تكفى تكفى ابي اركب الكّحيله الله يخليك عبدالرحمن : ابشري بي بس لاتقولين تكفى نوف : ابشر نزل عبدالرحمن من خيلته ساره وتوجهه للكّحيله وجابها وفتح الباب لنوف ودخلت وكانت بتركب الا جاهم فارس وقال : وش عندكم هنا ؟ عبدالرحمن : نوف تبي تركب نوف : اخلص على عبدالرحمن بركب فارس : البسي خوذه طيب ؟ نوف : ماله داعي ماله داعي ركبت نوف بكل احترافيه تحت انظار فارس وعبدالرحمن الي كانو منبهرين نوف : هاه مين يتحدى ؟ ضحك فارس وقال : انا اتحداك نوف : يلا فارس : عبدالرحمن جيب ذي حقتك البيضاء ضحك عبدالرحمن متوجهه لخيلته ساره وقال : حبيبي اسمها ساره البيضاء اول عقد حواجبه فارس وقال : على جدتي ؟ عبدالرحمن : لا على ساره ذي واشر على ساره فارس : ايوه ليه ؟ عبدالرحمن : مدري شفتها قدامي وقلت ساره غمز فارس وقال : ولا شي ثاني ؟ طنشه عبدالرحمن وقال : امسك شوي شوي عليها ركب فارس ساره ووقف عند نوف وقال : هاه ؟ نوف : بعد لين ثلاثه وننطلق مع بعض والي يفوز يطلب من الثاني شي ضحك فارس باستهزاء وقال : طيب طيب نوف : يلا واحد اثنين ثلاثه انطلقو نوف وفارس وكانو كلهم بنفس المسافه وتقدم فارس على نوف وضربت نوف برجلها الكّحيله لاجل تسرع وسرعت الكّحيله وصارت نوف متقدمه على فارس لين فازت نوف : هاه شفيك ؟ ضحك فارس وقال : يلا مبروك نزلت نوف من الخيل ونزل فارس وقالت : عندي يوم كامل افكر وش ابي فارس : حلالك يا امي ابتسمت نوف وراحت للبنات وتوجهو داخل للبنات الباقي الجوهره : سنه ! طولتو ليان : يا شيخه فاتك نص عمرك عدلت الجوهره جلستها وقالت : وشو وشو شصاررر ! ليان : خيل عبدالرحمن سماه باسم ساره عقدت الجوهره حواجبها وقالت : على جدتي طيب ضحكت ليان وقالت : لا ياروح امك انتي هو يقصد ساره ذي بنفسها الجوهره : والله وعشنا يا سوييير ولا مستحيه ساره حاولت تخفي ابتسامتها وقالت : ماني مستحيه انقلعي الجوهره : ايوه كملي بعد ليان : نوف وفارس سوو سباق بالخيل وفازت نوف وبتطلب من فارس شي يسويه لطيفه : حلو حلو استغلي الفرصه يا نوف نوف : تهقون وش اخليه يسوي لي ؟ بداو البنات يفكرون مع نوف _______________________________ عند العيال بالغرفه | عبدالله : وين غطستو انت واخوك ؟ ضحك فارس وقال : فاتك سويت سباق مع نوف وللاسف فازت علي هتان : تراها تعررررف انتبه لا يغرك فارس : والله تفاجات يعني عبدالرحمن : بقول لكم شي بس مابي سالفه ضحك فارس لان عرف وش عبدالرحمن رح يقول هتان عدل جلسته وقال : شعندك انت ؟ انسدح سلمان على رجول هتان وقال : في شي بالموضوع عبدالرحمن : سميت الخيل حقتي ساره بس دقيقه مو ساره جدتي ساره بنت عمي فز عبدالله وقال : سوير قلبي ودقاته ؟ عبدالرحمن : اي يمه قلبك ودقاته هتان : ياااحظظظهاااا عبدالرحمن : لا تفهمون غلط تراها كانت موجوده قدامي يوم ركبت الخيل وقلت لها بسميه باسمك غمز سعد لسلمان وقالو بصوت واحد : ترا راعي الهوى مفضوح عقد حواجبه عبدالرحمن وقال : يا رجال انقلع عني انت واخوك __________________________________
اشتقتو حق كلمة فارس ؟ وش تتوقعون نوف بتطلب من فارس ؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
