— _________________________ دخلت ليان وبيدها بوكس المعجنات وقالت : وهاذا المعجنات ووصل اخذت نوف البوكس تفتحته وقالت : حشى طولتي ! تذكرت ليان الي صار معها من دقايق ورجعت خصله من شعرها على ورا وبدت ترقع الموضوع وقالت : لا بس المندوب ضيع شوي طلعت الجوهره جوالها والتقطت كم صوره للجلسه بعدها مدت العنود يدها تاخذ فطيرة جبن واعطتها نايف الي كان جالس على جوالها سكرت الجوهره جوالها ولفت على نايف وقالت بصوت طفولي : وزييينو الي ياكل اناااا لفت العنود على الجوهره وقالت : اتركيه ياكل يا ورعه لفت لين على لطيفه الي كان وجهها احمر وشاده على بطنها وتبكي على الصامت نطت لين عند لطيفه وقالت : بسم الله لطوف شفيك !! اشرت لطيفه على بطنها بدون اي كلمه وقالت لين : بطنك ؟ تجمعو البنات حول لطيفه كلهم وراحت نوف تجيب مويه وعطتها لطيفه على طول ثم مشت تاخذ جوالها من الارض وتتصل على عبدالله عبدالله : هلا بشرايين قلبي نوفي نوف : عبدالله بسرعه شغل سيارتك لطيفه تعبانه عبدالله : مين ؟ لطيفه زوجتي انا ؟ زوجتي ؟ نوف : ايييه لطيفه زوجتك خلصني ! جلست لين بجانب لطيفه الي ميته صياح وراحت ساره تجيب عبايتها وتلبسها لين : ساره اجلسي عندها شوي بجيب عبايتي بروح معها ماقدر والله مشت لين متوجهه لاغراضها ولبست عبايتها وقومت لطيفه معها وطلعو برا حاوط عبدالله كتوفها ومن الجهه الاخرى نفس الشي سلمان يحاوط كتوفها ويمشون معها شوي شوي وخلفهم لين نرجع للبنات الي كانو على اعصابهم وخايفين دقت العنود على راكان وقالت : شرايك نروح لان نايف حبيبي خاف مره راكان : يلا اجل اطلعو قامت العنود تلبس عبايتها وقالت : انا بروح عشان نيوفي خايف شوي ودعوها البنت ومدت يدها لنايف عشان يمسكها وطلعو برا لركان وفتحت الباب لنايف عشان يركب وجلسته بالكرسي حقه وقفلت عليه حزام الامان بعدها ركبت قدام بدون اي كلمه لحد ماوصلو البيت ونزل راكان ينزل نايف من السياره وخلفهم العنود دخلو البيت ومشو كلهم مع بعض المصعد وقال نايف : بروح اجيب العابي ونلعب مع بعض اوكيه ؟ ابتسمت العنود وقالت : اوكيه تمام مسكت العنود مقبض الباب تفتحه ودخلت وسكرت الباب وفصخت عبايتها ورمتها على السرير وتوجهت للمرايا تتامل نفسها بفستان قصير وفيه حزام عند الخصر شدت الحزام على خصرها وطلعت الروج تعدله لفت من حست الباب ينفتح وتوقعته نايف لكن طلع راكان تجمدت بمكانها وماعرفت وش تسوي توترت من حست بنظراته على شفايفها بدا يقرب منها وحاولت تلهي نفسها لين ما تكلمت وقالت : تبي شي ؟ وقفت العنود وسكرت شنطة المكيب بعد ماحطت الروج توترت من حست بيد تدور حول خصرها وتشدها بناحيته مسك فكها ورفع عيونه له وقال : ماتوقعت عيونك كذا ! توسعت عيون العنود وحطت يدها على صدره ودفعته بقوه عنها وقالت : خيير وين قاعدين حنا !! لا تنسى اني مغصوبه عليك عشان تحميني ولو ايش مارح تلمسني ! احتدت ملامح راكان وقال : ولا تنسين اني انا مغصوب عليك واني احميك ! ولا انا وش ابي بوحده مثلك اصلا ؟ حست العنود بغصه لكن تجنبتها وقالت : اجل ليه تزوجتني ليه ! اعتلى صوت راكان وقال : مين قال اني انا تزوجتك ابوي حطني بالامر الواقع قدام الرجاجيل وقال بنخطب بنتكم حق ولدنا ولا انا ماطقيت لك خبر ولا فكرت فيك يا محور الكون انتي ! تجمعت الدموع بعيونها وضاقت الدنيا عليها من رمى عليها الكلام ذا كله وقالت : كل ذا الكلام بقلبك علي ! تنهد راكان وقال : انتي الي جبتيها لنفسك صدقيني يالعنود نزلت دموع العنود وغطت وجهها بكفوف يدها وجلست على السرير تبكي اما راكان طلع من الغرفه وقابل قدامه نايف ابتسم من شافه ماسك سلة العاب تقدم له راكان واخذه لحضنه وقال : شرايك نبدل وننام ؟ بوّز نايف وقال : بس انا بلعب مع عنودي ! راكان بانفعال : والله ! وصرنا نقول عنودي بعد اخس يا نيوفي ، عنودي على قولتك تعبانه شوي بطنها يعورها وبتنام تكتف نايف وقال : اوف ياخي ضحك راكان على حركات نايف ودخل على غرفة نايف وحطه على السرير ومشى للدولاب يطلع له بجامه ثم توجهه له ولبسه بجامته وقال : خلصنا ! اخذ نايف دبدوبه بحضنه وقال : نبي ننام عندك ! ابتسم راكان واشر على خشمه وقال : ابشر على هالخشم مد راكان يده حق نايف ومشو الى غرفة راكان وبدا نايف ينط على السرير ضحك راكان على نايف واخذ منشفته ودخل الحمام ( الله يكرمكم ) ماهي دقايق الا وخلص من الشاور وطلع من الحمام وهو ينشف شعره وابتسم من شاف نايف بسابع نومه انسدح بجانبه وكان باله وقلبه معها هي _________________________________ بالسياره | كان عبدالله الي يسوق وقدام سلمان وخلفهم لين جالسه وعلى رجولها لطيفه لف عبدالله عليهم وقال : شوي ونوصل تحملي يا عيوني لطيفه بصراخ : يألممممم ماقدرررر عبدااالله شدت لطيفه على يد لين وبدت تصارخ من الآم الي درعم عليها فجاه واخيرا وصلو المستشفى ونزل عبدالله ركض يجيب عربيه من داخل اما لين وسلمان كانو ينزلون لطيفه من السياره لين جا عبدالله وجلسوها على العربيه وبدا عبدالله يدفها ولين ماسكه يدها وخلفهم لين جو الدكاتره واخذو لطيفه للطوارئ اما عبدالله جلس بالارض عند الباب وغطى وجهه بكفوف يديه وبدا يدعي لها ولطفله بعد اما سلمان كان واقف بجنبه وقدامه على الكرسي لين الي عينها شوي وتطلع من البكي قامت من الكرسي متوجهه للحمام وقفت عند المغسله وفكت نقابها وغسلت وجهها من البكاء سكرت المويه واخذت منديل تنشف وجهها ورجعت تلبس نقابها مره ثانيه وطلعت من الحمام وصادفت سلمان بيده مويه رفع راسه من شافها طلعت من الحمام وتقدم لها ومد يده الي فيها المويه وقال : خذي مدت يدها تاخذ المويه تشربها وجلست على الكرسي وجلس بجانبها سلمان سلمان : متى تبين اجي ؟ لفت عليه لين وقالت : مافهمت وين تجي ؟ ابتسم سلمان وقال : اخطبك توسعت عيون لين وقالت : اص اص انت وش قاعد تقول !! سلمان بانفعال : انا ماقلت شي غلط الحين سكرت لين عيونها تمنع الغضب عنها وقالت : ياخي تعال اي وقت الزبده قفل الموضوع ! ابتسم سلمان وقال : يعني بتوافقين ؟ لين بحده : سلمان ! قلت لك قفل الموضوع خلاص اذا خطبتني ساعتها يصير خير ________________________________ بيت الجد عبدالله تحديدا غرفة ساره | انسدحت الجوهره وقالت : يمه والله خايفه على لطيفه اخاف تخسر طفلها ولا شي شهقت ساره وضربت الجوهره وقالت : اص ! الله لا يقوله إن شاءالله! تنهدت الجوهره وقالت : من بعد سالفة الكندر ما تكلمنا عقدت ساره حواجبها وقالت : وي ليه سلامات ؟ غطت الجوهره وجهها وقالت : مدري ابتسمت ساره وقالت : احسن عشان تشتاقون لبعض قاطعهم صوت دق الباب وقالت ساره : شكل صوتنا عالي وجت امي ، تفضل ! هتان : سوير انا هتان توسعت عيون الجوهره وقالت : يمه بطني ساره ابتسمت ساره بخبث وقالت : ادخل ! فتح الباب هتان ودخل الغرفه وابتسم من شاف الجوهره برضو موجوده تقدم للسرير وقال : فين الشاحن ؟ رفعت ساره حاجبها وقالت : اعطيتك هوه يا هو عقدت الجوهره حواجبها من تغيرت لغتهم وكتمت ضحكتها على طول ___________________________ نكمل بعدين حبايبي ❤️ نزلت يومين ورا بعض يعني وشو ؟ يعني نسحب يييوميين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
