جيتيني مثل الشروق الي محى عتم الليالي

Part 25

____________________________
سلمان : تبون اقول مين ؟
عبدالرحمن بعصبيه : اجل شرايك ؟
سعد : اذا انا اخوه مادري من ذي
ضحك سلمان وقال : لين
شهق هتان وقال : ولعننننه عرفت تختاااررر !!
سلمان بحده : ولعنه انت قل ماشاءالله !
رفع حاجبه هتان وقال : ليه من هي ؟ بالنسبه لي عاديه الصراحه ماهي مزه مزه مره
تنهد سلمان بكل حب وقال : هي قلبي كله
توسعت عيون فارس وقال : والله انك مو سهل !!
_______________________
نرجع للبنات بغرفة لطيفه |
ضحكت ساره وقالت : بس مقدر مقدر تضحك !
ليان بحده : وانا صادقه يعني من قام يلبس برتقالي فاقع ؟ ولا كعب فسفوري !
ابتسمت لطيفه وقالت : خلاص كفايه حش اعتقو الناس !
رفعت حاجبها نوف وقالت : احلفي عاد ؟ انتي شايفه الاشكال الي بعرسك !
لطيفه رجعت شعرها على ورا وقالت : شفت يعني بس اسكتو الله لا يبلانا
ضحكت الجوهره : يمه تذكرت جدددتي وهي ترقص مع الشيبات هههههههههه
نوف ضربت الجوهره وهي تضحك وقالت : بس بس اهجدي
ناظرت لين ساعتها وقالت : مو كان تاخرنا ؟
نوف قامت تلبس عبايتها وقالت : يلا يلا
لطيفه قامت معهم : وقالت تو الناس !
نوف : والله شوفي
مامداها تكمل كلامها الا فزت لطيفه ركض للحمام ويدها على فمها
ساره : يمه شفيها ؟
نوف راحت ركض للطيفه الي كانت تطرش بالمغسلة وقالت : شفيك لطوووف
رفعت لطيفه راسها وكان وجهها اصفر وقالت : مدري بطني يعورني من فتره واحس بغثيان
شهقت نوف وقالت : ليكون حامل !!!
توسعت عيون لطيفه وقالت : يارب لاااا مو ناقصه
نوف : لا لا لازم نجرب
لطيفه : ماعندي جهاز حمل طيب !
طلعت نوف جوالها وفتحت تطبيق الصيدليه وطلبت جهاز حمل وقالت : طلبت معليك
لطيفه : ول ول !
ضحكت نوف ومسكت لطيفه معها وراحو للبنات
لين : صدقيني اعراض الحمل ذي !
خافت لطيفه وقالت : بنات خلاااص لا تخوفوني
نوف : طلبت جهاز حمل بيوصل بعد 10 دقايق
مرت عشر دقايق وجا اتصال لنوف وردت : برا ؟
المندوب : ايوه برا
نوف : تمام
لبست عبايتها ونزلت تحت واخذت من المندوب وسكرت الباب ولفت وكان فارس واقف وراها وشهقت نوف : يمه شتسوي انت ؟
فارس : وشو ذا ؟
استوعبت نوف وحطت الكيسة ورا ظهرها وقالت : ولا شي شتبي ؟
سحب فارس الكيسه وطلع جهاز الحمل بيده وقال : متى سويتها فيتس عشان تتاكدين ؟
سحبت نوف منه الجهاز وقالت : ماهووو لي ذا انقلع
دفته من وجهها وراحت للبنات ركض وقالت : يلا لطيفه قومي قومي !
قامت لطيفه وخذت الجهاز من نوف ودخلت الحمام تحلل وطلعت وقالت : لازم انتظر 3 دقايق
وطول الـ3 دقايق البنات جالسين على اعصابهم فجاه رن المؤقت وقالت لين : يلا يلا روحي شوفي
دخلت لطيفه مره ثانيه وخذت الجهاز وغطته بيدها عشان تشوف النتيجه مع البنات وتجمعو عليها وقالو كلهم بصوت واحد : واحد اثنين ثلاثه
بعدت لطيفه يدها وكانت النتيجه خطين احمر يعني حامل وصرخو البنات كلهم ونزلت عيون لطيفه وقالت : يمه بصير ام يا بنات
حضنتها الجوهره وهي تبكي وتقول : احسسسن واطيب ام بالعاااالم
كلهم حضنو بعض حضن جماعي ونزلو يخبرون ام لطيفه
لطيفه : ماما اسمعي عندي لك خبر
منال : هاه انطقي ؟
طلعت لطيفه الجهاز وحطته بوجه امها وقالت : انا حااامل !
نزلت دموع منال وحضنت بنتها من كل قلبها وقالت : يا حبيبتي انتي الله يتمم كل على خييير
لطيفه : بس مارح اقول حق احد لين اقول لعبدالله ونروح المستشفى نتاكد
راحو البنات البيت وراهم العيال وركب عبدالله السياره مع لطيفه وكان الهدوء بالسياره مسيطر
وصلو البيت وراحو فوق بحكم انهم ينامون فصخت لطيفه عبايتها وراحت تبدل ولبست بجامه حرير خيط وشورت لونهم ابيض ونثرت شعرها على ظهرها ومسحت مكياجها وحطت كريم ومرطب وعطر وجلست بالسرير اما عبدالله كان يتروش وطلع من الحمام ( الله يكرمكم ) وشعره مبلول والمنشفه على خصره وراح يبدل ولبس تيشرت اسود وشورت ابيض وخذ كتابه ونظراته وبدا يقرا اما لطيفه كانت تفكر كيف تقول له انها حامل ولفت عليه وقالت : عبدالله
فصخ عبدالله نظارته ولف عليها وقال : ابوي انتي امري ؟
لطيفه توترت وشابكت يدينها ببعض ونزلت راسها وجا شعرها على وجهها ومسك عبدالله شعرها يبعده عن وجهها وقال : شفيك ؟ في شي مزعلك ؟
قالت لطيفه : لا لا بس
عبدالله : اسمعك
حطت لطيفه يدها تحت المخده وطلعت جهاز الحمل وحطته بوجه عبدالله وقالت : انا حامل
عبدالله ماكان مستوعب الي تقوله وقال : وشو ؟
قالت لطيفه : حامل حاملللل !!
نزلت دموع عبدالله لاول مره قدام لطيفه وحضنها بكل مافيه وطبع بوسه عند رقبتها وحست بشي سائل وقالت : عبدالله تبكي !!!
بعد عبدالله من لطيفه وبدات لطيفه تمسح دموعها وهي تقول : المفروض تنبسط مو تبكي !
ابتسم عبدالله وقال : دموع فرح دموع فرررح
لطيفه : اوكيه اسمع بكره نروح نتاكد بالمستشفى
عبدالله: تمام
حضن عبدالله لطيفه ونامو وهم الفرحه مسيطره عليهم واخيرا رح يجيهم فرد ثالث
__________________________________
نرجع للبنات |
تنهدت ليان وقالت : اههخ بس متى نروح الديره
نوف بقرف : يع مارحتها ولا ابي اروح لها
ليان : ياليل عاد بنت جده
عدلت جلستها نوف وقالت : هاذا الصدق بعد تقرف ومافيها شي لا كوفيهات ولا شي
ليان : وانتي هاذا الي همتس؟
الجوهره حطت راسها على كتف لين وقالت : وربي اشتقت للاسطبل والمزرعه بكبرها
فزت نوف وقالت : فيها اسطبل !!!!
لين : ايوه مزرعة جدي كبيييره وفيها اسطبل بعد وخيول وفارس عنده خيل بعد
نوف حطت يدينها عند خدودها وقالت : ابببغى طيييب
ساره بخبث : اذا تبغين لازم نروح الديره
نوف وقفت وقالت : اسمعو نبي نروح الديره
رفعت الجوهره حاجبها وقالت : عشان الاسطبل
نوف : تقريبا
فزت ليان وقالت : خلنا نقول لجدي قومو !
فزو البنات كلهم تحت وشافو جدهم وجدتهم جالسين وجلسو كلهم وكل وحده تقول للثانيه انتي تكلمي
نوف : خلاص بقول انا
الجد عبدالله : علامكم انتو ؟
توهقت نوف وقالت : ااءء جدي اسمع
الجد عبدالله : امري
نوف قالتها بسرعة البرق : نبي نروح الديره
ضحك الجد عبدالله وقال : ماعاد صارت مفاجاه تدرون ان بنروح الديره ؟
فزو البنات كلهم مبسوطين وباسو راس جدهم وجدتهم وراحو فوق لاجل انهم بينامون
__________________________________
اليوم الثاني |
بالسياره عند عبدالله ولطيفه كانو طالعين من المستشفى بيدهم صورة الجنين وكانو مبسوطين متجهين بيت الجد بحكم انهم بيروحون الديره معهم والبيت كان حوسه من الشناط والاغراض لكن البنات ماكانو يدرون انه اليوم وقامو على صوت صراخ عمتهم مزنه وهي تقول : قومو قامت عليكم القيامه !!! الناس برا وانتم خامدين !
فتحت الجوهره عينها وقالت : شسالفه خير !
مزنه بعصبيه : قومو تركو بنروح الديره !
فزو البنات بصوت واحد : ااايششش !!
نوف : سلامات سلامات محد قال لنا ماتجهزززنا !!
مزنه : قومو انتي وياها وانجزو الحين
فزو البنات يطلعون شناط لهم ويرتبون ملابسهم والعالم كلها برا ننتظرهم
________
تحت بالصاله |
دخل عبدالله مع لطيفه وقال باعلى صوت : الحمدالله حاب ابلغكم يا اهلي بجينا ورع جديد
فزو الاهل كلهم يباركون لعبدالله ولطيفه والكل مبسوط
راحت لطيفه فوق الدور الرابع للبنات وكان حوووسه كل وحده تراكض من جهه وقالت : وانتو علامكم !
نوف بعصبيه : تخيلي بس توهم يقولون بنروح الديره وتونا نجهز ملابسنا
ضحكت لطيفه : اههخ يالغدره
لفت الجوهره على لطيفه وقالت : تكفين انطمي لا اطيح ولدتس
سكتت لطيفه وهي كاتمه ضحكتها على البنات الي محيوسين
خلصت نوف وجلست وحطت راسها على كتف لطيفه وهي ميييته تعب بعدها خلصو البنات ونزلو تحت وركبو السيارت وكان الترتيب كالاتي - سيارة فارس فيها البنات وسيارة عبدالله الامهات وسياره عبدالرحمن الابهات وسياره هتان العيال وتوجهو للديره تحديدا مزرعة الجد -

الباااارت قصير ادري بس مشوها 🥹

تعالووو انستا بنوتاتي 💕💕💕