جيتيني مثل الشروق الي محى عتم الليالي

Part 57

—
______________________________
ابتسم سعد بخفه وقال : ذا ؟
رفعت راسها ليان عشان تشوف مصدر الصوت ومين هاذا الشخص لكن تجمدت بمكانها من جت عينها بعينه وهو ماسك الخاتم بلع ريقه من حس انه زودها شوي صد وبدا يستغفر اعطاها ظهره ورجع يده على ورا وقال : تعالي خذيه بدت تتقدم خطوه خطوه لاجل تاخذ الخاتم تلامست يدها بيده تنحنح وقال : جيبي شماغ عبدالله اذا ماعليك امر بلعت ريقها ودخلت داخل سكرت الباب وسندت ظهرها عليها اخذت لها نفس تستوعب الي صار بالظبط مشت تاخذ شماغ عبدالله المعلق على الدولاب وقفت خلف الباب وقالت : سعـ...د تعال ! ابتسم بخفه ولف ظهره يشوفها مطلعه يدها من الباب اخذ الشماغ وضحك بسخريه : عقب ويش شقتك !
رفعت حاجبها وقالت : لا ياشيخ ؟ عاجبك يعني
تكتف وقال : جدا ! توسعت عيونها وسكرت الباب لكن فتحته اول ماسمعته يصارخ شدت قبضتها وهمست : يارب ماسكرت على يده ! سكر عيونه يمنع الالم ونطق بصعوبه : وجعاه ! انا وش قايل عشان تسكرين على يدي كذا ؟ بلعت ريقها وقالت : يا...ااخي ماكنـ...ـت ادري فتح عيونه ناظر يده عض على شفته من طلع الدم ونطق بصعوبه : طيب تدرين انه طلع دم ؟ شهقت ليان وقالت : دقيـ..ـقه !
راحت تلبس عبايتها واخذت الصيدليه المتواجده على احدى الكراسي في المطبخ طلعت برا وشافته جالس يناظر يده وهي تنزف اخذت لها نفس ومشت له ناظرت الارض بحياء وقالت : قم داخل المطبخ الخلفي الافضل ان محد يشوفنا ويفهمنا غلط .. قام بدون تصدر منه اي كلمه يحس بيده انه تنبض صدق انها مرات تكون خفيفه لكن في ناس ماتتحمل او على حسب الباب ماعلينا سحب احدى الكراسي وجلس عليها حطت الصيدليه على الطاوله وفتحتها تطلع اللزق والمسحات الطبيه المعقمه على الطاوله قالت : اشوف يدك ! مد يده وعضت شفتها من الدم اخذت لها نفس وبدت تعقم الجرح بالمسحه وبنفس الوقت تناظر تعابير وجهه خوفاً انه يحرقه لكن كان غير متفاعل ابدا ريحها هالشي وكملت لكن سعد مسك ضحكته على شكلها بالعبايه كانت منفوخه بسبب الفستان عقدت حواجبها وقالت : وشو الي يضحك ؟ تنهد وقال : شكلتس ! ناظرت شكلها وقالت : شفيه ؟ ضحك بسخريه : ياعزتي للفستان الي منفختس انتي وعبايتس طيرت عيونها تسكر الصيدليه وقالت : خلصنا ترا قام من الكرسي وقال : تجهزي اسبوع بالكثير وجايكم طلع من المطبخ بدون اي كلمه زايده تجمدت ليان بمكانها استوعب كلامه الي كانه الغاز
_______________________________
بغرفة ساره -
سكرت نوف عقد ساره وقالت : جاهزه لفت ساره على نوف وقالت : لا ضحكت نوف وقالت : ترا شي طبيعي التوتر بس انتي لفل توتر الله يهديك ! دخلت مرام الغرفه وقالت : يلا يا بنات عبدالله جاي ومعه العقد بدت ساره تفرك يدينها من التوتر دخل عبدالله واول ماطاحت عينه على ساره ابتسم وتقدم يبوس راسها ويحط العقد بحضنها اخذت لها نفس مسكت القلم كانت يدينها ترتجف بشكل مبالغ فيه تقريبا وقعت واستقبلتها احضان نوف بدت مرام تزغرط فرحو كل المتواجدين بسبب زغرطت مرام طلعو جمعيهم من الغرفه متوجهين للصاله الرئيسيه طلعو قبل ساره طفت انوار الصاله دليل على دخولها تغير اتجاه الانوار الى الباب الي رح تطلع منه انفتح الباب وشدت على مسكتها مشت مع الحان الزفه لين وصلت للكوشه المزينه بالورود عدلت فستانها بمساعدة نوف وجلست على الكوشه كانت خاطفه الانظار بجمالها بالفستان الابيض البسيط بحكم انه كان اختيارها حفله بسيطه فقط بين الاهل بدت تجيها التباريك ويسلمون عليها برضو بدا شوط الاغاني شاشات روس العنود مع ليان الصاله كانت بيدهم هم رقصو بشعورهم والانظار عليهم هم اما لطيفه ونوف وساره كانو معززين فقط طلعت الجوهره من المطبخ وشافت ليان والعنود يرقصون شاش راس بنتا المطيريه وانضمت معهم فضت الصاله من الاشخاص لانهم بالخارج يتعشون دخلت نوف الصاله مع صحن سلطه جلست بالارض وحطت الصحن بحضنها تاكل تنهدت الجوهره وقالت : وراحت ساره العنود بحده : والحين عاد باقي ليان العوبه ذي ضحكت لطيفه وقالت : بس عاد ماباقي الا سعد يا ليان يعني مكتوبين حق بعض بلعت ليان ريقها وحمرّت خدودها من طاري سعد غمزت نوف وقالت : شعندك وجهك قلب احمر ؟ حاولت توقعها وقالت بحده : شتقصدين ؟ مافيني شي ترا عقدت الجوهره حواجبها وقالت : ايوه ! شعندها تاكل سلطه الـ Healthy girl ! < البنت الصحيه > رفعت نوف راسها وقالت : والله انا من يومي Healthy <صحيه> يماما
_______________________________
ضحك هتان وقال : شف شف وجهه سعد ضحكو ثنينهم على وجه سعد وهو يهوجس لف عليهم سعد وقال : شفيكم ؟ غمز فارس وقال : شعندك تهوجس ؟ابتسم بخفه من طرت بباله لكن حاول يرقعها وقال : الواحد مايهوجس بحياته فز هتان وقال : اهاااا حياته قال يعني في بنت بحياته توسعت عيون سعد وقال : ارفع علومك اقول ! ضرب هتان كتف سعد وقال : علينا يالحب علينا ! تقدم لهم عبدالله وقال : ماتبون تتعشون ؟ اشر سعد بيده لا
عقد عبدالله حواجبه وقال : علامك ماتبي ؟ ابك انت تاكل الاخضر واليابس فوق ذا مايبين فيك شي
تنهد سعد وقال : ياولد اذكر ربك انت شفيك ! اشّر عبدالله بيده ( ✋🏼 ) وحط الجوال باذنه ضحك هتان وقال : شكل ام العيال دقت هههههههههه
_____________________________
خلصت المناسبه السعيده للجميع وقررو ينامون ببيت الجده عشان فقرة الحش المفضله للجميع
سندت ظهرها على الكنب وقالت : ابك دبلت كبدي ادوشتني كل شوي تقولي متزوجه متزوجه وانا ابتسم لها مدري وش اقول نزلت الملعقه على الصحن بعد ماكلته وقالت : ليان حبي ترا سهله كان قلتي لا ليان بحده : العنود ! تراني انسانه فجاه اقول العكس يعني لو تكلمت كان قلت اي ! الجوهره بقرف : بببنااات شفتو سُميه ؟ تفشششل !! نوف بانفعال : ااااييي مسويه خاطفه الانظار وهاذا وجهي اذا مايحشون فيها ! تنهدت العنود وقالت : استغفرالله ياربي هاذي ماتناظر نفسها ؟ تصنعت لطيفه البكاء وقالت : يالله ! شسوي يماما انتي ؟
رفعت العنود حاجبها وقالت : شفيك ؟ بدت تهز الدانه وقالت : الدانه ماهي راضيه تنام قالت ليان بسخريه : اكيد مارح انام وانتي جايبتها عند الاصوات اذلفي انتي وهي داخل ضحكت نوف وقالت : ماتبي يفوتها شي ! تاففت لطيفه واخذت الدانه وراحت داخل تنومها سكرت الجوهره جوالها وقالت بحده : هتان ودي اذبحه مزعجني اشتقت لك اشتقت لك مانام بدونك مدري وش يهبد واذا صرت معه طلع وخلاني بروحي ! توسعت عيون نوف وقالت : هتان يقول كذا ! اخ يالخروف بس
_______________________________
بالفندق |
حطت المسك عند خدها كاخر لمسه كانت لابسه طقم حرير لونه ابيض ترردت تروح الغرفه الثانيه بحكم لبسها القصير اخذت لها نفس وطلعت للصاله حط عبدالرحمن يده على راسه وقال بدون يلف عليها : جالس ادور مطعم جااامد تقدمت ساره تجلس بجانبه وكانت راصه على رجلينها حس فيها تجلس جنبه ولف عليها بلع ريقه من طاحت عينه على فخوذها صّد بسرعه وناظر جواله يلهي نفسه عن شكلها كان عارف انها مستحيه وخايفه من هالليله بذات فـ حب انه يتركها براحتها ولا يلمسها مع انه وده لكن كان واضح عليها الخوف وماحب يضغط عليها ...
________________
نكمل بعدين حبايبي ❤️
ادري طولت عليكم لكن مو بيييدي والله العظيييم يا جماعه وادري البارت يمكن قصير لكن هاذا الي قدرت عليه شي احسن من لا شي صح ولا ؟
عطوني رايكم بالبارت ولا ننسى النجمه -⭐️- !
الانستا / 7ilox8u