— __________________________________ المزرعه تحديدا غرفة البنات | البنات كانو كل وحده بزاويه يتجهزون حق عزيمة حريم الديره نوف طلعت توب وبنطلون ابيض من شنطتها وحطته على فراشها بالارض وقالت : انا خلصت ميكب بلبس فستاني ! لفت عليها ساره وقالت : بتلبسين ذا عند حريم الديره ؟ عقدت نوف حواجبها وقالت : ايوه وليه ؟ ساره لفت تدور اكسسواراتها وقالت : مانصحك بس عارفه مارح تقتنعين نوف : كويس عرفتي خذت نوف ملابسها وراحت تلبسها وطلعت من الحمام ( الله يكرمكم) وقالت : شرايكم رفعت راسها الجوهره وقالت : عسسسووووله ابتسمت نوف وناظرت ب ليان الي كانت لابسه توب زيتي فاتح مع بنطلون زيتي غامق وشعرها الاسود الطويل مفرود وقالت : ليااااني تهبلين لفت عليها ليان وابتسمت اما ساره قالت : ماتحسون ان اوفر نلبس كذا عند بنات الديره ؟ ضحكت الجوهره وقالت : انتو توكم مستجدين ماتدرون اننا نلبس كذا وينقدون علينا كل مره ونلبس عادي ابتسمت ساره وقالت : حمدالله خذت ليان جوالها وقالت : نوف تجين معي ؟ مسكت نوف يد ليان وقالت لطيفه : اصبروني بلبس حلقي واجي معكم لبست لطيفه حلقها وتوجهت للبنات وقالت نوف : الله الله شذا الزززين لطيفه لطيفه كانت لابسه توب ابيض مع بنطلون بيج وشعرها الاسود متوسط كان ستريت ومفرود طلعو البنات للصاله الي كانت نظيفه وتتبخر دخلو البنات المطبخ يساعدون بالتقديمات فجاه دق الباب الخلفي للمطبخ منال : ليان امي افتحي الباب شوفي من لفت ليان وقالت : ان شاءالله عمتي توجهت ليان للباب وفتحته رفع سعد راسه وجت عينه بعين ليان اما ليان توسعت عيونها وسكرت الباب بسرعه منال : علامتس ليان ؟ رجعت ليان شعرها على ورا وقالت : سعد طلع بوجهي ابتسمت منال واخذت القهوه وقالت : افتحي الباب بعطيه القهوه فتحت ليان الباب ورجعت على ورا سعد اخذت القهوه وباس راس امه وقال : جعل يدس ماتمسها النار ابتسمت منال وقالت : اعجبتك ؟ رفع سعد حواجبه وقال : من تقصدين يما ؟ ضحكت منال وقالت : الي قبل شوي فتحت لك الباب جت ليان على بال سعد وتذكر كل تفاصيلها وقال : حيلوه يعني منال : حليوه ولا حلوه ؟ ضحك سعد وقال : الصراحه حلوه ابتسمت منال وقالت : اعرف لك انا سكرت منال الباب وكملت شغلها مع الباقي اما بالصاله عند نوف وليان نوف ناظرت ب ليان الي كانت تهوجس وقالت : انتي من فتحتي الباب حق سعد وانتي مو طبيعيه لفت ليان وقالت : هاه ؟ لا شدخل ! غمزت نوف وقالت : علينا علينا ؟ طنشتها ليان الا دخلو الثلاثي ساره ولين والجوهره جلست الجوهره بجانب لين وقالت : وين لطيفه ؟ نوف : تكرف بالمطبخ توسعت عيون ساره : صاحين انتم البنت حامل ؟ ليان بحده : وحنا وش دخلنا هي الي اصرت لفت ليان على لين وقالت : ليه لابسه شبه لوني ؟ لين كانت لابسه اصفر على اخضر معرف وش اسم اللون بس فيه من فوق نفسه عند الصدر ولابسه تحت بنطلون اسود وشعرها البني ويفي _ اما الجوهره لابسه فستان ابيض ضيق وساده وشعرها البني مع خصل لونها افتح ومن الاطراف ويفي _ اما ساره كانت لابسه تيشرت كحلي ضيق مع جينز وشعرها الاسود الطويل كان ويفي _ لين : وع عليك وعلى لونك ! الجده ساره بصوت عالي : يا هلا ومسهلا حياكم اقلطو دخلو ثلاث حريم مع بناتهم وجلسو _____________________ اول وحده ام ناصر هاذي ماتم وحده ماخطبتها لعيالها ناصر عمره 25 كلمة حقير قليله بحقه نواف عمره 23 نواف غييير عن اخوه تماما واحد محترم ومؤدب وتفكيره هو ووعد غير عن باقي اخوانه وعد عمرها 20 بنت جميله جدا ومظلومه تحب اخوها نواف وتفكيرها هي معه غير عن افراد العايله هم الوحيدين العاقلين بالعيله مها عمرها 18 برضو كلمة حقيره قليله عليها وحده طويلة لسان خرابة بيوت _ ثاني وحده ام تركي هاذي نقالة علوم الديره كل علوم اهل الديره عند ام تركي تركي عمره 24 انسان مهتم بنفسه واهله ودراسته اريج عمرها 19 اقصى احلامها تدرس برا السعوديه بنت حلوه وجميله ومهتمه بنفسها _ ثالث وحده ام احمد هاذي عاد حالها حال نفسها همها تروح كل عزايم اهل الديره احمد عمره 26 انسان بارد ومايعجبه العجب بشاير عمرها 18 دامها مصادقه مها اكيد انها حقيره نفس مها وليد عمره 15 مراهق وهمه الوحيد ينحاش من الحصه _________________________________ ام ناصر : وينكم مغيبين عن الديره ؟ الجده ساره : والله انشغلنا برجعت ولدي صالح ام تركي : ماشاءالله تو ماقرت عينكم ابتسمت الجده ساره واشرت على مرام وقالت : هاذي زوجة ولدي صالح ابتسمت ام ناصر وعينها على نوف وساره وقالت : واكيد ذول عيالهم لان ماشاءالله حليوين الجده ساره : وصلتي خير ذول بناتهم قامت نوف وسلمت وبعدها ساره على طول مها بهمس : ولعنه يا بشاير شايفه لبسها ! بشاير : تلق تلق جمال ! حطت مها رجل على رجل وقالت : مو احلى مني طبعا ! نروح عند زاوية البنات نوف : ولعنه ذي ام ازرق شتبي تخز ؟ الجوهره بهمس : ذي مها خرررابة بيوت وحقيييره وتحب شسمه نوف رجعت شعرها على ورا وقالت : من تحب ؟ الجوهره حكت راسها وقالت : فارس عقدت نوف حواجبها وقالت : قلنا فارس حلو بس مو الكل يحبه عاد ؟ بشاير بهمس : قومي نجلس عندهم مها : قومي يلا قامو بشاير ومها وجلسو بجانب البنات وقالت مها : شخباركم بنات ؟ كلهم بصوت واحد : بخير ابتسمو مها وبشاير ناظرت مها بنص عين وقالت : ذول الي جالسين اخر شي بنات جده نوف وساره ؟ نوف بخبث : ايه بنات جده ؟ بشاير : تشرفنا فيكم ابتسمت ساره وهمست لنوف وقالت : نظرات الكرهه واضحه عندك خففيها نوف : دزي بس لفت مها على الجوهره وقالت : اسمعي الجوهره شخبار فارس ! ابتسمت الجوهره ابتسامه تسليكيه وقالت : الحمدالله بخير قاطعهم صوت فارس العالي : نوووووف قامت نوف وقالت بخبث : بشوف خطططيبي وش يبي تعمدت تشد على كلمة خطيبي قدام مها توسعت عيون مها وقالت : خطيبها ؟؟؟!!!!!! الجوهره بخبث : اوه ماتدرين فارس اخوي خطب نوف وعرسهم بعد اسبوعين ! ابتسمت مها وقالت : ايه الله يتمم لهم اما بداخلها حريق كانت تحب فارس حب محد يدري عنه الا بشاير وكانت تتمنى تصير ام عياله اما نوف راحت عند الباب وشافت فارس وقالت : وش فيك ؟ مسك فارس خصر نوف وقال : انتي لابسه ذا ؟ عقدت نوف حواجبها وقالت : ايه ؟ فارس : مو مقتنع بس جبتي راسي ابتسمت نوف وقالت : طيب شفيك الحين فارس مد شماغه وقال : معفس اكويه خذته نوف وقبل تروح طبعت بوسه على خد فارس وتوجهت للصاله وقالت : عمه وين كواية الملابس ؟ مريم : موجوده بغرفة جدتك راحت نوف اما ام ناصر همست لمريم وقالت : هاذي نوف ! تشبه ابوها وش زينها ! ابتسمت مريم وقالت : ايه يا بخت ولدي عقدت ام ناصر حواجبها وقالت : علامه ولدك ؟ مريم : ولدي فارس خطيبته نوف بنت عمه ام ناصر بقهر : راحت البنت ( بس باقي اختها ) طنشتها مريم وماقالت شي نروح لنوف الي طلعت من الغرفه وراحت عند فارس تعطيه الشماغ وقالت : خذ خذه فارس وقال : تسلمين يا ام الذيب لفت نوف وقالت : يع مارح اسمي ولدي الذيب ! ضحك فارس وقال : يصير خير حبيبتي رجعت نوف داخل وقالت : بنات الوضع صار مره خايس خلونا نطلع برا الجوهره خذت جوالها وقالت : يلا تم طلعو البنات برا بالجلسات وتو حريم الديره مابعد يروحون الا واستلموهم حش بشاير : قومي خلنا نجلس معهم برا مها : لا اصبري شوي قامت وعد جلست بجانب مها وهمست لها : والله لو تسوين شي حق نوف عشانها خطيبة فارس اني لا اعلم ابوي ________________________________ التكمله البارت الجاي 🔥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
